तेस्रो पक्ष बीमा ५ लाखबाट बढाउने सरकारको योजनामा बीमा कम्पनीको असहयोग, पुनः आब्हान गरिदै
काठमाडौं । सरकारले सवारीसाधनको तेस्रो पक्ष बीमा दावी रकम बढाउन प्रस्ताव आब्हान गर्दा बीमा कम्पनीले चासो देखाएनन् । यातायात व्यवस्था विभागले सवारी साधन दुर्घटना तेस्रो पक्ष बीमा दावी रकम ५ लाख रुपैयाँबाट बढाउन गत साउन २३ गते बीमा कम्पनीसंग प्रस्ताव मागेको थियो । सरकारको प्रस्तावमा बीमा कम्पनीले असहयोग गरेका छन् । निर्धारित समय १५ दिनभित्र कुनै पनि बीमा कम्पनीको प्रस्ताव नपरेको यातायात व्यवस्था विभागका प्रवत्ता तुलसी गौतमले बताए । बीमा कम्पनीले चासो नदेखाएपछि पुनः प्रस्ताव मागिने उनले जानकारी दिए । अहिलेसम्म यस विषयमा निर्णय भइनसकेको गौतमले स्पष्ट पारे । प्रचलित बीमा सम्बन्धित व्यवस्थामा प्रमियम र तेस्रो पक्षबिच बीमा वृद्धि हुने रकम खुलाई १५ दिन भित्र प्रस्ताव पेश गर्न विभागले बीमा कम्पनीलाई भनेको थियो । सिण्डिकेट अन्त्यसंगै यातायात समिति विघटनको संघारमा पुगेपछि विभागले तेस्रोपक्ष बीमा रकम बढाउन पुनरावलोकनको काम सुरु गरेको हो । तेस्रो पक्ष दुर्घटना बीमा रकम कम भएको चर्काे गुनासो आएपछि यसलाई पुनरावलोकन गर्न विभागले कम्पनीसंग प्रस्ताव मागेको हो । “बीमा दावी रकम बढाउन प्रिमिय कति चाहिन्छ ? भनेर बीमा कम्पनीसंग प्रस्ताव मागेकोमा कसैको प्रस्ताव परेन” उनले भने । सवारी दुर्घटनामा टाउको र स्पाइनल इन्जुरी भई सरकारी चिकित्सकको शिफारिशमा लामो समयसम्म उपचार गराउनु पर्ने घाइतेको हकमा बढीमा ६ महिनासम्मको उपचारका लागि प्रिमियममा थप बीमा रकम वहन गर्न सकिने रकम समेत प्रस्ताव गर्न बीमा कम्पनीलाई अनुरोध गरिएको थियो । सवारी दुर्घटनामा तेस्रो पक्षको मृत्यु भएको अवस्थामा पीडित परिवारलाई ५ लाख रुपैयाँ राहत र घाइतको उपचारका लागि ३ लाख रुपैयाँ बीमा कम्पनीबाट वहन हुदै आएको छ । यी दुबै रकममा वृद्धि गर्नका लागि विभागले बीमा कम्पनीबाट प्रस्ताव माग गरेको हो । सिण्डिकेट हुदा यातायात समितिले मृत्यु भएको परिवारलाई आफनो तर्फबाट थप राहात दिने व्यवस्था गरेका थिए । सिण्डिकेट हटेपछि समिति खारेज भएका र थप दायित्व वहन नहुने भएपछि सरकारले नै दुर्घटनाबाट पीडित परिवारलाई दिने दावी भुत्तानी रकम बढाउने तयारी थालेको हो । सवारी दुर्घटनापछि पीडित पक्षले लाखौ रुपैयाँ क्षतिपूर्ति मागेर समस्या ल्याएपछि समधान गर्न केही वर्षअघि सरकारले तेस्रो पक्षिय दुर्घटना बीमा योजना लागु गरेको हो । यसअन्तर्गत सवारीसाधन, यात्रु र तेस्रो पक्षको बीमा हुदै आएको छ ।
विभिन्न ३ कम्पनीको एक करोड २० लाख कित्ता सेयर सूचिकृत
