४१.४५ प्रतिशत बढ्यो नेपाल बैंकको नाफा, २ खर्ब ५० अर्ब पुग्यो लगानी
काठमाडौं । नेपाल बैंकको चालु आर्थिक वर्ष २०८३/८४ को पहिलो त्रैमासमा खुद नाफा ४१.४५ प्रतिशत बढेर ८३ करोड २१ लाख ८७ हजार रुपैयाँ आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले ५८ करोड ८२ लाख ८७ हजार रुपैयाँ खुद नाफा आर्जन गरेको थियो । चालु आवको असोजसम्ममा बैंकको खुद ब्याज आम्दानी ३.११ प्रतिशत घटेर २ अर्ब ४८ करोड ९५ लाख ७४ हजार रुपैयाँ गरेको छ । गत वर्षको सोही अवधिमा बैंकले २ अर्ब ५६ करोड ९५ लाख रुपैयाँ खुद ब्याज आम्दानी गरेको थियो । समीक्षा अवधिमा बैंकले खुद शुल्क तथा कमिशन आम्दानी ३५ करोड १० लाख ९७ हजार रुपैयाँ, कुल सञ्चालन आम्दानी ३ अर्ब १३ करोड ६२ लाख ५२ हजार रुपैयाँ र सञ्चालन नाफा ९९ करोड ४९ लाख ५४ हजार रुपैयाँ रहेको छ । समीक्षा अवधिमा बैंकको वितरणयोग्य नाफा २ अर्ब ७५ करोड २८ लाख ४५ हजार रुपैयाँ रहेको छ । यस आधारमा बैंकको लाभांश क्षमता १८.७३ प्रतिशत रहेको छ । १४ अर्ब ६९ करोड ४० लाख २२ हजार रुपैयाँ चुक्ता पुँजी रहेको बैंकको जगेडा कोषमा २५ अर्ब ५८ करोड ९८ लाख ५३ हजार रुपैयाँ रहेको छ । असोजसम्ममा बैंकको निक्षेप संकलन ४.५६ प्रतिशत बढेर ४ खर्ब ३४ अर्ब १३ करोड १९ लाख रुपैयाँ र कर्जा प्रवाह २.६६ प्रतिशत बढेर २ खर्ब ५० अर्ब ७ करोड ५९ लाख रुपैयाँ गरेको छ । गत वर्षको सोही अवधिसम्मा बैंकले ४ खर्ब १५ अर्ब १८ करोड २० लाख रुपैयाँ निक्षेप संकलन गरी २ खर्ब ४३ करोड ५९ लाख ६ हजार रुपैयाँ कर्जा लगानी गरेको थियो । समीक्षा अवधिमा बैंकको निक्षेप तथा कर्जा अनुपात (सीडी रेसियो) ६१.६३ प्रतिशत रहेको छ । बैंकको प्रतिसेयर आम्दानी १६.०१ रुपैयाँबाट बढेर २२.६५ रुपैयाँ पुगेको छ । यस्तै बैंकको प्रतिसेयर नेटवर्थ २९२.८९ रुपैयाँ रहेको छ भने मूल्य आम्दानी अनुपात १३.४२ गुणा रहेको छ । समीक्षा अवधिमा बैंकले खराब कर्जा (एनपीएल) घटाएको छ । गत वर्षको असोजमा ५.४९ प्रतिशत रहेको खराब कर्जा चालु आवको असोजमा घटेर ४.६१ प्रतिशतमा झारेको छ ।
३ महिनामा एभरेष्ट बैंकको नाफा १.२५ अर्ब रुपैयाँ, खराब कर्जा ०.५० प्रतिशत मात्र
काठमाडौं । एभरेष्ट बैंकको चालु आर्थिक वर्ष २०८३/८४ को पहिलो त्रैमासमा खुद नाफा ६.२२ प्रतिशत बढेर १ अर्ब २५ करोड २७ लाख १९ हजार रुपैयाँ आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले १ अर्ब १७ करोड ९२ लाख ७४ हजार रुपैयाँ खुद नाफा आर्जन गरेको थियो । चालु आवको असोजसम्ममा बैंकको खुद ब्याज आम्दानी १.