एकैदिन ८ हजार बढीले घट्यो सुनको मूल्य
काठमाडौं । स्थानीय बजारमा आइतबार (आज) सुनचाँदीको मूल्य घटेको छ । आज एकैदिन सुन तोलामा ८ हजार ३०० रुपैयाँले घटेको नेपाल सुनचाँदी व्यवसायी महासंघले जनाएको छ । मूल्य घटेसँगै तोलामा २ लाख ७२ हजार रुपैयाँमा कारोबार भइरहेको हो । गत शुक्रबार सुन प्रतितोला २ लाख ८० हजार ३०० रुपैयाँमा कारोबार भएको थियो । त्यस्तै, चाँदीको मूल्य तोलामा १७५ रुपैयाँले घटी ३ हजार ६५० रुपैयाँमा कारोबार भइरहेको महासंघले जनाएको छ ।
जर्मनीमा जेनजीको प्रदर्शन हिंसात्मक, विभिन्न सहरमा झडप र लुटपाट
काठमाडौं । जर्मनीमा जेनजी पुस्ताको नेतृत्वमा भएको प्रदर्शन हिंसात्मक बनेको छ । शनिबार राति र्फ्याङ्कफर्टलगायत विभिन्न सहरमा प्रदर्शनकारी र प्रहरीबीच झडप हुनुका साथै पसलहरूमा लुटपाटसमेत भएको छ । जर्मनीको वित्तीय राजधानी र्फ्याङ्कफर्टमा प्रदर्शनकारीले पसलहरूमा लुटपाट गरेका थिए । बर्लिन, कोलोन र ह्याम्बर्गमा पनि हिंसात्मक झडप भएका छन् । प्रहरीका अनुसार प्रदर्शनकारीलाई तितरबितर पार्न पानीको फोहोरा प्रयोग गरिएको थियो । प्रदर्शनकारीले पटाका, ढुंगा र बोतल प्रहार गरी आपत्कालीन सेवामा खटिएका कर्मचारीलाई समेत निशाना बनाएका थिए । यसअघि हजारौं मानिसले ‘जेनजी रेगेल्ट’ नामक अभियान समूहको नेतृत्वमा प्रदर्शन गरेका थिए । यसको अर्थ ‘अब जेनजी पुस्ताले जिम्मेवारी सम्हाल्नेछ’ भन्ने हुन्छ । प्रदर्शनकारीले विद्यालयमा पर्याप्त बजेट नदिइएको, दैनिक जीवनयापनको लागत बढेको, सरकारी खर्च कटौती गरिएको र अनिवार्य सैन्य सेवाको व्यवस्था गर्न लागिएको भन्दै विरोध गरेका थिए । यसअघि पनि उनीहरूले महँगीविरुद्ध प्रदर्शन गरेका थिए । तर, ती प्रदर्शन अधिकांश शान्तिपूर्ण थिए । जर्मनीमा भएका पछिल्ला प्रदर्शन फ्रान्समा युवाहरूको नेतृत्वमा भएका प्रदर्शनपछि भएका हुन् । फ्रान्समा पनि शनिबार तीन लाख २० हजारभन्दा बढी मानिसले प्रदर्शन गरेका थिए । समाचार संस्था एएफपीका अनुसार र्फ्याङ्कफर्टको मुख्य किनमेल सडकको ठूलो क्षेत्र प्रहरीले बन्द गरेको थियो । प्रहरीका एक प्रवक्ताले सहरमा धेरैलाई पक्राउ गरिएको जानकारी दिएका छन् । र्फ्याङ्कफर्ट, म्युनिख र बर्लिनका अधिकारीहरूका अनुसार प्रदर्शनमा करिब १८ हजार मानिस सहभागी भएका थिए । यो संख्या आयोजकले आफ्नो वेबसाइटमा उल्लेख गरेको अनुमानभन्दा झन्डै आधा हो । ‘जेनजी रेगेल्ट’ की प्रवक्ता लीना फ्रेडरिकले प्रदर्शनको उद्देश्य युद्ध र जबर्जस्तीको सट्टा शान्ति र स्वतन्त्रताका लागि आवाज उठाउनु रहेको बताइन् । उनले स्वास्थ्य र शिक्षा प्रणालीलाई पर्याप्त सहयोग गर्नुपर्ने बताउँदै अनिवार्य सैन्य सेवाको विरोध गरिन् । साथै सैन्य सेवाको भार सबैमाथि न्यायोचित रूपमा बाँडिनुपर्ने उनको भनाइ थियो । दिनको समयमा भएका प्रदर्शन अधिकांश शान्तिपूर्ण रहे पनि रात परेपछि भने हिंसा भड्किएको थियो ।