काठमाडौं । नेपाल स्टक एक्स्चेञ्ज(नेप्से)मा विभिन्न तीन कम्पनीको एक करोड २० लाख ५० हजार ८५४ कित्ता सेयर सूचिकृत भएको छ । बिहीबार एकैदिन दुई कम्पनीको बोनस र एक कम्पनीको हकप्रद गरी सो मात्राको सेयर नेप्सेमा थपिएको हो । सो दिन मेघा बैंक नेपाल र नेपाल कम्यूनिटी डेभलपमेन्ट बैंकको बोनस सेयर थपिएको छ । मेघा बैंकको ९९ लाख ८६ हजार ९५१ कित्ता र नेपाल कम्यूनिटी डेभलपमेन्ट बैंकको ४ लाख १७ हजार ४६१ कित्ता बोनस सेयर नेप्सेमा थपिएका छन् । त्यसैगरी, लुम्बिनी विकास बैंकको १६ लाख ४६ हजार ४४२ कित्ता हकप्रद सेयर स्टक एक्सेञ्जमा सूचिकृत भएको छ ।
विद्यालयमै श्रम शोषण, दैनिक १२ घण्टा काम गर्दा ३३ रुपैंया मात्रै आम्दानी
काठमाडौं । विद्यालय कर्मचारीहरु अत्यन्त न्यून तलबमा काम गर्नुपर्ने बाध्यतामा रहेका छन् । विसं २०३७ देखि विद्यालयमा कर्मचारी भएर काम गर्दै आएका उनीहरुले ‘कर्मचारी’ कै हैसियत पाएका छैनन् भन्दा फरक पर्दैन । राज्यबाट विभेदमा पारिएको उनीहरु ठान्छन् । आफ्नो हकअधिकारका लागि उनीहरुले लगातार दवाव सिर्जना पनि गर्दैआएका छन् । गएको दुई साता अघि कर्णाली प्रदेशको राजधानी वीरेन्द्रनगर सुर्खेतमा नेपाल विद्यालय कर्मचारी परिषद् कर्णाली प्रदेश समितिद्वारा आयोजित बृहत बहस कार्यक्रममा विद्यालय कर्मचारीका कारुणिक कथाव्यथा व्यक्त भए । तीन दशकदेखि आधा पेटमा काम गर्दै आउँदा पनि आजसम्म कुनै सरकारले पनि आफूहरुको दुःख र पीडामा सहानुभूति नदेखाएको उनीहरुको आरोप छ । उनीहरु सबैको एउटै गुनासो थियो – “शुरुदेखि अहिलेसम्म कुनै पनि सरकार हाम्रो जिम्मेवार अभिभावक बन्न सकेन । हाम्रो जीवनलाई रु ३३ सरहको बनाइएको छ ।” कर्मचारीको निश्चित तलब तोकिएको हुन्छ । संगठित संस्थामा काम गर्ने अधिकाँश कर्मचारी वा मजदुरलाई कर्मचारी सञ्चय कोष कट्टीलगायत केही न केही सुविधा प्रदान गरिएको हुन्छ । विद्यालय कर्मचारीहरु यस्ता सुविधाबाट पनि वञ्चित छन् । यस्तो मार खेप्ने विद्यालय कर्मचारी देशैभर रहेका छन् । देशभरका ४० हजार विद्यालय कर्मचारीहरुको सही व्यवस्थापन गर्नुप¥यो भनेर उनीहरुले सरकारको ध्यान आकृष्ट गर्दै आएका छन् । जनमावि वीरेन्द्रनगर सुर्खेतमा कार्यरत कर्मचारी कृष्ण प्रसाद आचार्यलाई अहिले पनि आफूहरु अभिभावकविहीन राज्यभित्र छौं जस्तो लाग्दो रहेछ । उनले भने – “हामी वर्षौंदेखि शोषण र अन्यायको जाँतोमा पिल्सिई रहँदा पनि सोध्ने कोही भेटिएन ।” सबै सरकारले विभेदको खाडलमा जाकेको उनीहरुको आरोप छ । न मारे, न त माथि उक्लन दिए । बहस कार्यक्रममा सुर्खेत पश्चिम पञ्चपुरी नगरपालिकाको कागेश्वरी आधारभूत विद्यालयमा कार्यरत कर्मचारी गंगादेवी रम्जाली मगरले दुःखेसो गर्दै भने– “एउटै घरको सन्तानमध्ये केहीले आधा पेटमा बाँच्नु परेको पीडालाई सरकारले नबुझिदिँदा