आज पनि घट्यो नेप्से परिसूचक : कारोबार रकम भने सामान्य बढ्यो
काठमाडौं । आइतबार २९.६० अंक घटेको नेप्से परिसूचक आज पनि घटेको छ । नेपाल स्टक एक्सचेन्जका अनुसार आज ४१.७७ अंकले घटेको छ । आइतबार २३८.६४ अंकमा रोकिएको सेयरबजार सोमबार २३४३.८७ अंकमा आएर रोकिएको हो । आज नेप्से परिसूचक घटे पनि कारोबार रकम भने बढेको छ । आज २२९ कम्पनीको ३८ लाख ७६ हजार कित्ता सेयर एक अर्ब ५३ करोड बराबरको करोबार भएको छ । आइतबार एक अर्ब ४४ करोडको करोबार भएको थियो । आज पनि नेष्डो समृद्ध लघुवित्तको सेयर मूल्यमा सकारात्मक सर्किट लाग्दा एनआरएनको सेयर मूल्य ८.३३ प्रतिशतले घटेको छ । आज सबैभन्दा बढी कारोबार गर्नेमा नबिल बैंक रहेको छ । आज नबिलको करिब ५ करोड बराबरको कारोबार भएको छ ।
ग्रीन भेन्चर्सको आईपीओ सूचीकृत : सोमबारदेखि कारोबार हुने
काठमाडौं । ग्रीन भेन्चर्स लिमिटेडले सोमबारदेखि दोस्रो बजारमा कारोबार गर्ने भएको छ । आईपीओ नेप्सेमा सूचीकरण भएसँगै सोमबारदेखि सेयर कारोबार खुला हुने भएको हो । ग्रीन भेन्चर्सको चुक्ता पुँजीका आधारमा कायम कुल तीन करोड १२ लाख ५० हजार कित्ता सेयर सूचीकरण गरिएको हो । दोस्रो बजारका लागि नेप्सेले ओपनिङ रेन्ज पनि तोकेको छ । जसअनुसार पहिलो कारोबार न्यूनतम ९१ रुपैयाँ ८६ पैसादेखि अधिकतम २७५ रुपैयाँ ५८ पैसाभित्र रहेर हुने नेप्सेले जनाएको छ ।
आइतबार नेप्से परिसूचक र कारोबार रकम दुवै घट्यो
काठमाडौं । नयाँ सालको पहिलो कारोबार भएको दिन नेप्से परिसूचक २९.६० अंक घटेको छ । बुधबार २४१५.२४ अंकमा रोकिएको सेयरबजार आइतबार २३८.६४ अंकमा आएर रोकिएको हो । बिहीबार नयाँ वर्ष र अन्य दिन नियमित बन्दका कारण बुधबारपछि आज मात्र कारोबार भएको हो । आज नेप्सेपरिसूचकसँगै कारोबार रकम पनि घटेको छ । आज २३३ कम्पनीको ३४ लाख ७ हजार कित्ता सेयर एक अर्ब ४४ करोड बराबरको करोबार भएको छ । बुधबार एक अर्ब ४७ करोडको करोबार भएको थियो । आज पनि नेष्डो समृद्ध लघुवित्तको सेयर मूल्यमा सकारात्मक सर्किट लाग्दा हिमालय उर्जा विकासको सेयर मूल्यमा नकारात्मक सर्किट लागेको छ । आज सबैभन्दा बढी कारोबार गर्नेमा नेपाल दुरसञ्चार कम्पनी रहेको छ । आज दुरसञ्चारको करिब ५ करोड बराबरको कारोबार भएको छ ।