बैंकहरूको नाफा १९.१४ अर्ब, ३ बैंकको घट्यो
काठमाडौं । चालु आर्थिक वर्ष २०८३/८४ को तीन महिनामा अधिकांश बैंकहरूको नाफा बढेको छ । विकासन्युजलाई प्राप्त तथ्याङ्क अनुसार चालु आवको असोजसम्म बैंकहरुको खुद नाफा ४५.५९ प्रतिशत बढेर १९ अर्ब १४ करोड ५४ लाख रुपैयाँ नाफा आर्जन गरेका छन् । जबकि गत वर्षको सोही अवधिमा बैंकहरुले १३ अर्ब १४ करोड ९८ लाख रुपैयाँ हाराहारी मात्रै नाफा गरेका थिए । समीक्षा अवधिमा नेपाल इन्भेष्टमेन्ट मेगा बैंक (एनआईएमबि)ले सबैभन्दा उच्च नाफा वृद्धि गरेको छ । बैंकको खुद नाफा गत आर्थिक वर्षको पहिलो त्रैमासको तुलनामा २५२२.४६ प्रतिशतले बढेर १ अर्ब १८ करोड १४ लाख २१ हजार रुपैयाँ पुगेको छ । गत वर्षको सोही अवधिमा बैंकले ४ करोड ५० लाख ५० हजार रुपैयाँ मात्रै खुद नाफा आर्जन गरेको थियो । यस्तै, कृषि विकास बैंकको नाफा १८०३.७१ प्रतिशत बढेर १० करोड ९२ लाख ३५ हजार रुपैयाँ खुद नाफा आर्जन गरेको छ । गत वर्षको सोही अवधिमा बैंकले ५७ लाख ३८ हजार रुपैयाँ मात्रै खुद नाफा आर्जन गरेको थियो त्यस्तै, राष्ट्रिय वाणिज्य बैंकको खुद नाफा १७५.५२ प्रतिशतले बढेर १ अर्ब ६४ करोड ९६ लाख ३७ हजार रुपैयाँ पुगेको छ । सिद्धार्थ बैंकको नाफा १६२.७५ प्रतिशतले बढेर ८५ करोड १५ लाख ६५ हजार रुपैयाँ पुगेको छ भने सानिमा बैंकको नाफा १३१.१३ प्रतिशतले बढेर १ अर्ब ५ करोड १४ लाख ६८ हजार रुपैयाँ पुगेको छ । लक्ष्मी सनराइज बैंकको नाफा ९६.६० प्रतिशतले बढेर ६५ करोड ३३ लाख ८५ हजार रुपैयाँ पुगेको छ । नबिल बैंकले २ अर्ब ५५ करोड ५१ लाख ५ हजार रुपैयाँ खुद नाफा आर्जन गरेको छ । यो गत वर्षको तुलनामा ४५.४२ प्रतिशत बढी हो । नबिल बैंकले समीक्षा अवधिमा सबैभन्दा धेरै खुद नाफा कमाएको छ । नेपाल बैंकको नाफा ४१.४५ प्रतिशतले बढेर ८३ करोड २१ लाख ८७ हजार रुपैयाँ पुगेको छ । माछापुच्छ्रे बैंकको ३१.८६ प्रतिशतले बढेर ५५ करोड ११ लाख ५१ हजार रुपैयाँ र एनएमबि बैंकको २७.१० प्रतिशतले बढेर १ अर्ब १६ करोड ४२ लाख ८२ हजार रुपैयाँ पुगेको छ । त्यस्तै, ग्लोबल आइएमई बैंकको खुद नाफा २४.४८ प्रतिशतले बढेर २ अर्ब ३१ करोड ३८ लाख रुपैयाँ पुगेको छ । नेपाल एसबिआई बैंकको १०.