असफल आविष्कार जसले संसारलाई परिवर्तन गर्यो
एजेन्सी । के तपाईलाई थाहा छ कि विश्वभरि लाखौंको ज्यान बचाउने पेसमेकर असफल आविष्कारको परिणाम हो । भनिन्छ कि लाइट बल्ब वा छापाखाना जस्ता सफल विचारले संसार बदल्न सक्छ । तर कहिलेकाहीँ यस्तो हुन्छ कि असफल विचारहरूले पनि संसार बदल्छ । यो एक पटक मात्र भएको होइन । कहिलेकाहीँ यस्ता विचारहरूले संसारलाई परिवर्तन गरेको छ जुन उनीहरूको समयमा सफल हुन सकेन । तर, केही वैज्ञानिकहरूको असफलताले संसारलाई परिवर्तन गर्यो । माउस निर्माता न्यूयोर्कको स्ट्यानफोर्ड रिसर्च इन्स्टिच्युटमा इलेक्ट्रिकल इन्जिनियरिङ अध्ययन गरेका डगलस एंगलबर्टले मानिसहरूले नयाँ कम्प्युटरहरू प्रयोग गर्ने तरिका प्रभावकारी तरिका होइन भन्ने महसुस गरे । त्यसबेला, माउस अहिलेको भिडियो गेमको जोइस्टिक यन्त्र जस्तो हुन्थ्यो । यो यन्त्र प्रयोग गर्न सजिलो र सहज थिएन । यसलाई समाधान गर्न, एंगलबर्टले ‘बग’ नामक उपकरण सिर्जना गरे । जसमा दुई गोलाकार पाङ्ग्राहरु थिए । जसले कम्प्युटरमा देखाइएको कर्सरलाई नियन्त्रण गर्दछ । यो एक अद्भुत विचार थियो । सन् १९६० मा नासाले एन्जेलबर्टको आविष्कार प्रयोग गर्यो र यसलाई धेरै प्रभावशाली भएको स्वीकार गर्यो । दुई वर्षपछि एंगलबर्टले सेन फ्रान्सिस्कोमा आफ्ना साथी बिग इंग्लिसको साथमा मिलेर हजारौं मानिसहरूको अगाडि एउटा यन्त्र प्रदर्शन गरे । यसलाई माउस भनिन्थ्यो । प्रविधिको दुनियाँमा यो कार्यक्रमको निकै चर्चा भएको थियो । एंगलबर्ट र बिल इंग्लिसले आफूहरुले ठुलो वस्तु प्राप्त गरेको महशुस गरे । तर केही बेरमा त्यो खुसी हरायो । पाँच वर्ष भित्र एन्जेलबर्टले लगानी प्राप्त गर्न बन्द भयो । उनको टोलीका अधिकांश सदस्यहरूले स्ट्यानफोर्ड छोडे । तिनीहरूमध्ये बिल इंग्लिस पनि थिए, जसले जेरोक्समा काम गर्न थाले । सन् १९७९ मा एक व्यक्तिले जेरोक्सको अनुसन्धान केन्द्र हेर्नको लागि आफूसँग भएको जेरोक्सको शेयर दिए । यो मान्छे अरु कोहि नभई स्टिभ जब्स थिए । उनको कम्पनीको नाम एप्पल थियो । यो होइन की जेरोक्सको अनुसन्धान केन्द्रबाट नै माउस बाहिर आएको थियो । भनिन्छ कि स्टिभ जब्सलाई यो आइडिया यति मन पर्यो कि उनले आफ्नो इन्जिनियरिङ टोलीलाई आफूले गरिरहेको काम तुरुन्तै रोक्न र माउसलाई एप्पल कम्पनीको तर्फबाट उत्पादन गर्न भने । माउसको मूल पेटेन्ट स्ट्यानफोर्ड रिसर्च इन्स्टिच्युटसँग थियो, जसको अर्थ एंगलबर्टले माउसको आविष्कारबाट केही पाएनन् । यद्यपि एंगलबर्टको सोच समय भन्दा अगाडि थियो, वास्तविक संसारमा माउस घर–घर पुर्याउनको लागि लागि सम्भवतः स्टिभ जब्स जस्तो मान्छे चाहिन्छ, जसले सपना देख्न सक्छ र उसलाई जीवन व्यवहारमा उतार्न पनि सक्छ ।
२७ वटा भुक्तानी सेवा प्रदायकले पाए राष्ट्र बैंकको स्वीकृति, कसको चुक्ता पुँजी कति ?
