नेपाल लाइफ इन्स्योरेन्सले ल्यायो दुईवटा अनलाइन सेवा, कसरी लिने ?
काठमाडौं । नेपाल लाइफ इन्स्योरेन्सले ‘म्याच्युरिटी क्लेम’ र ‘क्लेम इन्टिमेसन’ नामक दुईवटा अनलाइन सेवा संचालनमा ल्याएको छ । कम्पनीले लकडाउनको अवधिमा सकेसम्म अत्यावश्यक भन्दा बाहेकका अवस्थामा घरमै बस्नु पर्ने हुनाले आफ्ना सेवाग्राहीहरुको सुविधालाई ध्यानमा राख्दै उक्त सेवा सञ्चालनमा ल्याएको हो । जसमध्ये ‘म्याच्युरिटी क्लेम’ सेवा मार्फत आफ्ना बीमितहरुले बीमालेख म्याच्युरिटी हुने समयावधीको जानकारी लिन सक्नेछन् । यस सेवामा म्याच्युरिटीको समय पुगेका बीमितहरुले आफ्नाे बीमा लेखको म्याच्युरिटी क्लेमको प्रक्रिया अघि बढाउन सक्नेछन् । जस अनुसार कम्पनीका कर्मचारीहरुबाट म्याच्युरिटी क्लेमको प्रक्रियाका काम अघि बढाउने कम्पनीले जनाएको छ । त्यसैगरी ‘क्लेम इन्टिमेसन’ सेवा अन्तर्गत दावीकर्ताहरुले घरमै बसेर अनलाइन मार्फत नेपाल लाइफको वेबसाइटमा दावी सम्बन्धी जानकारी दिन सक्नेछन् । जसको आधारमा नेपाल लाइफका कर्मचारीहरुले दावी भुक्तानी प्रक्रिया आगाडि बढाउनेछन् । नेपाल लाइफले आफ्ना सेवाग्राहीलाई जस्तोसुकै विषम परिस्थितिमा पनि उत्कृष्ट सेवा दिन तथा चुस्त दुरुस्त बनाउनका लागि आवश्यक प्रविधिको प्रयोग गर्दै आफ्नाे अनलाइन सेवालाई समय सापेक्ष अझ परिस्कृत गर्दै लगेको छ । जस अन्तर्गत आफ्ना बीमितहरुको काम कारवाही बिना रोकावट अघि बढाउन यो सेवा प्रवाह गरेको कम्पनीले जनाएको छ । आगामी दिनमा समय सापेक्ष आफ्ना सेवाहरु अझ परिस्कृत तथा प्रभावकारी ढंगले अगाडि बढाउँदै लैजाने प्रतिवद्धता कम्पनीद्धारा जारी विज्ञप्तीमा उल्लेख छ । आफ्ना अभिकर्ता तथा सेवाग्राहीहरुको काम कारवाहीमा कुनै कमी हुन नदिन कम्पनीले यस विषम परिस्थितिमा ‘भरच्युअल अफिस’को रुपमा घरैबाट सेवा प्रवाह गर्नको लागि कर्मचारीहरु अनलाइन मार्फत सेवा दिइरहेका छन् । यस विषम परिस्थितिमा बीमा सम्बन्धी जानकारी लिनु परेमा ९८५११७९५७८ (उमापति पोखरेल), ९८५११५९३७९ (दिगविजय सिंघल) वा आफ्ना नजिकका नेपाल लाइफका क्षेत्रीय कार्यालय प्रमुख, शाखा/उपशाखा प्रमुखहरुबाट जानकारी तथा सेवा उपलब्ध हुने कम्पनीद्धारा जारी विज्ञप्तीमा उल्लेख छ । कसरी लिने म्याच्युरिटी क्लेम र क्लेम इन्टिमेसन सेवा ? सेवाग्राहीहरुले म्याच्युरिटी क्लेम र क्लेम इन्टिमेसन सेवा लिनकाे लागि यसमा क्लिक गर्न सक्नेछन् । साथै, उक्त सेवा लिने ट्युटोरियलको लागि यसमा क्लिक गर्न सकिने छ । नेपाल लाइफ इन्स्योरेन्सको प्रिमियम इसेवा, प्रभु पे र नेपाल इन्भेष्टमेन्ट बैंक मार्फत अनलाइन भुक्तानी गर्न सकिने कम्पनीले जानकारी गराएको छ । साथै, यस विषम परिस्थितिमा बीमित, अभिकर्ता, कर्मचारी लगायत सम्पूर्णमा एकजुट भई सकेसम्म घरमै बसी एक अर्कालाई सहयोग गर्न पनि कम्पनीले आग्रह गरेको छ ।
मेटलाईफका सम्पूर्ण शाखाहरु बन्द, बीमा सेवा अनलाईनबाट लिन सकिने