०९ प्रतिशतले बढेर ५५ करोड २२ लाख १५ हजार रुपैयाँ, प्रभु बैंकको ८.१० प्रतिशतले बढेर ६० करोड ३७ लाख २१ हजार रुपैयाँ र एभरेष्ट बैंकको ६.२२ प्रतिशतले बढेर १ अर्ब २५ करोड २७ लाख १९ हजार रुपैयाँ पुगेको छ । एनआइसी एशिया बैंकको नाफा ४.३२ प्रतिशतले बढेर १२ करोड ७४ लाख ४२ हजार रुपैयाँ पुगेको छ भने कुमारी बैंकको १.७० प्रतिशतले बढेर १ अर्ब ७ करोड ४५ लाख ५ हजार रुपैयाँ पुगेको छ । तीन बैंकको खुद नाफा भने घटेको छ । स्ट्याण्डर्ड चार्टर्ड बैंकको नाफा २.९९ प्रतिशतले घटेर ६७ करोड १४ लाख ४४ हजार रुपैयाँमा सीमित भएको छ । प्राइम बैंकको नाफा ५.६२ प्रतिशतले घटेर १ अर्ब १८ करोड ७६ लाख ५७ हजार रुपैयाँ र हिमालयन बैंकको नाफा ६.८३ प्रतिशतले घटेर ६५ करोड ४८ लाख ३१ हजार रुपैयाँ कायम भएको छ । सिटिजन्स बैंक भने गत वर्षको पहिलो त्रैमासमा २२ करोड ४ लाख ११ हजार रुपैयाँ खुद नोक्सानीमा रहेकामा चालु आवको सोही अवधिमा १० करोड ७७ लाख ३ हजार रुपैयाँ खुद नाफामा फर्किएको छ ।
२ हजार ५२२ प्रतिशत बढ्यो एनआईएमबिको नाफा, यस्ता छन् अन्य सूचक
काठमाडौं । नेपाल इन्भेष्टमेन्ट मेगा बैंक (एनआईएमबि) को चालु आर्थिक वर्ष २०८३/८४ को पहिलो त्रैमासमा खुद नाफा २ हजार ५२२ प्रतिशत बढेर १ अर्ब १८ करोड १४ लाख २१ हजार रुपैयाँ आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले ४ करोड ५० लाख ५० हजार रुपैयाँ खुद नाफा आर्जन गरेको थियो । चालु आवको असोजसम्ममा बैंकको खुद ब्याज आम्दानी ३ अर्ब २७ करोड १६ लाख ८५ हजार रुपैयाँ गरेको छ । गत वर्षको सोही अवधिमा बैंकले ३ अर्ब २४ करोड ३१ लाख २५ हजार रुपैयाँ खुद ब्याज आम्दानी गरेको थियो । समीक्षा अवधिमा बैंकले ५९ करोड २१ लाख १४ हजार रुपैयाँ खुद शुल्क तथा कमिसन आम्दानी, ४ अर्ब ३४ करोड ९४ लाख ७९ हजार रुपैयाँ कुल सञ्चालन आम्दानी र १ अर्ब ६९ करोड ७ लाख ५ हजार रुपैयाँ सञ्चालन नाफा गरेको छ । समीक्षा अवधिमा बैंकको वितरणयोग्य नाफा ५ अर्ब १६ करोड १६ लाख ३० हजार रुपैयाँ ऋणात्मक रहेको छ । असोजसम्ममा बैंकको निक्षेप संकलन १०.७५ प्रतिशत बढेर ५ खर्ब ४० अर्ब ७९ करोड ६९ लाख रुपैयाँ र कर्जा प्रवाह ०.३३ प्रतिशत बढेर ३ खर्ब २२ अर्ब ४१ करोड १२ लाख रुपैयाँ गरेको छ । गत वर्षको असोजसम्ममा बैंकले ५ खर्ब २६ अर्ब ६३ करोड २० लाख रुपैयाँ निक्षेप संकलन गरी ३ खर्ब २१ अर्ब ३४ करोड २० लाख रुपैयाँ कर्जा लगानी गरेको थियो । समीक्षा अवधिमा बैंकको निक्षेप तथा कर्जा अनुपात (सीडी रेसियो) ६६.७३ प्रतिशत रहेको छ । बैंकको प्रतिसेयर आम्दानी ०.५३ रुपैयाँबाट बढेर १३.८५ रुपैयाँ पुगेको छ । यस्तै बैंकको प्रतिसेयर नेटवर्थ २००.८८ रुपैयाँ रहेको छ भने मूल्य आम्दानी अनुपात १४.८९ गुणा रहेको छ । गत वर्षको असोजमा ६.६३ प्रतिशत रहेको खराब कर्जा चालु आवको असोजमा बढेर ८.८७ प्रतिशत पुगेको छ ।
