वेल्थ म्यानेजमेन्ट बन्यो एशियन लाइफको सहायक कम्पनी, बीमा क्षेत्रमै पहिलो मर्चेन्ट
काठमाडौं । एशियन लाइफ इन्स्योरेन्स र वेल्थ म्यानेजमेन्ट एण्ड मर्चेन्ट बैंकिङबीच सेयर लगानी स्वामित्व खरिद गर्ने सम्झौता भएको छ । उक्त सम्झौतापत्रमा एशियन लाइफ इन्स्योरेन्स कम्पनीको तर्फबाट प्रमुख कार्यकारी अधिकृत दिनेशलाल श्रेष्ठ र वेल्थ म्यानेजमेन्ट एण्ड मर्चेन्ट बैंकिङको तर्फबाट अध्यक्ष सचिन सिलवालले हस्ताक्षर गरेका हुन् । सोमबार आयोजित एक कार्यक्रममा एशियन लाइफले वेल्थ म्यानेजमेन्ट प्राप्ती गर्ने सम्झौता भएको हो । सम्झौतापत्रमा एशियन लाइफ इन्स्योरेन्स कम्पनीको तर्फबाट प्रमुख कार्यकारी अधिकृत दिनेशलाल श्रेष्ठ र वेल्थ म्यानेजमेन्ट एण्ड मर्चेन्ट बैंकिङको तर्फबाट अध्यक्ष सचिन सिलवालले हस्ताक्षर गरेका हुन् । यससँगै वेल्थ म्यानेजमेन्ट एण्ड मर्चेन्ट बैंकिङ लिमिटेडमा एशियन लाइफ इन्स्योरेन्स कम्पनीको ५१ प्रतिशत सेयर स्वामित्व कायम हुने छ । र, वेल्थ म्यानेजमेन्ट एण्ड मर्चेन्ट बैंकिङ बीमा क्षेत्रमा एशियन लाइफको पहिलो सहायक कम्पनी बन्न सफल भएको छ । स्वामित्व परिवर्तनपछि वेल्थ म्यानेजमेन्ट एण्ड मर्चेन्ट बैंकिङ लिमिटेडको नाम परिवर्तन गरी एशियन क्यापिटल लिमिटेड कायम हुनेछ । हाल लगानी व्यवस्थापन र निक्षेप सेवा ‘डिपी’ प्रदान गर्दै आएको वेल्थ म्यानेजमेन्ट एण्ड मर्चेन्ट बैंकिङले भविष्यमा नियामक निकायबाट स्वीकृती लिई अन्य मर्चेन्ट बैंकिङ सेवाहरु पनि प्रदान गर्ने लक्ष्य लिएको छ ।
प्रभु सेलेक्ट फण्ड सूचीकृत, भोलिदेखि किनबेच गर्न पाइने
काठमाडौं । प्रभु क्यापिटलको सामूहिक लगानी कोष योजना अन्तर्गतको प्रभु सेलेक्ट फण्ड सूचीकृत भएको छ । उक्त फण्ड आज(असार ७ गते) नेपाल स्टक एक्स्चेञ्जमा सूचीकृत भएको हो । नेप्से र प्रभु क्यापिटलबीच प्रति इकाई मूल्य १० रुपैयाँ कायम भएको १२ करोड ५० लाख इकाई सामूहिक लगानी कोष इकाई फण्ड सूचीकरण गर्ने सम्झौता भएको हो । यससँगै उक्त फण्ड भोलि मंगलबार अर्थात असार ८ गतेदेखि दोश्रो बजारमा कारोबार शुरु हुने छ । जसको लागि नेप्सले ‘पीएसएफ’ सिम्बोल दिएको छ । उक्त फण्ड बाँडफाँड भएकाे एक महिना नबित्दै दाेश्राे बजारमा सूचीकृत भएकाे हाे । क्यापिटलले हालै जारी गरेकाे १ अर्ब २५ करोड रुपैयाँको उक्त फण्ड गत जेठ १४ गते मात्र बाँडफाँड भएकाे थियाे । सम्बन्धित समाचार ८२ हजार बढीले पाए प्रभु सेलेक्ट फण्डको इकाई, यसरी हेर्न सकिन्छ नतिजा
धितोपत्र बोर्डको विज्ञप्ति विरुद्दको रिटमा सुनुवाई सकियो
काठमाडौं । नेपाल धितोपत्र बोर्डको विज्ञप्ति विरुद्द अहिले सर्वोच्च अदालतमा सुनुवाई सम्पन्न भएको छ । आज बिहान १० बजेका लागि तोकिएको पेशीमा सुनुवाई भई दिउँसो साढे २ बजे सुनुवाई सकिएको हो । रिट पेश गरेका अधिवत्ता रोविन बोहजुले सुनुवाई भइसकेको र अबको केही बेरमा आदेश आउने जानकारी गराएका हुन् । ‘हामीले राखेको रिटमा सुनुवाई भइसकेको छ, त्यसमा आदेश आउन बाँकी छ, हामीले राख्नु पर्ने सबै कुरा राखेका छौं, अबको केहीबेरमा आदेश आउला । हेरौं के आउँछ’, उनले विकासन्युजलाई जानकारी दिँदै भने । न्यायधिश डा. कुमार चेडालको इजलाशमा सुनुवाई भएको सो रिटमा अधिवक्ता रोविन बोहजु वहस गरेका थिए । अधिवक्ता बोहजुले नै धितोपत्र बोर्डले ५१ वटा कम्पनी जोखिमयुक्त भन्दै जारी गरेको विज्ञप्ति कानुन सम्मत नभएकोले उक्त विज्ञप्तिलाई बदर गर्न माग गरिएको उनले जनाए ।