३५ प्रतिशत घटेर २ अर्ब ३७ करोड १४ लाख ३३ हजार रुपैयाँ गरेको छ । गत वर्षको सोही अवधिमा बैंकले २ अर्ब ४० करोड ३८ लाख ९७ हजार रुपैयाँ खुद ब्याज आम्दानी गरेको थियो । समीक्षा अवधिमा बैंकले खुद शुल्क तथा कमिशन आम्दानी ६० करोड २९ लाख ८ हजार रुपैयाँ, कुल सञ्चालन आम्दानी ३ अर्ब २२ करोड ९५ लाख ५ हजार रुपैयाँ, सञ्चालन नाफा १ अर्ब ७८ करोड ९७ लाख ७३ हजार रुपैयाँ रहेको छ । समीक्षा अवधिमा बैंकको वितरणयोग्य नाफा ३ अर्ब ८७ करोड ८ लाख ५३ हजार रुपैयाँ रहेको छ । यस आधारमा बैंकको लाभांश क्षमता ४०.७७ प्रतिशत रहेको छ । १४ अर्ब ४० करोड ७४ लाख ४५ हजार रुपैयाँ चुक्ता पुँजी रहेको बैंकको जगेडा कोषमा १६ अर्ब ४९ करोड ४६ लाख ८३ हजार रुपैयाँ रहेको छ । असोजसम्ममा बैंकको निक्षेप संकलन ६.५२ प्रतिशत बढेर ३ खर्ब ३६ अर्ब ६२ करोड ८० लाख रुपैयाँ र कर्जा प्रवाह ३.८६ प्रतिशत बढेर २ खर्ब ४४ अर्ब ६१ करोड ५ लाख रुपैयाँ गरेको छ । गत वर्षको सोही अवधिसम्मा बैंकले ३ खर्ब १६ अर्ब १ करोड ८५ लाख रुपैयाँ निक्षेप संकलन गरी २ खर्ब ३५ अर्ब ५१ करोड ४२ लाख रुपैयाँ कर्जा लगानी गरेको थियो । समीक्षा अवधिमा बैंकको निक्षेप तथा कर्जा अनुपात (सीडी रेसियो) ७५.४३ प्रतिशत रहेको छ । बैंकको प्रतिसेयर आम्दानी ३६.४४ रुपैयाँबाट घटेर ३४.७८ रुपैयाँमा सीमित भएको छ । यस्तै बैंकको प्रतिसेयर नेटवर्थ २४३.०१ रुपैयाँ रहेको छ भने मूल्य आम्दानी अनुपात २०.६७ गुणा रहेको छ । समीक्षा अवधिमा बैंकले खराब कर्जा (एनपीएल) घटाएको छ । गत वर्षको असोजमा ०.७४ प्रतिशत रहेको खराब कर्जा चालु आवको असोजमा घटेर ०.५० प्रतिशतमा झारेको छ ।
३१.८६ प्रतिशत बढ्यो माछापुच्छ्रे बैंकको नाफा, व्यवसाय वृद्धि ५.४६ प्रतिशत
काठमाडौं । माछापुच्छ्रे बैंकको चालु आर्थिक वर्ष २०८३/८४ को पहिलो त्रैमासमा खुद नाफा ३१.८६ प्रतिशत बढेर ५५ करोड ११ लाख ५१ हजार रुपैयाँ आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले ४१ करोड ७९ लाख ५६ हजार रुपैयाँ खुद नाफा आर्जन गरेको थियो । चालु आवको असोजसम्ममा बैंकको खुद ब्याज आम्दानी १५.५९ प्रतिशत बढेर १ अर्ब ६८ करोड ६५ लाख २५ हजार रुपैयाँ गरेको छ । गत वर्षको सोही अवधिमा बैंकले १ अर्ब ४५ करोड ८९ लाख ४८ हजार रुपैयाँ खुद ब्याज आम्दानी गरेको थियो । समीक्षा अवधिमा बैंकले खुद शुल्क तथा कमिशन आम्दानी ४३ करोड ८५ लाख ६९ हजार रुपैयाँ, कुल सञ्चालन आम्दानी २ अर्ब ३० करोड ६९ लाख ५९ हजार रुपैयाँ र सञ्चालन नाफा ८६ करोड २ लाख ५३ हजार रुपैयाँ रहेको छ । समीक्षा अवधिमा बैंकको वितरणयोग्य नाफा ११ करोड २१ लाख २४ हजार रुपैयाँ रहेको छ । यस आधारमा बैंकको लाभांश क्षमता १.