अनिल ज्ञवालीले ग्लोबल आईएमई बैंक छाडे
काठमाडौं । ग्लोबल आइएमइ बैंकका प्रमुख कार्यकारी अधिकृत (सीईओ) ले बैंक छाडेका छन् । २०७२ जेठमा दोस्रो पटक ग्लोबल आईएमईमा गएका ज्ञावली ४ वर्षे कार्यकाल पुरा नहुदै बैंक छाडेका छन् । उनको कार्यकाल अझै २ वर्ष बाँकी थियो । नबिल बैंक छाडेर उनी ग्लोबल आईएमई गएका थिए । ग्लोबल आइएमईको चुक्तापुँजी ८ अर्ब रुपैयाँ नाघिसकेको छ । गत आर्थिक वर्षमा बैंकले २ अर्ब रुपैयाँ बढी नाफा कमाएको थियो । तत्कालिन नेपाल अरब बैंक हालको नबिलबाट बैंकिङ क्षेत्रमा प्रवेश गरेका हुन् ।
नविल बैंकले असोज १०मा साभारणसभा बाेलायाे, ४८% लाभांशसहित पुँजी १० अर्ब बनाउने विशेष प्रस्ताव
काठमाडौं । नबिल बैंकले १० अर्ब रुपैयाँ पुँजी बनाउने प्रस्ताव गरेको छ । बैंकले आगामी असोज १० गते ३३ औं वार्षिक साधारणसभाको बोलाउँदै उक्त साधारणसभामा अधिकृत पुँजी १० अर्ब रुपैयाँ बनाउने प्रस्ताव लैजाने निर्णय गरेको छ । उक्त साधारणसभामा नबिल बैंकले सेयरधनीलाई ४८ प्रतिशत लाभांश दिने प्रस्ताव लैजादैछ । बैंक सञ्चालक समितिले गत आर्थिक वर्षको नाफाबाट ३० प्रतिशत बोनस सेयर र १८ प्रतिशत नगद लाभांश दिने निर्णय गरेको छ । बोनस सेयर जारी गरेपछि चुक्ता पुँजी ८ अर्ब ४ करोड रुपैयाँ पुग्ने बैंकले जनाएको छ ।
सिटिजन्स बैंकले १६ प्रतिशत बोसन सेयर दिने, असोज ९ गते साधारण सभा
काठमाडौं । सिटिजन्स बैंकले सेयरधनीलाई १६ प्रतिशत बोनस सेयर दिने भएको छ । बैंकको हालै बसेको सञ्चालक समितिको २४४ औ बैठकले गत आर्थिक वर्षमा गरेको नाफा मध्येबाट सेयरधनीलाई १ अर्ब १० करोड ७४ लाख रुपैयाँ बराबरको बोनस सेयर बितरण गर्ने निर्णय गरेको छ । बोनस सेयर वितरण प्रस्ताव पारित गर्न बैंकले असोज ९ गते ११ औं वार्षिक साधारणसभा बोलाएको छ । साधारणसभाबाट पारित भएपछि बैंकले बोनस सेयर बितरण गर्ने जानकारी दिएको छ । बैंकले चुक्तापुँजी बढाएर ८ अर्ब रुपैयाँ पु¥याउन सेयरधनीलाई बोनस सेयर दिन लागेको हो ।
