सिटिजन लाइफ इन्स्योरेन्सका बीमितहरुले अब आफ्नो विवरण आफै हेर्न मिल्ने, कसरी हेर्ने ?
काठमाडौं । सिटिजन लाइफ इन्स्योरेन्स कम्पनीका बीमितहरुले अब आफ्नो विवरण आफै हेर्न सक्ने भएका छन् । कम्पनीले इन्स्योरेन्सको मोबाइल एप मार्फत आफ्नो विवरण आफै हेर्न सकिने सेवा(युजर पोर्टल)को शुभारम्भ गरेसँगै उनीहरूले साे सुविधा पाउने भएका हुन् । कम्पनीले लकडाउनको अहिलेको परिस्थितिमा बीमितहरुले सहजरुपमा बिना कुनै झन्झट घर बसेरै आफ्नो विवरण आफै हेर्न सकुन् भनेर उक्त सेवाकाे शुरू गरेकाे हाे । यसकाे लागि बीमितहरूले सिटिजन लाइफको एप सजिलै प्ले स्टोरबाट डाउनलोड गर्न सक्नेछन् । त्यहाँबाट लग इनमा गएर पोलिसी होल्डर छनौट गरी आफ्नो पोलिसी नम्बर र पासवर्ड राखेर आफ्नो सम्पूर्ण विवरण हेर्न सक्ने कम्पनीले जानकारी दिएकाे छ । यस एप मार्फत बीमितले लिएको बीमा योजना, कुल बीमाङ्क रकम, आफुले अहिले सम्म तिरेको बीमा शुल्कको विवरण साथै भविष्यमा कहिले र कति नवीकरण शुल्क तिर्नपर्छ भन्ने कुराको सम्पूर्ण जानकारी लिन सकिने कम्पनीले जनाएको छ । बीमा योजना खरिद गरिसकेपछि आफ्नो विवरण बुझ्न बारम्बार आफ्नो अभिकर्ता वा कम्पनीसँग सोधिराख्नु पर्ने झन्झट यस सुविधाको शुभारम्भसँगै समाप्त भएको छ । साथै, सिटिजन लाइफको यस एपमा बीमा शुल्क सहितको प्रिमियम शुल्क गणना गर्ने प्रिमियम क्यालकुलेटर सुविधा, कम्पनीको सम्पूर्ण योजनाहरुको बारे विस्तृत जानकारी, एजेन्ट पोर्टल र कम्पनीको सबै शाखा कार्यालयहरुको विवरण पनि उपलब्ध छ । यसका साथै कम्पनीले ग्राहकहरुको सुविधालाई मध्य नजर गरी सदैब आधुनिक तथा नवीनतम प्रविधिलाई ग्राहकको सेवामा ल्याउने योजना अनुसार अहिलेको यस परिस्थितिमा, घरमै बसेर इसेवा, फोनपे, कनेक्ट आईपीएस लगायतका डिजिटल बैङ्किङ्ग सुविधा मार्फत बीमा शुल्क तिर्न सकिने व्यवस्था गरेको छ ।
शिखर इन्स्योरेन्सबाट ५७ हजारकाे काेराेना बीमा, बीमा शुल्क ३ करोड नाघ्यो
काठमाडौं । शिखर इन्स्योरेन्सबाट ५७ हजार भन्दा बढी नागरीकको कोभिड-१९ बीमा भएको छ । सबैभन्दा बढी शाखा संजाल भएको यस कम्पनीको ९० भन्दा बढी शाखाहरुबाट ७७ वटै जिल्लाका नागरिकले कोभिड १९ बीमा गराएका हुन् । कम्पनीबाट जुम्ला, मुगु, कालिकोट, हुम्ला, बझाङ, दैलेख जस्ता विकट जिल्लाबाट समेत २ हजार भन्दा बढिले कोरोनाभाइरस बीमा गराएका छन् । साथै शिखर इन्स्योरेन्स रु.३ करोड भन्दा बढीको कोभिड १९ बीमाशुल्क संकलन गर्ने पहिलो कम्पनी भएको छ । शिखर इन्स्योरेन्सले जेठ १९ गते सम्म ६ हजार बीमालेखबाट रु.३ करोड १६ लाखको कोरोनाभाइरस बीमा शुल्क संकलन गरेको हो । कोरोनाभाइरस बीमालेख संख्यामा शिखर इन्स्योरेन्सको बजार हिस्सा २५ प्रतिशत रहेको छ ।
लकडाउनमा पनि सिटिजन लाइफ इन्स्योरेन्सले हस्तान्तरण गर्यो मृत्यु दावी भुक्तानी
महेन्द्रनगर । लकडाउनको समयमा सिटिजन लाइफ इन्स्योरेन्स कम्पनीको महेन्द्रनगर शाखाले बीमा दावी वापत ४ लाख १५ हजार २ सय रुपैयाँ भुक्तानी गरेको छ । कम्पनीले प्रदेश न ७, कंचनपुर, बेदकोट न. पा. वडा न. ३ निवासी बीमित स्व. मोहन चौधरीकी धर्मपत्नी सरिता चौधरीको बैंक खातामा उक्त रकम जम्मा गरिदिएको हो । लकडाउनका कारण कुनैपनि दाबी भुक्तानी कार्यक्रमको आयोजना गर्न नमिल्ने हुनाले ई-बैंकिङ सेवा प्रयोग गरी सिधैं निजको बैंक खातामा जम्मा गरेको कम्पनीले जनाएको छ । बीमितले २२ महिना अगाडी मात्र सिटिजन लाइफ इन्स्योरेन्स कम्पनीमा २ लाख रुपैयाँको बीमा गरेका थिए भने बीमितले अहिलेसम्म जम्मा २ किस्ता गरी ३२ हजार ४ सय ९० रुपैयाँ कम्पनीलाई बुझाएका थिए । बीमितको मोटरसाईकल दुर्घटनाका कारण २०७७ साल्, जेठ ५ गते निधन भएको थियो । श्रोत अनुसार बीमितको परिवारमा उनको श्रीमती र दुई नाबालक छोराहरु छन् । कम्पनीले परिवारका सदस्यलाई बीमा बापतको रकम हस्तान्तरण गरे पश्चात सो रकमले परिवारका आश्रित सदस्यहरुको स्तरिय जीवनयापनका साथै सन्ततिको उच्च शिक्षा एवम् अन्य सामाजिक कार्य गर्न सहयोगी हुने कम्पनीका प्रमुख कार्यकारी अधिकृत पोषक राज पौडेलले उल्लेख गरेका छन् । उनले सानो सानो रकम बचत गरेर परेका बेला जोखिम समेत बहन गर्न सक्ने रहेकाले बीमा सम्बन्धि चेतना बढाउनुपर्नेमा जोड दिए । उनले कम्पनीमा रहेका बीमित, अभिकर्ता लगायत अन्य सरोकारवालालाई गुणस्तरीय सेवा प्रदान गर्न सदैव प्रतिवद्ध रहेको र सोलाई आगामी दिनमा समेत निरन्तरता दिईने बताए । साथै, कोरोना भाइरसले गर्दा निम्तिएको यस बिषम पेरिस्थितीमा सबैलाई सावधान र सुरक्षित रहन सुझाव दिएका छन् ।
