मद्रास सेक्युरिटीले ल्याएको साढे ७ लाख स्मार्ट लाइसेन्स शंकास्पद, परिक्षण गर्दै विभाग
काठमाडौं । यातायात व्यवस्था विभागले ७ लाख ५० हजार स्मार्ट लाइसेन्स परीक्षण गर्ने भएको छ । मद्रास सेक्युरिटी कम्पनीले ल्याएको कार्ड विभागको मापदण्ड अनुसारको नभएकाे शंका लागेपछि विभागले परिक्षण गर्न लागेको हो । विभागले ४५ दिनभित्रमा लाइसेन्स टेष्ट गर्ने कम्पनीको टुङ्गो लगाउने महानिर्देशक लावण्यकुमार ढकालले बताए । विभागले निर्धारण गरेको मापदण्ड पुरा नगरे कार्ड खरिद नगर्ने महानिर्देशक ढकालले जानकारी दिए । ढकालका अनुसार कम्पनीले सबै स्मार्ट कार्ड उपलब्ध गराइसकेको र त्यसको भुक्तानी दिने प्रक्रियामा विभाग रहेको छ । लाइसेन्स परिक्षण गर्ने कम्पनीको छनोट गर्न बोलपत्र आब्हान भैसकेको विभागका निर्देशक गोकर्णप्रसाद उपाध्यायले बताए । उनका अनुसार लाइसेन्स परिक्षणका लागि विभागले १९ लाख रूपैयाँ बजेट विनियोजन गरको छ । लाइसेन्स परिक्षणमा भाग लिन चाहने कम्पनीले १५ दिनभित्र आवेदन दिनु पर्नेछ । बोलपत्र मार्फत छनोट भएको कम्पनीले स्मार्ट कार्डको गुणस्तर परिक्षण गर्नेछ । करिब २० वटा कार्डको परिक्षण गरेर कम्पनीले विभागलाई बुझाउनु पर्नेछ । विभागले २०७२ सालदेखि लागू गरेको स्मार्ट लाइसेन्स फोटो प्रष्ट नदेखिने, नाम खुइलिने जस्ता समस्याहरु देखिदै आएको छ । यसअघि विभागले गरेको ग्लोबल टेन्डरमा कम मूल्यमा आपूर्ति गर्ने भएपछि भारतीय कम्पनी मद्रास सेक्युरिटी प्रिन्टर्सले कार्ड छाप्ने जिम्मा पाएको हो । कम्पनीले ९ लाख ८० हजार डलरमा ठेक्का पाएको हो । भारतको चेन्नर्इमा मुख्य कार्यालय रहेको मद्रास प्रिन्टर्सले नै स्मार्ट लाइसेन्स प्रणाली तयार पारेको हो । कम्पनीले ०.९७ अमेरिकी डलर अर्थात् करिब १ सय रुपैयाँमा उपलब्ध गराएको छ । यस्तै लाइसेन्स छाप्ने मेसिन पनि सोहि कम्पनीसँग विभागले खरिद गरेको छ । यो पनि हेर्नुहोस् १ घण्टामै ५०० स्मार्ट लाइसेन्स छाप्ने मेसिन र १० लाख कार्ड ल्याइँदै
हाम्रो विकास बैंकले १० प्रतिशत लाभांश दिने
काठमाडौं । हाम्रो विकास बैंकले सेयरधनीलाई १०.३१४५ प्रतिशत लाभांश दिने भएको छ । बैंकले गत आर्थिक वर्षको जगेडा तथा कोषबाट कम्पनीका सेयरधनीहरुलाई २.४० प्रतिशत बोनस र ७.९१४५ प्रतिशत नगद गरी सो मात्राको लाभांश दिने प्रस्ताव गरेको हो । बैंकले बोनस सेयर तथा लाभांशमा लाग्ने कर सहित सो मात्राको नगद लाभांश दिने प्रस्ताव गरेको हो । हाल बैंकको चुक्ता पुँजी ४९ करोड २२ लाख रुपैयाँ रहेको छ । २.४० प्रतिशत बोनस पछि कम्पनीको चुक्ता पुँजी ५० करोड रुपैयाँ पुग्ने छ ।
भाजपा अध्यक्ष अमित शाहलाई अदालतमा उपस्थित हुन आदेश
