शिखर इन्स्योरेन्सको उत्साहजनक प्रगति, नाफा ४६.५६ प्रतिशत बढ्दा ईपीएस १५.१९ रुपैयाँ
काठमाडौं । शिखर इन्स्योरेन्स कम्पनीको गत आर्थिक वर्षको चौथो त्रैमाससम्म खुद नाफा ४६.५६ प्रतिशत बढेर ४० करोड ३१ लाख रुपैयाँ आर्जन गरेको छ । अघिल्लो वर्षको सोही अवधिमा कम्पनीले २७ करोड ५० लाख रुपैयाँ खुद नाफा गरेको थियो । गत वर्षको असारसम्म इन्स्योरेन्सको खुद बीमा शुल्क २५ प्रतिशत बढेर १ अर्ब ५९ करोड २० लाख रुपैयाँ आर्जन गरेको छ । अघिल्लो वर्षको सोही अवधिमा कम्पनीले १ अर्ब २७ करोड १० लाख रुपैयाँ खुद बीमा शुल्क आर्जन गरेको थियो । गत वर्षमा इन्स्योरेन्सको खुद दाबी भुक्तानी १.७६ प्रतिशत बढेर १ अर्ब ५ करोड ९० लाख रुपैयाँ गरेको छ । अघिल्लो वर्षको सोही अवधिमा कम्पनीले १ अर्ब ४ करोड ७ लाख रुपैयाँ खुद दाबी भुक्तानी गरेको थियो । गत असारसम्म कम्पनीले २९ हजार २३५ जनाले कुल २ अर्ब ७७ करोड २५ लाख रुपैयाँ बराबरको दाबी गरेका थिए । जसमध्ये कम्पनीले हालसम्ममा १२ हजार २८ जनाको १ अर्ब ८८ करोड २६ लाख रुपैयाँ भुक्तानी गरेको छ । समीक्षा अवधिमा इन्स्योरेन्सको चुक्ता पूँजी १६.१४ प्रतिशत बढेर २ अर्ब ६५ करोड ४९ लाख रुपैयाँ, जगेडा कोष २३.९० प्रतिशत घटेर ५९ करोड ६९ लाख रुपैयाँ, बीमा कोष १५ प्रतिशत बढेर १ अर्ब ५३ करोड ७४ लाख रुपैयाँ र महाविपत्ती कोष १६ प्रतिशत बढेर १४ करोड ५८ लाख रुपैयाँ सञ्चित छ । नफा बढेसँगै इन्स्योरेन्सको प्रतिसेयर आम्दानी ३.१५ रुपैयाँ बढेर १५.१९ रुपैयाँ पुगेको छ । इन्स्योरेन्सको मूल्य आम्दानी अनुपात ५५.६४ गुणा रहेको छ भने प्रतिसेयर नेटवर्थ १८५.८९ रुपैयाँ रहेको छ ।
सानिमा जिआईसी इन्स्योरेन्सको सञ्चालकमा अनलराज भट्टराई नियुक्त
काठमाडौं । सानिमा जिआईसी इन्स्योरेन्स कम्पनीको सञ्चालकमा डा. अनलराज भट्टराई नियुक्त भएका छन् । इन्स्योरेन्स कम्पनीको सञ्चालक समितिको साउन २८ गते बसेको बैठकले डा. भट्टराईलाई सञ्चालकमा नियुक्त गरेको कम्पनी सचिव सुबोध लाल श्रेष्ठले जानकारी दिए । कम्पनीका अनुसार भट्टराईलाई आगामी ४ वर्षका लागि सञ्चालक पदमा नियुक्त गरिएको हो । उनले कम्पनीमा स्वतन्त्र सञ्चालकको प्रतिनिधित्व गर्नेछन् । कम्पनी ऐन, २०६३ को दफा ८६ को उपदफा ३, बीमा ऐन, २०७९ को दफा ४९ को उपदफा २ तथा बीमकको संस्थागत सुशासन सम्बन्धी निर्देशिका, २०८० को दफा ६ बमोजिम भट्टराईलाई नियुक्त गरिएको हो । भट्टराई काठमाडौं महानगरपालिका १६ बालाजुका स्थानीय हुन् ।
नेशनल इन्स्योरेन्सको खुद बीमा शुल्क ४० प्रतिशत बढ्यो, नाफा २० करोड रुपैयाँ
काठमाडौं । नेशनल इन्स्योरेन्स कम्पनीले गत आर्थिक वर्ष २०७९÷८०को चौथो त्रैमासमा २० करोड १८ लाख रुपैयाँ खुद नाफा आर्जन गरेको छ । अघिल्लो वर्षको सोही अवधिमा कम्पनीले १२ करोड ५६ लाख रुपैयाँ नोक्सानी बेहोरेको थियो । गत असारसम्म कम्पनीको खुद बीमा शुल्क ४० प्रतिशत बढेर ६४ करोड ३ लाख २३ हजार रुपैयाँ आर्जन गरेको छ । अघिल्लो वर्षको सोही अवधिमा कम्पनीले ४६ करोड ६ं५ लाख ८६ हजार रुपैयाँ खुद बीमा शुल्क आर्जन गरेको थियो । समीक्षा अवधिमा कम्पनीको खुद दाबी भुक्तानी २६ प्रतिशत बढेर ७५ करोड ४४ लाख रुपैयाँ गरेको छ । अघिल्लो वर्षको सोही अवधिमा कम्पनीले ५९ करोड ७८ लाख रुपैयाँ खुद दाबी भुक्तानी गरेको थियो । कम्पनीको चुक्ता पूँजी १ अर्ब ८ करोड १९ लाख रुपैयाँ र बीमा कोष ९.३४ प्रतिशत बढेर १ अर्ब १८ करोड रुपैयाँ रहेको छ । कम्पनीको कुल बीमा शुल्क आर्जन १२.४६ प्रतिशत बढेर १ अर्ब १ करोड रुपैयाँ आर्जन गरेको छ । अघिल्लो वर्षको सोही अवधिमा ९० करोड ६१ लाख रुपैयाँ कुल बीमा शुल्क आर्जन गरेको थियो ।
