अमेजनबाट जागिर छाड्नेलाई ४ हजार डलरको अफर, कम्पनी भन्छ– ‘प्लिज डोन्ट टेक दिस अफर !’
एजेन्सी । विश्वका तेस्रो सर्वाधिक धनी व्यक्ति जेफ बेजोसको नेतृत्वमा रहेको विशाल ईकमर्स कम्पनी अमेजनले आफ्ना कर्मचारीहरूलाई ४ दिनका लागि जागिर छाड्न आग्रह गरेको छ । तपाईं छक्क पर्नुभयो होला । तर, यो विल्कुल सत्य हो। वास्तवमा, यो अफर एक अर्बपति व्यापारीको कम्पनीमा विशेष कार्यक्रमअन्तर्गत दिइएको छ, जसको नाम ‘पे टु क्विट’ हो, तर यससँग जोडिएको ट्यागलाइन पनि छ। अमेजनका संस्थापक बेजोस आफ्नो अपरम्परागत नेतृत्व रणनीतिका लागि विश्वव्यापीरूपमा चिनिन्छन्। त्यसमध्ये एउटा कम्पनीमा काम गर्ने कर्मचारीहरूलाई कम्पनीबाट अलग भइसकेपछि पनि आफ्नो करियरमा अगाडि बढ्न मद्दत गर्नु र उनीहरूलाई आर्थिकरूपमा सशक्त बनाउन सहयोग गर्नु हो । यस उद्देश्यका लागि कम्पनीले पे टु क्विट कार्यक्रम सुरु गरेको छ, जसमा कम्पनीको जागिर छाड्ने कर्मचारीलाई २ हजार डलर (२ लाख ६० हजार रूपैयाँ) को अफर दिइन्छ। विशेष कुरा यो हो कि यदि कर्मचारीले आफ्नो जागिर छाड्ने योजना एक वर्षका लागि लम्ब्याउँछ भने यो अफर २ हजार डलरको सट्टा ४ हजार डलर हुनेछ। यसको मतलब यो प्रस्तावको रकम प्रत्येक वर्ष १ हजार डलरले वृद्धि हुनेछ। यस अफरअन्तर्गत अधिकतम सीमा ५ हजार डलर (६लाख ५०हजार रूपैयाँ) तोकिएको छ । बेजोसले सन् २०१४ मा शेयरधनीहरूलाई लेखेको पत्रमा भनेका थिए, ‘अमेजनमा हामीलाई केही नयाँ आविष्कार गर्नुभन्दा बढी खुसी अरू केहीले दिँदैन, विशेषगरी यो सुनिश्चित गरेर कि कम्पनीले एक समर्पित र उत्साही कार्यबल कायम राख्छ र उनीहरूको क्यरियर लक्ष्यहरू प्राप्त गर्न सहायक हुन्छ।’ बेजोसको यो पे टु क्विट कार्यक्रम यही विचारसँग सम्बन्धित छ। यसप्रकारको पहल अमेजनभन्दा पहिले जैप्पोस कम्पनीमा पनि गरिएको थियो, जसलाई उत्कृष्ट प्रतिक्रिया मिलेको थियो । यसैबाट प्रेरित भएर अमेजनले पनि यो कदम चालेको हो । अमेजनले यसको पूर्ति केन्द्रहरूमा आफ्ना कर्मचारीलाई कार्यक्रम छाड्न तलब प्रस्ताव गर्ने निर्णय गरेको छ । यसमार्फत उनीहरूले कर्मचारीमात्र नभई कम्पनीको पनि भलाइ गर्ने प्रयास गरिरहेका छन् । यसको पछाडि पनि ठूलो कारण छ । वास्तवमा, जागिर छाड्ने तयारी वा योजना गरिरहेका कर्मचारीले नयाँ जागिर पाउन र जागिर छाडेपछि फुर्सदको समयमा आर्थिक सहयोग पाउनेछन् । तसर्थ, यो अफरअन्तर्गत प्राप्त हुने रकम प्रत्येक वर्ष बढ्दै जाँदा कर्मचारीले आफ्नो जागिर छाड्ने योजना जारी राखी कम्पनीमा आबद्ध रहन सक्नेछन्। यो अफरको साथ अमेजनले दिएको ट्यागलाइनबाट अनुमान लगाउन सकिन्छ कि वास्तवमा कम्पनीले प्लिज डोन्ट टेक दिस अफर लेखेको छ, जसले अमेजनको प्राथमिकता कर्मचारीहरूलाई कम्पनीमा रहने देखाउँछ। अमेजनका सीईओ बेजोसका अनुसार यो विशेष कार्यक्रम सुरु गर्नुको कारण यो थियो कि यो अफरमार्फत कम्पनीले आफ्ना कर्मचारीहरूको सोचाइको बारेमा सजिलै थाहा पाउन सक्छ। यसले कर्मचारीले पैसा लिएर कम्पनी छाड्न चाहन्छ वा कर्मचारी कति समयसम्म कम्पनीमा बस्छ भन्ने जानकारी दिन्छ। पे टु क्विट भनेको कर्मचारीहरूलाई उनीहरूको क्यरियर मार्ग होशियारीपूर्वक विचार गर्न प्रोत्साहित गर्ने कार्यक्रम मानिन्छ।
