आरटीजीएस प्रणालीमा जाेडिए थप १० वित्तीय संस्था (नामसहित)
काठमाडौं । नेपाल राष्ट्र बैंकले थप १० वटा वित्तीय संस्थालाई रियल टाइम ग्रस सेटलमेन्ट (आरटीजीएस) प्रणालीमा जोडिन अनुमति दिएको छ । नेपाल राष्ट्र बैंकले शुक्रबार एक सूचना जारी गर्दै १० वटा वित्तीय संस्थाहरु मार्फत आरटिजीएस प्रणालीमा जोडिएको जनाएको हो । ‘ख’ र ‘ग’ वर्गका वित्तीय संस्थाहरु आजदेखि आरटीजीएस प्रणालीमा जोडिएका हुन् । यसअघि वाणिज्य बैंकहरु आरटीजीएस प्रणालीमा आवद्ध भइसकेका छन् । अहिले विकास बैंक र वित्त कम्पनी पनि आरटीजीएस प्रणालीमा जोडिएका हुन् ।
काठमाडौंमा आइटी करियर कनक्लेभ आयोजना हुँदै, सहभागी हुन अनलाइनबाट नाम दर्ता गर्नुपर्ने
काठमाडाैं । सञ्चार तथा सूचना प्रविधिको मानव जीवनमा पार्ने प्रभाव र प्राविधिक उद्यमशिलताको अवस्थाको विषयमा केन्द्रीत पिबिएस आइटी करियर कनक्लेभ काठमाडौंमा आयोजना हुने भएको छ । लिभिङ विथ आइसिटी र प्रेसिडेन्सीयल विजनेस स्कुलको संयक्त आयोजनामा आगामी शनिबार र आइतबार(पुस २५ र २६ गते) पिबिएस आइटी करियर कनक्लेभ हुने भएको हो । मंगलबार पत्रकार सम्मेलन आयोजना गरी कनक्लेभका कार्यक्रम संयोजक पारस डोटेलले आइटी क्षेत्रको विकास र प्रवद्र्धनका लागि कनक्लेभ आयोजना गरिएको बताए । दुई दिनसम्म सञ्चालन हुने कनक्लेभमा आइटी क्षेत्रका २० जना भन्दा बढी विज्ञहरुले आफ्ना धारणा प्रस्तुत गर्नेछन् । कार्यक्रममा विभिन्न पाँच विषयका सेसनहरु सञ्चालन हुनेछन् । प्रेसिडेन्सियल विजनेस स्कुलमा आयोजना हुने कार्यक्रममा सूचना प्रविधि क्षेत्रमा करियर बनाउन खोजिरहेको विद्यार्थी तथा शिक्षकहरुले सहभागिता जनाउन सक्नेछन् । त्यसैगरी कार्यक्रमको दोस्रो दिन पुस २६ गते बिहान ११ बजेदेखि १२ बजेसम्म ‘कनेक्टिङ ट्यालेन्ट्स विथ ग्लोबल अपर्चुनिटी’ विषयमा पहिलो सेसन सञ्चालन हुनेछ । त्यसैगरी सोही दिन नै साढे १२ बजेदेखि साढे १ बजेसम्म ‘आइटी ग्रोथ इन नेपाल नेक्स्ट टेन इयर्स’ विषयमा अन्तिम सेसन सञ्चालन हुनेछ । कार्यक्रममा विभिन्न विज्ञहरु ‘कि नोट स्पिकर’को रुपमा पनि रहनेछन् । प्रेसिडेन्सियल विजनेश स्कुलको प्राङ्गडमा आयोजना हुने कार्यक्रम विभिन्न अनलाइन, सोसियल मिडियामा प्रत्यक्ष प्रशारण हुनेछ । कार्यक्रममा आमन्त्रित अतिथी र पञकारहरु प्रत्यक्ष उपस्थित हुन सक्ने व्यवस्था मिलाईएको छ भने अन्य सहभागिले जुम मार्फत सहभागी जनाउनुपर्नेछ । अन्तराष्ट्रिय स्तरमा रहेका केहि वक्ताहरु भने भर्चुअल माध्यमबाट प्यानल डिस्कसरनमा सहभागी हुनेछन् । कार्यक्रममा सहभागिता जनाउनको लागि अनलाईन मार्फत नाम दर्ता गर्नुपर्नेछ । सूचना प्रविधि क्षेत्रका सरोकारवाला, आइटीमा करियर बनाउन खोजिरहेका विद्यार्थी र शिक्षकहरुको लागि पनि यो कार्यक्रम महत्वपूर्ण हुने विजनेश स्कुलका कार्यकारी निर्देशक लक्ष्मण केसीले बताए । प्रेसिडेन्सियल विजनेशले स्कुल विगत एक दशकदेखि अमेरिकन विश्वविद्यालय सँगको पाटनरसिपमा विजनेश डिग्रीहरु(बीबीए र एमबीए) सञ्चालन गर्दै आइरहेको