नारायणी डेभलपमेन्ट बैंकको स्वतन्त्र सञ्चालकमा पौडेल नियुक्त
काठमाडौं । नारायणी डेभलपमेन्ट बैंकको स्वतन्त्र सञ्चालकमा वलराम पौडेल नियुक्त भएका छन् । बैशाख १३ गते सम्पन्न संस्थाको सञ्चालक समितिको बैठकले पौडेललाई सञ्चालकमा नियुक्त गर्ने निर्णय गरेको हो । यससँगै नवनियुक्त पौडेलले आगामी चार वर्षसम्म संस्थाको स्वतन्त्र सञ्चालकको जिम्मेवारी सम्हाल्ने छन् ।
सारथी नेपाल लघुवित्तको सीईओमा रामबहादुर खड्का
काठमाडौं । सारथी नेपाल लघुवित्त वित्तीय संस्थाको प्रमुख कार्यकारी अधिकृत (सीईओ) मा रामबहादुर खड्का नियुक्त भएका छन् । बैशाख १४ गते बसेको संस्थाको सञ्चालक समितिको बैठकले खड्कालाई सीईओ पदमा नियुक्त गर्ने निर्णय गरेको हो । यससँगै नवनियुक्त सीईओ खड्काले आगामी ४ वर्षसम्म संस्थाको कार्यकारी अधिकृतको कार्यभार सम्हाल्ने छन् ।
सिद्धार्थ बैंकको स्वतन्त्र सञ्चालकमा सैंजु नियुक्त
काठमाडौं । सिद्धार्थ बैंकको स्वतन्त्र सञ्चालकमा मिना कुमारी सैंजु नियुक्त भएकी छिन् । बैंशाख १४ गते बसेको बैंक सञ्चालक समितिको बैठकले सैंजुलाई कम्पनीको स्वतन्त्र सञ्चालकमा नियुक्त गर्ने निर्णय गरेको हो । यससँगै नवनियुक्त सञ्चालक सैंजुले बैशाख १४ गतेदेखि नै लागू हुने गरी आगामी चार वर्षसम्म बैंकको स्वतन्त्र सञ्चालकको जिम्मेवारी सम्हाल्ने छिन् ।
