‘प्रधानमन्त्री कप २०७७ क्रिकेट’ डिशहोमबाटै प्रत्यक्ष हेर्न पाइने
काठमाडाैं । राष्ट्रिय खेलकुद परिषदको कार्यक्रम अनुसार नेपाल क्रिकेट संघ(क्यान) द्धारा आयोजीत पीएम कप पुरुष (एक दिवसिय) २०७७ प्रत्यक्ष प्रशारण गर्न डिश मिडिया नेटवर्क र क्यान विच समझदारी भएको छ । काठमाडौंको किर्तिपुर तथा मुलपानी मैदानमा माघ २ गतेबाट सुरु हुने पीएम कप पुरुष (एक दिवसिय) २०७७ मा तीन विभागीय टोली र ७ प्रादेशीक टोलिले उपाधिका लागि प्रतिस्पर्धा गर्नेछन् । माघ १७ गते सम्म चल्ने प्रतियोगितामा ७ प्रदेश र ३ विभागीय गरी सहभागी १० टोलीलाई दुई समूहमा विभाजन गरिएको छ । समूह ‘ए’ मा त्रिभुवन आर्मी आर्मी, एपिएफ, कर्णाली, गण्डकी र प्रदेश १ छन् । त्यस्तै समूह ‘बी’ मा पुलिस, लुम्बिनी, प्रदेश २, बागमती र सुदूरपश्चिम छन् । राउन्ड रोविन लिगपछि समूहका शीर्ष दुईदुई टोली सेमिफाइनलमा पुग्ने छन् । पहिलो सेमिफाइनल माघ १४ र दोस्रो माघ १५ गते हुनेछ । फाइनल माघ १७ गते हुने छ । यसअघि दाङमा भएको प्रधानमन्त्री कप महिला प्रतियोगिताको पनि एक्सन स्पोर्टस्ले प्रत्यक्ष प्रसारण गरेको थियो । दुबै प्रतियोगिता डिश मिडिया नेटवर्कको एक्सन स्पोर्टस् एचडी तथा एसडी च्यानल ले प्रत्यक्ष प्रशारण गर्नेछ । यसअघि दाङमा भएको प्रधानमन्त्री कप महिला प्रतियोगिताको पनि प्रत्यक्ष प्रसारण गरेको थियो ।
वाह ! राष्ट्रियता (कविता)
जनतामा आश मरेको बेला नेतृत्वले घात गरेको बेला स्वाधिनता बसाई सरेको बेला राष्ट्रियता बन्धकमा परेको बेला दुखेको छ प्रत्येक नेपाली मन ।। राजनीतिका नाममा लाजनीति अनेक तन्त्रका नाममा छाडातन्त्रले कुहिरोको काग छ भविष्य दुख्दैन भ्रष्ट, स्वार्थीहरुलाई सीमा मिचिँदा थिचिँदा गरिबीले जनहरु अभावले छट्पटिँदा मनहरु ।। स्वार्थकै लागि लड्ने बुज्रुकहरु निर्लज्ज प्रश्न गरिरहेछन् इतिहाससित एकताको प्रतीकसँग भुलेर दूरदर्शिता र अठोट कदम गलत थियो भनेर भुलले फूल मै अल्झिनेहरु सायद माला रुचाउँदैनन् ।। बेचेर सम्पदा देशको खानेसँग स्वार्थपूर्तिका लागि सती जानेसँग समृद्धिको नारामा भुलाएर सारालाई जो खोक्रो राष्ट्रियता भुकिरहेछन् र विपत्तिमा लुकिरहेछन् तिनैबाट नयाँ नेपालको आश आकाशको फल देख्छु ।। लिङ्कनको प्रजातन्त्र ड्युनाको त्याग पृथ्वीको धैर्यता र एकतामोह मन्डेलाको राष्ट्रियता र जातिप्रेम बुद्धको साधना भुलेर यी सबै कहाँ बुझिन्छ राष्ट्रियता ? कहिले चुलिन्छ देशभक्ति ?।। साँच्चै नयाँ नेपाल समान नियमको होस्, होस् शान्ति र सिर्जनाको हातपसार्न नपरोस् कसैसँग हटोस् छुवाछुत, छाउपडी र बोक्सी जस्ता कुप्रथाहरु अन्धविश्वास र विकृतिका कारण नपरोस् दिदी, भाउजूहरु जिउँदै जल्न अनि बहिनीहरुको नहोस् भुरण हत्या अभाव र छट्पटिले पिल्सननपरोस् कसैलाई ।। दुनियाँले भनोस् वाह! राष्ट्रियता वाह! राष्ट्र ।। परोपकार, मानवता शिष्टता अनि भुलेर क्षमाभाव कहाँ बच्छ र अस्तित्व? बचाउन यी सबै सबै सच्चा मानवको खोजी गरिरहेछ देश ।। मुकुण्डो भिरेकाहरुसँग डरमा छिन् नेपालआमा निर्धक्कबाँच्न, बचाउन हाँस्न, हँसाउन पाइयोस् सँधै श्रमको मूल्य खोज्दै सडकमा लम्पसार परेका जय नन्दलाल भोको पेटमा भारी बोकि रहेका हर्षमान सिटामोल नपाएर छोरा गुमाएकी कान्छीमाया सबैलाई अनुभूत गराउन पाइयोस् राष्ट्र रहेको राष्ट्रिय एकता ए कता नहोस् सदा कायम रहोस् राष्ट्रिय एकता ।। इति………। तारकेश्वर गापा-१, दाङसिङ नुवाकोट हालपोखरा-११
सिटी एक्सप्रेस बन्यो भोईस अफ् नेपालको सह प्रायोजक
काठमाडौं । सिटी एक्सप्रेस मनी ट्रान्सफरले लोकप्रिय रियालिटी टेलिभिजन गायन प्रतियोगिता कार्यक्रम भोईस अफ् नेपाल-सिजन ३ को सह प्रायोजक रहने घोषणा गरेको छ । सो कार्यक्रम हिमालय एच् डी टिभीबाट प्रसारण हुने छ र यस कार्यक्रमको डिजिटल अडिशन भने शुरु भैसकेको छ । काठमाडौं स्थित र्याडिशन होटलमा आयोजित हस्ताक्षर कार्यक्रममा सिटी एक्सप्रेसका प्रबन्ध निर्देशक चन्द्र टण्डनले भोईस अफ् नेपाल जस्तो लोकप्रिय रियालिटी कार्यक्रम सँग आबद्ध हुन पाउदा खुशी लागेको साथै सिटी एक्सप्रेसले जसरी देश विदेशमा रहेका नेपाली दाजु भाई तथा दिदी बहिनीहरुलाई सेवा प्रदान गर्दै आइरहेको बताए । त्यसरी नै भोईस अफ नेपालले पनि देश विदेशमा रहेका नेपाली दाजुभाई तथा दिदी बहिनीहरुबाट गायन प्रतिभा देखाउने एउटा राम्रो प्ल्याटफर्म प्रदान गरेकोमा उनले खुशी व्यक्त गरेका छन् । सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउदै बिगत १४ वर्षदेखि संसार भरबाट विप्रेषण सेवा प्रदान गर्दै आइरहेको छ । आन्तरिक विप्रेषण अन्तर्गत सिटी एक्सप्रेसका देशभर छरिएर रहेका १० हजार भन्दा बढी भुक्तानी केन्द्रहरु मार्फत छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाईल वालेटमा लोड गर्न सकिने जस्ता सुविधाहरु प्रदान गर्दै आइरहेको छ ।
