विश्वभरी कोरोना सङ्क्रमितको सङ्ख्यामा कमी, एसियामा मृतकको सङ्ख्या वद्धि
काठमाडौं । कोरोना भाइरसबाट नयाँ सङ्क्रमितको सङ्ख्या विश्वभरी घट्दै गइरहेको देखिएको छ । विश्व स्वास्थ्य सङ्गठन (डब्लुएचओ)ले सार्वजनिक गरेको पछिल्लो विवरण अनुसार विश्वभरी कोरोनाका कारण मृतकको सङ्ख्या पनि झण्डै छ प्रतिशतले कम भएको छ । तर एसियामा भने मृतकको सङ्ख्या बढेको सङ्गठनको तथ्याङ्कमा देखिइएको छ । गत हप्ता विश्वभरी ५४ लाख मानिस कोरोना भाइरसबाट सङ्क्रमित भएका छन् । यो सङ्ख्या अघिल्लो हप्ताको तुलनामा २४ प्रतिशत कम भएको जनाइएको छ । अफ्रिकामा ४० प्रतिशतका दरले नयाँ सङ्क्रमितको सङ्ख्यामा कमी आएको छ । युरोप र मध्यपूर्वमा पनि कम देखिएको सङ्गठनले जनाएको छ । पश्चिमी प्रशान्त र दक्षिण पूर्वीएसियामा भने मृतकको सङ्ख्यामा वृद्धि भएको छ । ती क्षेत्रमा क्रमश ३१ र १२ प्रतिशतका दरले मृतकको सङ्ख्यामा वृद्धि भएको देखिएको हो । विश्वभरी अझै पनि कोरोना भाइरसको असर बाँकी नै रहेकाले यसबाट बच्नका लागि अपनाउनु पर्ने उपाय अपाउन उत्तिकै आवश्यक रहेको डब्लुएचओका अधिकारीले जनाएका छन् । उनीहरुले खोप लगाउन, मास्कको प्रयोग गर्न, सामाजिक दुरी कायम गर्न, सङ्क्रमण भएमा कम्तीमा एक हप्ता छुट्टै बस्न सबैलाई अनुरोध गरेका छन् । कोरोना भाइरसको महामारी अन्त्य भइसकेको भन्ने नठान्न पनि उनीहरुले ध्यानाकर्षण गराएका छन् ।
ट्विट गरेको आरोपमा साउदीमा एक महिलालाई चौतीस वर्षको जेल सजाय
एजेन्सी । ट्विट गरेको आरोपमा साउदी अरबको एक अदालतले एकजना विद्यावारिधीका विद्यार्थीलाई चौँतीस वर्षको जेल सजाय सुनाएको छ । बेलायतको लिड्स विश्वविद्यालयमा विद्यावारिधीको अनुसन्धानमा जुटेकी सलमा अल–शेहाबलाई अफवाह फैलाउने र असन्तुष्टहरूलाई रिट्विट गरेको आरोपमा ३४ वर्षको जेल सजाय सुनाइएको हो । साउदी अदालतको यो निर्णयबाट विश्वसमुदाय स्तब्ध भएको छ भने त्यसको विश्वव्यापीरूपमा निन्दा भएको छ । वासिङटनस्थित मानवअधिकार समूह फ्रिडम इनिसिएटिभका अनुसार बिदामा स्वदेशमा रहेकी उनलाई बेलायत फर्कने तयारीमा रहेका बेला गत वर्षको जनवरी १५ मा हिरासतमा राखेर साउदी प्रशासनले कारबाही थालेको थियो । एसोसिएटेड प्रेसले प्राप्त गरेको कानुनी कागजातहरूले उनको मुद्दा अदालतमा पठाउनु अघि अल–शेहाबले न्यायाधीशहरूलाई दुई सय ८५ दिन भन्दा बढी एकान्त कारावासमा राखिएको बताएकी थिइन् । फ्रिडम इनिसिएटिभले अल–शेहाबलाई साउदी अरबको शिया मुस्लिम अल्पसङ्ख्यकको सदस्यको रूपमा वर्णन गरेको छ जसले लामो समयदेखि सुन्नी–शासित राज्यमा व्यवस्थितरूपमा भेदभाव गरेको गुनासो गरेको छ । मानवअधिकारवादी संस्था एम्नेस्टी इन्टरनेशनलले अल–शेहाबको मुद्दालाई ‘घोर अनुचित’ र उनलाई