अधिकतम मूल्यमा भयो सानिमा जनरल इन्स्योरेन्सको पहिलो कारोबार, खरिद बिक्रीको अर्डर शून्य
काठमाडौं । दोश्रो बजारमा सानिमा जनरल इन्स्योरेन्स कम्पनीको पहिलो कारोबार प्रतिकित्ता ३११ रुपैयाँमा भएको छ । जुन नेप्सेले तोकेको मूल्यको अधिकतम मूल्य हो । नेप्सेले कम्पनीको पहिलो कारोबारको लागि प्रतिकित्ता न्युनतम १०३.७३ रुपैयाँदेखि अधिकतम ३११.१९ रुपैयाँ तोकेको थियो । बुधबार नेप्सेको स्पेसल प्रिओपन सेसन (बिहान १०ः३० देखि १०ः४५) मा कम्पनीको पहिलो कारोबार भएको हो । साे अवधिमा कम्पनीकाे २० कित्ता सेयर प्रतिकित्ता ३११ रूपैयाँकाे दरमा काराेबार भएकाे छ । त्यसपछिकाे बजारमा कम्पनीकाे सेयर मूल्य १२ रूपैयाँले बढेर बढेर प्रतिकित्ता ३२३ रूपैयाँ पुगेकाे छ । जुन प्रतिशतकाे आधारमा ३.८६ प्रतिशतले बढी हाे । याे समाचार तयार पार्दासम्म कम्पनीकाे सेयर किनबेचकाे लागि कसैले पनि अर्डर गरेका छैनन् । कम्पनीको सेयर गत मंगलबार(कार्तिक १८ गते) नेप्सेमा सूचीकृत भएको थियो । कम्पनीको अंकित मूल्य एक सय रुपैयाँ कायम भएको एक करोड कित्ता साधारण सेयर नेप्सेमा सूचीकृत भएको हो ।
ज्योति लाइफ इन्स्योरेन्सको खुद बीमाशुल्क शतप्रतिशत र नाफा ९१ प्रतिशतले बढ्यो
काठमाडौं । ज्योति लाइफ इन्स्योरेन्सले चालू आर्थिक वर्षको पहिलो त्रैमासमा खुद बीमाशुल्क करिब शतप्रतिशत अर्थात ९८.७९ प्रतिशतले बढाएको छ । गत आर्थिक वर्ष २०७६/७७ को असोज मसान्तसम्म २६ करोड ४२ लाख रुपैयाँ खुद बीमा शुल्क संकलन गरेको कम्पनीले चालु आवको सोहि अवधिसम्म ५२ करोड ५३ लाख रुपैयाँ खुद बीमाशुल्क संकलन गरेको छ । जुन रकमका आधारमा २६ करोड १० लाख रुपैयाँले बढी हो । त्यस्तै, कम्पनीको खुद बीमाशुल्कसंगै खुद नाफामा वृद्धि भएको छ । यस अवधिमा कम्पनीले खुद नाफा ९१.८७ प्रतिशतले बढाएर ७ करोड २२ लाख रुपैयाँ आर्जन गरेको छ । कम्पनीले गत आर्थिक वर्षको असोज मसान्तसम्ममा ३ करोड ७६ लाख रुपैयाँ मात्रै खुद नाफा कमाएको थियो । समीक्षा अवधिमा इन्स्योरेन्सले कूल ७८ लाख ४६ हजार रुपैयाँ ब्याज आम्दानी गरेको छ । कम्पनीले लगानी कर्जा तथा अन्यबाट ३ करोड ८३ लाख रुपैयाँ र बीमालेख धितोमा ३७ करोड १० लाख रुपैयाँ लगानी गरी सो मात्राको ब्याज आम्दानी गरेको हो । एक अर्ब ५४ करोड रुपैयाँ चुक्ता पुँजी रहेको कम्पनीको जगेडा कोषमा ४६ करोड ५ लाख रुपैयाँ रहेको छ । त्यस्तै, जीवन बीमा कोषमा २ अर्ब २५ करोड रुपैयाँ र महाविपत्ती कोषमा ५ करोड ११ लाख रुपैयाँ सञ्चित रहेको छ । त्यस्तै, कम्पनीको प्रतिसेयर आम्दानी १८.७६ रुपैयाँ र प्रतिसेयर नेटवर्थ १३३.२३ रुपैयाँ रहेको छ । इन्स्योरेन्सले हालसम्ममा ६६ हजार ११३ वटा बीमालेख जारी गरी ३ अर्ब ३३ करोड ७७ लाख रुपैयाँ कुल बीमाशुल्क आर्जन गरेको छ । गत असोज मसान्तसम्ममा ४५ वटा दाबी बापत एक करोड ४ लाख ९२ हजार रुपैयाँ भुक्तानी गरेको छ ।
काेराेना बीमामा अर्थ मन्त्रालयकाे समर्थन, ७ दिनमा भुक्तानी गर्न निर्देशन
