स्टाइलिस भिडियो खिच्न सकिने उच्च क्वालिटीको क्यामेरासहितको भि-२३ सार्वजनिक
काठमाडौं । भिभोले नेपाली बजारमा उच्च क्लालिटीको क्यामेरा र मल्टि–फ्रेम नोइज घटाउने र एआई हाई–डेफिनिशन टेक्नोलोजी भएको नयाँ फाइभजी मोबाइल फोन नेपाली बजारमा ल्याएको छ । ग्लोबल स्मार्टफोन ब्रान्ड, भिभोले आफ्ना ग्राहकहरूको आवश्यकतालाई ध्यान दिँदै फोटोग्राफी उत्साही र सेल्फी प्रेमीहरूको सहजताका लागि लेयाएको फवनले पिक्चर–पर्फेक्ट बताउने कम्पनीको दाबी छ । उच्च–रिजोल्युसनको ५० एमपी पोट्र्रेट सेल्फी क्यामेरा हुँदा जूम इन वा क्रप गर्दा पनि, सेल्फीको गुणस्तरमा केही कमी नआउने कम्पनीले जनाएकझ छ । फ्रन्ट क्यामेरामा भएको आँखा अटोफोकस विशेषताका कारण प्रयोगकर्ताहरूलाई आकर्षणको केन्द्रबिन्दु बनाउँदछ । साथै रातको समयमा प्रकाशको मात्रा नपुगेको ठाउँमा तस्बिर खिच्दा दिउँसोको जतिकै क्लालिटीको आउने डुअल–टोन स्पटलाइटः स्पटलाइट पोट्र्रेट + स्पटलाइट पोट्र्रेटमार्फत लाइटिंग मिलाई फोटो खिच्न सकिन्छ । साथै, सुपर नाइट सेल्फी र सुपर वाइड–एंगल नाइट सेल्फी विशेषता यसमा छन् ।
एनसेलले ल्यायो २५ रुपैयाँमा २५० मिनेट बोल्न पाइने इन्डलेस कम्बो प्याक
काठमाडौं । नयाँ वर्षको अवसरमा एनसेल आजियाटा लिमिटेडले आफ्ना ग्राहकहरूका लागि आकर्षक भ्वाइस र डेटा सेवा बन्डलिङ रहेको इन्डलेस कम्बो प्याकहरू संचालनमा ल्याएको छ । यो योजना वैशाख ५ गतेदेखि सञ्चालनमा आएको छ । यो योजनाअन्तर्गत एनसेलका प्रिपेड ग्राहकले करसहित मात्र २५ रुपैयाँमा बिहान ५ बजेदेखि साँझ ५ बजेसम्म प्रयोग गर्न सकिने डे कम्बो प्याक र बेलुका १० बजेदेखि भोलिपल्ट बिहान ७ बजेसम्म प्रयोग गर्न सकिने गरी दुई आकर्षक प्याकहरू सञ्चालनमा ल्याएको हो । डे कम्बो प्याक अन्तर्गत प्रिपेड ग्राहकले १०० एमबी डेटा र २०० मिनेटको अल नेट टक टाइम प्राप्त गर्दछन् । ग्राहकले एस्ट्रिक्स १७११८ एस्ट्रिक्स १ ह्यास वा एस्ट्रिक्स १७१२३ एस्ट्रिक्स २ ह्यास डायल गरी यो प्याक सुरु गर्न सक्छन् । बेलुकाको समयमा भ्वाइस तथा डेटा प्रयोग गर्न चाहने ग्राहकले २५० एमबी डेटा र २५० मिनेटको अल नेट टक टाइम भएको आकर्षक कम्बो प्याक मात्र २५ रुपैयाँमै लिन सक्छन् ।
आजदेखि क्यान ईन्फोटेक सुरू : डाइमन्ड स्पोन्सरमा डिशहोम फाइबरनेट
काठमाठौं । काठमाडौंको भृकुटीमण्डपमा जारी क्यान ईन्फोटेकको डाइमन्ड स्पोन्सर डिशहोम फाइबरनेटले गरिरहेको छ । कम्प्युटर एसोसिएसन नेपाल (क्यान) महासङ्घको आयोजनामा जारी क्यान इन्फोटेक २७औं संस्करण हो । डाईमण्ड प्रायोजक डिशहोम फाईवरनेटले आफ्नो स्टलनं. डि ३१ मार्फत आफ्नो फाईवरनेटको आवस्यक जानकारी दिनुका साथै, भिजिटरलाई डिशहोम गो को एक हप्ताका लागि प्रयोग गर्न मिल्ने युजर आईडी तथा पासवर्ड प्रदान गर्नेछ । सूचना तथा सञ्चार प्रविधि क्षेत्रमा विकास भएका नयाँनयाँ प्रविधि प्रदर्शनी तथा यस क्षेत्रको विकासका लागि आवश्यक नीति, रणनीति तथा कानुनी संरचना निर्माणका निम्ति सार्थक अन्तरक्रिया गर्ने उद्देश्यका साथ वार्षिक रुपमा क्यान इन्फोटेक आयोजना हुने गरेको छ । यस पटकको क्यान इन्फोटेकमा आइसिटी एक्सेसरिज, गेम पार्लर, प्रडक्ट लञ्चिङ, स्टार्ट–अप, रोबोटिक्स, इमर्जिङ्ग टेक्नोलोजी, सूचना प्रविधि, वाई–फाई तथा इन्टरनेट र लर्निङ सेन्टर लगायतका विभिन्न खण्डहरू रहनेछन् । यस वर्षको क्यान इन्फोटेक साढे तीन लाख भन्दा बढीले अवलोकन गर्ने अपेक्षा लिइएको छ । यो मेलालाई आईएमई पेले शीर्ष प्रायोजन गरेको छ भने सह प्रायोजकको रुपमा स्मार्ट च्वाइस टेक्नोलोजिज लिमिटेड रहेको छ । साथै प्लेटिनम प्रायोजकमा वर्ल्डलिङ्क कम्युनिकेसन्स, डाइमन्ड प्रायोजक डिशहोम फाइबरनेट, गोल्ड प्रायोजकमा नेपाल टेलिकम, सिल्भर प्रायोजकमा नमस्ते पे, एस–पावर र डिजिकम रहेका छन् ।