५१ प्रतिशत रहेको छ । १५ अर्ब ४४ करोड ८७ लाख ९७ हजार रुपैयाँ चुक्ता पुँजी रहेको बैंकको जगेडा कोषमा ७ अर्ब ९० करोड १० लाख ७७ हजार रुपैयाँ रहेको छ । असोजसम्ममा बैंकको निक्षेप संकलन ३.५७ प्रतिशत बढेर २ खर्ब २८ अर्ब ३७ करोड २० लाख रुपैयाँ र कर्जा प्रवाह ५.४६ प्रतिशत बढेर १ खर्ब ७२ अर्ब ६४ करोड ९९ लाख रुपैयाँ गरेको छ । गत वर्षको सोही अवधिसम्मा बैंकले २ खर्ब २० अर्ब ४९ करोड ८४ लाख रुपैयाँ निक्षेप संकलन गरी १ खर्ब ६३ अर्ब ६९ करोड ६७ लाख रुपैयाँ कर्जा लगानी गरेको थियो । समीक्षा अवधिमा बैंकको निक्षेप तथा कर्जा अनुपात (सीडी रेसियो) ७७.९३ प्रतिशत रहेको छ । बैंकको प्रतिसेयर आम्दानी १३.४३ रुपैयाँबाट बढेर १७.७१ रुपैयाँ पुगेको छ । यस्तै बैंकको प्रतिसेयर नेटवर्थ १६४.४ रुपैयाँ रहेको छ भने मूल्य आम्दानी अनुपात १५.४२ गुणा रहेको छ । समीक्षा अवधिमा बैंकले खराब कर्जा (एनपीएल) घटाएको छ । गत वर्षको असोजमा ४.१३ प्रतिशत रहेको खराब कर्जा चालु आवको असोजमा घटेर ३.९७ प्रतिशतमा झारेको छ ।
अर्नब चक्रवातको प्रभाव कमजोर हुँदै, मौसम क्रमिक रूपमा सुधार हुने
काठमाडौं । अर्नब चक्रवातको अवशेषका रूपमा पश्चिम नेपाल नजिक रहेको न्यून चापीय क्षेत्रको प्रभाव कमजोर हुँदै गएको छ । माथिल्लो वायुमण्डलमा रहेको पश्चिमी न्यून चापीय प्रणालीको आंशिक प्रभाव मात्र रहेकाले मौसम क्रमिक रूपमा सुधार हुँदै जाने मौसम पूर्वानुमान महाशाखाले जनाएको छ । महाशाखाका अनुसार हाल लुम्बिनी प्रदेशसहित देशका हिमाली भू-भागमा साधारणतया बादल लागेको छ भने बाँकी क्षेत्रमा आंशिक बादल लागेको छ । बागमती, गण्डकी, लुम्बिनी र कर्णाली प्रदेशका एक-दुई स्थानमा हल्का वर्षा भइरहेको छ । आज दिउँसो देशभर आंशिक बादल लाग्नेछ । हिमाली तथा पहाडी भू-भागका एक-दुई स्थानमा हल्का वर्षा र हिमपातको सम्भावना रहेको महाशाखाले जनाएको छ । त्यस्तै, आज राति पनि देशभर आंशिक बादल लाग्ने पूर्वानुमान छ । गण्डकी, कर्णाली र सुदूरपश्चिम प्रदेशका हिमाली तथा पहाडी भू-भागका एक-दुई स्थानमा हल्का वर्षा तथा हिमपात हुन सक्नेछ । तराई, उपत्यका तथा खोँचका केही स्थानमा बिहानपख हुस्सु लाग्ने सम्भावना रहेको महाशाखाले जनाएको छ ।
राष्ट्रिय वाणिज्य बैंकको नाफामा १७५.५२ प्रतिशत उछाल
