कञ्चन डेभलपमेन्ट बैंकको सीईओमा पुनः बिरुराम जैशी नियुक्त
काठमाडौं । कञ्चन डेभलपमेन्ट बैंकको प्रमुख कार्यकारी अधिकृत (सीईओ)मा बिरुराम जैशी पुनः नियुक्त भएका छन् । कात्तिक ७ गते बसेको संस्थाकाे सञ्चालक समितिको बैठकले जैशीलाई आगामी ४ वर्षेका लागि सीईओमा नियुक्त गरेको हो । साथै, उनले कम्पनी सचिवको कार्यभार समेत सम्हाल्दै आएका छन् ।
नेपाल बैंकको स्वतन्त्र सञ्चालकमा दीपेन्द्र विक्रम थापा नियुक्त
काठमाडौं । नेपाल बैंकको स्वतन्त्र सञ्चालकमा दीपेन्द्र विक्रम थापा नियुक्त भएका छन् । कात्तिक ३ गते बसेको बैंक सञ्चालक समितिको बैठकले थापालाई उक्त पदमा नियुक्त गरेको हो । नियुक्त भएसँगै थापाले बैंकको स्वतन्त्र सञ्चालक पदको कार्यभार सम्हाल्ने छन् ।
बोर्डको कामू अध्यक्षमा परिष्ठनाथ पौडेल
काठमाडौं । नेपाल धितोपत्र बोर्डको कामू अध्यक्षको जिम्मेवारी परिष्ठनाथ पौडेलले सम्हाल्ने भएका छन् । अर्थ मन्त्रालयले अध्यक्ष नियुक्त नभएसम्मको लागि पौडेललाई अख्तियारी सहित कामू अध्यक्षको जिम्मेवारी दिएको हो । कामू अध्यक्षको नेतृत्व गर्न जिम्मा पाएका पौडेलले बोर्डको नीतिगत निर्णय भने गर्न पाउँदैन । पौडेलले यस अघि बोर्डको कार्यकारी निर्देशकको पद सम्हालेका थिए । अध्यक्ष डा. रेवतबहादुर कार्कीले गत कात्तिक १ गतेदेखि अवकाश पाएपछि बोर्डको उक्त पद खाली रहेको छ । त्यसको लागि प्रकृया अघि बढिरहेको छ ।
