वर्षमा सय भन्दा थोरै कामदार विदेश पठाउने म्यानपावरको पनि इजाजतपत्र नवीकरण हुने
काठमाडौं । वर्षमा एक सय सय भन्दा थोरै कामदार विदेश पठाउने म्यानपावरहरुले पनि आफ्नो इजाजत पत्र नवीकरण गर्न पाउने भएका छन् । श्रम, रोजगार, तथा सामाजिक सुरक्षा मन्त्रालयले राजपत्रमा सूचना जारी गर्दै सो कुरा जनाएको हो । यसअघि नवीकरण हुनका लागि एक आर्थिक वर्षमा कम्तीमा १०० जना कामदार विदेश पठाउनुपर्ने व्यवस्था रहेको थियो । वैदेशिक रोजगार ऐन, २०६४ को दफा ८२ ले दिएको अधिकार प्रयोग गरी वाधा अड्काउ फुकाउने आदेश अन्तर्गत सो सूचना जारी गरिएको राजपत्रमा उल्लेख गरिएको छ ।
राष्ट्रिय परीक्षा बोर्डले माग्यो ७३ जना कर्मचारी
काठमाडौं । राष्ट्रिय परीक्षा बोर्डले कर्मचारी माग गरेको छ । साउन ६ गते दरखास्त आह्वानको सूचना जारी गर्दै बोर्डले खुला तथा आन्तरिक प्रतियोगितात्मक परीक्षाद्वारा पदपुर्तिका गर्नका लागि अन्तर कार्यालयहरुमा रिक्त रहेका विभिन्न पदहरुमा खुला तथा आन्तरिक परीक्षाद्वारा पदपुर्तिका गर्नका लागि दरखास्त आह्वान गरेको हो । सूचनाअनुसार तोकिएको योग्यता पुगेका उम्मेदवारहरुले सो सूचना प्रथम पटक प्रकाशित भएको मितिले तीस दिन भित्र नियमित शुल्कमा र थप सात दिनभित्र दोब्बर शुल्कमा आवेदन दिन सकिने कुरा उक्त सूचनामा उल्लेख गरिएको छ । हेर्नुस् सूचना
‘इन्टर्न’ माथिको चरम शोषण, कतिपय प्रतिष्ठानमा उल्टै शुल्क असुलेकाे जिकिर
काठमाडाैं । नेपाल ट्रेड युनियन महासङ्घ (जिफन्ट) ले इन्टर्न (तालिमे) को नाममा श्रमिकमाथि शोषण भइरहेको भन्दै यसका विरुद्धमा अभियान चलाउने भएको छ । जिफन्टले आठौँ महाधिवेशनपछि सञ्चालन गर्ने एउटा मुख्य अभियान यसलाई नै बनाउने भएको हो । यसले श्रम बजारमा भइरहेको एउटा शोषणको अन्त्य हुने जिफन्टको निश्कर्ष छ । जिफन्टको यही साउन ७ गतेदेखि १० गतेसम्म हुने आठौँ राष्ट्रिय महाधिवेशनको तयारीका सम्बन्धमा जानकारी दिन आयोजित पत्रकार सम्मेलनमा जिफन्टका अध्यक्ष विनोद श्रेष्ठले इन्टर्नका नाममा विनापैसा काममा लगाउने मात्र नभई कतिपय प्रतिष्ठानमा उल्टै शुल्क असुल्ने काम भएकाे जिकिर गरे । उनले इन्टर्नलाई पनि ज्याला दिनु पर्दछ भन्ने अभियान जिफन्टले सुरु गर्ने जानकारी दिँदै यसले प्रतिफलपूर्ण रोजगारीको विषयलाई अगाडि बढाउने बताए। नेपालमा कति श्रमिक छन् भन्ने तथ्याङ्क नै नभएका कारण जिफन्टले श्रमिकलाई स्थानीय तहमा सूचीकरणका लागि दबाबकारी अभियान पनि सञ्चालन गर्ने भएको छ । यसका लागि हरेक पालिकामा जिफन्टले कम्तीमा तीन जना युनियनका नेता परिचालन गर्ने जनाएको छ । उनीहरुमार्फत सो पालिकामा रहेका श्रमिकलाई दर्ता गर्ने योजना बनाएको छ । “यसका लागि देशका ७५३ वटै पालिकामा जिफन्टका अगुवा नेताहरु परिचालित हुनेछन्”, अध्यक्ष श्रेष्ठले भने, “यसले देशव्यापीरूपमा एउटा अभियान सञ्चालन हुनेछ ।” ‘श्रमजीवी वर्गको सम्मान र समृद्धिका लागि सुदृढ र परिपूर्ण लोकतन्त्र’ भन्ने मूल नाराका साथ यही साउन ७ गते गोदावरीस्थित सनराइज सम्मेलन केन्द्रको सूर्योदय हलमा सुरु हुने जिफन्टको आठौँ राष्ट्रिय महाधिवेशनको उद्घाटन नेकपा (एमाले)का अध्यक्ष केपी शर्मा ओलीले गर्ने कार्यक्रम छ । बाँकी तीन दिनको बन्दसत्र राष्ट्रियसभागृहमा हुनेछ । चार दिनसम्म चल्ने महाधिवेशनमा जिफन्ट आबद्ध २१ वटा युनियन र जिफन्टका सातवटै प्रदेशका गरी ५१२ प्रतिनिधिले भाग लिनेछन् ।