काठमाडौं । बीमा समितिबाट जारी गरिएको बीमालेख बमोजिम कोरोना बीमा दाबी गरेका बीमितहरुको पिसिआर परीक्षण प्रतिवेदन पोजिटिभ प्रमाणित भएपछि बीमालेख बमोजिम प्रदान गरिने बीमाङ्क रकम भुक्तानी दाबी गरेका सबै बिमितहरुलाई सम्बन्धित बीमा कम्पनीले एक हप्ताभित्र भुक्तानी दिने निर्णय भएको छ । अर्थमन्त्री विष्णुप्रसाद पौडेलको उपस्थितिमा अर्थमन्त्रालयमा मंगलबार बसेको बैठकले सो कार्यको समन्वय र अनुगमन बीमा समितिले गरी दाबी भुक्तानीको दैनिक प्रतिवेदन अर्थ मन्त्रालयमा पठाउने निर्णय पनि गरेको छ । अर्थमन्त्री पौडेलले बिमितहरुले बिमाङ्क रकम दाबी गर्नासाथ अविलम्ब भुक्तानी दिने व्यवस्था मिलाउन सम्बन्धित निकायलाई निर्देशन दिएका छन् । यस्तै, कोरोना बीमाको दावी भुक्तानी कार्यमा सेवाग्राहीबाट आएका गुनासाहरुको सुनुवाई गरी समस्या समाधानका लागि सम्बन्धित बीमा कम्पनीहरुलाई निर्देशन दिन हटलाइन टेलिफोन सहितको हेल्प डेक्स सञ्चालन गर्ने व्यवस्था बीमा समितिले तत्काल मिलाउने निर्णय पनि भएको छ । बैठकमा अर्थ मन्त्रालयका सचिवद्वय शिशिरकुमार ढुङाना, रामशरण पुडासैनी, बीमा समितिका अध्यक्ष चिरञ्जिवी चापागाईँ, नेपाल बीमक संघका अध्यक्ष दीपप्रकाश पाण्डे लगायतको उपस्थिति थियो । अर्थ मन्त्रालयकाे बैठक लगत्तै बीमा समितिले कोरोना बीमाको दाबी भुक्तानी ७ दिन भित्रै दिन बीमा कम्पनीहरुलाई निर्देशन दिएको छ । सरकारकाे नीति तथा कार्यक्रम र बजेटमा काेभिड बीमा समेटिएकाे, सरकारी कर्मचारी, स्वस्थ्यकर्मी, सुरक्षाकर्मीकाे बीमाबारे सरकारले गरेकाे घाेषणा सबैकाे पूर्ण कार्यान्वयन गर्न अर्थमन्त्रीले सबैलाई निर्देशन दिएकाे छलफलमा सहभागी एकले विकासन्युजसँग भने । ‘सरकारकाे प्रतिवद्धता पनि कार्यान्वयन हुनुपर्छ, बीमा कम्पनीहरूले गरेकाे प्रतिवद्धता पनि पुरा हुनुपर्छ’ अर्थमन्त्रीकाे भनाइ उदृत गर्दै स्राेतले भन्याे । काेराेना बीमाकाे विषय नीति तथा कार्यक्रममा पर्नु तर बजेट विनियाेजन नहुनुमा अर्थमन्त्रालयकाे तर्फबाट त्रुटी भएकाे सरकारी अधिकारीहरूले छलफलमा स्वीकार गरेका छन् । बजेट तथा कार्यक्रममा पर्नु तर बजेट नराखिनु सरकारकाे तर्फबाट त्रुटी भएकाे र बीमाकाे सिद्धान्त तथा अभ्याससँग नमिल्ने गरी बीमा पाेलिसी बनाउनु बीमा क्षेत्रकाे कमजाेरी भएकाे छलफलमा उठेकाे थियाे । अर्थमन्त्री पाैडेलले बीमितप्रतिकाे जिम्मेवारीबाट काेही पनि उम्कन नहुने भन्दै काेभिड बीमाबारे अाएकाे जनगुनासाे सम्बाेधन गर्नुपर्ने बताएका छन् । काेभिड बीमा पाेलिसी अहिलेसम्म करिव १५ लाख मानिसले लिएका छन् । त्यसबाट बीमा कम्पनीहरूले करिव ६३ कराेड रूपैयाँ बीमा शुल्क संकलन गरेका छन् ।अहिलेसम्म १४ हजारले बीमा दावी गरेका छन् । उनीहरू सबैकाे दावी भुक्तानी गर्दा १ अर्ब ४० कराेड रूपैयाँ भुक्तानी गर्नुपर्छ । अहिलेसम्म १७ सय बीमितले बीमा दावी भुक्तानी पाएका छन् । थप १८ सयले बीमितले प्रकिया पूरा गरी वीमा दावी गरेकाे छन् । ‘प्रकिया पूरा गरेका १८ सय बीमितकाे दावी भुक्तानी गर्ने निर्णय भएकाे छ । उनीहरूले यसै साता भुक्तानी पाउने छन्’ स्राेतले भन्याे-‘दुइ साताभित्र सबै प्रक्रिया नियमित गर्छाैं । त्यसपछि प्रकिया पूरा गरेका सबैलाई दावी भएकाे ७ दिनमा भुक्तानी गर्छाैं ।’ फर्जी बीमा दावी गर्नकाे लागि इन्टेलिसेन्स टिम बनाएर काम शुरू भएकाे पनि उनले बताए । ‘कोरोना बीमाको दाबी भुक्तानी अब झनै छिटो हुने भएको छ, यसले कोरोना बीमा गर्ने सबैलाई सहज बनाउने छ’, बीमा समितिका कार्यकारी निर्देशक राजुरमण पौडेलले विकासन्युजसंग भने ।
