८ महिनामा ८७३ अंकले घट्यो नेप्से परिसूचक
काठमाडौं । विसं २०७८ भदौ २ गते कीर्तिमानी बिन्दुमा पुगेको नेप्से परिसूचक लगातार ओरालो लाग्ने क्रम रोकिएको छैन । भदौ २ गते ३१९८.६० बिन्दुमा पुगेकै नेप्से वैशाख ८ गतेसम्म आइपुग्दा ८७३.१५ अंकले घटेर २३२५.४५ विन्दुमा सीमित भएको छ । पछिल्लो साता पनि सेयर बजारमा गिरावत आएको छ । सेयर बजार मापक नेप्से परिसूचक पछिल्लो साता ८९.७९ अंकले गिरावट आएको हो । नेप्से ३२०० विन्दुमा पुग्दा झण्डै २२ अर्बसम्म कारोबार गरेका लगानीकर्ता अहिले अन्योलमा रहँदा कारोबार रकम खुम्चिएर १ अर्बमा झरेको छ । यो हप्तालाई नै आधार मान्ने हो भने ५ दिनको कारोबारमा दुई दिन सामान्य अंकले बढ्दा ३ दिन उच्च अंकले गिरावट आएको छ । सातामा दुई दिन सामान्य वृद्धि भएता पनि तीन दिन नेप्से उच्च अंकले गिरावट हुँदा बजार २४ सयको बिन्दुमा पुग्न सकेन । साताको पहिलो कारोबार भएको दिन आइतबार नेप्से परिसूचक २९.६० अंकले घटेर २३८५.६४ विन्दुमा झरेको थियो । र, आइतबार कारोबारमा आएका २३३ कम्पनीको ३४ लाख ७ हजार कित्ता सेयर एक अर्ब ४४ करोड ७ लाख २३ हजार रुपैयाँ बराबरको खरिदबिक्री भएको थियो । त्यस्तै साताको दोस्रो कारोबारको दिन सोमबार पनि नेप्से परिसूचक ४१.७७ अंक घटेर २३४३.८७ विन्दुमा झरेको थियो । सोमबार कारोबारमा २२९ कम्पनीको ३८ लाख ७६ हजार कित्ता सेयर १ अर्ब ५३ करोड ६ लाख ९२ हजार रुपैयाँ बराबरको खरिदबिक्री भएको थियो । मंगलबार भने नेप्से परिसूचक सामान्य १३.३७ अंकले बढेर २३५७.२४ विन्दुमा माथि पुगेको थियो । मंगलबार कारोबारमा आएका २२९ कम्पनीको ३२ लाख १३ हजार कित्ता सेयर १ अर्ब ३२ करोड ६८ लाख ६५ हजार रुपैयाँ बराबरको खरिदबिक्री भएको थियो । मंगलबार नेप्से सामान्य अंकले बढे पनि बुधबार भने नेप्से परिसूचक ३६.७३ अंक घटेर २३२०.५१ विन्दुमा झरेका थियो । बुधबार कारोबारमा आएका २२८ कम्पनीको ३५ लाख ७० हजार कित्ता सेयर १ अर्ब ४५ करोड ८७ लाख ३७ हजार रुपैयाँ बराबरको खरिदबिक्री भएको थियो । साताको अन्तिम कारोबारको दिन बिहीबार नेप्से ४.९४ अंक बढेर २३२५.४५ विन्दुमा झरेको छ । त्यस्तै, सेन्सेटिभ इण्डेक्स २.०६ अंक, फ्लोट इण्डेक्स ०.०३ अंक र सेन्सेटिभ फ्लोट इण्डेक्स ०.१२ अंकले बढेको छ । बिहीबार कारोबारमा आएका २३१ कम्पनीको ३९ लाख ९१ हजार कित्ता सेयर १ अर्ब ६२ करोड ९१ लाख ६८ हजार रुपैयाँ बराबरको खरिदबिक्री भएको छ । बुधबारको तुलनामा बिहीबार कारोबार रकममा सुधार भएको छ । बुधबार १ अर्ब ४५ करोड ८७ लाख ३७ हजार रुपैयाँ बराबरको खरिदबिक्री भएको थियो ।
उपकार लघुवित्तको आईपीओ बाँडफाँड : ६ जनाले पाए ११ कित्ता सेयर
काठमाडौं । उपकार लघुवित्तले निष्काशन गरेको आईपिओ बाँडफाँड भएको छ । बिक्रि प्रबन्धक नेपाल एसबिआई मर्चेन्ट बैंकिंगले शुक्रबार सेयर बाँडफाँड गरेको हो । आईपिओमा कुल २३ लाख ५१ हजार ४ सय ६२ जनाले आवेदन दिएकोमा २ हजार ४ सय ६ जनाको आवेदन रद्द भएको छ । योग्य रहेका २३ लाख ४९ हजार ५६ जना आवेदकलाई गोलाप्रथामा समावेश गराएर सेयर बाँडफाँड गरिएको थियो । जसमा गोलाप्रथाबाट २२ हजार १ सय १५ जनाले १० कित्ता र ६ जनाले ११ कित्ता सेयर पाएका छन् । आवेदन दिएकामध्ये २३ लाख २९ हजार बढी आवेदकको हातखाली भएको छ । संस्थाले गत चैत २५ गतेदेखि २ लाख २६ हजार २५० कित्ता सेयर बिक्रीमा राखेको थियो । जसमध्ये ०.५० प्रतिशत आर्थत ३ हजार २८१ कित्ता सेयर कर्मचारीहरुलाई र ५ प्रतिशत अर्थात ११ हजार ८१३ कित्ता सेयर सामुहिक लगानी कोषका लागि सुरक्षित गरिएको थियो । र, बाँकी रहेको २ लाख २१ हजार १५६ कित्ता सेयर सर्वसाधारणमा बिक्रीमा राखेको हो । बिहान बाँडफाँड भएको उक्त आईपीओको रिजल्ट विभिन्न वेवसाइटबाट हेर्न सकिनेछ । आवेदकहरुले रिजल्ट प्रकाशन भएपछि बिक्री प्रबन्धक नेपाल एसबिआई मर्चेन्ट बैंकिंगको वेबसाइट, मेरोसेयर तथा सीडीएस एन्ड क्लियरिङको आइपीओ रिजल्ट वेबसाइट मार्फत हेर्न सक्नेछन् ।
नेप्से परिसूचक २३ सयभन्दा तल झर्यो
काठमाडौं । नेपाल स्टक एक्सचेन्जका अनुसार आज पनि नेप्से परिसूचक ओरालो लागेको छ । एक घण्टा ४५ मिनेटको कारोबार हुँदा २३.४९ अंकले घटेर २२९७ अंकमा झरेको हो । मंगलबार १३ अंकले बढेपछि बुधबार र बिहीबार लागातार ओरालो लागेको हो । यो समचार तयार पार्दासम्म ५७ करोड ६८ लाख बराबरको कारोबार भएको छ । साथै आज नेप्से पिरसूचक घटे पनि ग्रिन भेन्चरको सेयर १० प्रतिशतले बढेको द्ध ।
