पूर्वाधार विकास बैंकले ३० करोड भन्दा कमका परियोजनाका लगानी गर्न नपाउने
काठमाडौं । पूर्वाधार विकास बैंकले ३० करोड भन्दा कमका परियोजनाका कर्जा प्रवाह गर्न नपाउने भएको छ । सो भन्दा माथिको परियोजनामा मात्रै पूर्वाधार विकास बैंकले कर्जा प्रवाह गर्न पाउने आज बुधबार सार्वजनिक गरिएको मौद्रिक नीति २०७६/७७ मा उल्लेख गरिएको छ ।
मर्जरमा जाने बैंकहरूलाई पाँच छुट, सञ्चालक र सीईओलाई लोभ्याउदै गभर्नर (पूर्ण पाठसहित)
काठमाडौँ । २०७७ असार मसान्तसम्म बैंक तथा वित्तीय संस्थाहरु गाम्ने र गाभिएर एकीकृत कार्य गरेमा राष्ट्र बैंकले सहुलियत दिने भएको छ । आर्थिक वर्ष २०७६/०७७ को मौद्रिक नीति सार्वजनिक गर्दै गर्दै नेपाल राष्ट्र बैंकका गभर्नर डा. चिरञ्जीवी नेपाल भने–‘मर्ज भई एकीकृत कारोबार गर्नेलाई थप सहुलियत प्रदान गरिने छ ।’ त्यस्ता विशेष सहुलियतमा कृषि, उर्जा र पर्यटन क्षेत्रमा तोकिएको कर्जा पुर्याउनु पर्ने अवधि २०७८ असार मसान्त सम्म कायम गरिने, कर्जा र निक्षेप बीचको ब्याज दर अन्तर ४.४ प्रतिशत कायम गर्नु पर्ने अवधि २०७८ असार मसान्तसम्म कायम गरिने, शाखा बिस्तार गर्न राष्ट्र बैंकको स्वीकृति लिनु नपर्ने मौद्रिक नीतिमा उल्लेख छ । त्यस्तै, सञ्चालक समितिका सदस्य, प्रमुख कार्यकारी अधिकृ तथा नायव प्रमुख कार्यकारी अधिकृत पदबाट हटेको कम्तिमा ६ महिना व्यतीत नभई अन्य बैंकमा जान पाउने सुविधा दिएको छ । माैद्रिक नीतिकाे पूर्ण पाठ [pdf id=162647] त्यस्तै, चुक्ता पुँजीको २५ प्रतिशत बराबर ऋणपत्र जारी गर्नु पर्ने नयाँ व्यवस्था २०७८ असार मसान्तभित्र कार्यान्वयन गर्न पाउने सुविधा दिईएको छ । मर्जरको लागि २०७६ असार मसान्तसम्म प्रतिवद्धता पत्र राष्ट्र बैंकलाई बुझाउने बैंकहरुलाई कुनै सुविधा दिएको छैन ।
नेपाल भ्रमण वर्षलाई लक्षित गर्दै मुद्रा सटही काउन्टर खोलिने
नेपाल राष्ट्र बैंकका गभर्नर डा.चिरञ्जीवी नेपालले विदेशी पर्यटकहरुको सहजताको लागि नेपालमा विदेशी मुद्रा सटही काउण्टर खोलिने बताएका छन् । बुधबार काठमाडौंको र्याडिसन होटलमा आर्थिक वर्ष २०७६/०७७ को मौद्रिक निति प्रस्तुत गर्दै नेपालले नेपाल भ्रमण वर्ष २०२० लाई साकार र लक्ष्यअनुरुपको पर्यटकहरु भित्र्याउन विदेशी मुद्रा सटही काउण्टर खोलिने बताएका हुन् । सरकारले नेपाल भ्रमण वर्ष २०२० मा २० लाख पर्यटक भित्र्याउने लक्ष्य राखेको छ । सरकारको लक्ष्यलाई साकार पार्न राष्ट्र बैंकले उक्त निति ल्याएको उनले बताए । यद्यपी काउण्टर कहिले खोलिने हो त्यो भने प्रष्ट पारेनन् ।