काठमाडौं । राष्ट्रिय वाणिज्य बैंकको चालु आर्थिक वर्ष २०८३/८४ को पहिलो त्रैमासमा खुद नाफा १७५.५२ प्रतिशत बढेर १ अर्ब ६४ करोड ९६ लाख ३७ हजार रुपैयाँ आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले ५९ करोड ८७ लाख ३३ हजार रुपैयाँ खुद नाफा आर्जन गरेको थियो । चालु आवको असोजसम्ममा बैंकको खुद ब्याज आम्दानी ३७.४६ प्रतिशत बढेर ४ अर्ब १ करोड ४६ लाख ७२ हजार रुपैयाँ गरेको छ । गत वर्षको सोही अवधिमा बैंकले २ अर्ब ९२ करोड ५ लाख ७२ हजार रुपैयाँ खुद ब्याज आम्दानी गरेको थियो । समीक्षा अवधिमा बैंकले खुद शुल्क तथा कमिशन आम्दानी ४५ करोड ८ लाख ३१ हजार रुपैयाँ, कुल सञ्चालन आम्दानी ४ अर्ब ७५ करोड १८ लाख ८३ हजार रुपैयाँ र सञ्चालन नाफा २ अर्ब ३५ करोड १८ लाख ५० हजार रुपैयाँ रहेको छ । समीक्षा अवधिमा बैंकको वितरणयोग्य नाफा १ अर्ब ३७ करोड २३ लाख ९८ हजार रुपैयाँ रहेको छ । यस आधारमा बैंकको लाभांश क्षमता ३५.११ प्रतिशत रहेको छ । १५ अर्ब ६३ करोड ७३ लाख ७७ हजार रुपैयाँ चुक्ता पुँजी रहेको बैंकको जगेडा कोषमा ४० अर्ब ७२ करोड ७७ लाख १९ हजार रुपैयाँ रहेको छ । असोजसम्ममा बैंकको निक्षेप संकलन ४.१५ प्रतिशत बढेर ७ खर्ब १४ अर्ब ६७ करोड ३१ लाख रुपैयाँ र कर्जा प्रवाह २.५१ प्रतिशत बढेर ३ खर्ब ४० अर्ब ४२ करोड ६६ लाख रुपैयाँ गरेको छ । गत वर्षको सोही अवधिसम्मा बैंकले ६ खर्ब ८६ अर्ब १३ करोड ५६ लाख रुपैयाँ निक्षेप संकलन गरी ३ खर्ब ३२ अर्ब ८ करोड ३४ लाख रुपैयाँ कर्जा लगानी गरेको थियो । समीक्षा अवधिमा बैंकको निक्षेप तथा कर्जा अनुपात (सीडी रेसियो) ४८.७४ प्रतिशत रहेको छ । बैंकको प्रतिसेयर आम्दानी १५.३२ रुपैयाँबाट बढेर ४२.२० रुपैयाँ पुगेको छ । समीक्षा अवधिमा बैंकको खराब कर्जा (एनपीएल) बढेको छ । गत वर्षको असोजमा ३.८३ प्रतिशत रहेको खराब कर्जा चालु आवको असोजमा बढेर ३.८९ प्रतिशत पुगेको छ ।
विराटनगर किङ्सले सुदूरपश्चिम रोयल्सलाई ३५ रनले हरायो
काठमाडौं । नेपाल प्रिमियर लिग (एनपीएल) अन्तर्गत शनिबार भएको ५ ओभरको रोमाञ्चक खेलमा विराटनगर किङ्सले सुदूरपश्चिम रोयल्सलाई ३५ रनले पराजित गर्दै प्रतियोगितामा पहिलो जित दर्ता गरेको छ । वर्षाका कारण मैदान हिलो भएकाले निर्धारित ५ बजेको खेल ढिला गरी राति ९ः१५ मा सुरु भएको थियो । सुरुमा सुदूरपश्चिमका खेलाडीहरू मैदानको अवस्था र विदेशी खेलाडीको असहमतिका कारण टसका लागि तयार नहुँदा अन्योल सिर्जना भए पनि अन्ततः सुदूरपश्चिमका कप्तान दीपेन्द्रसिंह ऐरीले टस जितेर बलिङ रोजेका थिए । पहिले ब्याटिङ गरेको विराटनगरले शेहान जयासूर्याको विष्फोटक ३९ रन (११ बल), आन्द्रे रसेलको अविजित २९ रन (१० बल) र लोकेश बमको २५ रन (१० बल) को मद्दतमा ५ ओभरमा २ विकेट गुमाउँदै १०५ रनको विशाल योगफल तयार पार्यो । जयासूर्याले सुदूरपश्चिमका श्रीलंकन स्पिनर थरिन्दु रत्नायाकेको पहिलो ओभरमै ५ छक्का प्रहार गर्दै टोलीलाई आक्रामक सुरुआत दिलाएका थिए । सुदूरपश्चिमका लागि अभिनाश बोहराले १ विकेट लिए । १०६ रनको लक्ष्य पछ्याएको सुदूरपश्चिम रोयल्सले ५ ओभरमा २ विकेट गुमाएर ७० रन मात्र बनाउन सक्यो। सुदूरपश्चिमका लागि स्कट कुगेलेइनले अविजित २८ रन, सैफ जैब र आरिफ शेखले समान १७-१७ रन बनाए पनि जितका लागि पर्याप्त भएन । टोलीका प्रमुख ब्याटर शेरफान रुथरफोर्ड र कप्तान दीपेन्द्रसिंह ऐरी सुरुवातमै सस्तोमा आउट भएपछि सुदूरपश्चिम समस्यामा परेको थियो । ब्याटिङ, बलिङ (८ रन दिएर १ विकेट) र फिल्डिङमा सर्वोत्कृष्ट प्रदर्शन गरेका आन्द्रे रसेल खेलका मुख्य आकर्षण बनेका थिए। यो जितसँगै विराटनगरले ३ खेलबाट २ अंक जोड्दै अंक तालिकामा खाता खोलेको छ ।
१०.७७ करोड नाफामा सिटिजन्स बैंक, खराब कर्जा पनि घट्यो
काठमाडौं । सिटिजन्स बैंकले चालु आर्थिक वर्ष २०८३/८४ को पहिलो त्रैमासमा १० करोड ७७ लाख ३ हजार रुपैयाँ खुद नाफा आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले २२ करोड ४ लाख ११ हजार रुपैयाँ खुद नोक्सानी बेहोरेको थियो । चालु आवको असोजसम्ममा बैंकको ब्याज आम्दानी १०.६५ प्रतिशत घटेर ३ अर्ब ६३ करोड ३० लाख ६५ हजार रुपैयाँ गरेको छ । गत वर्षको सोही अवधिमा बैंकले ४ अर्ब ६ करोड ६३ लाख २६ हजार रुपैयाँ खुद ब्याज आम्दानी गरेको थियो । बैंकको खुद ब्याज आम्दानी ७.४९ प्रतिशत घटेर १ अर्ब ५४ करोड १५ लाख १६ हजार रुपैयाँ गरेको छ । गत वर्षको सोही अवधिमा बैंकले १ अर्ब ६६ करोड ६२ लाख ६३ हजार रुपैयाँ खुद ब्याज आम्दानी गरेको थियो । समीक्षा अवधिमा बैंकले खुद शुल्क तथा कमिशन आम्दानी ५.०७ प्रतिशत बढेर ३६ करोड ८८ लाख ३९ हजार रुपैयाँ, खुद व्यापार तथा अन्य सञ्चालन आम्दानी १८.८६ प्रतिशत घटेर १६ करोड ३ लाख ४९ हजार रुपैयाँ, खुद गैर सञ्चालन आम्दानी २४३.४६ प्रतिशत बढेर ४ करोड ३८ लाख ८५ हजार रुपैयाँ रहेको छ । यस्तै, समीक्षा अवधिमा बैंकको ब्याज खर्च १२.८५ प्रतिशत घटेर २ अर्ब ९ करोड १५ लाख ४८ हजार रुपैयाँ, इम्पेरिमेन्ट चार्ज ३७.९३ प्रतिशत घटेर १ अर्ब ७ करोड ८५ लाख २० हजार रुपैयाँ, सञ्चालन खर्च १.६५ प्रतिशत बढेर ८६ करोड ३२ लाख ९९ हजार रुपैयाँ रहेको छ । समीक्षा अवधिमा बैंकको वितरणयोग्य नाफा ४५ करोड ७७ लाख रुपैयाँ ऋणात्मक रहेको छ भने सञ्चित नाफा ४४ करोड ८४ लाख १५ हजार रुपैयाँ रहेको छ । असोजसम्ममा बैंकको निक्षेप संकलन १२.७८ प्रतिशत बढेर २ खर्ब ४२ अर्ब ७३ करोड २७ लाख रुपैयाँ र कर्जा प्रवाह ४.