सेन्ट्रल फाइनान्सको संस्थापक हकप्रद सेयर लिलामीमा, असोज १२ गते अन्तिम दिन
काठमाडौं । सेन्ट्रल फाइनान्स लिमिटेडको संस्थापक हकप्रद सेयर लिलामी हुने भएको छ । फाइनान्सको ४ लाख ५६ हजार ३०८ कित्ता हकप्रद सेयर लिलामी हुन लागेको हो । लिलामीका बोलपत्र पेश गर्न सुरु मिति असोज ४ गतेदेखि १२ गतेसम्म रहेको छ । न्युनतम १ हजार कित्ताका लागि आवेदन दिनुपर्ने निष्कासन तथा बिक्री प्रवन्धक एनआईबीएल एस क्यापिटल लिमिटेडले जनाएको छ ।
स्वरोजगार लघुवित्तको साधारणसभा असोज २० मा, २० प्रतिशत बोनस सेयर दिने प्रस्ताव पारित गर्ने
काठमाडौं । स्वरोजगार लघुवित्त वित्तीय संस्था लिमिटेडको वार्षिका साधारणसभा असोज २० गते हुने भएको छ । १० औं वार्षिक साधारणसभाले गत आर्थिक वर्षमा गरेको नाफाबाट सेयरधनीलाई २० प्रतिशत बोनस दिने प्रस्ताव पारित गर्नेछ । गत आर्थिक वर्षमा गरेको नाफाबाट संस्थाले २ करोड ४४ लाख ९९ हजार रुपैयाँ बराबरको बोनस सेयर दिने भएको छ । सभाले चुत्तापुँजी र जारी पुँजी बढाउने प्रस्ताव पनि पारित गर्ने छ । सभामा ३ जना सञ्चालकको निर्वाचन हुने प्रस्ताव गरिएको छ ।
एनआईसी एसिया बैंकको ऋणपत्रमा माग भन्दा बढी आवेदन, बुधबार लगानी गर्ने अन्तिम दिन
काठमाडौं । एनआईसी एसिया बैंकको ऋणपत्र बुधबारसम्म मात्र खुला हुने भएको छ । माग भन्दा बढी आवेदन परेपछि बैंकले आज बुधबारसम्म मात्र खुला गरेको जानकारी दिएको छ । बैंकले वार्षिक ११ प्रतिशत ब्याज दिने गरी भदौ २१ गतेदेखि सर्वसाधारणका लागि प्रतिकित्ता १ हजार रुपैयाँ दरका ३६ करोड ६० लाख रुपैयाँ बराबरको ३ लाख ६६ हजार कित्तिा ऋणपत्र निष्कासन गरेको थियो । निष्कासन बन्द छिटोमा बुधबारसम्म तोकिएको छ । बैंकले धितोपत्र बोर्डबाट १ अर्ब ८३ करोड रुपैयाँ बराबरको १८ लाख ३० हजार कित्ता ऋणपत्र निष्कासन गर्न स्वीकृति पाएको छ । ऋणपत्र निष्कासन बन्द छिटोमा भदौ २५ र ढिलोमा असोज १९ गतेसम्म तोकिएको थियो । निष्कासन तथा बिक्री प्रवन्धक नविल इन्भेष्टमेन्ट बैंकिङ लिमिटेड रहेको छ । न्युनतम २५ देखि अधिकतम १ लाख ८३ हजार कित्तासम्म आवेदन दिने पाइने छ ।७ वर्ष अवधिको यस ऋणपत्रमा बार्षिक ब्याज दर ११ प्रतिशत तोकिएको छ भने अर्धवार्षिक रुपमा व्याज भुक्तानी गरिने बैंकले जनाएको छ ।
