समता लघुवित्तले सेयरधनीलाई २६.३२ प्रतिशत लाभांश दिने
काठमाडौं । समता लघुवित्त वित्तीय संस्थाले सेयरधनीलाई २६.३२ प्रतिशत लाभांश दिने भएको छ । संस्थाले ६.३२ प्रतिशत नगद र २० प्रतिशत बोनस सेयर गरी सो मात्राको लाभांश दिने प्रस्ताव गरेको हो । भदौ ५ गते बसेको संस्थाको सञ्चालक समितिको बैठकले सेयरधनीलाई आर्थिक वर्ष २०७६/७७ को मुनाफाबाट चुक्ता पुँजीको सो मात्राको दरले लाभांश वितरण गर्ने प्रस्ताव गरेको हो । हाल संस्थाको चुक्ता पुँजी १९ करोड ११ लाख रुपैयाँ रहेको छ । जसको ६.३२ प्रतिशतले हुन आउने एक करोड २० लाख ७० हजार ५ सय ३५ रुपैयाँ नगद लाभांश(बोनस सेयरको कर सहित) वितरण गर्ने भएको छ । त्यस्तै, २० प्रतिशतले हुन आउने ३ करोड ८२ लाख २३ हजार ३ सय ६० रुपैयाँ बराबरको बोनस सेयर सेयरधनीलाई वितरण गर्ने संस्थाको प्रस्ताव रहेको छ । उक्त प्रस्तावलाई नेपाल राष्ट्र बैंकले स्वीकृत गरी वार्षिक साधारण सभाले पारित गरेपछि मात्रै सेयरधनीले सो मात्राको लाभांश पाउने छन् । २० प्रतिशत बोनस पश्चात लघुवित्तको चुक्ता पुँजी २२ करोड ९३ लाख रुपैयाँ पुग्ने छ ।
रिलायन्सले आईपीओ जारी गरेको दोस्रो दिनमै दोब्बर आवेदन, आज कतिले भरे ?
काठमाडौं । रिलायन्स लाइफ इन्स्योरेन्सले साधारण सेयर निष्काशन गरेका दाेश्राे दिन दोब्बरभन्दा बढी आवेदन परेको छ । भदाै ५ गते अपरान्ह ४ः३० बजेसम्मको तथ्याङ्क अनुसार दुई लाख ९३ हजार ९ सय २५ जनाले कम्पनीकाे सेयरकाे लागि आवेदन दिएका हुन् । बिक्री प्रबन्धक सानिमा क्यापिटलका अनुसार उक्त आवेदकले १ करोड २६ लाख ७० हजार ९६० कित्ता अर्थात एक अर्ब २६ करोड ७० लाख ९६ हजार रुपैयाँ बराबरको आवेदन दिएका हुन् । कम्पनीले सर्वसाधारणमा कूल ५६ लाख ७० हजार कित्ता सेयर माग गरेकाे थियाे ।
ब्राेकर नंं. ५० ले भर्च्युअल सेवा दिने, बिक्री गरेको सेयरको पैसा कसरी भुक्तानी गर्ने ?
काठमाडौं । ब्रोकर सेवा प्रदान गर्दै आएको क्रिस्टल कञ्चनजंघा सेक्यूरिटिज( धितोपत्र व्यवसायी नंं. ५०) ले ग्राहकलाई भर्च्युअल(अनलाइन) सेवा दिने भएको छ । कम्पनीले निषेद्याज्ञा अवधिभर ग्राहकलाई सकेसम्म अनलाइनबाट सेवा दिने निर्णय गरेको हो । कोरोना महामारीको जोखिम बढेसँगै सरकारले कोरोना महामारी न्यूनीकरण तथा नियन्त्रणको लागि काठमाडौं उपत्यकामा निषेद्याज्ञा गरेसँगै कम्पनीले सेयर कारोबारसँग सम्बन्धित सबै कारोबार अनलाइनबाट गराउने जानकारी गराएको हो । कम्पनीले उपलब्ध गराउने सबै सेवाहरुको लागि फोन तथा इन्टरनेटमा आधारित प्रविधिको प्रयोग गर्न संस्थाले विभिन्न सेवा सम्बन्धित कर्मचारीको सम्पर्क नम्बर उपलब्ध गराएको छ । साथै, यस कम्पनीका ग्राहकले बिक्री गरेको सेयरको भुक्तानी आईपीएस मार्फत ट्रान्सफर गर्न शुरु गरेको थियो । जसमार्फत ग्राहकले पहिचान विवरणमा उल्लेख भएको खातामा रकम ट्रान्सफर गर्दा केहि खातामा रकम ट्रान्सफर नभएको तथा केहि असम्बन्धित खातामा ट्रान्सफर हुने समस्या आएको क्रिस्टल कञ्चनजंघाले जनाएको छ । त्यसैले ग्राहक आफुले रकम ट्रान्सफर गरि लिन चाहेको कुनै एक बैंक खाताको विवरण(बैंकको नाम, शाखा र खाता नम्बर) स्पष्ट खुलाएर यस कम्पनीलाई निवेदन दिन वा बैंक खाता नम्बर भएको चेकको प्रतिलिपीमा हस्ताक्षर गरी स्वयं आफुले प्रमाणीत गरी यस कम्पनीको [email protected] वा [email protected] ईमेल ठेगानामा वा मोबाइल नं ९८४९३९०२७१, ९८४५४२१६२९ तथा ९८५१०१६१२०को भाइबर वा ह्वाटस् एपमा उपलब्ध गराउन सेक्युरिटिजले जानकारी गराएकाे छ ।
