जापानमा आम निर्वाचनका लागि प्रधानमन्त्रीले गरे प्रतिनिधिसभा विघटन
काठमाडाैं । जापानका प्रधानमन्त्रीले आगामी आमनिर्वाचनका लागि यहाँको संसदको तल्लो सदन, प्रतिनिधिसभा विघटन गरेका छन् । जापानी अधिकारीहरुले सो कुराको जानकारी दिएका हुन् । यहाँका अधिकारीहरुले बिहीबार बसेको संसदको बैठक लगत्तै संसद विघटन भएको बताएका हुन् । यहाँ आगामी अक्टोबर ३१ तारिखमा संसदीय निर्वाचन हुने भएको छ । यहाँको प्रतिनिधिसभाको कार्यकाल यही अक्टोबर २१ सम्म बाँकी छ । त्यसलगत्तै अक्टोबर ३१ मा निर्वाचनको तयारी थालिएको छ । सत्तारुढ एलडिपी (लिबरल डेमोक्रेटिक पार्टी) को पार्टी अध्यक्षको निर्वाचन जितेपछि फुकिओ किशिदा यहाँका प्रधानमन्त्रीमा नियुक्त भएका थिए । त्यसलगत्तै उहाँले अर्काे आमनिर्वाचनको तयारी थालेका थिए । किशिदा जापानको प्रधानमन्त्रीमा नियुक्त भएको अक्टोबर ४ तारिखकै दिन उहाँले आफूले तुरुन्तै नयाँ निर्वाचनको तयारी थाल्ने बताएका थिए । प्रधानमन्त्री किशिदाले जापानको आर्थिक मन्दीमा कारक रहेको महामारीको अन्त्य गर्ने र यसबाट क्षति पुगेको अर्थतन्त्रलाई राहात दिने कार्यक्रम ल्याएका छन् । उहाँले आफूले घोषणा गरेका आर्थिक कार्यक्रमहरुलाई कार्यान्वयन गर्नका लागि भन्दै आम निर्वाचनमा आम नागरिकको सहयोगको अपेक्षा गरेका छन् । उनले देशमा आर्थिक विकासका प्रभावकारी कार्यक्रमहरु ल्याउने भन्दै त्यसका लागि सहयोग गर्न सबै मतदाताहरुसँग आग्रह पनि गरेका छन् । रासस/सिन्ह्वा
अदालतको फैसलाले एप्पललाई ठूलो झट्का, कम्पनीको सेयर मूल्य ह्वात्तै घट्यो
काठमाडौं । अमेरिकाको संघीय अदालतको एउटा फैसलाले विश्वको प्रसिद्ध आईफोन निर्माता कम्पनी एप्पललाई ठूलो धक्का लागेको छ । शुक्रबार अदालतका न्यायाधीशले एप्पललाई आफ्नो एप स्टोरका नियमहरु केही सहज बनाउन आदेश दिएसँगै एप्पललाई ठूलो धक्का लागेको हो । न्यायाधीशले एप्पललाई एप डेभलपरहरुमा प्रतिबन्ध सहज बनाउन पनि आदेश दिएका छन् । एप्पल विरुद्द गत वर्ष फोर्टनाइटको निर्माता कम्पनी एपिक गेमले मुद्दा दायर गरेको थियो । जसको सुनुवाई शुक्रबार मात्रै भएको हो । सो एप स्टोरहरुमार्फत मनग्य आम्दानी गर्दै आएको कम्पनीका लागि अब व्यापारमा केही नोक्सान व्यहोर्नु पर्ने देखिएको अन्तर्राष्ट्रिय सञ्चार माध्यमले लेखेका छन् । अदालतको यो आदेशले कम्पनीले ठूलो रकम गुमाउन सक्ने प्रक्ष्येपण पनि गरिएको छ । अदालतको यो फैसलापछि एप्पलको शेयर शुक्रवार दिउँसो कारोबारमा दुई प्रतिशत भन्दा धेरै तल झरेको थियो । अदालतको यो निर्णयले कम्पनीको वार्षिक आम्दानीमा अरबौं डलरको घाटा हुन सक्ने अनुमान लगानीकर्ताको छ । हाल एप्पलले उसको स्टोरमा राख्ने एपमा ३० प्रतिशत कमिसन लिँदै आएको छ । अदालतको निर्णयले उपभोक्ताहरुलाई सहज हुुनेछ भने कम्पनीको आम्दानी घट्ने अन्तर्राष्ट्रिय सञ्चार माध्यमले उल्लेख गरेका छन् । अन्तर्राष्ट्रिय सञ्चार माध्यमकाे सहयाेगमा
तीन लाखलाई ठाउँ छोड्न जापान सरकारको आग्रह
टोकियो । जापानका विभिन्न ठाउँमा आँधीको रहेकाले ती ठाउँका बसिन्दालाई अन्यत्र जान सरकारले आग्रह गरेको छ । देशको हिरोशिमा, शिमान र एहिमलगायतका क्षेत्रका तीन लाख २०० भन्दाबढी मानिसलाई ठाउँ छोड्न सरकारले सोमबार आग्रह गरेको हो । आँधीको खतराका कारण जापानी एयरलाइन्सका त्यस क्षेत्रका ६३ ओटा उडान रद्द भएका छन् भने अरु उडान अनिश्चित रहेका छन् । अहिले आउन लागेको निकै शक्तिशाली भएकाले धेरै क्षति हुनसक्ने अनुमानसमेत गरिएको अधिकारीहरुले जनाएका छन् । रासस/एएनआई
