ज्योति विकास बैंक र ग्रीन डेभलपमेन्ट बैंकको सेयर मूल्य समायोजन, प्रतिकित्ता मूल्य कति?
काठमाडौं । सोमबार मात्रै ज्योति विकास बैंक र ग्रीन डेभलपमेन्ट बैंकको सेयर मूल्य समायोजन भएको छ । नेपाल स्टक एक्स्चेञ्ज(नेप्से)ले एकैदिन यी दुई कम्पनीको बोनस र हकप्रद पछि मूल्य समायोजन गरेको हो । ज्योति विकास बैंकको १० प्रतिशत बोनस सेयर पछिको सेयर मूल्य समायोजन भएको छ । समायोजन पछि यस कम्पनीको सेयर मूल्य प्रतिकित्ता १६२ रुपैयाँ रहेको छ । जसको आधारमूल्य प्रतिकित्ता १९७ रुपैयाँ रहेको थियो । त्यस्तै, नेप्सेले ग्रीन डेभलपमेन्ट बैंकको ४०० प्रतिशत हकप्रद सेयर पछिको सेयर मूल्य समायोजन गरेको छ । समायोजन पछि यस कम्पनीको सेयर मूल्य प्रतिकित्ता १४७ रुपैयाँ रहेको छ ।
सेयर बजारमा सकारात्मक संकेत, दोहोरो अंकको वृद्धि
काठमाडौं । निरन्तर ओरालो लागिरहेको सेयर बजारमा सकारात्मक संकेत देखिन थालेको छ । सोमबार खुल्ने वित्तिकै बढेको बजार ११ः४३ मिनेटमा १८.४३ अंकले बढेको हो । सो अवधीमै बजारमा ३ करोड भन्दा बढि मूल्यको सेयर कारोबार भैसकेको छ । सो अवधीसम्ममा फाइनान्स कम्पनी बाहेक सबैको परिसूचक बढेको देखिन्छ ।
आशा लघुवित्तको बिक्री प्रवन्धकमा प्रभु क्यापिटल नियुक्त
काठमाडौं । आशा लघुवित्त वित्तीय संस्था लिमिटेडको सेयर निष्कासन तथा कम्पनीको बिक्री प्रवन्धकमा प्रभु क्यापिटल लिमिटेड नियुक्त भएको छ । आइतबार सम्पन्न नियुक्ति सम्बन्धी सम्झौतामा आशा लघुवित्त वित्तीय संस्थाको तर्फबाट प्रमुख कार्यकारी अधिकृत बद्रीप्रसाद दुलाल तथा शेयर निष्काशन तथा बिक्री प्रबन्धक प्रभु क्यापिटलका तर्फबाट महा-प्रबन्धक सुजिन शाक्यले हस्ताक्षर गरेका छन् । सम्झौता पश्चात प्रभु क्यापिटलमार्फत कम्पनीले ३ लाख कित्ता कित्ता ३ लाख कित्ता कित्ता शेयर निष्काशन गर्ने भएको छ । सो मात्राको आइपीओ पश्चात कम्पनीको चुक्ता पूँजी १० करोड रुपैयाँ पुग्ने छ ।
