नेप्सेमा एकैदिन एक करोड बढीको बोनस सेयर थपियाे, कसको कति ?
काठमाडौं । नेपाल स्टक एक्स्चेञ्ज(नेप्से)मा एकैदिन एक करोड ५ लाख ९ हजार ५०४ कित्ता बोनस सेयर सूचीकृत भएको छ । आज (फागुन ३ गते) मात्रै हिमालयन डिष्टिलरीसहित ६ कम्पनीको गरी सो मात्राको बोनस सेयर सूचीकृत भएको हो । बोनस सेयर सूचीकृत हुनेमा हिमालयन डिष्टिलरी, दुई विकास बैंक, एक लघुवित्त, एक इन्स्योरेन्स र एक जलविद्युत कम्पनी रहेको छ । हिमालयन डिष्टिलरी जसमध्ये हिमालयन डिष्टिलरीको ५० प्रतिशत बोनस सेयर सूचीकृत भएको छ । कम्पनीको सो दिन २८ लाख ९२ हजार ३४१ कित्ता बोनस नेप्सेमा थपिएको हो । दुई विकास बैंक त्यस्तै, मुक्तिनाथ विकास बैंक र कामना सेवा विकास बैंकको पनि क्रमशः ११.२५ प्रतिशत र ४.४० प्रतिशत बोनस नेप्सेमा सूचीकृत भएको छ । यी दुबै संस्थाको क्रमशः ४८ लाख ६५ हजार ६१३ कित्ता र ११ लाख १७ हजार ६८३ कित्ता बोनस सेयर सूचीकृत भएका हुन् । एक लघुवित्त लघुवित्त समूह अन्तर्गतको लक्ष्मी लघुवित्तको १५ प्रतिशत अर्थात ४ लाख १७ हजार ४५० कित्ता सेयर नेप्सेमा सूचीकृत भएको छ । एक इन्स्योरेन्स त्यस्तै, एनएलजी इन्स्योरेन्सको पनि ७ प्रतिशत अर्थात ७ लाख १७ हजार २५५ कित्ता बोनस सेयर नेप्सेमा थपिएको छ । एक हाइड्रो साथै, अरुण भ्याली हाइड्रोपावर डेभलपमेन्ट कम्पनीको पनि ४ लाख ९९ हजार १६२ कित्ता बोनस सेयर नेप्समा सूचीकृत भएको छ । कम्पनीले सेयरधनीलाई ५ प्रतिशत बोनस वितरण गर्ने भएको छ । यससँगै यी ६ वटै कम्पनीको बोनस सेयर सम्बन्धित सेयरधनीको डिम्याट खातामा जम्मा हुनेछ । र, उनीहरूले दोश्रो बजारमा किनबेच गर्न पाउनेछन् ।
महालक्ष्मी लाईफ इन्स्योरेन्सले ६० करोडको आईपीओ जारी गर्ने, सञ्चालकमा ५ जना निर्वाचित
काठमाडौं । महालक्ष्मी लाईफ इन्स्योरेन्सले ६० करोड रुपैयाँ बराबरको आईपीओ जारी गर्ने भएको छ । फागुन ३ गते सम्पन्न कम्पनीको तेश्रो वार्षिक साधारणसभाले सर्वसाधारणको लागि सो मात्राको सेयर निष्काशन गर्ने प्रस्ताव पारित गरेको हो । त्यस्तै, सभाले संस्थापकहरुको तर्फबाट ५ जनालाई सञ्चालकमा निर्विरोध निर्वाचित गरेको छ । सभाले मनोरञ्जन रमण शर्मा, उमेशलाल श्रेष्ठ, शुरेश सापकोटा, सम्झना अर्याल र विश्वचन्द घिमिरेलाई आगामी ४ वर्षका लागि सञ्चालकमा निर्वाचित गरेको हो । अध्यक्ष मनोरञ्जन रमण शर्माको अध्यक्षतामा होटल र्याकडिसनमा सञ्चालन भएको सभामा कम्पनीका प्रमुख कार्यकारी अधिकृत रमेश कुमार भट्टराईले स्वागत मन्तव्य व्यक्त गर्दै जीबन बीमा क्षेत्रको अवस्था र समस्या बारेमा जानकारी गराएका थिए । अध्यक्ष मनोरञ्जन रमण शर्माले वार्षिक प्रतिवेदन पेश गर्दै कम्पनीको बर्तमान वित्तीय स्थिति र भावी कार्यक्रम सम्बन्धमा प्रकाश पारेका थिए । सभाले अध्यक्षद्धारा प्रस्तुत वार्षिक प्रतिवेदन सहित आ.व. २०७५/७६ को वासलात, नाफा नोक्सान हिसाब र अन्य वित्तीय विवरण पास गरेको छ ।
माघ २६ गतेदेखि नेप्सेमा कारोबार रोक्का भएका सबै कम्पनीको कारोबार फुकुवा
काठमाडौं । गत माघ २६ गतेदेखि नेपाल स्टक एक्स्चेञ्ज (नेप्से)मा कारोबार रोक्का भएका सबै कम्पनीको कारोबार फुकुवा भएको छ । नेप्सले आजदेखि सबै कम्पनीको सेयर कारोबार फुकुवा गरिदिएको हो । नेप्सेले वित्तीय विवरण समयमा नै नबुझाएको भन्दै गत माघ २६ गतेदेखि कूल ११ कम्पनीको सेयर कारोबार रोक्का गरिदिएको थियो । जसमध्ये ७ कम्पनीले यसअघि अर्थात माघ २८ गतेभित्रमा नै सबै विवरण बुझाएकाले उनीहरुको सेयर कारोबार माघ २९ गतेदेखि खुला भएको थियो । नेप्सेमा ७ कम्पनीको सेयर कारोबार फकुवा, बिहीबारदेखि किनबेच गर्न पाइने (कुन कुनको) र, बाँकी ४ कम्पनीले भने आज(फागुन २ गते)सम्ममा विवरण बुझाएकाले उनीहरुको फागुन ३ गतेदेखि कारोबार हुने गरी फुकुवा गरिदिएको नेप्सेले जनाएको छ । जसमध्ये कालिका लघुवित्त वित्तीय संस्था, रैराङ हाइड्रोपावर डेभलपमेन्ट कम्पनी, पञ्चकन्या माई हाइड्रोपावर र नेपाल हाइड्रो डेभलपर कम्पनीको सेयर कारोबार फुकुवा भएको हो । यससँगै यी कम्पनीको सेयर भोलि(फागुन ३ गते) देखि दोश्रो बजारमा पुनः कारोबार हुने छ ।