नयाँ दिल्ली । भारतको पश्चिम बङ्गालमा रहेको एउटा अदालतले सत्तारुढ दल भारतीय जनता पार्टी (भाजपा)का अध्यक्ष अमित शाहलाई अदालतमा उपस्थित हुन आदेश दिएको छ । फौजदारी कानूनको उलङ्घन गरेको आरोप सम्वन्धी मुद्दाको सुनुवाई गर्दै अदालतले उनलाई यस्तो आदेश दिएको हो । पश्चिम बङ्गाल राज्यका मुख्यमन्त्री तथा सत्तारुढ दल त्रिणमुल कङ्ग्रेस पार्टीकी बरिष्ठ नेता ममता बेनर्जीको भतिज अभिशेक बेनर्जीले दिएको मुद्दाका आधारमा अदालतले शाहलाई उक्त आदेश दिएको बताइएको छ । “महानगरीय अदालतले उहाँलाई आउँदो सेप्टेम्बर २८ तारिख सम्ममा अदालतमा उपस्थित हुन बुधबार आदेश दिएको छ,” एक वकिलले बिहीबार भने । उनका विरुद्धमा परेको मुद्दाका बारेमा शाहलाई पत्राचार गरिसकिएको र घटनाका बारेमा गल्ती स्विकार्दै माफी माग्ने अपेक्षा गरिएको छ । तर अध्यक्ष शाहको तर्फबाट भने अहिलेसम्म कुनै प्रतिक्रिया नआएको अधिकारीहरुलाई उद्धृत गर्दै एएनआइले लेखेको छ ।
गण्डकी विकास बैंकले एकैदिन खाल्याे ३ नयाँ शाखा, कलंकीमा सञ्चालन गर्ने तयारी
काठमाडौं । गण्डकी विकास बैंकले एकैदिन थप ३ वटा शाखाहरु सञ्चालनमा ल्याएको छ । बैंकले सुनसरीको इटहरी, सिराहाको लाहान, र चितवनको भोजार्डमा गरी तीन नयाँ शाखाहरु संचालनमा ल्याएको हो । यीसंगै बैंकको ७६ वटा शाखाहरु सञ्चालनमा आएका छन् । बैंकले छिटै नै काठमाडौंको कलंकीमा पनि शाखा सञ्चालनमा ल्याउने तयारी गरिरहेको प्रमुख कार्यकारी अधिकृत रेशमबहादुर थापाले जानकारी दिए ।
नुवाकोटका केसीले ९० घण्टा २ मिनेट भाषण दिएर राखे विश्व कीर्तिमान
काठमाडौं । नुवाकोट शिवपुरी गाउँपालिका–१ का अनन्तराम केसीले ९० घण्टा दुई मिनेट निरन्तर वक्तव्य दिएर विश्व कीर्तिमान कायम भएको छ । भदौ ११ गते बिहान ६ बजेदेखि निरन्तर वक्तव्य दिएका उनले बिहीबार मध्यरातसम्म निरन्तर वक्तव्य दिएर सो किर्तिमान कायम भएको हो । केसीले भारत केरेलाका केपी भाल साराजानले ८१ घण्टा १६ मिनेट बोलेर कायम गरेको विश्व कीर्तिमानलाई तोडेका हुन् । न्यू माइन्ड्स एकेडेमीको आयोजनामा केसीले गोकर्णेश्वर नगरपालिका–५ जोरपाटीस्थित इष्टपोल स्कूलमा वक्तव्य दिएका थिए। राष्ट्रिय गौरवसँग जोडिएको यो अभियानलाई पूरा गर्न केसीले उभिएर तथा बसेर वक्तव्य दिएको न्यू माइन्ड्स एकेडेमीका अध्यक्ष कुमारराज सुवेदीले जानकारी दिए । निरन्तर ९० घण्टा दुई मिनेट बोलेर विश्व कीर्तिमान राख्नुभएका उनलाई गिनिज बुक अफ वल्र्ड रेकर्डका प्रतिनिधि सोप्नील डाङ्गारीकार, प्रदेश सांसद जीवन डङ्गोलले संयुक्तरूपमा प्रमाणपत्र प्रदान गरे। नेपालको ७७ वटै जिल्ला र भारतको ६ प्रान्त गरी १२ हजार ५०० किलोमिटर पैदलयात्रा गरिसकेका केसी एक आध्यामिक साधक हुन् । केसीले २१ दिन जल उपबास र ६ महिना मौन ध्यान साधना पूरा गरिसकेका छन्। यसअघि ८० घण्टा लगातार वक्तव्य दिएर पनि प्राविधिक कारणले गिनिज बुक अफ वल्र्ड रेकर्डमा नाम लेखाउन सकेका थिएनन । रासस
