भाग्यमानी ४ जनाले पाए सीईडीबी हाइड्रोको ११ कित्ता सेयर
काठमाडाैं । सीईडीबी हाइड्रोपावरले निष्काशन गरेको प्राथमिक सेयर (आईपीओ)को आज बैशाख ३१ गते बाँडफाँड भएको छ । सेयर निष्काशन तथा बिक्री प्रबन्धक सनराइज क्यापिटलले आज बिहान ११ बजे अनलाइन मार्फत उक्त आईपीओ बाँडफाँड गरेकाे हाे । क्यापिटलका अनुसार कूल आवेदकमध्ये रितपूर्वक आवेदन दिने २ लाख ३४ हजार १९५ जनाले कम्पनीको सेयर हात पारेका छन् । उनीहरुलाई १०/१० कित्ताको दरले २३ लाख ४१ हजार ९५४ कित्ता सेयर बाँडफाँड गरिएकाे छ । बाँकी रहेको ४ कित्ता सेयर १० कित्ताभन्दा बढी आवेदन दिने ४ जनाले थप १/१ कित्ताको दरले सेयर हात पारेका छन् । यससँगै रितपूर्वक आवेदन दिनेमध्ये ४ जना भाग्यमानीले ११ कित्ता सेयर हात पारेका छन् । संस्थाको आईपीओमा १७ लाख ३३ हजार ९ सय ४९ जनाले आवेदन दिएका थिए जसमध्ये १६ लाख ८५ हजार ६ सय २७ जनाको आवेदन योग्य भएको थियो । जसमध्ये ४ हजार ४४२ जनाको आवेदनहरु रद्ध भएको छ । त्यस्तै, कूल आवेदकमध्ये १४ लाख ३ हजार ४६४ आवेदकको हात खाली भएको क्यापिटलले जनाएकाे छ । कम्पनीले गत बैशाख १७ गतेदेखि २१ गतेसम्म सर्वसाधारणमा २३ लाख ४१ हजार ९५४ कित्ता सेयर निष्काशन गरेको थियो । जसमा सर्वसाधारण तर्फबाट १०.५२ गुणा बढी आवेदन परेकाे थियाे । कुल २५ लाख १८ हजार २३० कित्ता सेयरमध्ये संस्थाले म्युचुअल फण्डलाई १ लाख २५ हजार ९११ कित्ता र कर्मचारीलाई ५० हजार ३६५ कित्ता सेयर छुट्याइएकाे थियाे । र, बाँकी रहेकाे २३ लाख ४१ हजार ९५४ कित्ता सेयर सर्वसाधारणमा निष्काशन गरेको थियो । आवेदकले उक्त आईपीओको रिजल्ट मेरो सेयर र बिक्री प्रबन्धक सनराइज क्यापिटलको वेभसाइटबाट हेर्न पाउनेछन् ।
सीईडीबी हाइड्रोको आईपीओ बाँडफाँड भोलि, २ लाख ३४ हजार बढीले सेयर पाउने
काठमाडौं । सीईडीबी हाइड्रोपावरले निष्काशन गरेको प्राथमिक सेयर (आईपीओ)को भाेलि बैशाख ३१ गते बाँडफाँड भएको छ । सेयर निष्काशन तथा बिक्री प्रबन्धक सनराइज क्यापिटलका अनुसार आईपीओ बाँडफाँड भाेलि (बैशाख ३१ गते) बिहान ११ बजे अनलाइन मार्फत हुने भएकाे हाे । क्यापिटलका अनुसार कूल आवेदकमध्ये रितपूर्वक आवेदन दिने २ लाख ३४ हजार १९५ जनाले कम्पनीको सेयर हात पार्ने भएका छन् । उनीहरुलाई १०/१० कित्ताको दरले २३ लाख ४१ हजार ९५४ कित्ता सेयर बाँडफाँड गरिने क्यापिटलले जनाएको छ । कम्पनीले सर्वसाधारणमा २३ लाख ४१ हजार ९५४ कित्ता सेयर निष्काशन गरेको थियो । जसमा सर्वसाधारण तर्फबाट १०.