काठमाडौं । मेटलाईफ इन्स्योरेन्स कम्पनीले कोभिड नाएन्टीनका कारण सम्पूर्ण बीमा सेवाहरु बन्द भएपनि अनलाईनबाट हुने सेवाहरु निरन्तर चल्ने जनाएको छ । कम्पनीले बिमितलाई पर्न सक्ने असहजतालाई ध्यान दिँदै यस्तो व्यवस्था गरेको हो । के के छन् कम्पनीले जारी गरेकाे सूचनामाः – लक डाउनको अवधिका कारण बीमाशुल्कको भुक्तानी हुन नसकेका सबै सक्रिय बीमालेखहरुलाई निरन्तरता दिने । – लकडाउनका कारण भुक्तानी हुन नसकेका बीमाशुल्क सार्वजनिक सेवाहरु पुनः सुचारु भएको १५ दिन भित्र भुक्तानी गरेमा कुनैपनि बिलम्ब शुल्क नलाग्ने । – कम्पनीको वेवसाईट अनलाईन बीमाशुल्क भुक्तानी सेवा सुचारु राख्ने । – अत्याआवश्यक सेवासम्बन्धि सम्पूर्ण कार्यहरु कर्मचारीले घरबाटै संचालन गर्ने । – फाने, फेसबुक र इ–मेलको मार्फत ग्राहकहरु, कर्मचारीहरु तथा अभिकर्ता लगायतका व्यवसायिक साझेदारहरुलाई आवश्यक जानकारी सेवा प्रदान गर्ने । – मेटलाईफ, नेपालका सबै विद्यमान, दुर्घटना र स्वास्थ्य बीमा लगायतका व्यक्तिगत तथा सामूहिक जीवनबीमा लेखहरु, बीमालेखका सर्तहरुको अधिनमा रहि सदा झैँ रक्षावरण प्रदान गरिने छ । सम्पर्कका व्यक्तीको रुपमा मेट लाईफले कर्मचारीहरु प्रजनी शाही, सलीना शाक्य र मनोज नेपाललाई तोकेको छ ।
अब वैदेशिक रोजगारीमा जाने नेपालीलाई अनलाईनबाटै बीमा सेवा
काठमाडौं । वैदेशिक रोजगारमा बीमा अनलाइन प्रणालीबाट बीमा गर्न पाइने भएको छ । यसअघि भौतिक रुपमा उपस्थित भएर मात्रै बीमा गर्न पाइने व्यवस्था रहेकोमा अवदेखि अनलाइन माध्यमबाट बीमालेख लिन, सोको भुक्तानी गर्न तथा अन्य आवश्यक काम गर्न पाइने भएको हो । बैदेशिक रोजगारीमा जाने नेपालीले बीमा सुविधा प्राप्त गर्न सहज होस भनेर यस्तो व्यवस्था गरिएको समितिका कार्यकारी निर्देशक राजुरमण पौडेलले जानकारी दिए । ‘वैदेशिक रोजगार विभागले पनि अनलाइन बीमा सुविधाको व्यवस्था गर्नु उपयुक्त हुन्छ भनेर भनिरहेको थियो, सुचना प्रविधिको प्रयोगबाट सर्वसाधारणलाई सहज हुने र सेवा प्रवाह पनि प्रभावकारी हुने भएकोले अनलाइनबाट बीमा सेवा पाउन सकिने व्यवस्था गरिएको हो,’ कार्यकारी निर्देशक पौडेलले विकासन्युजसँग भने । के छ परिपत्रमा ? वैदेशिक रोजगारमा जाने बिमितले जीवन बीमा पोलिसी जारी गर्दा लाग्ने बीमा शुल्क नगद, बैक चेकका अतिरिक्त अनलाई प्रणालीबाट समेत भुक्तानी गर्न सक्ने छन् । यस्तै, सेवा ग्राहीको चाप र भौगोलिक समावेशिता समेतलाई मध्यनजर गरी सहजै सेवा प्राप्त हुने व्यवस्था गर्न समितिले बीमा कम्पनीहरुलाई निर्देशन जारी गरेको छ । साथै, वैदेशिक रोजगारीमा जाने व्यक्तीहरुको इलेक्ट्रोनिक प्रस्ताव फारमलाई मान्य हुने गरी बीमालेख जारी गर्दा विद्यमान कानूनलाई मध्यनजर गरी प्रिन्ट कपीसहित आवश्यकता अनुसार डिजिटल इलेक्ट्रोनिक्स बीमालेख जारी गरेको हुनुपर्ने छ । बीमा समितिले वैदेशिक रोजगारमा जाने बिमितलाई घातक रोगको सन्दर्भमा बीमांक ५ लाख हुने जनाएको छ । त्यस्तै, ६४ वर्ष भन्दा माथिको बीमाशूल्क बीमकले निर्धारण गरे बमोजिम हुनेछ । तर थप बीमाशूल्क ५१ देखि ६४ वर्षउमेर समूहको बीमा शूल्कको ५० प्रतिशतभन्दा बढी नहुने बीमा समितिले जनाएको छ ।