सुनाइएको सजाय ‘क्रुर एवम् गैरकानूनी’ भएको भन्दै आलोचना गरेको छ । न्यायाधीशहरूले अल–शेहाबलाई ‘सार्वजनिक व्यवस्थामा गडबडी’ र ‘सामाजिक संरचनालाई अस्थिर’ गरेको आरोप लगाएका छन् भने आधिकारिक आरोपपत्रमा पनि सामाजिक सञ्जाललमा पोष्ट गरिएका उनका विषयवस्तुले झूटा अफवाह सम्प्रेषण गरेको दाबी गरिएको छ । उनले असन्तुष्ट व्यक्तिका खातालाई फलो र रिट्विट गरेको आरोप लगाइएको छ । दुई हजारभन्दा बढी फलोअर नभएको व्यक्तिगत खाताबाट जिज्ञासावस आफूले ट्विट र रिट्विट गर्नु र उनीहरूका दृष्टिकोढा नियाल्नु आतङ्वाद हो भन्ने आफूलाई नलागेको अपीलका क्रममा न्यायाधीशसमक्ष अल–शेहाबले बताएकी छन् । विशेष फौजदारी अदालतले उनलाई प्रतिआतङ्कवाद र साइबर अपराध कानुनअन्तर्गत ३४ वर्षको यात्रा प्रतिबन्धसहित ३४ वर्षको असाधारण कठोर सजाय सुनाएपछि उनले आफ्नो बचाउमा उक्त दलील पेश गरेकी हुन् ।
भारतको विदेशी मुद्रा सञ्चिति ५७० अर्ब ७४ करोड डलरमा झर्यो
ऐजेन्सी । भारतको विदेशी मुद्रा सञ्चिति निरन्तर ओरालो लागेको र यसपटकको तथ्यांकमा विदेशी मुद्रा सञ्चितिमा कमी आएको छ । अगस्ट १२, २०२२ मा समाप्त भएको सातामा देशको विदेशी मुद्रा सञ्चिति २.२३ अर्ब डलरले घटेर ५७०.७४ अर्ब डलर पुगेको छ । भारतीय रिजर्भ बैंक (आरबीआई) ले यो जानकारी दिएको हो। रिजर्भ बैंकले जारी गरेको साप्ताहिक तथ्याङ्क अनुसार भदौ १२ गते समाप्त भएको सातामा विदेशी मुद्रा सञ्चिति घट्नुको मुख्य कारण कुल मुद्रा सञ्चितिको महत्वपूर्ण हिस्सा रहेको विदेशी मुद्रा सम्पत्तिको ह्रास हो । यसअघि भदौ ५ गतेको सातामा विदेशी विनिमय सञ्चिति ८९ करोड ७० लाख डलरले घटेर ५७२ अर्ब ९७ करोड डलरमा झरेको थियो । साप्ताहिक तथ्याङ्कअनुसार समीक्षा अवधिमा विदेशी मुद्रा सम्पत्ति (एफसीए) २ अर्ब ६५ करोड डलरले घटेर ५०६ अर्ब ९९ करोड डलर पुगेको छ । डलरमा व्यक्त गरिएको विदेशी मुद्रा भण्डारमा राखिएको विदेशी मुद्रा सम्पत्तिहरूमा यूरो, पाउन्ड र येन जस्ता गैर(अमेरिकी मुद्राहरूमा मूल्यह्रास वा मूल्यह्रासको प्रभाव समावेश हुन्छ। सुनको भण्डारमा भने वृद्धि तथ्यांकअनुसार समीक्षा अवधिमा सुनको सञ्चिति मूल्य ३० करोड ५० लाख डलरले बढेर ४० अर्ब ६१ करोड डलर पुगेको छ । उल्लेखनीय कुरा के छ भने विश्व गोल्ड काउन्सिलले जारी गरेको प्रतिवेदनमा भारतको सुनको माग ४३ प्रतिशतले बढेको छ र आगामी त्रैमासमा यो अझै बढ्ने अनुमान गरिएको छ । (एसडीआर) गिरावट समीक्षा अन्तर्गतको हप्तामा, अन्तर्राष्ट्रिय मुद्रा कोष (आईएमएफ) सँगको विशेष ड्राइंग अधिकार (एसडीआर) १०.२ मिलियन डलरले बढेर १८.१३ बिलियन पुगेको छ। जबकि आईएमएफमा रहेको देशको मुद्रा सञ्चिति ७ करोड डलरले बढेर ४ अर्ब ९९ करोड रुपैयाँ पुगेको छ ।