इजरायल र हमासबीच गाजामा बन्धक बनाइएका नागरिकलाई रिहा गर्न वार्ता
एजेन्सी । इजरायल र हमासले हाल बन्धक मुक्त गर्ने दुई थरी प्रस्तावमा छलफल गरिरहेका द न्युयोर्क टाइम्सले जनाएको छ । उनीहरूबीच थोरै सङ्ख्यामा मानिसहरूलाई रिहा गर्ने र अर्कोमा गाजामा रहेका १०० वा सोभन्दा बढी नागरिकहरूको रिहाईको लागि छलफल भइरहेको छ । इजरायली अधिकारीहरूका अनुसार गाजामा कट्टरपन्थी इस्लामिक समूह (हमास) सँग २४० भन्दा बढी इजरायली बन्धकहरू रहेका छन् र तीमध्ये झण्डै ५० प्रतिशत नागरिकहरू छन् र वार्तामा ती सबै नागरिकहरूको रिहाई समावेश हुनेछ । पहिलो प्रस्तावअनुसार हमासले इजरायली महिला र बालबालिकाका साथै अमेरिकीलगायत विदेशीसहित १० देखि २० जना नागरिक बन्धकलाई रिहा गर्नुपर्ने छ र त्यसको बदलामा इजरायलले प्यालेष्टिनी क्षेत्रमा गरिरहेको आक्रमणलाई अस्थायी रूपमा रोक्नुपर्ने प्रस्ताव गरिएको छ । पहिलो प्रस्तावमा सहमति भए लगभग १०० भन्दा बढी नागरिकहरूको रिहाई हुनेछ । यद्यपि हमासले गाजामा रहेका कुनै पनि सैनिक उमेरका इजरायली सैनिकलाई रिहा गर्न अस्वीकार गरेको इजरायली अधिकारीहरूले बताएका छन् । यसका अतिरिक्त, सबै नागरिकहरूको रिहाईको बदलामा, हमासले थप मानवीय सहायता, अस्पतालका लागि ईन्धन र इजरायली जेलहरूमा रहेका प्यालेष्टिनी महिला र बच्चाहरूको रिहाईको साथ केही समयको लागि विरामको माग गरिरहेको इजरायली श्रोतले नाम उल्लेख नगर्ने शर्तमा बताए । यद्यपि इजरायली अधिकारीहरूले आफ्ना कैदीहरूलाई रिहा गर्ने बारे अनिश्चितता व्यक्त गरेको द न्युयोर्क टाइम्सले जनाएको छ । हमासको राजनीतिक कार्यालय रहेको कतारले वरिष्ठ अमेरिकी अधिकारीहरूसँग यी वार्ताहरूमा मुख्य मध्यस्थकर्ताको भूमिका निर्वाह गर्दै आएको छ । यसबाहेक, अमेरिकी अधिकारीहरूले इजरायलले गाजामा बन्धकहरूको रिहाईको लागि आफ्नो आक्रमण रोक्न प्रस्ताव गरेको प्रस्तावलाई समर्थन गरेका छन् र यसले मानवीय सहायतालाई गाजामा प्रवेश गर्न र बन्धकहरूलाई उनीहरूको कब्जापछि छोड्न अनुमति दिनेछ । यसअघि शुक्रबार अमेरिकी विदेशमन्त्री एन्टोनी ब्लिन्केनले भने, ‘हामी आफ्ना बन्धकहरूलाई घर फर्काउने काममा निरन्तर ध्यान केन्द्रित गर्नेछौं ।’ द न्युयोर्क टाइम्सका अनुसार इजरायली प्रधानमन्त्रीको कार्यालयले यस विषयमा तत्कालका लागि टिप्पणी गर्न अस्वीकार गरेको छ । हमासले कतारी वार्ताकारहरूलाई भनेको छ कि उनीहरूसँग २० वा कम नागरिकहरू छन्, र बाँकी गाजामा अन्य समूहहरूले कब्जा गरिरहेका छन् र उनीहरू हमास कमान्ड संरचनाको हिस्सा छैनन् । यो मुद्दालाई जटिल बनाउन सक्ने कुरा बनेको छ । तर न्युयोर्क टाइम्सका अनुसार वार्तामा सहभागी सरकारहरूले स्वतन्त्र रूपमा यो दाबीको पुष्टि गरेका छैनन् । पछिल्ला हप्ताहरूमा हमासका केही अधिकारीहरूले हमास समूहले अक्टोबर ७ मा इजरायलको सैन्य चौकीहरूमा मात्र आक्रमण गरेको