युनियन हाईड्रोको आईपीओ भर्नुभयो ? छिटो गर्नुस् अब मात्र तीन दिन बाँकी
काठमाडौं । युनियन हाइड्रोपावर कम्पनीको साधारण सेयर(आईपीओ) भर्ने समय अब मात्र तीन दिन बाँकी रहेको छ । कम्पनीले २०७५ साल चैत १३ गतेदेखि निष्काशन गरेको आईपीओको बिक्री आगामी २०७६ वैशाख १२ गते बन्द हुँदै छ । कम्पनीले अंकित मूल्य १०० रुपैयाँ दरका ३५ लाख ३४ हजार ३४० कित्ता साधारण सेयरहरु बिक्री गरेको थियो । सो मध्ये कर्मचारीहरुलाई २ प्रतिशत अर्थात ७० हजार ६८६ कित्ता सुरक्षित गरेको थियो भने बाँकी रहेको ३४ लाख ६३ हजार ६५४ कित्ता साधारण सेयरहरु सर्वसाधारणमा बिक्री खुल्ला गरेको हो । चैत १३ गतेदेखि बिक्री खुला भएको उक्त आइपीओमा छिटोमा चैत १७ गते बन्द हुनुपर्ने थियो । तर माग अनुसारको आवेदन नपरेपछि कम्पनीले बिक्रीको म्याद थपेर ढिलोमा बैशाख १२ गतेसम्म आवेदन दिन पाउने व्यवस्था लागू गरेको हो । आईपीओ भर्न इच्छुकले न्यूनतम ५० देखि अधिकतम ३५ हजार कित्तासम्मका लागि आवेदन दिन सक्नेछन् । उक्त सेयर बिक्री प्रबन्धकमा लक्ष्मी क्यापिटल मार्केट लिमिटेड रहेको छ । इक्रा नेपालले यो कम्पनीको आइपीओलाई ग्रेड फाइभको रेटिङ दिएको छ । जसले कम्पनीको अवस्था कमजोर छ भन्ने बुझाउँछ ।
बोनस पछि सिभिल बैंकको सेयर मूल्य समायोजन, प्रतिकित्ता कति ?
काठमाडौं । मंगलबार सिभिल बैंक लिमिटेडको सेयर मूल्य समायोजन भएको छ । बैंकको १०.२५ प्रतिशत बोनस सेयर पछिको मूल्य समायोजन भएको हो । समायोजन पछि बैंकको सेयर मूल्य प्रतिकित्ता १५५.१० रुपैयाँ रहेको छ । जसको आधार मूल्य प्रतिकित्ता १८३.५५ रुपैयाँ तोकिएको छ । मूल्य समायोजन पछि खुलेको बजारमा कम्पनीको सेयर मूल्य बढ्ने क्रम जारी रहेको छ । मंगलबार १२ बजेसम्म कम्पनीको सेयर मूल्य बढेर प्रतिकित्ता १५७ रुपैयाँ पुगेको छ ।
शिवम् सिमेन्ट्सको १५ प्रतिशत नगद लाभांश पारित
काठमाडौं । शिवम् सिमेन्ट्स लिमिटेडको प्रस्तावित १५ प्रतिशत नगद लाभांश पारित भएको छ । सोमबार(वैशाख ९ गते) सम्पन्न कम्पनीको तेस्रो वार्षिक साधारणसभाले सेयरधनीलाई कर बाहेक सो मात्राको नगद लाभांंश दिने प्रस्ताव पारित गरेको हो । कम्पनीले सर्वसाधरण शेयरधनीहरुमा शेयर निष्काशन गरेको करिव २ महिनाभित्रै सर्वसाधारण शेयरधनीले समेत प्राप्त गर्ने गरी सो मात्रा अर्थात ६९ करोड ४७ लाख ३८ हजार नगद लाभांश रकम बाँडफाँड गर्न लागेको हो । पव्लिक कम्पनीमा परिणत भईसके पछिको तेस्रो वािर्षक साधारण सभा कम्पनीका अध्यक्ष सुरेन्द्रकुमार गोयलको अध्यक्षतमा सम्पन्न भएको हो ।
