प्राइम लाइफ इन्स्योरेन्सको पुस १७ गते बुक क्लोज
काठमाडौं । प्राइफ लाइफ इन्स्योरेन्सको आगामी पुस १७ गते शुक्रबार बुक क्लोज हुने भएको छ । साधारणसभामा जाने प्रयोजनको लागि कम्पनीको उक्त एकदिन बुक क्लोज हुने लागेको हो । यससँगै पुस १६ गते बिहीबारसम्म कायम सेयरधनीले प्रस्तावित लाभांश पाउने छन् । र, उनीहरू कम्पनीकाे सभामा भाग लिन याेग्य हुने छन् । कम्पनीको १३औं वार्षिक साधारणसभा आगामी पुस २७ गते बस्ने भएको छ । इन्स्योरेन्सले आर्थिक वर्ष २०७५/७६ को नाफाबाट चुक्ता पुँजीको ७ प्रतिशत बोनस र ८ प्रतिशत नगद लाभांश वितण गर्न लागेको हो । हाल कम्पनीको चुक्ता पुँजी २ अर्ब २५ करोड रुपैयाँ रहेको छ । ७ प्रतिशत बोनस पछि इन्स्योरेन्सको चुक्ता पुँजी २ अर्ब २७ करोड रुपैयाँ पुग्ने छ ।
निर्जीवन बीमा कम्पनीको लगानी ६० अर्ब ४६ करोड, कुन कम्पनीको कति ?
काठमाडौ । निर्जीवन बीमा कम्पनीहरुले चालु आर्थिक वर्षको पहिलो त्रैमासमा ६० अर्ब ४६ करोड रुपैयाँ लगानी गरेका छन् । बीमा कम्पनीहरुले बीमा शूल्कबाट आर्जन गरेको रकम विभिन्न क्षेत्रमा लगानी गर्न मिल्ने व्यवस्था छ । लगानीका आधारमा चालु आर्थिक वर्षको पहिलो त्रैमासमा निर्जीवन बीमा कम्पनीहरु मध्ये सबैभन्दा धेरै राष्ट्रिय बीमा कम्पनीको ५ अर्ब ४८ करोड रुपैयाँ रहेको छ । यस्तै, दोस्रो स्थानमा शिखर इन्स्योरेन्सको लगानी ३ अर्ब ३२ करोड रुपैयाँ रहेकोे छ भने नेको इन्स्योरेन्सको ३ अर्ब ३२ करोड रुपैयाँ नै लगानी रहेको छ । सगरमाथा इन्स्योरेन्सको लगानी २ अर्ब ६४ करोड रुपैयाँ रहेको छ । बीमा समितिले दिएको जानकारी अनुसार नेपाल इन्स्योरेन्सको २ अर्ब २८ करोड, दि ओरेन्टलको २ अर्ब ३० करोड, राष्ट्रिय बीमा कम्पनीको ५ अर्ब ४८ करोड रुपैयाँ र नेशनल इन्स्योरेन्स कम्पनीको २ अर्ब १५ करोड रुपैयाँ लगानी रहेको छ । यस्तै, हिमालयन जनरल इन्स्योरेन्सको २ अर्ब ७ करोड, यूनाईटेड इन्स्योरेन्सको १ अर्ब ५२ करोड, प्रिमियर इन्स्योरेन्सको २ अर्ब ६७ करोड, एभरेष्ट इन्स्योरेन्सको १ अर्ब ५८ करोड, नेको इन्स्योरेन्सको ३ अर्ब ३२ करोड र सगरमाथा इन्स्योरेन्स कम्पनीको २ अर्ब ६४ करोड रुपैयाँ लगानी छ । समितिका अनुसार प्रभु इन्स्योरेन्सको १ अर्ब १९ करोड, आईएमई जनरलको १ अर्ब ७८ करोड, प्रुडेन्सियल इन्स्योरेन्सको १ अर्ब ७७ करोड, शिखर इन्स्योरेन्सको ३ अर्ब ३२ करोड, लुम्बिनी जनरलको २ अर्ब ७ करोड, एनएलजी इन्स्योरेन्सको २ अर्ब ५९ करोड, सिद्धार्थ इन्स्योरेन्सको २ अर्ब ९४ करोड र सानिमा जनरल इन्स्योरेन्सको ८५ करोड ९६ लाख रुपैयाँ लगानी रहेको छ । यस्तै, जनरल इन्स्योरेन्सको ९४ करोड १९ लाख, अजोड इन्स्योरेन्सको १ अर्ब ४२ करोड र नेपाल पुनर्बीमा कम्पनीको १५ अर्ब ४६ करोड रुपैयाँ लगानी रहेको छ । निर्जीवन बीमा कम्पनीहरुले नेपाल सरकारको बचत पत्र, ऋण पत्र, वािण्ज्य बैकको मुद्दती निक्षेप, नेपाल पूर्वाधार बैकको मुद्दती निक्षेपमा लगानी गर्न पाउँछन् । यस्तै, सूचीकृत पब्लिक कम्पनीको सूरक्षित डिभेन्चरमा, म्यूचुअल फण्ड र नागरिक लगानी कोष लगायतका क्षेत्रमा पनि निर्जीवन बीमा कम्पनीहरुले लगानी गर्न पाउँने व्यवस्था छ ।
सुरेश खत्री बने नेशनल लाइफकाे सिइओ
काठमाडौ । नेशनल लाइफ इन्स्योरेन्स कम्पनीको प्रमुख कार्यकारी अधिकृत (सीईओ) मा सुरेश प्रसाद खत्री नियुक्त भएका छन् । हालका प्रमुख कार्यकारी अधिकृत भरत बस्नेतको कार्यकाल सकिएसँगै उनी कार्यवाहक सीईओकाे रुपमा नियुक्त भएका हुन् । सीईओ बस्नेतको कार्यकाल पुष ५ गतेसम्म तोकिएको थियो नयाँ सीईओ नियुक्तीको सम्बन्धमा इन्स्योरेन्स कम्पनीको पुष ३ गते बसेको संचालक समिति बैठकले खत्रीलाई कार्यवाहक सीईओ बनाउने निर्णय गरेकाे थियाे । अर्को व्यवस्था नभएसम्म प्रमुख कार्यकारी अधिकृतको जिम्मेवारी सिइओ खत्रीले नै सम्हाल्ने कम्पनी सचिव प्रताप मान श्रेष्ठले जानकारी दिए । खत्रीले स्नातक तहसम्म कानुन विषयको अध्ययन गरेका छन् । उनी २०५१ सालबाट नेशनल लाइफ इन्स्योरेन्समा काम गर्न थालेका हुन् । उनीसँग नेशनल लाइफमा मात्रै २५ वर्ष काम गरेको अनुभव छ ।
