टेलिकमको मोबाइल लाइसेन्स नवीकरण अन्योलमा
काठमाडौं । नेपाल दूरसञ्चार कम्पनी लिमिटेड (नेपाल टेलिकम)को मोबाइल सेवा इजाजत नवीकरण आइतबार पनि हुन सकेन। नेपाल दूरसञ्चार प्राधिकरण बोर्डको आइतबारको छलफलबाट यस विषयमा टुंगो लाग्ने अपेक्षा गरिए पनि छलफलले निरन्तरता पाउँदा नवीकरण प्रक्रिया अघि बढ्न नसकेको हो। प्राधिकरणका कार्यवाहक अध्यक्ष पुरुषोतम खनालका अनुसार आइतबार बोर्डमा यस विषयमा छलफल भएको थियो। ‘छलफलले निरन्तरता पाएको छ’, खनालले भने, ‘टेलिकमले समयभित्रै नवीकरणका लागि निवेदन दिएको र निवेदनअनुसार नवीकरण प्रक्रियामै छ।’ प्रक्रियामा भएकाले टेलिकम सेवा सञ्चालनमा कुनै समस्या नहुने खनाल बताउँछन्। खनालका अनुसार इजाजतको समय सकिनभन्दा तीन महिना अघिनै प्राधिकरणमा निवेदन दिनुपर्ने प्रावधान छ। त्यसैका आधारमा टेलिकमले माघ २५ भित्रै प्राधिकरणमा सेवा नवीकरणका लागि निवेदन दिएको थियो। तर, नवीकरण शुल्कको विषयमा रहेको कानुनी अन्योलताले समयमा नवीकरण हुन नसकेको हो। प्रक्रियामै रहेकाले केही दिनभित्रै यस विषयलाई टुंगो लगाउने खनालले बताए । नवीकरण अवधि वैशाख २९ गते सकिएको छ। आजको अन्नपूर्ण पोस्ट दैनिकमा समाचार छ ।
जेठ १ गते सुविसुले ‘कनक्लेभ २०१९’ को आयोजना गर्दै, प्रविधिलाई प्रबर्धन गर्ने उद्देश्य
काठमाडौं । सुविसु केबल नेट प्रालीले आगामी जेठ १ गते दोस्रो संस्करणको ‘कनक्लेभ २०१९’ को आयोजना गर्ने भएको छ । सूचना तथा प्रविधिलाई प्रबर्धन गर्न तथा समय सापेक्ष विषयमा छलफल गर्न सो कार्यक्रमको आयोजना हुन लागेको पाइएको हो । कार्यक्रममा ब्लकचेन टेक्नोलोजी साईबर सेक्यूरिटिज, क्यूओएस, एआई तथा डिजिटल प्रविधिको रुपान्तरणको विषयमा छलफल हुने आयोजकले बताएका छन् । मेगासीस विजेता डा. महाविर पुनले पनि कार्यक्रममा प्रस्तुती दिनेछन् । साथै, अन्य विज्ञहरु समेतले कार्यक्रममा सहभागीता जनाउने आयोजकको दाबी छ ।
आज र भोलि काठमाडौंमा हावाहुरी संगै बर्षा, सतर्क रहन आग्रह
काठमाडौं। आज र भोली काठमाडौंमा ठुलो हावाहुरी सहित बर्षा हुने जल तथा मौसम पुर्वअनुमान महाशाखाले जानकारी दिएको छ। महाशाखाको अनुसार देशभरि आंशिक देखि सामान्य बदलि रही थोरै स्थानहरुमा मेघ गर्जन, हावाहुरी सहित वर्षाको सम्भावना रहेको छ। महाशाखाले सबैलाई सतर्क रहन आग्रह गरेको छ।
