साना किसान विकास लघुवित्तका सीईओ डा. कोइरालाले पाए निरन्तरता
काठमाडौं । साना किसान विकास लघुवित्त वित्तीय संस्थाका प्रमुख कार्यकारी अधिकृत डा. शिवरामप्रसाद कोइरालाले पुनः नियुक्ती पाएका छन् । भदौ ८ गते बसेको कम्पनी सञ्चालक समितिको बैठकले सीईओ डा. कोइरालालाई नै पुनः नियुक्ति गर्ने निर्णय गरेको हो । सीईओ डा. कोइरालाले आफ्नो पहिलो कार्यकाल सफलतापूर्वक सम्हालेसँगै सञ्चालक समितिले उनलाई दोश्रो कार्यकालको लागि निरन्तरता दिएको हो । यससँगै उनले भदौ १४ गतेदेखि नै लागू हुने गरी दोश्रो कार्यकाल सम्हाल्ने छन् ।
लुम्बिनी जनरल इन्स्योरेन्सको स्वतन्त्र सञ्चालकमा निर्मलादेवी मानन्धर
काठमाडौं । लुम्बिनी जनरल इन्स्योरेन्सको स्वतन्त्र सञ्चालकमा निर्मलादेवी मानन्धर नियुत्त भएकी छिन् । भदौ ४ गते बसेको सञ्चालक समितिको बैठकले मानन्धरलाई स्वतन्त्र सञ्चालकमा नियुक्त गर्ने निर्णय गरेको हो । यससँगै नवनियुक्त स्वतन्त्र सञ्चालक मानन्धरले आगामी ४ वर्षसम्म इन्स्योरेन्समा आफ्नो कार्यभार सम्हाल्नेछिन् ।
कालिका लघुवित्तको प्रबन्ध संचालकमा केशवनारायण प्रधान नियुक्त
काठमाडौं । कालिका लघुवित्तको प्रबन्ध संचालकमा केशवनारायण प्रधान नियुक्त भएका छन् । भदौ ३ गते बसेको संचालक समितिको बैठकले उनलाई प्रबन्ध संचालकमा नियुक्त गरेको हो । राष्ट्रिय बाणिज्य बैंकको ३० वर्ष लामो अवधिको बैकिङ्ग अनुभव हासिल गरेका उनी प्रवन्धक पदबाट निबृत्त भएका हुन् । र, यस अघि यसै संस्थामा डेढ वर्ष वरिष्ठ प्रबन्धकको रुपमा समेत कार्य गरेका थिए । प्रधान २०७८ बैशाख ७ गते सम्पन्न संस्थाको वार्षिक साधारण सभाबाट सर्वसाधारण शेयरधनीहरुको प्रतिनिधित्व गर्दै संचालक पदमा निर्वाचित भएका थिए ।
