आइएमई जनरल इन्स्योरेन्सका ग्राहकलाई ग्यालेक्सी स्पेसियालिटी क्लिनिकमा छुट
काठमाडौं । आइएमई जनरल इन्स्योरेन्सका ग्राहकले ग्यालेक्सी स्पेसियालिटी क्लिनिकमा छुट पाउने भएका छन् । इन्स्योरेन्स र क्लिनिकबीच आइतबार सेवा प्रदान गर्ने सम्झौता भएको हो । उक्त सम्झौता पत्रमा इन्स्योरेन्सका नायव प्रमुख कार्यकारी अधिकृत शरण रेग्मी र क्लिनिकका प्रबन्ध निर्देशकशिव राज केसीले हस्ताक्षर गरे । यस सम्झौता पश्चात आइएमई जनरल इन्स्योरेन्सका कर्मचारी, सेयरधनी तथा ग्राहकहरुलाई महाराजगंजस्थित ग्यालेक्सी स्पेसियालिटी क्लिनिकमा प्राप्त हुने सेवाहरु (एक्सरे, युएसजी, इसिजी, इको) मा १० प्रतिशतसम्म र ओपिडी सेवामा २५ प्रतिशतसम्मको आकर्षक छुट प्राप्त हुनेछ ।
पुँजी वृद्धि गर्न बीमा कम्पनीलाई सकस, महालक्ष्मी लाइफको ३३ करोड सेयर बिक्रीमा
काठमाडौं । जीवन बीमा कम्पनीहरुलाई पुँजी वृद्धिमा सकस पर्ने भएको छ । बीमा कम्पनीहरुको नियामक बीमा समितिले ५ अर्ब रुपैयाँ चुक्ता पुँजी तोकेपछि कम्पनीहरु पुँजी वृद्धिमा सक्रिय छन् । त्यसमध्ये पुँजी वृद्धिमा सबैभन्दा पहिले सक्रिय रुपमा लागेको महालक्ष्मी लाइफ इन्स्योरेन्सको पहिलो प्रयास नै पूर्ण सफल नभएपछि अन्य कम्पनी पनि दवावमा पर्ने भएका छन् । महालक्ष्मी लाइफ इन्स्योरेन्सले संस्थापक सेयरधनीलाई थप ५० प्रतिशत लगानी गर्न हकप्रद सेयर निष्काशन गरेको थियो । त्यसमा २३ दलशमव ५ प्रतिशत सेयरधनीले पुँजी थप्न सकेनन् । भएका संस्थापकहरुले ५० प्रतिशत रकम थप्न नसकेपछि महालक्ष्मी लाइफले करिव ३३ करोड रुपैयाँ बराबरको सेयर बिक्रीमा राखेको छ । महालक्ष्मी लाइफ इन्स्योरेन्स कम्पनीको ३२ लाख ९० हजार कित्ता सेयर बिक्रीमा राखिएको छ । प्रतिकित्ता न्यूनतम १०० रुपैयाँमा बिक्रीमा राखिएको यो सेयर प्रवद्र्धक सेयर हो । हकप्रद सेयरमा लगानी गर्न गत असार ९ गतेसम्मको समय तोकिएको थियो । तोकिएको समयमा सेयर आवदेन नपरेपछि कम्पनीले ३२ करोड ९० लाख रुपैयाँ बराबरको सेयर बिक्रीमा राखेको हो । कम्पनीकाे अवस्था राम्राे भए पनि बजारमा पुँजीकाे अभावले लगानीकर्तालाई पैसा जुटाउन गाह्राे भएकाे हुन सक्ने कम्पनीकाे प्रमुख कार्यकारी अधिकृत रमेश कुमार भट्टराई बताउँछन् । जताततै भन्दी भएकाे, १०.७५ प्रतिशत व्याजदर भएकाे ऋणपत्र बिक्री नभएकाे, बैंकबाट कर्जा लिन नसकिने अवस्था रहेकाेले ठूलाे पुँजी जुटाउन जाे काेहीलाई गाह्राे भएकाे उनले बताए । नेटवर्थ ११९ रूपैयाँ भएकाे कम्पनीकाे सेयर १०० मा नै किन्न पाउने अवस्था विरलै हुने भन्दै याे कम्पनीकाे सेयर लगानीकर्ताकाे लागि अवसर भएकाे उनले बताए । बीमा समितिले जीवन बीमा कम्पनीको चुक्ता पुँजी न्यूनतम ५ अर्ब रुपैयाँ तोकिदिए पछि इन्स्योरेन्सले पुँजी वृद्धिको प्रकृया बढाएको हो । हाल इन्स्योरेन्सको चुक्ता पुँजी १ अर्ब ४० करोड रुपैयाँ छ । सबै संस्थापक सेयरधनीले ५० प्रतिशत पुँजी थपेको भए कम्पनीको चुक्ता पुँजी २ अर्ब १० करोड रुपैयाँ पुग्ने थियो । नियमअनुसार कम्पनीले कुल पुँजीको ३० प्रतिशत साधारण सेयर निष्काशन गरेको छैन । महालक्ष्मीलाई जस्तै पीडा अरु ४ वटा जीवन बीमा कम्पनीलाई हुन सक्छ । सिटिजन्स, सन नेपाल, रिलायबल र आईएमई लाइफ इन्स्योरेन्सहरु पनि साधारण सेयर निष्काशन गरेका छैनन् । सन नेपाल, रिलायबल र आईएमई लाइफको सेयर पुँजी १४० करोड मात्र छ । सिटिजन्स लाइफको भने १७५ करोड रुपैयाँ छ । पुँजी वृद्धिको लागि बीमा समितिले आगामी चैत मसान्तसम्मको लागि समय दिएको छ । आर्थिक मन्दी, तरलता अभाव र उच्च व्याजदरका कारण लगानीकर्तालाई पैसा जुटाउन गाह्रो भएको छ । त्यसैले नयाँ कम्पनीहरुलाई मर्जमा जान बढी नै दवाव पर्ने जानकारहरु बताउँछन् ।
अजोड इन्स्योरेन्सले ज्यापु समाज यलका व्यवसायीको बीमा गरिदिने
काठमाडौं । अजोड इन्स्योरेन्सले ज्यापु समाज यलका व्यवसायीहरुको निर्जीवन बीमा गरिदिने भएको छ । सो सम्बन्धमा इन्स्योरेन्स र ज्यापु समाज यलबीच सम्झौता भएको हो । असार १७ गते भएको उक्त सम्झौता अनुसार अजोडले ज्यापु समाज यल र सो संस्थासंग आवद्ध उद्योगी व्यवसायी सदस्यहरुको निर्जीवन बीमा सम्बन्धी काम र बीमा सचेतना, बीमा जागरण तथा बीमा शिक्षा सञ्चालन गर्ने छ । उक्त सम्झौता पत्रमा अजोड इन्स्योरेन्सका प्रमुख कार्यकारी अधिकृत कुमार बहादुर खत्री र ज्यापु समाज यलका अध्यक्ष तिर्थलाल महर्जनले हस्ताक्षर गरेका हुन् । सो अवसरमा इन्स्योरेन्स कर्मचारीहरुको र ज्यापु समाज यलका सदस्यहरुको समेत उपस्थिति रहेको थियो ।