माधवकुमार नेपाल अमेरिका प्रस्थान
काठमाडौं । नेपाल कम्युनिष्ट पार्टीका वरिष्ठ नेता माधवकुमार नेपाल संयुक्त राज्य अमेरिकाको सिकागोमा यही भदौ १५ देखि १७ गतेसम्म हुने नेपाली अन्तर्राष्ट्रिय सम्मेलनमा सम्बोधनका लागि बिहिबार त्यसतर्फ प्रस्थान गरेका छन् । अमेरिकाको मध्यपश्चिम नेपाली सङ्घ, अमेरिकी दक्षिणपूर्वी नेपाली सङ्घ र अमेरिकी नेपाली सङ्घको संयुक्त आयोजनामा हुने उक्त सम्मेलनमा अमेरिका र क्यानाडामा रहेका नेपाली कलाकार र व्यक्तित्वसँग भेटघाट पनि हुने नेता नेपालको सचिवालयले जनाएको छ । नेता नेपाल यही भदौ २० गते स्वदेश फर्कनेछन् ।
नेपाली रुपैयाँ झनै कमजोर भई ११३.४९ पुग्यो, दशैं महंगो हुदै
काठमाडौं । नेपाली रुपैयाँ अमेरिकी डलरसंग झनै कमजोर भएको छ । नेपाल राष्ट्र बैंकले शुक्रबारका लागि १ डलर बराबर ११३ रुपैयाँ ४९ पैसा बिक्री दर तोकेको छ । यो हालसम्मको उच्च दर हो । डोनाल्ड ट्रम्प राष्ट्रपति भएपछि अमेरिकी अर्थतन्त्र मजवुत हुदा डलर बलियो हुदा नेपाल रुपैयाँ कमजोर भएको राष्ट्र बैंक विदेशी विनिमय विभागका कार्यकारी निर्देशक भिष्मराज ढुङानाले बताए । भारतीय रुपैयाँ (भारु) डलरसंग कमजोर भएपछि यसको असर नेपाली रुपैयामा परेको हो । भारतीय रिजर्व बैंक (आरबीआई) ले शुक्रबार १ डलर बराबर ७१ भारु तोकेको छ । भारु २६ पैसाले कमजोर भएको आरबीआईले जनाएको छ । स्थिर विनिमय दर (फिक्सड पेग) भएका कारण भारु कमजोर हुनसाथ नेपाली रुपैयाँ पनि अवमूल्यन हुन्छ । डलर मजवुत भएपछि यसको चाप मूल्यमा पर्नेगर्छ र बजार भाउ बढ्छ । गत बैंशाखमा अमेरिकी डलर औसत १०६ रुपैयाँ ३८ पैसा थियो । ५ महिनाको बीचमा नेपाली रुपैयाँ झण्डै ८ रुपैयाँले कमजोर भएको छ । अमेरिकी राष्ट्रपति डोनाल्ड ट्रम्पले कर्पोरेट करमा भारी कटौती गर्ने भएपछि अन्तराष्ट्रिय बजारमा अमेरिकी डलरको भाउ बढ्दै गएको छ । राष्ट्रपति ट्रम्पले आगामी सन् २०१९ देखि लागु हुने गरी कर्पोरेट कर ३५ प्रतिशतबाट २५ प्रतिशतमा झार्ने प्रस्तावमा हस्ताक्षर गरेपछि अन्तर्रा्ष्ट्रिय बजारमा डलर महंगिदै गएको हो । कर्पोरेट कर घट्ने भएपछि भारतलगायत अन्य मुलुकबाट लगानी अमेरिकामा फिर्ता हुन थालेको छ । ट्रम्पको कर्पोरेट कर कटौती नीतिले भारतलगायत मुलुकमा डलर संचितीमा गिरावट आउनुका साथै अर्थतन्त्र कमजोर हुदै गएको छ । डलरका कारण वस्तु तथा सेवाको भाउमा वृद्धि