र सशस्त्र व्यक्तिहरूले १० भन्दा बढी इजरायलीहरूको हत्या गरेको र गाजामा लगभग २४० जनालाई बन्धक बनाएको तर्क गरेका छन् । भिडियो र अन्य प्रमाणका अनुसार हमासले सर्वसाधारणलाई उनीहरूकै घरमा आक्रमण गरेको द न्युयोर्क टाइम्सले जनाएको छ । यसबाहेक, हमासका अधिकारीहरूले वार्ताकारहरूसँग बताए अनुसार १३० देखि १४० इजरायली लगभग सबै इजरायली सैन्य कर्मीहरू रहेको बताएको छ । उनीहरूलाई चाँडै रिहा गर्ने उनीहरूको कुनै सम्भावना छैन । यद्यपि, इजरायली अधिकारीहरूले सैन्य वा नागरिक बन्धकहरूको छुट्टाछुट्टै तथ्याङ्क सार्वजनिक गरेको छैन । इजरायली र अमेरिकी अधिकारीहरू गाजामा धेरै नागरिकहरूलाई नराखेको हमासको दाबीप्रति सशङ्कित बनेका छन् ।
भारतमा ४ करोडभन्दा बढी मूल्यका विलासी घर बिक्रीमा ९७ प्रतिशतले वृद्धि
एजेन्सी । सन् २०२३ मा विलासी आवासको मागमा ठूलो वृद्धि भएको छ । जनवरीदेखि सेप्टेम्बरसम्म नौ महिनामा ४ करोड भारुभन्दा बढी लागतका विलासी घर बिक्री ९७ प्रतिशतले बढेको छ । भारतको रियल इस्टेट कन्सल्टिङ कम्पनी सीबीआरई साउथ एसियाले तयार पारेको प्रतिवेदनअनुसार मा विलासी घर बिक्री उक्त परिमाणले बढेको हो । सीबीआरई साउथ एसियाले भारतका शीर्ष सात सहरको आवासीय क्षेत्रको हाउजिङ बजार प्रवृत्तिबारे इन्डिया मार्केट मोनिटर नामक प्रतिवेदन जारी गरेको छ । २०२३ जनवरीदेखि सेप्टेम्बरसम्म नौ महिनामा ४ करोड रुपैयाँभन्दा बढी मूल्यका कुल ९ हजार २ सय ४६ घर बिक्री भएको प्रतिवेदनमा उल्लेख छ । जबकि, २०२२ को सोही अवधिमा कुल ४ हजार ६ सय ८९ घर बिक्री भएका थिए । जसमा लक्जरी घरहरूको सबैभन्दा बढी बिक्री नयाँदिल्ली–एनसीआरमा देखिएको छ । जनवरीदेखि सेप्टेम्बरसम्म दिल्ली–एनसीआरमा ४ करोड रुपैयाँभन्दा बढी मूल्यका कुल ३ हजार ४ सय ९ घर बिक्री भएका छन् । जबकि, २०२२ को सोही अवधिमा कुल १ हजार ५ सय ११ युनिट बिक्री भएका थिए । हैदरावादले पनि लक्जरी आवास बिक्रीमा ठूलो वृद्धि गरेको छ । २०२३ को सोही अवधिमा कुल १ हजार ६ सय ६० घर बिक्री भएका थिए भने २०२२ मा कुल १ सय ३८ घरमात्र बिक्री भएका थिए । त्यसैगरी पुणेमा ३ सय ३२ लक्जरी घर बिक्री भएका छन् जबकि सन् २०२२ मा ८२ लक्जरी घर बिक्री भएका थिए । मुम्बईमा २०२३ को पहिलो नौ महिनामा ३ हजार २ सय ५२ लक्जरी घर बिक्री भएका थिए । २०२२ मा सोही अवधिमा २ हजार ३ सय ९८ लक्जरी घर बिक्री भएका थिए । रिपोर्टका अनुसार दिल्ली–एनसीआर मुम्बई र हैदरावादलाई समावेश गर्ने हो भने यी सहरमा ९० प्रतिशत लक्जरी हाउजिङ बिक्री भएको देखिएको छ । जसमा दिल्ली–एनसीआरको हिस्सा ३७ प्रतिशत छ । मुम्बईको ३५ प्रतिशत, हैदरावादको १८ प्रतिशत र पुणेको ४ प्रतिशत छ । सीबीआरईका भारत, दक्षिण–पूर्व एशिया, मध्यपूर्व र अफ्रिकाका अध्यक्ष–सीईओ अंशुमान म्यागजिनले प्रिमियम हाउजिङ सेगमेन्टमा माग बढेको बताए । त्यस्तै प्रिमियम लक्जरी खण्डको माग अझै बढ्ने छ। वास्तवमा, विश्वव्यापी वहत आर्थिक अस्थिरताका कारण एचएनआई र एनआरआईले आफ्नो लगानी जोगाउन यस क्षेत्रमा लगानी गर्न सक्छन्।
