सिविआईएल क्यापिटलको स्वतन्त्र संचालकमा दुई जना नियुक्त
काठमाडौं, १ कात्तिक । सिविआईएल क्यापिटल लिमिटेडको स्वतन्त्र संचालकमा दुई जना नियुक्त भएका छन् । सोमबार संस्थाको संचालक समितिको बैठकले कमल विक्रम सिंह र भोला प्रसाद पाण्डेलाई आगामी २ वर्षको लागि कम्पनीको स्वतन्त्र संचालकमा नियुक्ति गरेको हो । सिविआईएल सिटिजन्स बैंकको सहायक कम्पनी हो । यो कम्पनीमा श्री नागरीक लगानी कोष तथा प्रतिष्ठित उद्योगी व्यापारीहरुको सह–लगानी रहेको छ । उक्त कम्पनीले नेपाल धितो पत्र बोर्डबाट धितोपत्र निष्काशन तथा विक्रि प्रबन्धक, धितोपत्र प्रत्याभूति कर्ता (अण्डर राइटर) शेयर रजिष्ट्रार तथा लगानी व्यवस्थापन (पोर्टफोलियो म्यानेजमेन्ट) को काम गर्ने अनुमति पाएको छ । संस्थाको रजिष्ट्रर कार्यालय काठमाडौं डिल्लीबजार स्थित बाटुलेघरमा रहेको छ । संस्थाले लगानी व्यवस्थापक (पोर्टफोलियो म्यानेजर) को सेवा सिटिजन्स बैंकका देशभरीका १४ अञ्चल स्थित सम्पूर्ण शाखा कार्यलयहरुबाट प्रदान गरी त्यहाँ अवस्थित इच्छुक लगानी कर्ताहरुलाई संस्थाको व्यावसायिक तथा अनुभवी व्यवस्थापन समुहबाट सेवा प्रदान गर्ने लक्ष्य संस्थाले लिएको छ ।
नेपाली सेनाले खुलायो २१ सय ३५ जनाका लागि जागिर
काठमाडौं, १ कात्तिक । नेपाली सेनामा २१ सयभन्दा बढीका लागि जागिर खुलेको छ । जंगी अड्डा काठमाडौंसहित विभिन्न पृतना, बाहिनी, गण तथा गुल्ममा विभिन्न पदमा गरी २१ सय ३५ जनाको लागि जागिर खुलेको हो । नेपाली सेनालो निकालेको सुचना अनुसार सिपाही पदमा मात्रै १ हजार ९ सय ५० जनाको लागि आवदेन मागिएको छ । काठमाडौंको जंगी अड्डामा मात्रै ४ सय जना सिपाही माग गरिएको छ । सेनाले लेखा, जमदार, हुद्दा, अमलदार, सैन्य ड्राइभर, बन्दोबस्ती सिपाही, कुचिकार, धोबी, केशकर्तक, वेटर र लोहार पदमा आवेदन मागेको छ । इटहरी, फिदिम, राजबिराज, हेटौंडा, सिन्धुली, रौतहट, रामेछाप, पोखरा, बझाङ, इलाम, बुटवल, लमजुङ, नेपालगञ्ज, दाङ, जुम्ला, जाजरकोट, दिपायल, धनगढीका विभिन्न सैन्य पृतना, बाहिनी, गण तथा गुल्ममा भर्ति गर्न लागिएको हो ।
चार वटा सरकारी कार्यालयमा ८३ जनालाई जागिर खुल्यो, प्लस टु देखि स्नातकोत्तर उतिर्णलाई अवसर
काठमाडौं, ३० असोज । बिभिन्न ४ वटा सरकारी कार्यालयहरुले ८३ जनाका लागि जागिर खुलाएका छन् । नेपाल बायु सेवा निगम, व्यापार तथा निकासी प्रवद्र्धन केन्द्र, घरेलु तथा साना उद्योग विकास समिति र निक्षेप तथा कर्जा सुरक्षण कोषले ८३ जनाका लागि दरखास्त आव्हान गरेका हुन् । प्लस टु उतिर्णदेखि स्नातकोत्तर उतिर्णले आवेदन दिन सक्नेछन् । नेपाल बायु सेवा निगमले खुल्ला तथा आरक्षण कोटामा ५३ जनाका लागि आवेदन मागेको छ । खुल्ला तथा आरक्षण कोटामा १५ जना प्रशासन समुहका अधिकृत, ६ जना लेखा समुहका अधिकृत, १२ जना बरिष्ठ सहायक, २ जना लेखा सहायक, १७ जना र देखा सहायकमा १ जनाका लागि जागिर खुलाएको हो । त्यस्तै, निक्षेप तथा कर्जा सुरक्षण कोषले १३ जनाका लागि जागिर खुलाएको छ । प्लस टु उतिर्णदेखि स्नातकोत्तर उतिर्णहरुले खुल्ला तथा आरक्षित कोटामा आवेदन दिन सक्नेछन् । यसले कम्प्युटर अपरेटर समेत मागेको छ । घरेलु तथा साना उद्योग विकास समितिले निर्देशक देखि लेखपालका लागि १० जनाको आवेदन मागेको छ । व्यापार तथा निकासी प्रवद्र्धन केन्द्रले पनि चार जना अधिकृतसहित ८ जना कर्मचारी मागेको छ । खुला तथा समावेशी दुबै समुहले आवेदन दिन सक्नेछन् ।
