काबेली विकास बैंकले ५० प्रतिशत हकप्रद निष्काशन गर्दै, कहिले हुँदै छ बुक क्लोज?
काठमाडौं । काबेली विकास बैंकले ५० प्रतिशत हकप्रद सेयर निष्काशन गर्ने भएको छ । सो प्रयोजनको लागि बैंकले आगामी साउन १९ गते कम्पनीको बुक क्लोज गर्ने निर्णय गरेको छ । उक्त निर्णय कम्पनीको सञ्चालक समितिको बैठकले गरेको हो । बैठकको निर्णयलाई बैंकको साधारणसभाले पारित गर्नु पर्ने छ ।
राष्ट्रिय बीमा कम्पनीको १० करोडको प्रमोटर सेयर बिक्री, मंगलबार ९४ करोडको सेयर कारोबार
काठमाडौं । मंगलबार सबैभन्दा बढी राष्ट्रिय बीमा कम्पनीको १० करोड २९ लाख रुपैयाँ बराबरको प्रमोटर सेयर बिक्री भएको छ । सो दिन यस कम्पनीको प्रमोटर सेयर प्रतिकित्ता १५३६ रुपैयाँमा कारोबार भएको छ । जुन अघिल्लो दिनको तुलनामा १० प्रतिशत बढी हो । त्यस्तै, यस कम्पनीको पब्लिक सेयर प्रतिकित्ता १६,२६९ देखि १७,५४५ रुपैयाँसम्ममा किनबेच भएको छ । बजार बन्द हुँदा कम्पनीको पब्लिक सेयर प्रतिकित्ता १७५४५ रुपैयाँ रहेको छ । जुन रकम अघिल्लो दिनको तुलनामा १५९५ रुपैयाँले बढी हो । मंगलबारको सेयर बजारमा ९४ करोड ९५ लाख रुपैयाँ बराबरको सेयर कारोबार भएको छ । सो दिन १५६ कम्पनीको १३ लाख ७१ हजार कित्ता सेयर किनबेच भएको छ । समग्रमा नेप्से परिसूचक ७ दशमलब ११ अंकले बढेर १६३६ अंकमा पुगेको छ । त्यस्तै, बजारमा सबैभन्दा बढी बीमा समूहको परिसूचक १५७ अंकले उकालो लागेको छ । त्यस्तै, उत्पादनमूलक र हाइड्रोपावर समूहको परिसूचक क्रमशः ७९ र १८ अंकले बढेका छन् । उता बैंकिङ र अन्य समूहको परिसूचक भने सामान्य अंकले ओरालो लागेका छन् ।
दुई कम्पनी मर्ज पश्चात लुम्बिनी विकास बैंकको कारोबार शुरु
काठमाडौं । दुई कम्पनी मर्ज पश्चात लुम्बिनी विकास बैंकले मंगलबारदेखि सेयर कारोबार शुरु गरेको छ । यस बैंकले भिबोर सोसाइटी बैंक र लुम्बिनी फाइनान्स एण्ड लिजिङ कम्पनी मर्ज गरे पश्चात सेयर कारोबार शुरु गरेको हो ।