छ । प्रेसिडेन्सियल विजनेशले स्कुलले स्कुल अफ टेक्नोलाजी अन्तरगत नेपालमा नै पहिलोपटक अमेरिकन विश्वविद्यालयकै पाटनरसिपमा यसै वर्षदेखि ब्याच्लर(बीएससीआईटी) र मास्टर्समा (एमएससीआईसी) प्रोग्रामहरु सञ्चालन गर्न लागिरहेको छ । व्यवसायीक र समयअनुकुल शिक्षामा जोड दिँदै आएको कलेजले विभिन्न सेमिनार, कन्फ्रेन्सहरु पनि आयोजना गर्दै आइरहेको छ । कलेजले इन्नोभेसन तथा उद्यमशिलताको विकासका लागि कलेजमा इन्नोभेसन सेन्टरको पनि स्थापना गरिएको छ ।
नेपालमा बग बाउन्टी प्लेटफर्म ‘बगभी’ सञ्चालन, साइबर सुरक्षामा योगदान दिने
काठमाडौं । एथिकल ह्याकरहरूलाई खुसीको खबर छ । साइबर सुरक्षामा चासो राख्ने र यसबारे अनुसन्धान गर्नेहरूलाई नेपालमा बग बाउन्टी प्लेट फर्म ‘बगभी’ को सूरुवात भएको छ । साइबर सुरक्षा सेवालाई सस्तो र सर्वसुलभ बनाउन साइनिकल टेक्नोलोजीले नेपालमै पहिलो पटक ‘बगभी’ को सञ्चालन गरेको हो । एथिकल ह्याकर र साइबर सुरक्षा अनुसन्धानकर्ताहरूले कुनै पनि कम्पनि, त्यसको सिस्टम र सफ्टवेयरको जोखिमका बारेमा समस्या पत्ता लगाएर रिवार्ड पनि प्राप्त गर्न सक्नेछन् । साइनिकल टेक्नोलोजीका सिइओ नरेश लाम्गादेका अनुसार यसलाई नेपालमा मात्र सिमित नगरेर विश्वमै बिस्तार गर्ने योजना छ । कुनै प्लेटफर्ममा बग फेला परेमा एथिकल ह्याकरले बगभीमार्फत रिपोर्ट गर्न सक्नेछन् । त्यही बगका आधारमा ह्याकरहरुले निश्चित रकम रिवार्ड पनि प्राप्त गर्नेछन् । यसरी रिवार्डबापतको पैसा इसेवा, फोनपेमार्फत दिलाउने व्यवस्था मिलाइएको छ । हालसम्म बगभीमा ६ वटा कम्पनीहरू सूचिकृत भइसकेका छन् । आफ्नो प्लाटफर्ममा बग भए, नभएको पत्ता लगाउन उनीहरू सूचिकृत भएका हुन् । सिइओ लाम्गादेका अनुसार यसमा अन्य कम्पनिहरूले पनि चासो दिएका छन् । ह्याकरहरूका कारण विभिन्न कम्पनिका वेवसाइट, सफ्टवेयर तथा यसको प्रणालीमा जहिल्यै खतरा भईरहन्छ । यस्तो अवस्थामा एथिकल ह्याकर र अनुसन्धाकर्ताहरूले समस्यामा आइ पर्ने बग पत्ता लगाउन र त्यो समस्या समाधान गर्न भूमिका खेल्ने गर्छन् । कुनै प्लेटफर्ममा बग फेला परेमा एथिकल ह्याकरले बगभीमार्फत रिपोर्ट गर्न सक्नेछन् । हाल बग फेला पारेको अवस्था सम्बन्धित कम्पनी तथा प्लेटफर्मसँग सिधै सञ्चार गर्ने उपयुक्त माध्यम नहुँदा डेटा ब्रिच तथा लिकका घटना भइरहेका छन् । ‘अब त्यो समस्या समाधानका लागी साइनिकल टेक्नोलोजीले भूमिका खेल्ने छ ।’ सिइओ नरेश लाम्गादे भने । साइनिकल टेक्नोलोजीले सरकारी निकाय, विभिन्न निजि तथा सार्वजनिक संघ, संस्थाहरुलाई सेवा प्रदान गर्ने बताएको छ । तर, साइबर सुरक्षा अनुसन्धानकर्ताहरुको हकमा भने त्यो नियम लागु हुने छैन । संसारभर जहाँसुकैबाट अनुसन्धानकर्ताहरुले नि:शुल्क बगभी प्लेटफर्ममा जोडिन सक्नेछन् । सेवाग्राहीले कम्पनिलाई निश्चित शुल्क तिर्नु पर्नेछ । बग बाउन्टीलाई भल्नेरेबिलिटि रिवार्डस् प्रोगाम (भिआरपी) पनि भनिन्छ । संसारमा धेरैजसो सफ्टवेयर भेन्डर्स र वेवसाइटले बग बाउन्टी प्रोगाम सूरू गरेका छन् ।
