एनआईबिएल एस क्यापिटलले शनिबार पनि काउन्टर खोल्ने
काठमाडौं । भोलि (माघ ३ गते) शनिबार पनि एनआईबिएल एस क्यापिटल खुल्ने भएको छ । आजदेखि जारी भएकाे इतिहासकै ठूलो नेपाल इन्फ्रास्ट्रक्चर बैंकको आईपीओलाई मध्यनजर गर्दै क्यापिटलले भोलि बिदाको दिन पनि काउन्टर खुलाउने भएको हो । बैंककाे सेयर निष्काशन तथा बिक्री प्रबन्धक क्यापिटलले भोलि बिहान १० बजेदेखि २ बजेसम्म काउन्टर खुला गर्ने जानकारी गराएको छ । क्यापिटलका अनुसार सो अवधिसम्म डिम्याट सेवा सम्बन्धी कार्य गर्ने जनाइएको छ । त्यसैले ग्राहकले हितग्राही खाता खोल्न तथा नविकरण गर्न र मेरो सेयर दर्ता तथा नविकरण गर्न सक्नेछन् । सम्बन्धित समाचार इतिहासकै ठूलो आईपीओ आजदेखि भर्न पाइने, कति दिने आवेदन ?
इतिहासकै ठूलो आईपीओ खुला, कति दिने आवेदन ?
काठमाडौं । नेपालको इतिहासकै ठूलो आईपीओ आज (माघ २ गते) देखि भर्न पाइने छ । नेपाल इन्फ्रास्टक्चर बैंक लिमिटेडले आजदेखि कूल ८ अर्ब रुपैयाँ रुपैयाँ बराबरको प्राथमिक सेयर (आईपीओ) निष्काशन तथा बिक्री खुला गर्ने भएको हो । यससँगै इच्छुक आवेदकले आज बिहान १० बजेपछि सि-आस्वा सदस्य बैंक तथा वित्तीय संस्था र ‘मेरो सेयर’ मार्फत आवेदन दिन सक्नेछन् । कम्पनीले प्रतिकित्ता एक सय रुपैयाँदरको ८ करोड कित्ता सेयर निष्काशन गर्ने छ । जसमध्ये ०.२ प्रतिशत अर्थात् १ लाख ६० हजार कित्ता कर्मचारीका लागि र ५ प्रतिशत अर्थात् ४ लाख कित्ता म्युचुअल फण्डहरुका लागि छुट्याइएको छ । र, बाँकी रहेको ७ करोड ५८ लाख ४० हजार कित्ता सेयर भने सर्वसाधारणका लागि छुट्याइएको छ । उक्त सेयर निष्काशन तथा बिक्री प्रबन्धकमा एनआईबीएल एस क्यापिटल रहेको छ । क्यापिटलका अनुसार कम्पनीको सेयरमा न्यूनतम १० कित्तादेखि अधिकतम २ करोड कित्तासम्म आवेदन दिन सकिने छ । यससँगै इच्छुक सर्वसाधारणले छिटोमा माघ ६ गतेसम्ममा आवेदन दिन पाउने छन् । नेपाल धितोपत्र बोर्डले गत पुस १० गते मात्रै बैंकलाई सो मात्राको आईपीओ निष्काशन गर्न स्वीकृति दिएको हो । यसअघि नेपाली पुँजीबजारमा कुनै पनि कम्पनीले यति ठूलो आकारको सेयर जारी गरेका थिएनन् । यति ठूलो मात्रामा सेयर जारी गर्ने बैंक नै पहिलो कम्पनी हो । सबैभन्दा ठूलो आकारको आईपीओ भएकाले यो कम्पनीमा लगानी गर्ने सबैले बैंकको सेयर हात पार्ने अधिक सम्भावना रहेको छ । पछिल्लाे कम्पनीकाे आईपीओ आवेदन हेर्दा याे कम्पनीकाे सेयरमा १३ लाख बढीले आवेदन दिने देखिन्छ । आईपीओमा धेरै आवेदन पर्दा पनि