६० अंकले बढ्यो सेयर बजार, नबिलको उच्च कारोबार हुँदा ५ कम्पनीमा लाग्यो सर्किट
काठमाडौं । बुधबारको सेयर बजार ६० अंकले उकालो लागेको छ । कारोबार शुरु भएदेखि उकालोको यात्रा तय गरेको बजार अन्त्यमा पनि निरन्तर रुपमा बढेर बन्द भएको हो । यससँगै सेयर कारोबार मापक गर्ने नेप्से परिसूचक ६०.५६ अंकले बढेर २५७१.६६ बिन्दुमा पुगेको छ । जुन अघिल्लो दिनको तुलनामा २.४१ प्रतिशतले बढी हो । बजारमा परिसूचकमा सुधार देखिएता पनि कारोबार रकम भने घटेको छ । बुधबार कूल २ अर्ब ६५ करोड रुपैयाँ बराबरको सेयर कारोबार भएको छ । जुन अघिल्लो दिनको तुलनामा ९६ करोड रुपैयाँले घटी हो । अघिल्लो दिन अर्थात मंगलबारको बजारमा ३ अर्ब ६१ करोड रुपैयाँ बराबरको सेयर कारोबार भएको थियो । बुधबार कारोबारमा आएका कम्पनीमध्ये सबैभन्दा बढी नबिल बैंकको सेयर कारोबार भएको छ । बैंकको एकैदिन ९ करोड ४८ लाख रुपैयाँ बराबरको सेयर कारोबार भएको छ । जसको सेयर मूल्य प्रतिकित्ता १४६० रुपैयाँ रहेको छ । त्यस्तै, दोश्रो र तेश्रोमा रहेका हिमालयन डिष्टिलरी र अरुण भ्याली हाइड्रोपावर डेभलपमेन्ट कम्पनीको क्रमशः ७ करोड ८१ लाख र ७ करोड ३१ लाख रुपैयाँ बराबरको सेयर कारोबार भएको छ । बजारमा कूल ६ वटा कम्पनीको सेयर मूल्यमा सकारात्मक सर्किट लागेको छ । जसमध्ये अरुण भ्याली हाइड्रो, यूनिभर्सल पावर कम्पनी र मैलुङ्ग खोला जलविद्युत कम्पनीको सेयर मूल्य १० प्रतिशतले बढेको छ । त्यस्तै, सीईडीबी हाइड्रोपावर डेभलपमेन्ट कम्पनी, नेशनल हाइड्रोपावर कम्पनी र यूनाईटेड मोदी हाइड्रोपावरको सेयर मूल्य बढेर सर्किट लेभलमा कारोबार भएको छ । दिनभरको कारोबारमा मिथिला, एनआईसी एशिया र साधना लघुवित्त वित्तीय संस्था बाहेक अन्य कम्पनीको सेयर मूल्य घटेको छ । बुधबार कारोबारमा आएका सबै समूह हरिया देखिएका छनु । कारोबारमा आएका १३ वटा समूहमध्ये निर्जीवन बीमा समूह सबैभन्दा बढी अर्थात २४८.१० अंकले उकालो लागेको छ ।
कुमारी बैंकले डाक्यो वार्षिक साधारणसभा, कार्त्तिक ८ गते बुक क्लोज
काठमाडौं । कुमारी बैंकले आगामी कार्त्तिक १६ गते वार्षिक साधारणसभा बोलाएको छ । बैंकले आफ्नो २१औं वार्षिक साधारणसभा सो दिन बिहान ११ः३० बजे नक्सालमा रहेको आफ्नै कार्यालयमा बाेलाएकाे हाे । उक्त सभामा जाने प्रयोजनको लागि संस्थाले कार्त्तिक ८ गते एक दिन बुक क्लोज गर्न लागेको हो । यससँगै कार्त्तिक ७ गतेसम्म कायम सेयरधनीले बैंकको प्रस्तावित लाभांश पाउने छन् । उक्त सभाले गत आर्थिक वर्ष २०७७/७८ को नाफाबाट सेयरधनीलाई ८.६७ प्रतिशत लाभांश वितरण गर्ने प्रस्तावलाई पारित गर्दैछ । बैंकले गत आवको नाफाबाट चुक्ता पुँजीको ६ प्रतिशत बोनस र कर प्रयोजनको लागि २.६७ प्रतिशत नगद(कर प्रयोजनसहित) गरी ८.६७ प्रतिशत लाभांश वितरण गर्ने प्रस्ताव गरेको हो । सम्बन्धित समाचार कुमारी बैंकले घोषणा गर्यो ८.६७ प्रतिशत लाभांश
बोनसपछि साधना लघुवित्तको सेयर मूल्य समायोजन
काठमाडौं । साधना लघुवित्त वित्तीय संस्थाको सेयर मूल्य समायोजन भएको छ । संस्थाको २५ प्रतिशत बोनसपछिको सेयर मूल्य समायोजन भएको हो । समायोजन भएसँगै संस्थाको सेयर मूल्य प्रतिकित्ता १४१५.२० रुपैयाँ कायम भएको छ । यससँगै बुधबारको बजारमा कम्पनीको पहिलो कारोबार प्रतिकित्ता १४१५.२० रुपैयाँबाटै शुरु भएको छ । यसअघि कम्पनीको अन्तिम कारोबार प्रतिकित्ता १७६९ रुपैयाँमा भएको थियो ।
