किसान माइक्रोफाइनान्सले २४ प्रतिशत हकप्रद निष्कासन गर्दै, कहिले देखि बुक क्लोज?
काठमाडौं । किसान माइक्रोफाइनान्स वित्तीय संस्थाले २४ दशमलब २२ प्रतिशत हकप्रद सेयर निष्कासन गर्ने भएको छ । सो प्रयोजनको लागि यस संस्थाले आगामी भदौ ११ गतेदेखि १९ गतेसम्म कम्पनीको बुक क्लोज गर्ने निर्णय गरेको छ । उक्त निर्णय कम्पनीको सञ्चालक समितिको बैठकले गरेको हो । बैठकको निर्णयलाई संस्थाको साधारणसभाले पारित गर्नु पर्ने छ ।
बिओकेले ६१ लाख कित्ता एफपीओ निष्कासन गर्ने, प्रतिकित्ता मूल्य २६६ रुपैयाँ मात्र
काठमाडौं । बैंक अफ काठमाण्डू (बिओके)ले ६१ लाख ५८ हजार ०६७ कित्ता संस्थापक सेयरको एफपीओ निष्कासन गर्ने भएको छ । बैंकले सो मात्राको संस्थापक सेयरहरु प्रिमियम मूल्य सहित प्रतिकित्ता २६६ रुपैयाँमा निष्काशन गर्न लागेको हो । बैंकले अंकित मूल्य १०० रुपैयाँमा प्रिमियम वापत न्यूनतम १६६ रुपैयाँ थप गरी प्रति सेयर २६६ रुपैयाँका सेयर निष्कासन गर्दै छ । साथै, सो वा सो भन्दा बढी मूल्यमा लिलाम बढाबढ गर्नको लागि नेपाल धितोपत्र बोर्डले जनाएको अनुसार विवरणपत्र तयार गरेको बैंकले जनाएको छ ।
नेसनल हाइड्रोपावरको कार्यकारी अध्यक्षमा कुमार पाण्डे
काठमाडौं । नेसनल हाइड्रोपावर लिमिटेडको कार्यकारी अध्यक्षमा पुनः कुमार पाण्डे नियुक्त भएका छन् । कम्पनीको शनिबार बसेको सञ्चालक समिति बैठकले पाण्डेलाई पुनः अध्यक्षमा चयन गरेको हो । यसअघि उनी बोर्ड अध्यक्ष मात्र भएकोमा शनिबारदेखि उनले कार्यकारीको पनि जिम्मेबारी पाएका छन् । ४ वर्षअघि कम्पनीको अध्यक्ष भएका पाण्डेले नेसनलमा धेरै सुधारका काम गरेका छन् । विकास न्युजसंग कुरा गर्दे उनले नेसनललाई आर्थिक रुपमा मजवुत बनाएर लगानीकर्तालाई प्रतिफल दिने योजना रहेको सुनाए ।