५२ गुणा बढी आवेदन परेकाे थियाे । सेयरमा परेको कूल आवेदनमध्ये १६ लाख ८५ हजार ६२७ जनाले २ करोड ४६ लाख ५७ हजार ३५ कित्ता सेयरको लागि दिएको आवेदन योग्य रहेको छ भने १६ लाख ३७ हजार ६५९ कित्ता सेयरका लागि ४८ हजार ३२२ जनाले दिएका आवेदन भने रद्द भएको क्यापिटलले जनाएको छ । कम्पनीले गत बैशाख १७ गतेदेखि २१ गतेसम्म सर्वसाधारणमा २३ लाख ४१ हजार ९५४ कित्ता सेयर निष्काशन गरेको थियो । जसमा सर्वसाधारण तर्फबाट १०.५२ गुणा बढी आवेदन परेकाे थियाे । कुल २५ लाख १८ हजार २३० कित्ता सेयरमध्ये संस्थाले म्युचुअल फण्डलाई १ लाख २५ हजार ९११ कित्ता र कर्मचारीलाई ५० हजार ३६५ कित्ता सेयर छुट्याइएकाे थियाे । र, बाँकी रहेकाे २३ लाख ४१ हजार ९५४ कित्ता सेयर सर्वसाधारणमा निष्काशन गरेको थियो । (सच्याईएको)
शिखर इन्स्योरेन्सको खुद नाफा १० प्रतिशतले बढ्यो, खुद बीमाशुल्क एक अर्ब माथि
काठमाडौं । शिखर इन्स्योरेन्स कम्पनीले चालु आर्थिक वर्षको तेस्रो त्रैमाससम्ममा ३६ करोड ३३ लाख रुपैयाँ खुद नाफा कमाएको छ । जुन गत आर्थिक वर्षको तुलनामा १०.२६ प्रतिशतले बढी हो । कम्पनीले गत आर्थिक वर्षको चैत मसान्तसम्ममा ३२ करोड ९५ लाख रुपैयाँ मात्रै खुद नाफा कमाएको थियो । कम्पनीको नाफासँगै खुद बीमाशुल्क पनि ११.९७ प्रतिशतले बढेर एक अर्ब ८ करोड २४ लाख रुपैयाँ पुगेको छ । जुन गत आर्थिक वर्षको चैत मसान्तसम्ममा ९६ करोड ६८ लाख रुपैयाँ आर्जन गरेको थियो । समिक्षा अवधिमा कम्पनीको वार्षिक प्रतिसेयर आम्दानी २७.५५ रुपैयाँ, प्रतिसेयर नेटवर्थ २१०.९४ रुपैयाँ र मूल्य आम्दानी अनुपात ६८.७४ गुणा रहेको छ । हाल कम्पनीको चुक्ता पुँजी १ अर्ब ७५ करोड रुपैयाँ रहेको छ । त्यस्तै, जगेडा कोषमा ६१ करोड ७६ लाख रुपैयाँ, बीमा कोषमा १ अर्ब २३ करोड ८९ लाख रुपैयाँ र महाविपत्ती कोषमा ९ करोड ४३ लाख रुपैयाँ सञ्चित रहेकाे छ । चैत मसान्तसम्ममा कम्पनीले २ लाख ११ हजार ९९६ वटा बीमालेख जारी गरी २ अर्ब ९६ करोड ५७ लाख रुपैयाँ कुल बीमाशुल्क आर्जन गरेको छ । इन्स्योरेन्सले १६ हजार ९१४ दाबीबापत १ अर्ब ७३ करोड रुपैयाँ भुक्तानी गरेको छ भने ९ हजार २८६ दाबी वापत १ अर्ब ४२ करोड रुपैयाँ भुक्तानी गर्न बाँकी रहेको छ ।