बाणिज्य बैंकहरुले चुक्ता पूँजीको २५ प्रतिशत ऋणपत्र निष्काशन गर्नु पर्ने
काठमाडौँ । बाणिज्य बैंकहरुले २०७७ असार मसान्तसम्म चुक्ता पूँजीको २५ ऋणपत्र निष्काशन गर्नु पर्ने भएको छ । बुधबार नेपाल राष्ट्र बैंकले सार्वजनिक गरेको आर्थिक वर्ष २०७६/०७७ को मौद्रिक नीतिमा यस्तो व्यवस्था उल्लेख छ ।
शिक्षाको नाममा ब्रह्मलुट, निजी विद्यालयको शुल्कमा एकरुपता हुनुपर्छः डा. महत
काठमाडौं । नेपाली काँग्रेसका नेता डा. रामशरण महतले निजी लगानीका विद्यालयको शुल्कमा एकरुपता ल्याउनुपर्ने बताएका छन् । सैंतीसौँ विपी स्मृति दिवसका अवसरमा नेपाल विद्यार्थी सङ्घ ११औँ महाधिवेशन गर्ने पक्षधरले आज यहाँ आयोजना गरेको ‘निजी शिक्षण संस्थाले गरेको चर्को मूल्यवृद्धि यसले निम्त्याएको शैक्षिक अराजकता र नेवि सङ्घको भूमिका’ विषयक शैक्षिक बहसमा उनले शिक्षाको नाममा ब्रह्मलुट गर्न नपाइने बताए । “निजी विद्यालयले राज्यको राजश्व सङ्कलनमा ठूलो योगदान दिएको छ, तर योगदानको नाममा ब्रह्मलुट गर्न पाइँदैन, सरकारले निजी विद्यालयको शुल्कमा अनुगमन गर्नुपर्छ”, उनले भने । गुणस्तर शिक्षामा सरकारले जोड दिनुपर्ने उनको भनाइ थियो । काँग्रेस केन्द्रीय सदस्य डा. चन्द्र भण्डारीले सरकारी विद्यालयमा सरकारको ठूलो लगानी भए पनि निजी विद्यालयको दाँजोमा किन राम्रो शिक्षा दिन सकेनन् भन्ने बारेमा खोजी हुनुपर्ने बताएका छन् । समयानुसार पाठ्यक्रम परिवर्तन गर्नु अहिलेको आवश्यकता रहेको उनको भनाइ थियो । अर्का केन्द्रीय सदस्य गुरुराज घिमिरेले शिक्षा क्षेत्रमा नियमन नहुँदा चर्को शुल्क वृद्धि हुँदै गएको उल्लेख गरे । “उद्यम गर्ने र नियमन गर्ने व्यक्ति एउटै हुँदा शिक्षा क्षेत्रमा शैक्षिक अराजकता हुँदै गएको छ”, उनले भने । त्यसैगरी, शिक्षाविद् डा. सुरेन्द्र केसीले विश्वविद्यालय पठनपाठन गर्ने थलोभन्दा राजनीतिक गर्ने थलो हुँदै गएको उल्लेख गरेका छन् । “पढाइका लागि नेपाली युवाले विदेशमा खर्बौं रुपैयाँ लगानी गरेका छन्, यसले नेपालको शिक्षालाई कमजोर बनाउँदै गएको छ”, शिक्षा बुझेको व्यक्तिलाई विश्वविद्यालयको पदाधिकारी नबनाउँदा नेपालको शिक्षा क्षेत्र खस्कँदै गएको उल्लेख गरे । त्यस्तै, राष्ट्रिय योजना आयोगका पूर्वउपाध्यक्ष डा. गोविन्दराज पोखरेलले नेपालको शिक्षा क्षेत्र क्रमशः विकास हुँदै गएको बताए । “शिक्षा क्षेत्रमा उल्लेख्य मात्रामा लगानी हुन नसक्दा सोचेजस्तो विकास हुन नसकेको हो”, उनले भने । नेपालमा रोजगारीको अवसर सिर्जना हुन नसक्दा विद्यार्थी विदेश पढ्न जान बाध्य हुनु परेको उनको भनाइ थियो । शिक्षाविद् प्रा.