वित्त : विविध

काठमाडौं । सूचीकृतमध्ये तीन वटा कम्पनीको बोनस सेयर नेप्सेमा सूचीकृत भएको छ । बिहीबार मात्रै दुई वाणिज्य बैंक र एक लघुवित्तको गरी एक करोड १३ लाख ८० हजार १६१ कित्ता बोनस सेयर सूचीकृत भएको छ । सो दिन नेपाल बङ्गलादेश बैंक (एनबी), सेञ्चुरी कमर्शियल बैंक र महिला सहयात्रा लघुवित्त वित्तीय संस्थाको गरी सो परिणामको सेयर नेप्सेमा थपिएको हो । जसमध्ये नेपाल बङ्गलादेश बैंकको ५० लाख ६९ हजार ५८२ कित्ता बोनस र २२ हजार ८२९ कित्ता हकप्रद सेयर सूचीकृत भएको छ । त्यस्तै, सेञ्चुरी कमर्शियल बैंकको ६१ लाख ८९ हजार ५७९ कित्ता बोनस सेयर नेप्सेमा थपिएको छ । त्यसैगरी, महिला सहयात्रा लघुवित्तको १० प्रतिशत अर्थात एक लाख २१ हजार कित्ता बोनस सेयर नेप्सेमा सूचीकृत भएको छ । यससँगै यी तीन कम्पनीको सो मात्राको सेयर लगानीकर्ताको डिम्याट खातामा हस्तान्तरण हुने छ । र, दोश्रो बजारमा किनबेच गर्न पाइने छ । सम्बन्धित समाचार नेप्सेमा पौने ३ करोड बढी बोनस सेयर सूचीकृत, सबैभन्दा बढी ग्लोबल आईएमई बैंकको

काठमाडौं । नागरिक लगानी कोषले नयाँ बानेश्वरस्थित सेवाग्राहीमैत्री नयाँ भवन निमार्णको ९० प्रतिशत काम सम्पन्न गरेको छ । कम्पनीको ३१औं वार्षिकोत्सवको कार्यक्रममा बोल्दै कोषका कार्यकारी निर्देशक रमण नेपालले सो बताएका हुन् । चालु आर्थिक वर्ष भित्रै कोषले सोहि भवनबाट सबै प्रकारका सेवा प्रवाह गर्ने उनले जानकारी गराएका छन् । साथै, अहिले कार्यालय रहेको स्थानमा भने नयाँ भवन निमार्ण गरिने उनले बताए । त्यस्तै, गत आर्थिक वर्षको लेखापरीक्षणको काम सकिएको जानकारी गराउँदै उनले यथाशक्य छिटो वार्षिक साधारणसभा गर्ने योजना रहेको बताए । कोषले जवानीमा कमाउँ र बुढेशकालमा रमाउँ भन्ने उद्देश्यका साथ स्वरोजगार र वैदेशिक रोजगारमा रहेका नागरिकलाई लक्षित गरि नागरिक पेन्सन योजना कार्यान्वयन ल्याएको छ । यसैसन्दर्भमा कोषले हालसालै मात्र पर्वत जिल्लाको फलेवास नगरपालिकासँग आवद्ध भई करिब ७५३ तथा असंगठित क्षेत्रका मजदुरहरु मदजुरहरुलाई यसक्षेत्रमा समावेश गरिसकेको छ । त्यस्तै, सोहि नगरपालिकाले थप १२०० सोहि प्रकृतिका विपन्न र असंगठित क्षेत्रका मजदुरहरु समावेश गर्ने प्रकृयामा कोष रहेको छ । यसैगरी, अन्य नगरपालिकासँग पनि सहकार्य गर्ने कोषको लक्ष्य रहेको छ । साथै, नागरिक पेन्सन योजनामा मेटलाइफ इन्स्योरेन्सका अभिकर्ताहरु पनि आवद्ध भएका कार्यकारी निर्देशक नेपालले बताए । कोषले पुँजीबजारमा संस्थागत लगानी भित्र्याउँने उद्देश्यले नागरिक स्टक डिलर कम्पनी स्थापना गरेको छ । कम्पनीमा कोषको ५१ प्रतिशत सेयर स्वामित्व रहेको छ भने पुनर्बीमा कम्पनीको १० प्रतिशत र नेपाल टेलिकमको ९ प्रतिशत सेयर स्वामित्व रहेको छ । बाँकी रहेको ५० प्रतिशत सेयर सर्वसाधारणमा जारी गरिने छ । सम्बन्धित समाचार नागरिक लगानी कोषको ३० वर्षे यात्राः एक खर्ब ६३ अर्ब रुपैयाँ लगानी, विभिन्न ११ वटा योजना ल्याउन सफल अर्थ मन्त्रालय भन्छ- उत्पादनशील क्षेत्रमा लगानी बढाऊ, धितोपत्र बोर्ड भन्छ- सेयरमा लगानी दोब्बर गर

