नेप्सेको सीईओ नहटाउन सर्वोच्चको आदेश
काठमाडौं । सर्वोच्च अदालतले नेपाल स्टक एक्सचेञ्ज लिमिटेड (नेप्से) को प्रमुख कार्यकारी अधिकृत (सीईओ) चन्द्रसिंह साउदलाई तत्काल पदबाट नहटाउन सरकारलाई आदेश दिएको छ । न्यायाधीश डम्बरबहादुर शाहीको एकल इजलासले आइतबार साउदलाई पदबाट हटाउने निर्णय कार्यान्वयन नगराउन सरकारलाई आदेश दिएको हो । गैरकानूनी तरिकाले आफूलाई हटाइएको दाबी गर्दै साउदले गत बुधबार सर्वोच्चमा रिट दायर गरेका थिए ।
नेप्से ८ अंकले बढेर १२०० अंकमा, सबैभन्दा बढी सेञ्चुरी बैंकको प्रमोटर सेयर कारोबार
काठमाडौं । आइतबारको नेप्से परिसूचक ८.११ अंकले उकालो लागेको छ । दिनभर सामान्य उतारचढाव आएको बजारमा परिसूचक ०.६८ प्रतिशतले बढेर १२०० अंकमा पुगेको छ । बजारमा कूल १९ करोड रुपैयाँ बराबरको सेयर कारोबार भएको छ । सो दिन १७० कम्पनीको ६ लाख ५१ हजार कित्ता सेयर किनबेच भएका छन् । सो मध्ये सबैभन्दा बढी सेञ्चुरी कमर्शियल बैंकको प्रमोटर सेयर किनबेच भएको छ । आइतबार यस बैंकको एक लाख २९ लाख रुपैयाँ बराबरको प्रमोटर सेयर किनबेच भएको छ । जसको बजार मूल्य प्रतिकित्ता १७३ रुपैयाँ रहेको छ । आइतबार फाइनान्स समूह बाहेक बाँकी समूहको परिसूचक सामान्य अंकले ओरालो लागेको छ । सबैभन्दा बढी बीमा ४३.४९ अंकले उकालो लागेको छ । त्यस्तै, होटल ४०.६६, होइड्रो १०.७८ र उत्पादनमूलक समूह ९.३८ अंकले उकालो लागेका छन् ।
शतप्रतिशत हकप्रद पछि स्वरोजगार लघुवित्तको सेयर मूल्य समायोजन
काठमाडौं । बिहीबार स्वरोजगार लघुवित्त विकास बैंक लिमिटेडको सेयर मूल्य समायोजन भएको छ । नेपाल स्टक एक्स्चेञ्ज(नेप्से)ले कम्पनीको १०० प्रतिशत हकप्रद पछिको मूल्य समायोजन गरेको हो । समायोजन पश्चात कम्पनीको सेयर मूल्य ८६५.५ रुपैयाँ भएको छ । जसको आधार मूल्य प्रतिकित्ता १३३१.७५ रुपैयाँ रहेको थियो । काभ्रेको बनेपामा केन्द्रिय कार्यालयमा यस कम्पनीको चुक्ता पुँजी २४ करोड ४९ लाख रुपैयाँ रहेको छ ।