ग्लोलब आइएमई बैंकको नाफा २.३१ अर्ब रुपैयाँ, विजनेश ग्रोथ ७.४८ प्रतिशत
काठमाडौं । ग्लोलब आइएमई बैंकको चालु आर्थिक वर्ष २०८३/८४ को पहिलो त्रैमासमा खुद नाफा २४.४८ प्रतिशत बढेर २ अर्ब ३१ करोड ३८ लाख रुपैयाँ आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले १ अर्ब ८५ करोड ८६ लाख ५० हजार रुपैयाँ खुद नाफा आर्जन गरेको थियो । चालु आवको असोजसम्ममा बैंकको खुद ब्याज आम्दानी ४ अर्ब १९ करोड ३२ लाख ५४ हजार रुपैयाँ गरेको छ । गत वर्षको सोही अवधिमा बैंकले ४ अर्ब १३ करोड ३० लाख ६३ हजार रुपैयाँ खुद ब्याज आम्दानी गरेको थियो । समीक्षा अवधिमा बैंकले १ अर्ब २२ करोड १२ लाख ९० हजार रुपैयाँ खुद शुल्क तथा कमिसन आम्दानी, ६ अर्ब ८ लाख ६४ हजार रुपैयाँ कुल सञ्चालन आम्दानी र ३ अर्ब २२ करोड २५ लाख २९ हजार रुपैयाँ सञ्चालन नाफा गरेको छ । समीक्षा अवधिमा बैंकको वितरणयोग्य नाफा २ अर्ब ७ करोड २ लाख २० हजार रुपैयाँ रहेको छ । यस आधारमा बैंकको लाभांश क्षमता १७.७५ प्रतिशत रहेको छ । असोजसम्ममा बैंकको निक्षेप संकलन ३.११ प्रतिशत बढेर ६ खर्ब ९० अर्ब रुपैयाँ र कर्जा प्रवाह ७.४८ प्रतिशत बढेर ४ खर्ब ७१ अर्ब ९६ करोड ४९ लाख रुपैयाँ गरेको छ । गत वर्षको असोजसम्ममा बैंकले ६ खर्ब ६९ अर्ब १७ करोड १४ लाख रुपैयाँ निक्षेप संकलन गरी ४ खर्ब ३९ अर्ब ८ करोड ८५ लाख रुपैयाँ कर्जा लगानी गरेको थियो । समीक्षा अवधिमा बैंकको निक्षेप तथा कर्जा अनुपात (सीडी रेसियो) ७०.११ प्रतिशत रहेको छ । बैंकको प्रतिसेयर आम्दानी १९.५१ रुपैयाँबाट बढेर २३.३५ रुपैयाँ पुगेको छ । यस्तै बैंकको प्रतिसेयर नेटवर्थ १७५.७७ रुपैयाँ रहेको छ भने मूल्य आम्दानी अनुपात १०.८८ गुणा रहेको छ । समीक्षा अवधिमा बैंकले खराब कर्जा (एनपीएल) घटाएको छ । गत वर्षको असोजमा ४.९८ प्रतिशत रहेको खराब कर्जा चालु आवको असोजमा घटेर ४.७९ प्रतिशतमा झारेको छ ।
नबिल बैंकको नाफा २ अर्ब ५५ करोड रुपैयाँ