काठमाडौं । नागरिक लगानी कोष स्थापनाको ३० वर्ष पार गरी ३१औं वर्षमा प्रवेश भएको छ । २०४७ सालमा स्थापना भई सञ्चालनमा आएको कम्पनीले आज (चैत ४ गते) होटल याक एण्ड यतिमा आफ्नो ३१औं वार्षिकोत्सव मनाएको हो । सो अवसरमा कोषका कार्यकारी निर्देशक रमण नेपालले यो अवधिमा कोषले एक खर्ब ६३ अर्ब ३० करोड रुपैयाँ लगानी गर्न सफल भएको बताएका छन् । त्यस्तै, कोषले विभिन्न ११ वटा योजना ल्याउन सफल भएकाे छ । जसमा करिब ७ लाख ५० हजारभन्दा बढी सहभागीहरु आवद्ध भएका कोषका कार्यकारी निर्देशकनेपालले जानकारी गराए । याे अवधिमा कोषले कर्मचारी बचत वृद्धि अबकास कोष, उपदान तथा पेन्सन कोष, एकांक योजना, लगानीकर्ता हिसाव योजना, निजामती बीमा कोष, शिक्षक बीमा कोष, सैनिक बीमा कोष, नार्क बीमा कोष, नेपाल प्रहरी बीमा कोष, सशस्त्र प्रहरी बीमा कोष,राष्ट्रिय अनुसन्धान बीमा कोष तथा नागरिक पेन्सन लगायतका योजना ल्याइसकेकाे छ । योसंगै कोषले सहभागी कर्जा, परियोजना कर्जा, सरकारी क्रणपत्र तथा धितोपत्र लगानी जस्ता क्षेत्रमा कार्य गरी देशको कुल ग्राहस्थ्र्य उत्पादनमा योगदान पुर्याउँदै आएको छ । त्यस्तै, चालु आर्थिक वर्षको फागुन मसान्तसम्ममा कोषको खुद मौज्दात रकम एक खर्ब ७८ अर्ब ९९ करोड रुपैयाँ पुगेको छ । कोषले हाल उपत्यका बाहिर बिराटनगर र पोखरामा शाखा कार्यालय संचालन गरीरहेको छ । यसलाई थप विस्तार गर्दै चालु आर्थिक वर्षमा सुदुरपश्चिम प्रदेशको अत्तरिया र लुम्बिनी प्रदेशको बुटवलमा शाखा विस्तारको लागि भवन भाडामा लिई कार्य संचालन गर्ने तर्फ कोषले काम शुरु गरिसकेको कार्यकारी निर्देशक नेपालले बताए । कोषले विद्यमान सूचना प्रविधि प्रणालीमा व्यापक सुधारको आवश्यकता महसुस गरी नयाँ सफ्टवेयर संचालनमा ल्याइसकेको जानकारी दिए । कोषको भौतिक पूर्वाधार, मानविय पूर्वाधार र नियम कानुनका पूर्वाधारहरुमा सुधार र संसोधन भैरहेको भन्दै उनले संगठनात्मक संरचनालाई अझ व्यवसायिक बनाउन र ऐन नियम कानुनको परिधिभित्र बसेर आफनो कार्यलाई अगाडि बढाएको धारणा राखे । उनले नेपालको आर्थिक वृद्धि एवं नेपाल र नेपालीको समृद्धिका लागि नेपाल सरकारको नीति, योजना, अठोट एवं प्रणमा साथ रहने प्रतिवद्धता व्यक्त गरेका छन् ।