डा. विद्यानाथ कोइरालाले निजी विद्यालयको उपस्थिति शहरी क्षेत्रमा भएकाले शहरी र गाउँका विद्यालयबीचको दूरी कम गरी समान शिक्षा प्रदान गर्न नेवि सङ्घले महत्वपूर्ण भूमिका खेल्नुपर्ने आवश्यकता रहेको बताउँछन् । कालो धनलाई सेतो बनाउन शिक्षा क्षेत्रमा लगानी गर्ने प्रवृत्ति बढ्दै गएको उनको भनाइ थियो । नेवि सङ्घका नेता मोतीलाल भण्डारीले विद्यार्थी आन्दोलनको स्वरुप परिवर्तन नगरेसम्म मुलुकको शिक्षा क्षेत्रको विकास नहुने भन्दै यस मुद्दा गम्भीर रुपमा उठाउनुपर्ने बताए । सङ्घका नेता लीलाबल्लभ दाहालले निजी विद्यालयलाई सहकारी वा सामुदायिक विद्यालयमा रुपान्तरण गरी कम शुल्कमा शिक्षा दिने नीति सरकारको हुनु पर्दछ भने । रासस
आर्थिक वर्ष २०७६/०७७ को मौद्रिक नीति सार्वजनिक शुरु(भिडियो लाइभ)
काठमाडौं । नेपाल राष्ट्र बैंकले आर्थिक वर्ष २०७६ को मौद्रिक नीति सार्वजनिक गरेको छ । गभर्नर डा. चिरञ्जीवी नेपालले अहिले होटल र्याडिशनबाट मौद्रिक नीति सार्वजनिक गरिरहनु भएको छ । Live link Publiée par Bikashnews.com sur Mercredi 24 juillet 2019
६.९० अंकले बढ्यो नेप्से, मौद्रिक नीति पछि के होला ?
काठमाडौँ । आर्थिक वर्ष २०७६/०७७ को मौद्रिक नीति आउने दिन बुधबार सेयर बजार बढेको छ । आज ६.९० अंकले नेप्से परिसूचक बढेको हो । ०.५४ प्रतिशतले परिसूचक बढ्दा १२८४.०७ बिन्दुमा पुगेको छ । नेपाल स्टक एक्सचेञ्ज लिमिटेड(नेप्से)का अनुसार आज सेयर बजारमा १७० कम्पनीका १३ लाख ४६ हजार ३ सय ३० कित्ता सेयर किनबेच हुँदा ४४ करोड ३४ लाख ८१ हजार ३ सय ९१ रुपैयाँको कारोबार भयो । आज वित्त र उत्पादनमूलक समूह बाहेका अरु सबै सूचकमा हरियाली छायो । बैंकिङ समूह ६.२३, होटल समूह ४०.३६, विकास बैंक समूह ८.५, जलविद्युत समूह २.२८, निर्जीवन बीमा समूह ६८.४४, अन्य समूह ३.१६, लघुवित्त समूह १४.९८, जीवन बीमा समूह ८.२१ र म्युचुअल फण्ड ०.०९ अंकले बढेका हुन् । त्यसैगरी वित्त समूह १ र उत्पादनमूलक समूह २.३४ अंकले घटेका हुन् । आज नेपाल बैंकको सबैभन्दा बढी ३ करोड ९९ लाख, कृषि विकास बैंकको २ करोड ६६ लाख, प्रभु बैंकको २ करोड ६० लाख, नेपाल लाइफ इन्स्योरेन्सको २ करोड ५९ लाख र एनआईसी एशिया बैंकको १ करोड ५२ लाख रुपैयाँ बराबरको सेयर किनबेच भयो । आज गणपति माइक्रोफाइनान्स वित्तीय संस्थाका सेयरधनीहरुले सबैभन्दा बढी ९.१३ प्रतिशतले नाफा कमाए भने युनियन हाइड्रो पावर लिमिटेडका सेयरधनीहरुले सबैभन्दा बढी ५.०५ प्रतिशतले घाटा व्यहोरेका छन् । आज बढेको सेयर बजार मौद्रिक नीति पछि भोलिका दिनमा के होला यसै भन्न सकिन्न ।