२१ प्रतिशत बढेर १ खर्ब ८३ अर्ब ४९ करोड ५४ लाख रुपैयाँ गरेको छ । गत वर्षको सोही अवधिसम्मा बैंकले २ खर्ब १५ अर्ब २२ करोड ४६ लाख रुपैयाँ निक्षेप संकलन गरी १ खर्ब ७६ अर्ब ८ करोड १ लाख रुपैयाँ कर्जा लगानी गरेको थियो । समीक्षा अवधिमा बैंकको निक्षेप तथा कर्जा अनुपात (सीडी रेसियो) ७५.७२ प्रतिशत रहेको छ । बैंकको प्रतिसेयर आम्दानी १४.१८ रुपैयाँ धनात्मक रहेको छ । जबकि गत वर्षको असोजमा बैंकको प्रतिसेयर आम्दानी ५.९७ रुपैयाँ ऋणात्मक थियो । समीक्षा अवधिमा बैंकले खराब कर्जा (एनपीएल) घटाएको छ । गत वर्षको असोजमा ६.८४ प्रतिशत रहेको खराब कर्जा चालु आवको असोजमा घटेर ५.७८ प्रतिशतमा झारेको छ । बैंकको पुँजी कोष १२.५२ प्रतिशत रहेको छ ।
प्रेस हस्तक्षेपको छानबिन गर्न सरकारलाई रास्वपाको निर्देशन, न्यायालय शुद्धीकरणको मुद्दा संसद्मा लग्ने
काठमाडौं । राष्ट्रिय स्वतन्त्र पार्टी (रास्वपा) को केन्द्रीय कार्यालयमा सभापति रवि लामिछानेको अध्यक्षतामा बसेको सचिवालय बैठकले सञ्चारगृहमा भएको प्रहरी हस्तक्षेप, न्यायपालिकासम्बन्धी विवाद, मधेस प्रदेशको संगठन सुदृढीकरण तथा चीन भ्रमणलगायतका विषयमा विभिन्न महत्त्वपूर्ण निर्णयहरू गरेको छ । बैठकले लोकतान्त्रिक प्रणाली, पूर्ण प्रेस तथा अभिव्यक्ति स्वतन्त्रतामा पार्टीले कहिल्यै सम्झौता नगर्ने स्पष्ट पार्दै २०८३ कात्तिक १३ गते प्रहरी प्रशासनमार्फत सञ्चार क्षेत्रमा भएका गतिविधिहरू संविधान र दलको आदर्शविपरीत रहेको ठहर गरेको छ । सो घटनामा गैरजिम्मेवार आदेश दिने व्यक्तिहरूको अविलम्ब पहिचान र छानबिन गरी कडा कारबाही गर्न रास्वपाले सरकारलाई निर्देशन दिएको छ । यस्तै, कतिपय न्यायाधीशहरूसमेत मुछिएका गम्भीर विचलन र अनुचित साँठगाँठका घटनाहरूले न्यायपालिकाको निष्पक्षता र गरिमामाथि प्रश्न उठाएको भन्दै बैठकले न्यायालयको शुद्धीकरणका लागि संसद्बाटै निर्णायक कदम चाल्न संसदीय दललाई निर्देशित गरेको छ । यसैगरी, मधेस प्रदेशमा पार्टी संगठनलाई सुदृढ बनाउन सहमहामन्त्री हरि ढकाल नेतृत्वको समितिले पेस गरेको ‘मधेस प्रदेश संगठन अडिट प्रतिवेदन, २०८३’ का सिफारिसहरूलाई आवश्यकताका आधारमा प्रभावकारी रूपमा कार्यान्वयनमा लैजाने निर्णय गरिएको छ । साथै, चिनियाँ कम्युनिस्ट पार्टी (सीपीसी) को औपचारिक निमन्त्रणालाई स्वीकार गर्दै द्विपक्षीय सम्बन्ध थप सुदृढ बनाउन महामन्त्री विपिनकुमार आचार्यको नेतृत्वमा रास्वपाको प्रतिनिधिमण्डल कात्तिक अन्तिम साता चीन भ्रमणमा जाने निर्णयसमेत बैठकले गरेको छ ।