भई मुद्रास्फितीको चाप बढ्ने देखिएको छ । विशेष गरी आयातित वस्तुको भाउ बढ्ने छ । आउदो दशैं महंगो हुने देखिएको छ । डलर बलियो हुँदाका बेफाइदा डलर तिरेर आयात गरिएका वस्तु तथा सेवाको लागत महंगो भई खुद्रा मूल्य बढ्छ र अन्त्यमा यसको मारमा उपभोक्ता पर्छन् । यस्तै पेट्रोलियमको भाउ बढाउन पनि सहयोग गर्छ । डलर तिरेर विदेशबाट आउने सामानको मूल्य बढी हुन्छ । यस्तै भारत तथा तेस्रो मुलुकबाट आउने सवारीसाधन, मोबाइल फोन, इलेक्ट्रोनिक्सका सामान, लत्ताकपडाको भाउ बढ्छ । विदेशबाट कच्चा पदार्थ ल्याएर उत्पादन गर्ने उद्योगको लागतमा वृद्धि हुने छ । विदेशबाट आयातित वस्तुको लागत बढेर बजार भाउ महंगो हुन्छ । राज्यले विदेशी दातृ निकायसंग लिएको ऋणको भार बढ्छ । डलरमा ऋण तिर्न सरकारले बढी रुपैयाँ खर्च गर्नुपर्ने हुन्छ । अन्तराष्ट्रिय बजारमा हवाइ टिकटको मूल्य बढ्छ । नेपाल विद्युत प्राधिकरणले डलरमा बिजुली खरिद गर्दा तिर्ने दाइत्व पनि थप हुन्छ । यस्तै विदेशी कम्पनीले फिर्ता लैजाने लाभांश दायित्व बढ्छ । डलर बढ्दा रेमिट्यान्स र पेन्सन आप्रवाहमा वृद्धि हुन्छ ।
नेपालका सर्वाधिक धनीको सुचिमा उद्योगपति विनोद चौधरीदेखि पूर्व राजा ज्ञानेन्द्र शाहसम्म, हेर्नुस कसको सम्पत्ति कति (सूचिसहित)
काठमाडौं । नेपालको सबैभन्दा धनी व्यक्तिको सुचिमा चौधरी ग्रुपका अध्यक्ष उद्योगपति विनोद चौधरी घोषित भएका छन् । फोब्र्सले सार्वजनिक गरेको सन् २०१८ मा नेपालको सबैभन्दा धनीको व्यक्ति उद्योगपति चौधरी भएका हुन् । फोब्र्सले चौधरीका अतिरित्त नेपालका १० जना सर्वाधिक धनी व्यक्तिको सूची पनि सार्वजनिक गरेको छ । नेपालको दोस्रो धनीमा गैरआवासिय नेपाल संघ (एनआरएन) का निवर्तमान अध्यक्ष शेष घले, तेस्रोमा एनआरएनका पूर्व अध्यक्ष डा. उपेन्द्र महतो, चौथो नम्बरमा व्यसायी अजेयराज सुमार्गी, पाँचौमा एनआरएन आद्धित्तिय झा, छैठौंमा एनआरएनका पूर्व अध्यक्ष जीवा लामिछाने, सातौंमा राजनीतिज्ञ पशुपतिशम्शेर जबरा, आठौंमा एनआरएन बलराम चेनराइ, नवौमा राजेन्द्रकुमार खेतान र १० औं स्थानमा पूर्व राजा ज्ञानेन्द्र शाहा रहेको फोब्र्सले जानकारी दिएको छ । १. विनोद चौधरीको सम्पत्ति १ अर्ब ६० करोड डलर अर्थात १ खर्ब ६० अर्ब रुपैयाँ रहेको छ । विश्वका धनीमध्ये १ हजार ३४२ औं नम्बरमा रहेका चौधरीको सम्पत्ति १ अर्ब ६० करोड अमेरिकी डलर अर्थात १ खर्ब ६० अर्ब रुपैयाँ पुगेको छ । पछिल्ला वर्षमा चौधरी डलर अर्बपतिको सुचिमा पर्दै आएका छन् । डलर अर्बपछि घोषित हुनेमा चौधरी पहिला नेपाली हुन् । चौधरी ग्रुपका अध्यक्ष समेत रहेका विनोदका मुलुक भित्र र बाहिर गरी ८० कम्पनी सञ्चालनमा रहेको फोब्र्सले जनाएको छ । २.