झनै पीडा भएको छ ।” उहाँले भन्नुभयो – “हामी अन्यौलको अवस्थामा छौं । भोलिको जीवन पूर्ण रुपले अन्धकार छ । हिँडिराखेका छौं तर गन्तव्य कहाँ हो थाहा नै छैन ।” रगत पसिना सकिएर तङ्ग्रेको शरीर, सेतै फुलेको कपाल, च्याउरी परेको अनुहार देख्दा पनि आजसम्मका सरकारको नेतृत्व गर्ने कोही कसैलाई रत्तिभर दया नलागेकामा उनी उदेक मान्छिन् । त्यस्तै, हिमा गाउँपालिका १ कालिका मावि बड्की जुम्लाका कर्मचारी धनराज शाहीले सरोकारवालाहरुसामु प्रश्न तेस्र्याउँदै भने – “प्रधानाध्यापक र विद्यालय व्यवस्थापन समितिको इच्छामा बाँच्नुपर्ने बाध्यता कहिले हट्ने हो रु कसैले आनन्दका साथ खाने र केहीले भोको पेटको आगोमा पानी छम्कन नपाउने विडम्बना कहिलेसम्म ” सरकारले ‘काम नगर अब तिमीहरुलाई विदाइ गर्छौ’ भनेको भए बेलैमा मुक्ति पाइने उनको भनाइ थियो । चौकुने गाउँपालिका ६ जीवनज्योति मावि गुटु सुर्खेतका कर्मचारी दीपबहादुर विष्टले भन्नुभयो – “शिक्षकहरुसँगै खाएको जागिर हो । आज उनीहरुको महल छ तर, दरबन्दी सृजना गराउने माग मै हामी अलमल छौं ।” विसं २०५३ मा केशर महल अगाडि गरिएको आन्दोलनको स्मरण गर्दै विष्टले विद्यालय कर्मचारीलाई निजामती कर्मचारी वा शिक्षा ऐन बमोजिम तलब दिने भनिए पनि आजसम्म पूरा नभएको गुनासो पोखे । कालिका गाउँपालिका कालीकोटको हाउडी दुर्गा आधारभूत विद्यालयमा कार्यरत प्रेमबहादुर खत्री आफ्नो जागीरले सहज जीविकोपार्जन भन्दा पनि परिवारमा निराशा र कलह उत्पन्न गराएको ठान्छन् । “छोडौं, काम गर्दै जाउ राम्रै हुन्छ भनेर आश्वासन दिन्छन्, नछोडौ, जहान पाल्न धौ–धौ भइसक्यो,” उनले भन्नुभयो – “दैनिक रु ३३ तलब कति न्यायपूर्ण हो त्यसले मेरो अनि परिवारको पेट पाल्न सक्छ कि सक्दैन खै सरकारको ध्यान गएको ” अहिलेसम्म मासिक रु एक हजार तलब थाप्दै आएको उहाँले सुनाउनुभयो । पचास वर्षीय खत्रीले ज्यालादारीमा काम गर्दा एक दिनमा रु ३०० देखि ५०० कमाउन सकिने तर, विद्यालयमा १२ घण्टा काम गर्दा पनि दैनिक रु ३३ मात्रै पाइने गरेको दुःखेसो गर्नुभयो । यो जागीरले आफूलाई बाँच्न गा¥हो भएको उनको भनाइ छ । सरकारले नियुक्ति नदिए वा स्थायी नबनाए जागीर छोड्नुको विकल्प नरहेको पनि उनले सुनाए । नेपाल विद्यालय कर्मचारी परिषद् कर्णाली प्रदेशका अध्यक्ष शान्तिनाथ योगीले यो समस्या मुलुकभरि भएपनि विशेषतः कर्णाली प्रदेशको ग्रामीण भेगका विद्यालयमा कार्यरत कर्मचारी बढी मारमा परेको बताउनुभयो । उनका अनुसार यो प्रदेशका तीन हजार ७०० विद्यालय कर्मचारीले दैनिक रु ३३ देखि अधिकतम रु ३८३ खाँदै आएका छन् । विद्यालयमा कार्यरत शिक्षकहरुले सेवा पछि निवृत्तिभरण, उपदान लगायतका सेवा सुविधा पाउने तर दैनिक १२ घण्टासम्म काम