सन् २०१९ मा नेपाल आउने पर्यटक बढे, भारतबाट सबैभन्दा बढी
काठमाडौं । अध्यागमन बिभागले दिएको तथ्यांक अनुसार सन् २०१९ जनवरीदेखी जुनसम्म ५ लाख ८५ हजार ५ सय ३१ पर्यटक नेपाल भित्रिएका छन् । अघिल्लो वर्ष यसै समयमको तुलनामा पर्यटक आगमन यो १२.६० प्रतिशतले बृद्धि हो । गत वर्ष सन् २०१८ मा ५ लाख २० हजार १४ पर्यटकहरु नेपाल भित्रिएका थिए । सार्क मुलुकबाट नेपाल आउने पर्यटकहरुको संख्या १ लाख ४४ हजार ९ सय ५७ रहेको छ । अघिल्लो वर्ष जनवरीदेखी जुनसम्मको तुलनामा यो २४.८ प्रतिशतले बृद्धि हो । सार्क मुलुकमा सबैभन्दा बढी भारतबाट १ लाख ३ हजार ४ सय ६१ पर्यटकहरु नेपाल भित्रिएका छन् । दोस्रोमा श्रीलंका, तेस्रोमा बंगलादेश रहेका छन् । श्रीलंकाबाट २८ हजार ७ सय ९० र बंगलादेशबाट १० हजार ५ सय ९० पर्यटक नेपाल भित्रिएका छन् । सबैभन्दा कम पर्यटक भित्रिने देश पाकिस्तान रहेको छ । पाकिस्तान र बंगलादेशबाट आउने पर्यटकको संख्या तुलनात्मक रुपमा गत वर्षको तुलनामा घटेको छ । पाकिस्तानी पर्यटकको आगमनमा १४.४४ प्रतिशत र बंगाली पर्यटकको संख्यामा २४.३३ प्रतिशतका दरले कमी आएको हो । सार्क मुलुकबाहिरको तथ्यांक केलाउने हो भने सबैभन्दा बढी नेपाल भित्रिनेमा चाइनिज पर्यटक पर्छन् । अघिल्लो वर्ष सन् २०१८ को जनवरीदेखी जुनसम्म ७१ हजार ३ सय ७९ चाइनिज पर्यटक नेपाल भित्रिएका थिए । यस वर्ष ठ्याक्कै यही समयमा ८५ हजार ३ सय १८ चाइनिज पर्यटकहरु नेपाल घुम्न आएका छन् । यो गत वर्षको तुलनामा १९.५३ प्रतिशतले बृद्धि हो । एसियन मुलुकबाट एक लाख ७४ हजार २७ पर्यटक नेपाल भित्रिएका छन् । गत वर्ष १ लाख ४४ हजार ३५ पर्यटकले नेपाल पाइला टेकेका थिए । गत वर्षको तुलनामा यो २०.८२ प्रतिशतले बृद्धि हो । युरोपियन मुलुकबाट भित्रिने पर्यटकहरुको संख्या १ लाख ४ हजार ७ सय ८३ सिमित थियो । अहिले त्यो संख्या बढेर एक लाख २ हजार ४ सय ४ पुगेको छ । गत वर्ष भन्दा यो २.३२ प्रतिशतले बृद्धि हो । त्यस्तै अस्ट्रेलियाबाट १६ हजार ७ सय ६१, अमेरिकाबाट ४८ हजार २ सय १, क्यानाडाबाट ९ हजार १ सय ५३ पर्यटक नेपाल भित्रिएका छन् ।