काठमाडौं । हालसम्म २७ वटा भुक्तानी सेवा प्रदायकले नेपाल राष्ट्र बैंकबाट स्वीकृति पाएका छन् । नेपाल राष्ट्र बैंकको भुक्तानी प्रणाली विभागका अनुसार २०७९ असार मसान्तसम्ममा सो संख्याका संस्थाले भुक्तानी सेवा दिनको लागि अनुमति पाएका हुन् । जसमध्ये सबैभन्दा पहिले अनुमति पाउनेमा आईएमई डिजिटल सोलुसन रहेको छ । काठमाडौंको पानीपोखरीस्थित रहेको उक्त सोलुसनले २०७४ असार ५ गते राष्ट्र बैंकबाट भुक्तानी सेवा प्रदायकको अनुमति पाएको हो । जसको चुक्ता पुँजी १० करोड रुपैयाँ छ । त्यस्तै, २०७४ मै भुक्तानी सेवा प्रदायकको अनुमति पाउनेमा ई सेवा प्राइभेट र प्रभु टेक्नोलोजी प्राइभेट रहेको छ । यी दुबैको चुक्ता पुँजी १०र१० करोड रुपैयाँ छ । २०७५ मा सेलकम प्राइभेट र सीजी पे नेपाल प्राइभेटले अनुमति पाएका हुन् । यी दुईको चुक्ता पुँजी क्रमशः १ करोड ५० लाख र १ करोड रुपैयाँ छ । त्यस्तै, २०७६ सालमा भुक्तानी सेवा प्रदायकको अनुमति पाउनेमा विभिन्न ८ वटा संस्था छन् । जसमा खल्ती प्राइभेट, पे नेप प्रा.लि., क्यु पे प्रा.लि., नेपाल पे टाइम प्रा.लि., स्मार्ट कार्ड नेपाल प्रा.लि., मोहर डिजिटल प्रा.लि., इ नेट पेमेन्ट प्रा.लि. र फोकसवान पेमेन्ट सोलुसन्स् प्रा.लि. रहेका छन् । कुनको पुँजी कति ? त्यस्तै, अधिकांश संस्थाले २०७७ मा अनुमति पाएका छन् । जसमा कुराकानी पे, पेवेल नेपाल, गोल्डमाइन बिजनेश ग्रुप, वी पे, फिनटेक इन्टरनेशनल, लेनदेन सेवा, डिजी पे प्राइभेट, नेपाल इ बिज म्यानेजमेन्ट, आई पे, आई क्यास प्राइभेट, नेपाल डिजिटल पेमेन्ट्स कम्पनी, सुलभ पे प्राइभेट, छिटो पैसा प्राइभेट र सजिलो पे पेमेन्ट सर्भिसेज रहेका छन् । यीमध्ये सबैभन्दा बढी पुँजी नेपाल डिजिटल पेमेन्ट्स कम्पनीको छ । २०७७ चैत ३ गते मात्रै राष्ट्र बैंकबाट भुक्तानी सेवा प्रदायकको अनुमति पाएको कम्पनीको चुक्ता पुँजी ४० करोड रुपैयाँ छ । त्यस्तै, अधिकांश संस्थाको चुक्ता पुँजी १ करोड रुपैयाँ छ । जुन न्यूनतम पुँजी हो । भुक्तानी प्रणाली सञ्चालकसहित चुक्ता पुँजी त्यसैगरी, हालसम्म भुक्तानी प्रणाली सञ्चालकको रुपमा अनुमति पाउनेमा १० वटा संस्था छन् । जसमा नेपाल क्लियरिङ्ग हाउस, स्मार्टच्वाइस टेक्नोलोजिज, नेपाल इलेक्ट्रोनिक पेमेन्ट सिष्टम्स्, युनियन पे इन्टरनेशन कम्पनी, भिजा वल्र्डवाईड प्राइभेट, नेपाल पेमेन्ट सोलुसन, मास्टरकार्ड एशिया तथा प्यासिफिक प्राइभेट, फोनपे पेमेन्ट सर्भिस, फस्ट पे टेक्नोलोजी प्राइभेट र गेटवे पेमेन्ट सर्भिस रहेका छन् ।
