‘बाल सारथी’ लाई कुमारी बैंकको एक लाख रुपैयाँ सहयोग
काठमाडौं । कुमारी बैंक लिमिटेडले पशुपति गुह्येश्वरी परिसरमा अवस्थित “बाल सारथी” नाकम सामाजिक कल्याण उन्मुख गैर-सरकारी संस्थालाई आर्थिक सहयोग गरेको छ । बैंकले आफ्नो संस्थागत सामाजिक उत्तरदायित्व अन्तर्गत उक्त संस्थालाई एक लाख रुपैयाँ सहयोग गरेको हो । शुक्रबार बैंकका नायब प्रमुख कार्यकारी अधिकृत राजिब गिरिले सोही संस्थाका संस्थापकलाई उक्त रकमको चेक हस्तान्तरण गरेका छन् । संस्थाको प्रशंसनीय कार्यहरुलाई प्रोत्साहन दिएर, समाजलाई समावेशी विकासतर्फ धकेल्ने उद्देश्यका साथै बैंकले सहयोग गरेको हो । त्यसैगरी, संस्थाले गरिब, विपन्न, सडक बालबालिका र तिनीहरुका परिवारलाई लक्षित गरेर अनौपचारिक स्वास्थ्य एवम् शैक्षिक कार्यक्रमहरु पनि आयोजना गर्दै आएको छ ।
तीन दशकपछि जापानमा पहिलो पटक भारी वर्षा, २०४ जनाको मृत्यु
टोकियो । जापानमा भारी वर्षा र बाढीका कारण शुक्रबार बिहानसम्म २०४ जनाको मृत्यु भएको समाचार छ । जापान सरकारका प्रवक्ता यासिहिदे सुगाले शुक्रबार बिहान सो जानकारी गराएका छन् । यसमा परेर २८ जना व्यक्ति हराइरहेका छन् । हराएकाहरुको अवस्था कैयौँ दिनदेखि अज्ञात नै रहेकोले उनीहरु जिवीतै रहने सम्भावना नरहेको पनि प्रवक्ता सुगाले जानकारी दिएका छन् । विशेषगरी जापानको मोतोयामा जिल्लामा बाढीको प्रकोप बढी देखिएको छ । सो क्षेत्रमा मात्र १५० जनाको ज्यान गएको छ । उक्त क्षेत्र जापानको राजधानी टोकियोदेखि ६०० किलोमिटर पश्चिममा अवस्थित छ । त्यसपछि अरु क्षेत्रहरु हिरोसिमामा पनि बाढी र पहिरोको प्रकोप रहेको छ । जापानका धरैजसो स्थानमा विगत लामो समयपछिकै सबैभन्दा बढी वर्षा भएको छ । मौसमविदले वर्षा अझै नरोकिने जनाएकोले पहिरोको जोखिममा रहेका स्थानबाट स्थानीय व्यक्तिलाई सुरक्षित स्थानमा लगिएको वा सर्न निर्देशन दिइएको थियो । जापानी अधिकारीहरुले तीन दशकपछि जापानमा पहिलो पटक यति भारी मात्रामा वर्षा भएको जनाएका छन् । मौसमविद्हरुले बाढीको जोखिम अझै कायमै रहेको जनाएका पनि बताइएको छ । अविरल वर्षा र बाढीको प्रकोप केही दिनदेखि जारी रहेकोले उद्धारकार्य सुचारु गर्न सकिएको छैन । यस प्रकोपमा परी हराइरहेकाहरुको खोजीका लागि पनि वर्षाका कारण व्यवधान उत्पन्न भएको छ । प्रधानमन्त्री आबे बाढी प्रभावित क्षेत्रमा यसैबीच प्राप्त अर्को एक समाचारअनुसार जापानी प्रधानमन्त्री सिन्जो आबे जापानको बाढी प्रभावित क्षेत्र मोतोयामाको भ्रमणमा गएका छन् । प्रधानमन्त्री आबे शुक्रबार बाढीका कारण ठूलो क्षति पुगेको सो क्षेत्रमा पुगेका अधिकारीहरुले जनाएका छन् । उनले सो क्षेत्रमा पुगेर उद्धार र सहयोगका काममा भएका प्रगतिहरुको बारेमा जानकारी लिएका थिए । उनले उक्त बाढी प्रभावित क्षेत्रमा उद्धार र सहयोगका काममा लाग्न सरकारी अधिकारीहरुलाई निर्देशन दिएका हुन् । बाढी प्रभावित क्षेत्रमा सहयोग र उद्धारका लागि ७० हजार भन्दा बढी उद्धारकर्मी खटिरहेका छन् । बाढीले पुर्याएको क्षतिको आर्थिक लेखाजोखा भने भइसकेको छैन । बाढीका कारण निकै ठूलो जनधनको क्षति भएपछि प्रधानमन्त्री आबेले हालै मात्र आफ्नो विदेश भ्रमण रद्द गरेका थिए । उनी गएको बुधबार युरोपका केही देशको सताव्यापी भ्रमणमा जानुहुने पूर्व निर्धारित कार्यक्रम थियो । रासस/एएफपी
लालिगा खेल्ने ९ जना खेलाडी आइतबार विश्वकपको लागि भिड्दै
काठमाडौं । विश्वकप फाइनल खेलमा स्पेनीस लालिगाबाट व्यवसायिक खेल खेल्ने ९ जना खेलाडी पुगेका छन् । क्रोयोसिया र फ्रान्सका राष्ट्रिय ९ जना खेलाडीहरु स्पेनीस लालिगाबाट रियल मड्रिड, बार्सिलोना, एथ्लेटिको म्याड्रिड लगायत फुटबल क्लबबाट फुटबल खेल्दै आइरहेका छन् । रियल म्याड्रिडबाट खेल्ने क्रोयोसियाका लुका माड्रिक, कोभाकिच, फ्रान्सका राफेल भारान विश्वकप फाइनलमा एक अर्का विरुद्ध उत्रिने छन् । यसैगरी बार्सिलोनाबाट खेल्ने फ्रान्सका सामुयल उमटिटि, ओसामाने डेम्बेले र क्रोयोसियाका इभान राकेटिक कपका लागि एक अर्का विरुद्ध भिड्नेछन् । यस्तै एथ्लेटिको म्याड्रिडका एन्टोनी ग्रीजम्यान, लुका हर्नान्डेज र सिमे भार्सेल्जिको रहेका छन् । खेल नेपाली समय अनुसार आइतबार बेलुकी ८४५ बजे शरु हुनेछ ।