गर्ने विद्यालय कर्मचारीहरु श्रम शोषण परेकोप्रति सरकारको सरोकार नै नहुँदा आफूहरु दोस्रो दर्जाका नागरिक झैं हुनुपरेको उनको गुनासो छ । अध्यक्ष योगीले भने – “आत्मग्लानी हुने खालको यो जागीरले हामीमा निराशा पैदा गराइरहेको छ । जागीरको कुनै स्थायित्व छैन, न त भावी जीवनको सुनिश्चितता नै ।” शिक्षा विकास समन्वय एकाई सुर्खेतका प्रमुख जीतबहादुर शाहले अहिलेसम्म विद्यालय कर्मचारीहरु सरकारको अनुदानका भरमा चलेको बताए । “उनीहरुका लागि स्थायी वा निवृत्तिभरणको सुविधा धेरै परका कुरा भए्, सबैभन्दा पहिले सरकारले जतिसक्दो छिटो दरबन्दी सृजना गर्नुपर्दछ,” उनले भने । विद्यालय नै अव्यवस्थित रुपमा सञ्चालन भइरहेकाले तिनलाई व्यवस्थित गर्न संघ, प्रदेश र स्थानीय सरकारको नीति, थिति र विधि स्पष्ट हुनुपर्ने उहाँको भनाइ छ । यता, नेपाल राष्ट्रिय शिक्षक संगठनका केन्द्रीय सदस्य शिवप्रसाद सापकोटाले विद्यालय कर्मचारीहरुले थालेको आन्दोलन रहर नभई बाध्यता भएको तर्क गर्नुहुन्छ । “कर्मचारी अन्यायमा परेकै छन्,” उहाँले भने – “शिक्षकसँगै एकै थलोमा काम गर्नेलाई विभेद गरेर पारिश्रमिक दिइनु अन्याय हो । सरकारले यो समस्या धेरै लम्ब्याउनु हुँदैन ।”रासस
नाडेप लघुवित्तको १६ लाख कित्ता साधारण सेयर नेप्सेमा सूचिकृत
काठमाडौं । नाडेप लघुवित्त वित्तीय संस्थाको १६ लाख कित्ता साधारण सेयर नेपाल स्टक एक्स्चेञ्ज(नेप्से)मा सूचिकृत भएको छ । नेप्सेले बिहीबार मात्रै संस्थाको सो मात्राको सेयर सूचिकृत गरेको हो । धादिङको गजुरीमा केन्द्रिय कार्यालय रहेको यस संस्थाको चुक्ता पुँजी १६ करोड रुपैयाँ रहेको छ । संस्थाको पुँजी वृद्धि गर्न १०० प्रतिशत हकप्रद जारी गर्दै छ । सो मात्राको हकप्रद पछि लघुवित्तको चुक्ता पुँजी ३२ करोड रुपैयाँ पुग्ने छ ।
विशाल बजार कम्पनीको सेयर मुद्धा सुनुवाइ कात्तिकमा पुग्यो, साधारणसभा अनिश्चित
काठमाडौं । विशाल बजार कम्पनी लिमिटेडमा भएको सेयर विवादको सुुनुवाइ सरेर कात्तिकमा पुगेको छ । गत मंगलबार सुनुवाइ हुने दिन तय भएको थियो । मंगलबार सुनुवाइ नभएपछि कात्तिकमा सरेको हो । कम्पनीको साधारणसभा अनिश्चित भएको छ । सरकारले विशाल बजारको ९८ प्रतिशत स्वामित्व कायम गरेपछिको विवाद अहिले सर्वोच्च अदालतमा पुगेको छ । गत ०७४ असोज १० गते सर्वोच्च अदालतले ३ अर्ब ९६ करोड रुपैयाँ बराबरको ३ करोड ९६ लाख कित्ता सेयर अर्थ मन्त्रालय र महालेखा नियन्त्रकको नाममा हस्तान्तरण गर्न आदेश दिएको थियो । सर्वोच्चको आदेश बमोजिम स्वामित्व कायम भइसकेको छ । सर्वोच्चको आदेशको विरुद्धमा सेयरधनी पुर्णलाल महर्जनले साधारणसभाबाट पारित नगरी कम्पनीको सेयर स्वामित्व हस्तान्तरण गरेको भन्दै यसलाई रोक्न गत