एसईईका विद्यार्थीलाई टेलिकमको उपहार: नि:शुल्क सीम र रिचार्जमा बोनस
काठमाडौं । नेपाल टेलिकमले एसईई दिएका विद्यार्थीहरुलाई निःशुल्क सीम लगायत रिचार्जमा बोनस उपहार दिने भएको छ । एसईईमा सहभागी भएका विद्यार्थीहरुले एसईई विद्यार्थी सीम नेपाल टेलिकमका देशभरका कार्यालयहरुबाट निःशुल्क प्राप्त गर्न सक्ने छन् । नयाँ सीम प्राप्त गर्नका लागि विद्यार्थीहरुले प्रवेश पत्र वा मार्कसिटको फोटोकपी, एकप्रति फोटो र आफ्नो वा अभिभावकको नागरिकता वा अरु परिचय पत्रको फोटोकपी संलग्न गरी फाराम भर्नु पर्नेछ । सीम लिइसकेपछि विद्यार्थी रजिष्ट्रेसन प्याक प्राप्त गर्नका लागि नयाँ मोबाइल नम्बरबाट एस्ट्रीक १६०० ह्यासट्यागमा डायल गरी प्राप्त निर्देशन बमोजिम सिम्बोल नम्बर र जन्म मिति (विक्रम सम्वत) उल्लेख गर्नुपर्नेछ। नयाँ सीम प्राप्त गरेका विद्यार्थीहरुले मेन व्यालेन्सको रुपमा उपलब्ध हुने ९.८ रुपैयाँबाट जुनसुकै नेटवर्कमा कल गर्न, एसएमएस पठाउन वा डाटा चलाउन सक्नेछन् भने यो बाहेक ४० मिनेट टक टाइम र २० वटा एसएमएस सहितको सुविधा एक महिनाभित्र नेपाल टेलिकमको नेटवर्कमा प्रयोग गर्न सक्नेछन् । त्यसैगरी सोही अवधिमा ६० एमबी डाटा पनि चलाउन सकिनेछ । पहिलेदेखि नै प्रयोग गरिरहेको नेपाल टेलिकमको मोबाइल नम्बरमा विद्यार्थी रजिष्ट्रेसन प्याक उपयोग गर्नको लागि प्रयोग गरिरहेको मोबाइलबाट एस्ट्रीक १६०० ह्यासट्यागमा डायल गरी प्राप्त निर्देशन बमोजिम सिम्बोल नम्बर र जन्म मिति उल्लेख गर्नुपर्नेछ । रजिष्ट्रेसन प्याकबाट विद्यार्थीहरुले नेपाल टेलिकमको नेटवर्कभित्र दैनिक १० मिनेट कुराकानी गर्न र १० वटा एसएमएस पठाउन तथा १०० एमबी डाटा प्रयोग गर्न सक्ने छन् । यसैगरी बोनस अन रिचार्ज प्याक अन्तर्गत रु. ५० वा सोभन्दा बढी रकम रिचार्ज गर्दा प्रत्येक रिचार्जमा जुनसुकै समयमा पनि ५०० एमबी डाटा चलाउन, नेपाल टेलिकमकै नेटवर्क भित्र ५० मिनेट कल र ५० वटा एसएमएस पठाउन सकिने बोनस सुविधा प्रयोग गर्न पाउने छन् । कम्पनीकाे अनुसार यो सुविधा तीन महिना अवधिभर लागु हुने छ ।