प्रतिआवेदक ५० कित्तासम्म सेयर पाइने सम्भावना देखिएको एक अध्ययनले बताएको छ । त्यसैले, यसमा प्रतिकित्ता १०० रुपैयाँका दरले न्यूनतम ५० कित्तादेखि ८० कित्तासम्मका लागि आवेदन दिँदा उचित हुने बुझिन्छ । सेयर निष्काशन गर्न इक्रा नेपालले मोडेरेट क्रेडिट रिक्स जनाउने इक्रा एनपी इस्यूअर रेटिङ्ग त्रिपल बी ग्रेडिङ्ग प्रदान गरेको छ । उक्त क्रेडिट रेटिङ्ग प्राप्त संस्थालाई समयमानै वित्तीय दायित्व पूरा गर्ने सन्दर्भमा मध्यम श्रेणीको सुरक्षा प्रदान गर्ने संस्थाको रुपमा लिइन्छ । सम्बन्धित समाचार नेपाल इन्फ्रास्ट्रक्चर बैंकको आईपीओ सबैले पाउँछन्- बिक्री प्रबन्धक
चन्द्रागिरीको आईपीओ भर्नेलाई चन्द्रागिरी केवलकारमा २५ प्रतिशत छुट, कहिलेसम्म पाइन्छ ?
काठमाडौं । चन्द्रागिरीको आईपीओ भर्ने आवेदकले चन्द्रागिरी केवलकारमा २५ प्रतिशत छुट पाउने भएका छन् । चन्द्रागिरी हिल्स लिमिटेडको ११ औं वार्षिक साधारण सभामा बाेल्दै कम्पनीका अध्यक्ष चन्द्र प्रसाद ढकालले उक्त याेजना सार्वजनिक गरेका हुन् । चन्द्रागिरी हिल्सको साधारण सेयरमा भएको उल्लेखनीय सहभागिता तथा कम्पनीप्रति देखाएको विश्वास अनि सबैलाई सेयर पर्ने सम्भावना न्युन रहेको हुँदा सम्पूर्ण आवेदकहरुको सम्मान गर्दै कम्पनीका अध्यक्ष चन्द्रप्रसाद ढकालले यो योजना सार्वजनिक गरिएको जानकारी दिएका हुन् । यससँगै चन्द्रागिरी हिल्सले स्थानीय तथा सर्वसाधारणको लागि आह्वान गरेको साधारण सेयरमा आवेदन दिने सम्पूर्ण आवेदकहरुलाई केवलकार यात्रामा २५ प्रतिशत छुट पाउने भएका छन् । स्थानीय वासिन्दा तथा सर्वसाधारणका लागि खुल्ला गरिएको सेयरमा आवेदन दिने १२ लाख ५६ हजार ७४६ आवेदकले सेयर भर्दाको कुनै न कुनै प्रमाण छुट सुविधाका लागि टिकट काउन्टरमा देखाउनु पर्नेछ । साथै, यो योजना २०७७ माघ ५ गतेदेखि १ वर्षसम्मको लागि मान्य हुनेछ । चन्द्रागिरी हिल्स लिमिटेडको ११औं वार्षिक सधारण सभा २०७७ साल पुस २९ गते बुधबारका दिन चन्द्रागिरी हिल्स रिर्सोट सम्पन्न भएको हाे । कम्पनीका अध्यक्ष चन्द्रप्रसाद ढकालको सभापतित्वमा सम्पन्न साधारण सभामा कम्पनीको वित्तीय अवस्था, मुख्य उपलब्धी तथा कम्पनीको भावी योजना प्रस्तुत गरिएको थियो । ऐतिहासिक, सांस्कृतिक तथा प्राकृतिक महत्त्व बोकेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क, सेमिनार हलतथा रिर्सोटलगायतका पूर्वाधार निर्माण गरेर चन्द्रागिरी डाँडालाई एकीकृत पर्यटकीय गन्तव्यको रुपमा विकास गरिरहेको छ ।
