जोन्सन एण्ड जोन्सनकाे भ्याक्सिनमा जोखिम देखियो, खोप लाएर समस्या देखिएका अधिकांश मानिस हस्पिटलमा
काठमाडौं । नेपाललाई अमेरिकाले सहयोग गरेको जोन्सन एण्ड जोन्सनको खाेपमा समस्या देखिएकाे छ । अन्तर्राष्ट्रिय सञ्चार माध्यमका अनुसार साे खाेपमा समस्या देखिएकाे हाे । अमेरिकाले नेपाललाई १५ लाख ३४ हजार ८४ डोज खोप सहयाेग गरेकाे छ । अमेरिकी सरकारले कोभ्याक्स अन्तर्गत नेपाललाई कोरोना विरुद्धको उक्त खोप दिएको हो । अन्तर्राष्ट्रिय सञ्चार माध्यम द न्युर्योक टाइम्सका अनुसार अमेरिकी फुड एण्ड ड्रग एड्मिनिस्ट्रेसन (एफडीए)ले सोमबार जोन्सन एण्ड जोन्सनको भ्याक्सिनले निकै दुलर्भ रहेको ‘गलियन ब्यार्र सिन्ड्रम’ एक प्रकारकाे न्युरोलोजिकल समस्या निम्त्याउन सक्ने चेतावनी दिएकाे छ । यद्यपि नियामकहरुका अनुसार उक्त भ्याक्सिनले यस्ताे अवस्था निम्त्याउने सम्भावना निकै नै न्युन रहेकाे छ । सामान्य मानिसकाे तुलनामा जाेन्सन एण्ड जाेन्सनका खाेप लगाएका मानिसमा याे राेग देखिने सम्भावना ३ देखि ४ प्रतिशत बढी रहेकाे छ । एफडीएका अनुसार १ करोड २५ लाख मानिसमा जानसेन खोप लगाउँदा करिब १०० जनामा गुइलिन बारेको संक्रमण देखिएको छ । गलियन ब्यार्रको संक्रमण देखिएका १०० जनामध्ये ९५ जनाको अवस्था गम्भीर बनेको र अस्पतालमा भर्ना गर्नुपरेको सञ्चारमाध्यले उल्लेख गरेकाे छ । यसबारे विस्तृत अध्ययन भने भइरहेकाे बताइएकाे छ । अर्काे अन्तर्राष्ट्रिय सञ्चार माध्यम ‘द वाल स्ट्रिट‘ जरनलका अनुसार सेन्टर फर डिजिज कन्ट्राेल एण्ड डिभिजनले खाेप लगाएका करिब १२.८ मिलियन मानिसहरु मध्ये करिब १०० जनाकाे रिपाेर्टमा यस्ताे समस्या देखिएका जानकारी दिएकाे छ । रिपाेर्टका अनुसार भ्याक्सिन लगाएकाे २ हप्तापछि ५० वर्षभन्दा माथिका उमेरका पुरुषलाई गलियन ब्यार्रकाे असर देखिएका थियाे । धेरै समस्या भने खाेप लगाएकाे ४२ दिनपछि देखिएकाे रिपाेर्टले जनाएकाे छ । ‘गलियन ब्यार्र सिन्ड्रम’ अन्य भ्याक्सिनमा पनि देखिएकाे एकदमै दुर्लभ असर हाे । अमेरिकामा हरेका वर्ष प्रत्येक १ मिलियन मानिसमा १० जनालाई यस्ताे समस्या देखिने गरेकाे छ । धेरै मानिसहरु यसकाे जटिल लक्षण देखिएपश्चात पनि निकाे भएकाे पाइएकाे छ ।
कोरोनाको खोप विक्री वितरण गर्नेलाई कारवाही
काठमाडाैं । कोरोना भाइरसविरुद्धको खोपको विक्री वितरण गर्नेलाई कारवाही हुने भएको छ । स्वास्थ्य तथा जनसंख्या मन्त्रालयले खोप किनबेच गरेकाे पाइएमा कारबाही हुने जनाएको हो । सरकारले नै खोपको व्यवस्था गर्न लागेको भन्दै खोपको बिक्री वितरण गर्ने तयारी गरेको भन्दैअवैध रूपमा बेच्ने र किनेर लगाइएको पाइएमा प्रचलित कानुन बमोजिम कारबाही गरिने मन्त्रालयले जनाएको छ । मन्त्रालयले कोरोनाविरुद्धको खोप कहीँ कतै बेचबिखन भइरहेको थाहा पाएको खण्डमा स्थानीय प्रशासन, प्रहरी कार्यालय, पालिका वा स्वास्थ्य कार्यालयमा खबर गर्न समेत सबैमा मन्त्रालयले आग्रह गरेको छ ।
खाेप खरिदकाे लागि अर्थ मन्त्रालयले दियाे ५ अर्ब रुपैंया निकासाको स्विकृति
काठमाडाैं । नवनियुक्त अर्थमन्त्री जनारदन शर्माले खाेप खरिदकाे लागि ५ अर्ब रुपैंया निकासाको स्विकृति दिएका छन् । मन्त्री शर्माले बुधबार पदबहाली पछि खाेप खरिदकाे लागि स्विकृति दिएका हुन् । शर्माले सरकारकाे प्राथमितकता खाेपमा रहेकाे बताएका छन् । मंगलबार उनी अर्थमन्त्री पदमा नियुक्त भएका हुन् । शर्मालाई देउवाले अर्थमन्त्रीमा नियुक्त गरेका हुन् । सर्वोच्च अदालतले सोमबार कांग्रेस सभापति शेरबहादुर देउवालाई प्रधानमन्त्री नियुक्त गर्न र विघटटित प्रतिनिधिसभालाई पुनःस्थापित गर्न परमादेश जारी गरेको थियो ।