माघमा सर्वोच्चमा रिट दायर गरेका थिए । अदालतको फैसलाअनुसार ९८ प्रतिशत सरकारको र २ प्रतिशत मात्र सर्वसाधारणको लगानी हुने देखिएको छ । जग्गालागयत अन्य स्वामित्वलाई जोडेर सरकारको नाममा सेयर स्वामित्व बढाइएको हो । यसअघि सर्वसाधारणको ६५ र सर्वसाधारणको ३५ प्रतिशत स्वामित्व थियो । कम्पनीको ३ करोड ९६ लाख किता सेयर थप भएपछि अब अधिकृत पुँजी ४ अर्ब १ करोड रुपैयाँ पुग्नेछ । विवाद बढेपछि विशाल बजारको ३ वर्षसम्म पनि नियमित वार्षिक साधारणसभा गरेको छैन । सेयर स्वामित्व विवादले गत आर्थिक वर्षको समेत गरी ४ वर्षदेखि लगानीकर्ताले लाभांश पाउन सकेका छैनन । कानुन बमोजिम साधारणसभा नै नबोलाएपछि अघिल्लो वर्ष ०७४ असार ७ गते पाटन उच्च अदालतले विशाल बजारलाई साउन मसान्तसम्म वार्षिक साधारणसभा गर्न आदेश दिएको थियो । साधारणसभा साउन ३१ गते बिहान ११ बजे मेहन्द्र पुलिस क्लबको सभाहलमा राखिए पनि सेयरधनीबीच कुटाकुट भएपछि सभा भाँडिएको थियो । सभामा कम्पनीको आर्थिक वर्ष २०७०/७१, २०७१/७२, ०७२/०७३ र ०७४/०७५ सम्म ४ वर्षको साधारणसभा हुन बाँकी छ । हाल कम्पनीको पुँजी ३ करोड ९१ लाख रुपैयाँ छ ।
सहयोगी विकास बैंकले हिरोको दुई चक्के सवारीमा ५० प्रतिशतसम्म लगानी गर्ने
काठमाडौं । सहयोगी विकास बैंक लिमिटेडले हिरो ब्राण्डको दुई चक्के सवारी साधनमा लगानी गर्ने भएको छ । सो सम्बन्धमा महोत्तरीको बर्दिवासमा रहेको शान्ति अटो इन्टरप्राइजेजसँग सम्झौता सम्पन्न गरेको छ । सम्झौतामा बैंकका तर्फबाट प्रमुख कार्यकारी अधिकृत विनय रिजाल र शान्ति अटो इन्टरप्राइजेजको तर्फबाट प्रोप्राईटर उदिप नारायण महतोले हस्ताक्षर गरेका छन् । यो सम्झौता अनुसार शान्ति अटो इन्टरप्राइजेजले विक्री गर्ने हिरो ब्राण्डका दुई चक्के सवारी साधानलाई कम्पनीले सिफारिस गरे अनुसार बैंकले रित पुर्याई कर्जा लगानी गर्नेछ । बैंकले उक्त मोटरसाइकल मूल्यको ५० प्रतिशतसम्म कर्जा लगानी गर्ने सम्झौतामा उल्लेख छ । कर्जा लगानी पश्चात ऋणीबाट असूलीमा समस्या आएमा बैंकलाई मोटरसाइकल विक्रेता कम्पनी शान्ति अटो इन्टरप्राइजेजले समेत सघाउनु पर्नेछ । बैंकका प्रमुख कार्यकारी अधिकृत विनय रिजालले ग्राहकहरुलाई फाइदा होस् भन्ने हेतुले बैंकले यस्तै अन्य कम्पनीसँग पनि सम्झौता गरिसकेको बताएका छन् ।
इकार्डीकी श्रीमतिसँग म्यारोडोनाको रोमान्स्, यस्तो छ ट्रयाङगुलर लभ स्टोरी (भिडियोसहित)