शेष घलेको सम्पत्ति ४१ करोड डलर अर्थात ४१ अर्ब रुपैयाँ छ । अष्ट्रेलियामा व्यवसाय गरिरहेका घले त्यहाँ पनि सर्वाधिक धनीको सूचीमा ९९ औ नम्बरमा छन् । उनी मेलर्वन इन्ष्टिच्युट अफ टेक्नेलोजिजका प्रमुख कार्यकारी अधिकृत (सीईओ) छन् । उनीसंग २६ करोड ५० लाख डलर सम्पत्ति छ । उनकी श्रीमति जमुना घलेको सम्पत्ति समेत जोड्दा उनी नेपालको दोस्रो धनीको सूचिमा परेका छन् । ३. डा. उपेन्द्र महतोको कुल सम्पत्ति ३६ करोड डलर अर्थात ३६ अर्ब रुपैयाँ रहेको छ । महतोको पेट्रोलियम, अस्पता, बैंकिङ लगायत उपकरण निर्माणमा लगानी रहेको छ । उनको व्यवसया रसियामा छ । पछिल्लो समयमा उनले नेपालमा पनि आफनो व्यवसाय विस्तार गरेका छन् । ४. अजयराज सुमार्गीको २० करोड डलर अर्थात २० अर्ब रुपैयाँ सम्पत्ति छ । पूर्व प्रधानमन्त्री पुष्पकमल दाहाल निकट व्यवसायी सुमार्गी मुत्तिश्री ग्रुपका अध्यक्ष हुन् । उनले सिमेन्ट, टेलिकम र पानी प्रशोधनका अतिरित्त मिडियामा पनि लगानी विस्तार गरेका छन् । ५. आद्धित्तिय झाको सम्पत्ति १० करोड डलर अर्थात १० अर्ब रुपैयाँ रहेको छ । जनकपुरका झा अहिले क्यानाडामा व्यवसाय गर्दै आएका छन् । ५. आद्धित्तिय झाको सम्पत्ति १० करोड डलर अर्थात १० अर्ब रुपैयाँ रहेको छ । जनकपुरका झा अहिले क्यानाडामा व्यवसाय गर्दै आएका छन् । ६. जीवा लामिछानेको सम्पत्ति ९ करोड २० लाख डलर अर्थात ९ अर्ब २० करोड रुपैयाँ रहेको छ । लामिछाने टिभी उत्पादक कम्पनी टेक्नो ट्रष्टका प्रवन्ध निर्देशक हुन् । उनले रसियामा एल्सन ब्राण्डका एसीडी टेलिभिजन उत्पादन तथा बिक्री वितरण गर्दै आएका छन् । यसअघि उनले रसियामा सामसुङ र एलजी ब्राण्डको टेलिभिजनको डिलरसिपको काम गरेका थिए । लामिछानेले नेपालमा जलविद्युत र वैंकिङ क्षेत्रमा लगानी विस्तार गरेका छन् । ७. पशुपति शम्शेर जबराको सम्पत्ति ८ करोड ४० लाख डलर अर्थात ८ अर्ब ४० करोड रुपैयाँ पुगेको छ । उनी राष्ट्रिय प्रजातन्त्र पार्टी प्रजातान्त्रिकका अध्यक्ष समेत हुन् । ८.बलराम चिराइको सम्पत्ति ७ करोड डलर अर्थात ७ अर्ब रुपैयाँ पुगेको छ । उनको हङकङमा रियलस्टेट र इलेक्ट्रोनिक्स व्यवसाय सञ्चालनमा छ । ९. राजेन्द्रकुमार खेतानको सम्पत्ति ६ करोड २० लाख डलर अर्थात ६ अर्ब २० करोड रुपैयाँ छ । नेपालमा उनको बैंक तथा वित्तीय संस्था, बीमा, मदिरालागयत १३ उद्योग व्यवसाय सञ्चालनमा छन् । उनी खेतान ग्रुपका अध्यक्ष हुन् । १०. ज्ञानेन्द्र शाहको सम्पत्ति ५ करोड ८० लाख डलर अर्थात ५ अर्ब ८० करोड रुपैयाँ छ । सन् २००१ देखि २००८ सम्म नेपालका राजा रहेका शाहाका १७ कम्पनी रहेको फोब्र्सले जनाएको छ ।