काठमाडौं । नबिल बैंकको चालु आर्थिक वर्ष २०८३/८४ को पहिलो त्रैमासमा खुद नाफा ४५.४ प्रतिशत बढेर २ अर्ब ५५ करोड ५१ लाख रुपैयाँ आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले १ अबए ७५ करोड ७० लाख रुपैयाँ खुद नाफा आर्जन गरेको थियो । चालु आवको असोजसम्ममा बैंकको खुद ब्याज आम्दानी २१.४ प्रतिशत बढेर ४ अर्ब ७३ करोड ७० लाख रुपैयाँ गरेको छ । समीक्षा अवधिमा बैंकको वितरणयोग्य नाफा २ अर्ब २६ करोड ४६ लाख रुपैयाँ रहेको छ । यस आधारमा बैंकको लाभांश क्षमता २२.०८ प्रतिशत रहेको छ । असोजसम्ममा बैंकको निक्षेप संकलन ४.६ प्रतिशत बढेर ६ खर्ब १९ अर्ब २३ करोड रुपैयाँ र कर्जा प्रवाह ३.४ प्रतिशत बढेर ४ खर्ब ७६ अर्ब १ करोड रुपैयाँ गरेको छ । समीक्षा अवधिमा बैंकको निक्षेप तथा कर्जा अनुपात (सीडी रेसियो) ८०.०१ प्रतिशत रहेको छ । बैंकको प्रतिसेयर आम्दानी २५.४९ रुपैयाँबाट बढेर ३३.८९ रुपैयाँ पुगेको छ । यस्तै बैंकको प्रतिसेयर नेटवर्थ २३३.९० रुपैयाँ रहेको छ । समीक्षा अवधिमा बैंकले खराब कर्जा (एनपीएल) घटाएको छ । गत वर्षको असोजमा ४.३१ प्रतिशत रहेको खराब कर्जा चालु आवको असोजमा घटेर ४.०६ प्रतिशतमा झारेको छ ।
४१.४५ प्रतिशत बढ्यो नेपाल बैंकको नाफा, २ खर्ब ५० अर्ब पुग्यो लगानी
काठमाडौं । नेपाल बैंकको चालु आर्थिक वर्ष २०८३/८४ को पहिलो त्रैमासमा खुद नाफा ४१.४५ प्रतिशत बढेर ८३ करोड २१ लाख ८७ हजार रुपैयाँ आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले ५८ करोड ८२ लाख ८७ हजार रुपैयाँ खुद नाफा आर्जन गरेको थियो । चालु आवको असोजसम्ममा बैंकको खुद ब्याज आम्दानी ३.११ प्रतिशत घटेर २ अर्ब ४८ करोड ९५ लाख ७४ हजार रुपैयाँ गरेको छ । गत वर्षको सोही अवधिमा बैंकले २ अर्ब ५६ करोड ९५ लाख रुपैयाँ खुद ब्याज आम्दानी गरेको थियो । समीक्षा अवधिमा बैंकले खुद शुल्क तथा कमिशन आम्दानी ३५ करोड १० लाख ९७ हजार रुपैयाँ, कुल सञ्चालन आम्दानी ३ अर्ब १३ करोड ६२ लाख ५२ हजार रुपैयाँ र सञ्चालन नाफा ९९ करोड ४९ लाख ५४ हजार रुपैयाँ रहेको छ । समीक्षा अवधिमा बैंकको वितरणयोग्य नाफा २ अर्ब ७५ करोड २८ लाख ४५ हजार रुपैयाँ रहेको छ । यस आधारमा बैंकको लाभांश क्षमता १८.७३ प्रतिशत रहेको छ । १४ अर्ब ६९ करोड ४० लाख २२ हजार रुपैयाँ चुक्ता पुँजी रहेको बैंकको जगेडा कोषमा २५ अर्ब ५८ करोड ९८ लाख ५३ हजार रुपैयाँ रहेको छ । असोजसम्ममा बैंकको निक्षेप संकलन ४.५६ प्रतिशत बढेर ४ खर्ब ३४ अर्ब १३ करोड १९ लाख रुपैयाँ र कर्जा प्रवाह २.६६ प्रतिशत बढेर २ खर्ब ५० अर्ब ७ करोड ५९ लाख रुपैयाँ गरेको छ । गत वर्षको सोही अवधिसम्मा बैंकले ४ खर्ब १५ अर्ब १८ करोड २० लाख रुपैयाँ निक्षेप संकलन गरी २ खर्ब ४३ करोड ५९ लाख ६ हजार रुपैयाँ कर्जा लगानी गरेको थियो । समीक्षा अवधिमा बैंकको निक्षेप तथा कर्जा अनुपात (सीडी रेसियो) ६१.