बोनसको लागि प्रुडेन्सियल इन्स्योरेन्सको सेयर मूल्य समायोजन
काठमाडौं । प्रुडेन्सियल इन्स्योरेन्स कम्पनीको सेयर मूल्य समायोजन भएको छ । कम्पनीको ७ प्रतिशत बोनस सेयरको लागि मूल्य समायोजन भएको हो । समायोजनसँगै कम्पनीको सेयर मूल्य प्रतिकित्ता ६०२.८० रुपैयाँ कायम भएको छ । यसअघि कम्पनीको सेयर प्रतिकित्ता ६४५ रुपैयाँमा भएको थियो । यससँगै अबको बजारमा कम्पनीको सेयर किन्नेले गत वर्षको प्रस्तावित लाभांश पाउन योग्य हुँदैनन् ।
नेपाल लाइफ इन्स्योरेन्सका अध्यक्ष संघईले लिए शपथ
काठमाडौं । नेपाल लाइफ इन्स्योरेन्स कम्पनीका नवनिर्वाचित अध्यक्ष गोविन्द लाल संघईले सपथ ग्रहण गरेका छन् । इन्स्योरेन्सको सञ्चालक समितिका अध्यक्ष संघईले बीमा समितिका अध्यक्ष सूर्य प्रसाद सिलवाल समक्ष आफ्नो पद तथा गोपनियताको सपथ लिएका हुन् । समितिका अध्यक्ष सिलवालले इन्स्योरेन्सका अध्यक्ष संघईलाई बीमकको संस्थागत सुशासन सम्बन्धी निर्देशिका, २०७५ दफा ३ को उपदफा ४ बमोजिम सपथ दिलाएका हुन् ।
आईएमई लाइफ मर्जर/एक्वीजीसनमा जान इच्छुक, आईपीओ जारी गर्ने प्रस्तावसहित डाक्यो एजीएम
काठमाडौं । आईएमई लाइफ इन्स्योरेन्स कम्पनी मर्जर तथा एक्वीजीसनमा जान इच्छुक देखिएको छ । आगामी वार्षिक साधारण सभामा विशेष प्रस्ताव लैजाँदै इन्स्योरेन्सले आफु अन्य कुनै जीवन बीमा कम्पनीसँग मर्जर तथा एक्विजिशनमा जार्न इच्छुक रहेको जानकारी गराएको हो । नियामक निकाय बीमा समितिले तोकेको न्यूनतम पुँजी पुर्याउन कम्पनीले उक्त प्रस्ताव सभामा लैजान लागेको हो । यससँगै, सो सम्बन्धी आवश्यक काम गर्न सभाले कम्पनी सञ्चालक समितिलाई अख्तियारी दिनु पर्ने हुन्छ । त्यस्तै, सभाले सर्वसाधारणलाई आईपीओ जारी गर्ने विशेष प्रस्तावलाई पनि पारित गर्दै छ । कम्पनीको चौंथो वार्षिक साधारण सभा २०७९ बैशाख १४ गते बुधबार बिहान ११ बजे काठमाडौंको लाजिम्पाटस्थित र्याडिशन होटलमा हुँदै छ । त्यस्तै, सभाले सञ्चालक समितिको बैठक भत्ता तथा सुविधासँगै सञ्चालक समितिको निर्वाचन समेत गराउने कम्पनीको प्रस्ताव छ ।