काठमाडौं । अर्जेन्टिनाका महान खेलाडी डियोगो म्याराडोनाले अर्जेन्टिाइन मोडेल वान्डा नारासँग रोमान्स् गरेको खुलासा भएको छ । म्याराडोनाले सन् २००६ मै नारासँग एक होटलमा रात बिताएको अर्जेन्टिनाका टेलिभिजनले खुलासा गरेको हो । नारा २००६ अघि नै मोडल पेशामा रहेकी थिइन । त्यसै बेला म्याराडोनासँग ‘द कोस्टा गालान होटल’मा बसेको कुरा बाहिरिएपछि उनलाई टेलिभिजनले कार्याक्रममा प्रतिवन्ध लगाएको थियो । अर्जेन्टाइन टिभी स्टार मिर्था लेग्रान्डले भनेकी छिन् -‘म्याराडोना र नाराको लभ स्टोरी यसरी चर्कियो कि मैले कति दिन राम्ररी निदाउन सकिन ।’ लेग्रान्डले टिभी कार्यक्रम ‘ला नोचे डे र्मिथा’मा भनेकी छिन् -“नाराले मलाई आएर सोधिन मलाई किन कार्यक्रममा नबोलाएको ? मैले प्रतिक्रिया दिदैं भने जो म्याराडोनासँग रातभर बस्यो, म रातभर सुत्न सकिन किनभने शहरमा धेरै हो-हल्ला मच्चियो । उनीहरु गए तर के गरे त्यो मलाई थाहा छैन । तर त्यो सत्य हो । र म त्यसको म साक्षी हुँ ।” नारा पहिले बार्सिलोनाका पुर्व खेलाडी माछी लोपेससँग विवाह गरी तीन सन्तान जन्माएकी थिइन । लोपेजसँग सम्बन्धमा रहँदा रहदै इन्टरमिलानका माउरो इकार्डीसँग प्रृम सम्बन्धमा परे । लोपेजसँग सम्बन्ध विच्छेद गर्दै इकार्डीसँग विवाह गरेकी थिइन । यसपछि लोपेज र इकार्डीबिच सम्बन्ध बिग्रिएको थियो । लोपेज र इकार्डी दुबै इटालियन क्लबबाट व्यवसायिक फुटबल खेल्दै आइरहेका छन् । लोपेजले इकार्डी विरुद्धको खेलमा हात नमिलाएपछि उनीहरुबिच पानी बाराबारको सम्बन्ध रहेको स्पष्ट भएको छ । लोपेज र लियोनल मेसी बार्सिलोनामा सगसँगै खेल खेलेका थिए । लोपेजकै अनुरोधमा मेसीले इकार्डीलाई अर्जेन्टिनाको राष्ट्रिय टोलीमा समावेश गर्न नमानेको समाचार बाहिर आएको थियो । हाल अर्जेन्टिनाका नयाँ प्रशिक्षक लियोनल स्कालोनीले इकार्डीलाई टोलीमा समावेस गरेपछि मेसी रिसाएको हुन सक्ने अनुमान गरिएको छ । आगामी सेप्टेम्बर अमेरिकाको लस एन्जलसमा हुने ग्वागेमाला विरुद्ध हुने खेलमा मेसी सहित सर्जियो अग्युइरोलाई आराम दिइएको छ । भिडियो हेर्न यहाँ क्लिक गर्नुहोस्
युनाईटेड सिमेन्टले फेरी ल्यायो विशेष योजना, १५ बोरा सिमेन्ट किन्दा १ बोरा सित्तैमा
काठमाडौं । के.एल. दुगड ग्रुपद्धारा उत्पादित युनाईटेड सिमेन्टले आफ्ना ग्राहकहरुलाई लक्षित गरी पुनः विशेष योजना ल्याएको छ । जस अन्तर्गत ग्राहकले हरेक १५ बोरा युनाईटेड सिमेन्ट किन्दा १ बोरा सिमेन्ट सित्तैमा पाउने छन् । यो भन्दा अगाडि पनि यहि योजना ल्याएको यस सिमेन्टले ग्राहकहरुको साथ ममता तथा विश्वासको सम्मान स्वरुप फेरी यो योजना ल्याएको कम्पनीले जनाएको छ । यो योजनाले आम उपभोक्तालाई विशेष लाभ पुर्याउने कम्पनीको विश्वास छ । यस यूनाइटेड सिमेन्टकाे ललितपुरको लेले स्थित आङ्खनै चुनढुङगा खानी र धादिङको नौबिसेमा फ्याक्ट्री रहेको छ । जहाँबाट अत्याधुनिक रोटरी किल्न प्रविधिबाट गुणस्तरीय सिमेन्ट उत्पादन गरी निरन्तर रुपमा ग्राहकहरु माझ वितरण गरिरहने कम्पनीकाे प्रतिबद्धता रहेकाे छ ।