६३ प्रतिशत रहेको छ । बैंकको प्रतिसेयर आम्दानी १६.०१ रुपैयाँबाट बढेर २२.६५ रुपैयाँ पुगेको छ । यस्तै बैंकको प्रतिसेयर नेटवर्थ २९२.८९ रुपैयाँ रहेको छ भने मूल्य आम्दानी अनुपात १३.४२ गुणा रहेको छ । समीक्षा अवधिमा बैंकले खराब कर्जा (एनपीएल) घटाएको छ । गत वर्षको असोजमा ५.४९ प्रतिशत रहेको खराब कर्जा चालु आवको असोजमा घटेर ४.६१ प्रतिशतमा झारेको छ ।
३ महिनामा एभरेष्ट बैंकको नाफा १.२५ अर्ब रुपैयाँ, खराब कर्जा ०.५० प्रतिशत मात्र
काठमाडौं । एभरेष्ट बैंकको चालु आर्थिक वर्ष २०८३/८४ को पहिलो त्रैमासमा खुद नाफा ६.२२ प्रतिशत बढेर १ अर्ब २५ करोड २७ लाख १९ हजार रुपैयाँ आर्जन गरेको छ । गत आर्थिक वर्ष २०८२/८३ को पहिलो त्रैमासमा बैंकले १ अर्ब १७ करोड ९२ लाख ७४ हजार रुपैयाँ खुद नाफा आर्जन गरेको थियो । चालु आवको असोजसम्ममा बैंकको खुद ब्याज आम्दानी १.३५ प्रतिशत घटेर २ अर्ब ३७ करोड १४ लाख ३३ हजार रुपैयाँ गरेको छ । गत वर्षको सोही अवधिमा बैंकले २ अर्ब ४० करोड ३८ लाख ९७ हजार रुपैयाँ खुद ब्याज आम्दानी गरेको थियो । समीक्षा अवधिमा बैंकले खुद शुल्क तथा कमिशन आम्दानी ६० करोड २९ लाख ८ हजार रुपैयाँ, कुल सञ्चालन आम्दानी ३ अर्ब २२ करोड ९५ लाख ५ हजार रुपैयाँ, सञ्चालन नाफा १ अर्ब ७८ करोड ९७ लाख ७३ हजार रुपैयाँ रहेको छ । समीक्षा अवधिमा बैंकको वितरणयोग्य नाफा ३ अर्ब ८७ करोड ८ लाख ५३ हजार रुपैयाँ रहेको छ । यस आधारमा बैंकको लाभांश क्षमता ४०.७७ प्रतिशत रहेको छ । १४ अर्ब ४० करोड ७४ लाख ४५ हजार रुपैयाँ चुक्ता पुँजी रहेको बैंकको जगेडा कोषमा १६ अर्ब ४९ करोड ४६ लाख ८३ हजार रुपैयाँ रहेको छ । असोजसम्ममा बैंकको निक्षेप संकलन ६.५२ प्रतिशत बढेर ३ खर्ब ३६ अर्ब ६२ करोड ८० लाख रुपैयाँ र कर्जा प्रवाह ३.८६ प्रतिशत बढेर २ खर्ब ४४ अर्ब ६१ करोड ५ लाख रुपैयाँ गरेको छ । गत वर्षको सोही अवधिसम्मा बैंकले ३ खर्ब १६ अर्ब १ करोड ८५ लाख रुपैयाँ निक्षेप संकलन गरी २ खर्ब ३५ अर्ब ५१ करोड ४२ लाख रुपैयाँ कर्जा लगानी गरेको थियो । समीक्षा अवधिमा बैंकको निक्षेप तथा कर्जा अनुपात (सीडी रेसियो) ७५.४३ प्रतिशत रहेको छ । बैंकको प्रतिसेयर आम्दानी ३६.४४ रुपैयाँबाट घटेर ३४.७८ रुपैयाँमा सीमित भएको छ । यस्तै बैंकको प्रतिसेयर नेटवर्थ २४३.०१ रुपैयाँ रहेको छ भने मूल्य आम्दानी अनुपात २०.६७ गुणा रहेको छ । समीक्षा अवधिमा बैंकले खराब कर्जा (एनपीएल) घटाएको छ । गत वर्षको असोजमा ०.७४ प्रतिशत रहेको खराब कर्जा चालु आवको असोजमा घटेर ०.५० प्रतिशतमा झारेको छ ।
