बीमा कम्पनीहरुले १६ प्रतिशतले बढाए बिजनेस, संकलन गरे पौने दुई खर्ब रुपैयाँ बढी
काठमाडौं । बीमा कम्पनीहरुले एक वर्षको अवधिमा पौने दुई खर्ब रुपैयाँ बढीको बिजनेश गरेका छन् । जीवन र निर्जीवन गरी कूल ३९ वटा बीमा कम्पनीहरुले आर्थिक वर्ष २०७८/७९ मा १ खर्ब ७७ अर्ब ८१ करोड रुपैयाँ बराबरको बिजनेश अर्थात प्रिमियम संकलन गरेका हुन् । जुन अघिल्लो आवको तुलनामा १६.४८ प्रतिशतले बढी हो । कम्पनीहरुले आर्थिक वर्ष २०७७/७८ मा १ खर्ब ५२ अर्ब ६५ करोड रुपैयाँ बराबरको बीमाशुल्क संकलन गरेका थिए । गत आवमा जीवन बीमा कम्पनीले १ खर्ब ३८ अर्ब ६४ करोड रुपैयाँ र निर्जीवन बीमा कम्पनीले ३९ अर्ब १६ करोड रुपैयाँ बराबरको प्रिमियम उठाएका हुन् । ३९ वटा कम्पनीले कूल १ करोड ५८ लाख ८७ हजार ६५० वटा बीमा पोलिसी बिक्री गरेका छन् । जसमध्ये जीवन कम्पनीहरु १ करोड ३० लाख र निर्जीवन कम्पनीहर २७ लाखको बीमालेख बिक्री गर्न सफल भएका छन् । समितिका अनुसार समीक्षा अवधिमा बैदेशिक रोजगार बीमालेखको संख्या २९.७८ प्रतिशतले बढेर ८ लाख ९१ हजार ११३ वटा बिक्री भएका छन् । त्यस्तै, म्यादि, लघु म्यादि र बैदेशिक रोजगार जीवन बीमालेखसहित ५ प्रतिशत घटाएर लिएको बीमालेख संख्या १ करोड २४ लाख ८९ हजार रहेको छ । शिखर, सगरमाथा र नेकोबीच बीमाशुल्कमा प्रतिस्पर्धा, पछ्याउँदै राष्ट्रिय बीमा र सिद्धार्थ २०७९ असारसम्म बीमा कम्पनीहरुको कार्यालय संख्या १४.७६ प्रतिशतले बढेर ३ हजार ३६६ वटा पुगेको छ । जुन २०७८ असारसम्ममा २ हजार ९३३ वटा थिए । जीवन बीमा कम्पनीले संकलन गरे १ खर्ब बढी बीमाशुल्क, दोब्बरको अग्रतामा नेपाल लाइफ त्यस्तै, बीमामा कार्यरत कर्मचारीहरुको संख्या पनि १० प्रतिशतले बढेर ११ हजार ८६१ पुगेको छ । २०७८ असारसम्ममा १० हजार ७५२ कर्मचारीहरु बीमा कम्पनीमा कार्यरत थिए ।
शिखर, सगरमाथा र नेकोबीच बीमाशुल्कमा प्रतिस्पर्धा, पछ्याउँदै राष्ट्रिय बीमा र सिद्धार्थ
काठमाडौं । निर्जीवन बीमा कम्पनीमध्ये शिखर, सगरमाथा र नेको इन्स्योरेन्सबीच प्रतिस्पर्धा कायमै रहेको छ । विभिन्न सूचकमा एक आपसमा प्रतिस्पर्धी देखिएका यी कम्पनी बीमाशुल्क आर्जनमा पनि प्रतिस्पर्धीको रुपमा देखिएका हुन् । बीमा समितिको २०७९ असार मसान्तसम्मको तथ्यांकअनुसार २० वटा निर्जीवन बीमा कम्पनीहरुले एक वर्षको अवधिमा ३९ अर्ब १६ करोड रुपैयाँ बराबरको प्रिमियम संकलन गरेका छन् । कम्पनीहरुले २७ लाख ८८ हजार १८ वटा बीमा पोलिसी जारी गरी सो मात्राको प्रिमियम उठाएका हुन् । जसमध्ये सबैभन्दा बढी संकलन गर्नेमा शिखर इन्स्योरेन्सको अग्रता कायमै छ । समीक्षा अवधिमा शिखरले ५ अर्ब रुपैयाँ बढीको प्रिमियम संकलन गरेको छ । त्यस्तै, सगरमाथा इन्स्योरेन्सले ३ अर्ब १० करोड रुपैयाँ र नेको इन्स्योरेन्सले २ अर्ब ८५ करोड रुपैयाँ बराबरको बीमाशुल्क आर्जन गरेका छन् । र, क्रमशः दोश्रो र तेश्रो स्थानमा रहेका छन् । बीमाशुल्क आर्जनमा चौथो र पाँचौ स्थानमा राष्ट्रिय बीमा कम्पनी र सिद्धार्थ इन्स्योरेन्सबीच दह्रो टक्कर देखिन्छ । यी कम्पनीले क्रमशः २ अर्ब ६४ करोड र २ अर्ब ६१ करोड रुपैयाँ बराबरको प्रिमियम संकलन गरेका छन् । समितिका अनुसार अधिकांश कम्पनीले एक अर्ब बढी बीमाशुल्क संकलन गरेका छन् । तर दुई कम्पनीको भने एक अर्बभन्दा कम बीमाशुल्क रहेको छ । जसमा नेशनल इन्स्योरेन्स र जनरल इन्स्योरेन्स रहेका छन् । यी कम्पनीले क्रमशः ९० करोड ६६ लाख र ९० करोड १२ लाख रुपैयाँ बराबरको प्रिमियम संकलन गरेका छन् ।
जीवन बीमा कम्पनीले संकलन गरे १ खर्ब बढी बीमाशुल्क, दोब्बरको अग्रतामा नेपाल लाइफ
काठमाडौं । जीवन बीमा कम्पनीहरुले १ खर्ब ३८ अर्ब ६४ करोड रुपैयाँ बीमाशुल्क संकलन गरेका छन् । १९ वटा जीवन बीमा कम्पनीहरुले गत आर्थिक वर्षको मसान्तसम्म सो बीमाशुल्क संकलन गरेका हुन् । बीमा समितिले सार्वजनिक गरेको तथ्यांक अनुसार सबैभन्दा बढी बीमाशुल्क संकलन गर्नेमा नेपाल लाइफ रहेको छ । सो कम्पनीले ३५ अर्ब ३८ करोड ३६ लाख रुपैयाँ बीमा शुल्क संकलन गरेको हो । जुन अन्य बीमा कम्पनीको तुलनामा करिब दोब्बर नै हो । यस्तै, दोस्रोमा लाइफ इन्स्योरेन्स कम्पनीले १८ अर्ब २२ करोड ३२ लाख रुपैयाँ, तेस्रोमा नेशनल लाइफ इन्स्योरेन्सले १४ अर्ब ३३ करोड ९६ लाख र चौथोमा राष्ट्रिय बीमा संस्थानले ८ अर्ब ४७ करोड ६३ करोड रुपैयाँ बीमाशुल्क संकलन गरेको देखिएको हो । सबैभन्दा कम बीमाशुल्क संकलन गर्नेमा महालक्ष्मी लाइफ इन्स्योरेन्स छ । इन्स्योरेन्सले २०७९ असार मसान्तसम्ममा १ अर्ब ५८ करोड रूपैयाँ बराबरको बीमाशुल्क संकलन गरेको समितिले जनाएको छ । कुनको कति ?
