एभियोट्रेस नेपाल स्कूल अफ टेक्नोलोजीद्वारा एयर होस्टेस प्रशिक्षणकाे लागि छात्रवृत्ति घोषणा
काठमाडाैं । एभियोट्रेस नेपाल स्कूल अफ टेक्नोलोजी पाँचौं वार्षिकोत्सवमा एयर होस्टेस प्रशिक्षणका लागि पूर्ण र आंशिक छात्रवृत्ति घोषणा गरेको छ । कम्पनीका महाप्रबन्धक दिवस पोखरेलका अनुसार एभियट्रेस नेपाल स्कूल अफ टेक्नोलोजीले योग्य विद्यार्थीहरूको लागि एयरहोस्टेस प्रशिक्षणमा छात्रवृत्ति कार्यक्रम घोषणा गरेको हो । उक्त छात्रवृत्ति एएनएसटीले भर्ना हुने विद्यार्थीहरूलाई ‘प्लस टु’ काे प्रमाणपत्र अनुसार पाउने छन् । पोखरेल धेरै विद्यार्थीहरूले आफ्नो उच्च माध्यमिक शिक्षा पूरा गरेपछि आर्थिक अभावले उच्च शिक्षा पूरा नगरेकाे अवस्थालाई मध्यनजर गर्दै यस्ताे कार्यक्रम घाेषणा गरेकाे बताए एएनएसटीले जेटस्ट्रीम विमानबाट तालिम दिँदै आएको छ ।
विश्व निकेतनले पूरा गर्याे ७५ वर्ष
काठमाडाैं । त्रिपुरेश्वरस्थित विश्व निकेतन माध्यमिक विद्यालय स्थापनाकाे ७५ औं वर्ष पुरा गरेकाे छ । मंगलबार विद्यालयले एक कार्यक्रम गरी आफ्नाे ७५ औं वार्षिकयत्सव मनाएकाे छ । विश्व निकेतनकाे स्थापना विं.स २००३ मा भएकाे हाे । उक्त कार्यक्रममा शैक्षिक सत्र २०७६ मा कक्षा इसिडीदेखि १२ कक्षा सम्म वार्षिक परिक्षामा प्रथम, दित्तिय र तृतीय हुने र उत्कृष्ट नतिजा प्राप्त गर्ने विद्यार्थीहरुलाई नगद पुरस्कार , प्रमाणपत्र तथा पदक प्रदान गरिएको छ । कार्यक्रममा विद्यालयको इतिहास र स्थापनाकालदेखि वर्तमान सम्मका गतिविधि समावेश गरिएको ” अ गिल्म्स इन टु विश्व निकेतन ” विमोचन गरिएकाे थियाे । विद्यालयले आगामी बर्षभरी विभिन्न कार्यक्रमका साथ हिरक बर्ष पल्याटिनियम जुब्ली मनाउने निर्णय गरेको छ । कक्षा १ देखि स्नातकसम्मको पढाई हुने गरेको विश्व निकेतनले सामुदायिक विद्यालयहरूको स्तर खस्कदै गएको भन्ने कुरालाई गलत ठहराएको छ । हरेक वर्ष कक्षा १ देखि १० सम्म भर्ना खुल्दा ७५ प्रतिशत भन्दा बढी विद्यार्थी निजी विद्यालयका आउने गरेका छन् । यस्तै कक्षा ११ देखि १२ मा १ हजार विद्यार्थीको भर्ना खोल्दा ३ हजारभन्दा बढी विद्यार्थी प्रवेश परीक्षामा सामेल हुन्छन् ।
कक्षा १२ को नतिजा सार्वजनिक, यसरी हेर्नुहाेस्
काठमाडौं । राष्ट्रिय परीक्षा बोर्ड, सानोठिमी परीक्षा नियन्त्रण कार्यालयले कक्षा १२ को नतिजा सार्वजनिक गरेको छ । बोर्डले कक्षा १२ को नतिजा राष्ट्रिय परीक्षा बोर्ड र नेपाल टेलिकमको वेबसाइटमा हेर्न सकिने जनाएकाे छ । यस वर्ष बोर्डले ४० प्रतिशत अंकका लागि मात्र परीक्षा लिएर थप ४० प्रतिशत अंक कक्षा ११ को र २० प्रतिशत अंक कक्षा १२ को आन्तरिक मूल्यांकनबाट जोडेर नतिजा प्रकाशित गरेकाे हाे । आज सार्वजनिक गरिएको नतिजानुसार छ हजार ९१६ जनाले ३.६१ देखि ४ , ३८ हजार ४८० जनाले ३.२१ देखि ३.६० र एक लाख नौ हजार ३१२ जनाले २.८१ देखि ३.२० जिपिए (स्तरीकृत अङ्क) ल्याएका छन् । त्यसैगरी ५२ हजार ४२७ जनाले २.०१ देखि २.४०, सात हजार १६४ जनाले १.६१ देखि २.०, ३३३ जनाले १.२१ देखि १.६०, चार जनाले ०.८१ देखि १.२० र १८ हजार ८८९ जनाले ० देखि ०.८० स्तरीकृत अङ्क ल्याएको बोर्डका सदस्य सचिव दुर्गा अर्यालले जानकारी दिए । परीक्षामा नियमिततर्फ तीन लाख १० हजार ३१६ र ग्रेडवृद्धितर्फ ९१ हजार ९०० तथा आंशिकतर्फ ३१ हजार ५५ गरी कुल चार लाख ३३ हजार २७१ जना सहभागी थिए । आंशिकतर्फ एक जनाको परीक्षा रद्द गरिनाका साथै कुल ११ हजार ४९० जनाको परीक्षा स्थगन गरिएको छ । आंशिकतर्फ २५ हजार २८८ विद्यार्थी उतीर्ण भएका छन् । बोर्डले कोरोनाका कारण निर्धारित वार्षिक तालिकाभन्दा ढिला गरी मङ्सिर र सङ्क्रमित परीक्षार्थीको पुस महिनामा परीक्षा सञ्चालन गरेको थियो । गत वैशाख ८ गतेदेखि सञ्चालन हुनुपर्ने कक्षा १२ को परीक्षा कोभिड– १९ का कारण पूर्णाङ्क घटाएर गत मङ्सिर ९ गते देखि सञ्चालन गरिएको थियो । यस वर्ष परीक्षामा देशभरबाट चार लाख ३२ हजार परीक्षार्थी सहभागी भएका थिए । यसरी हेर्नुहाेस् नतिजा एनटीसी सिम भएकाहरुले १६०० मा डायल गरेर नतिजा हेर्न सक्नेछन् भने राष्ट्रिय परीक्षा बोर्ड र नेपाल टेलिकमबाट काे वेभसाइटबाट पनि नतिजा हेर्न सकिन्छ ।’
