ग्लोबल आइएमई बैंकको २ नयाँ शाखा सञ्चालनमा
काठमाडौँ । ग्लोबल आइएमई बैंक लिमिटेडले बुधबारदेखि दुईवटा नयाँशाखा सञ्चालनमा ल्याएको छ । बैंकले लमजुङ्ग जिल्लाको बेशीशहर नगरपालिका वडा नं. १, उदीपुर र सर्लाही जिल्लाको लालबन्दी नगरपालिका वडा नं १, नवलपुरमा नयाँशाखा सञ्चालनमा ल्याएको हो । नयाँ दुईवटा शाखा सञ्चालनमा आएसँगै बैंकको शाखा संख्या १४८ पुगेको छ ।
लामबगर र सिनामंगलमा सिटिजन्सको शाखा बिस्तार
काठमाडौँ । सिटिजन्स बैंक इन्टरनेसनल लिमिटेडले शाखा विस्तार गर्ने ८३औं शाखा काठमाडौँको लामबगर र ८४औं शाखा काठमाडौँको सिनामंगलमा संचालनमा ल्याएको छ । बुधबार उक्त शाखा कार्यालयहरुमा पूजा पाठ गरी बैंकिङ्ग कारोबारको सुरुवात गरिएको हो । उक्त समारोहमा स्थानीय निकायका प्रतिनिधिहरू, उद्योगी, व्यापारी, विभिन्न संघ संस्थाका प्रमुख तथा नागरिक समाजका अगुवाहरुको बाक्लो उपस्थिति रहेको थियो । यी शाखाहरू मार्फत ग्राहकहरुको वित्तीय आवश्यकता पूरा गर्न आवश्यक सम्पूर्ण रिटेल बैकिङ सेवा प्रदान गर्नुका साथै साना तथा लघु व्यवसायीहरु माझ वित्तीय पहुँच पुर्याउने लक्ष्य बैंकले राखेको छ ।
६ वटा वाणिज्य बैंकलाई ११ वटा विकास बैंकले उछिने
काठमाडौं । पछिल्लो समय सेयर बजारमा वाणिज्य बैंक र विकास बैंकबीच प्रतिस्पर्धा भएको छ । नेपाल राष्ट्र बैंकद्धारा ‘ख’ वर्गको लाइसेन्स पाएका ११ वटा विकास बैंकले ‘क’ वर्गको लाइसेन्स पाएका ६ वटा वाणिज्य बैंकहरुलाई सेयर मूल्य र समूह सूचक दुबैमा उछिनेका छन् । असोज १४ गते सेयर बजारमा ११ वटा विकास बैंकको सेयर मूल्य प्रतिकित्ता २०० रुपैयाँ भन्दा बढी छ भने ६ वटा वाणिज्य बैंकको सेयर मूल्य घटेर प्रतिकित्ता २०० रुपैयाँभन्दा तल झरेको छ । नेप्सेमा हाल २७ वटा विकास बैंकहरु सूचिकृत रहेकोमा माउन्ट मकालु डेभलपमेन्ट बैंक, साहारा विकास बैंक, नारायणी डेभलपमेन्ट बैंक, मुक्तिनाथ विकास बैंक, एक्सेल डेभलपमेन्ट बैंक, शाइन रेसुङ्गा डेभलपमेन्ट बैंक, मितेरी डेभलपमेन्ट बैंक, कैलाश विकास बैंक, महालक्ष्मी विकास बैंक, गरिमा विकास बैंक र गण्डकी विकास बैंकको सेयर मूल्य २०० रुपैयाँ बढी छ । यी मध्ये माउन्ट मकालुको सबैभन्दा बढी प्रतिकित्ता ६७३ रुपैयाँमा सेयर किनबेच भएको थियो । सेयर मूल्य २०० भन्दा बढी भएका विकास बैंकः त्यस्तै, साहाराको ४६०, नारायणीको ४३५, मुक्तिनाथको ३०८, एक्सेलको २७२, शाइन रेसुङ्गाको २४४, मितेरीको २५१, कैलाशको २३८, महालक्ष्मीको २१३, गरिमाको २१२ र गण्डकीको प्रतिकित्ता २०१ रुपैयाँ सेयर मूल्य रहेको छ । बाँकी १६ वटा विकास बैंकको भने सेयर मूल्य प्रतिकित्ता २०० रुपैयाँभन्दा तल छन् । नेप्सेमा सूचिकृत रहेका २७ वटा वाणिज्य बैंकमध्ये ६ वटाको सेयर मूल्य घटेर प्रतिकित्ता २०० रुपैयाँ भन्दा तल झरेको छ । सिभिल बैंक, सेञ्चुरी कमर्सियल बैंक, कुमारी बैंक, मेगा बैंक, सिटिजन्स बैंक र एनसीसी बैंकको सेयर मूल्य २०० भन्दा कम छ । जसमध्ये सबैभन्दा घटी सिभिल बैंकको रहेको छ । बैंकको सेयर मूल्य प्रतिकित्ता १४४ रुपैयाँ रहेको छ । त्यस्तै, सेञ्चुरीको १५५, कुमारीको १७९, मेगा र सिटिजन्सको १९४ र एनसीसीको प्रतिकित्ता १९९ रुपैयाँ सेयर मूल्य छ । सेयर मूल्य २०० भन्दा कम भएका वाणिज्य बैंकः बाँकी २१ वटा वाणिज्य बैंकको सेयर मूल्य २०० रुपैयाँ भन्दा माथि छ । नबिल बैंकको सबैभन्दा बढी प्रतिकित्ता ७७२ रुपैयाँ रहेको छ । त्यस्तै, एभरेष्ट, हिमालयन र स्ट्याण्डर्ड चार्टर्ड बैंकको सेयर मूल्य प्रतिकित्ता ५०० रुपैयाँभन्दा बढी छ भने अन्य बाँकीको ४०० रुपैयाँभन्दा तल रहेको छ । त्यस्तै, सेयर बजारमा समूह परिसूचकको आधारमा पनि वाणिज्य बैंकभन्दा विकास बैंक नै अगाडि रहेका छन् । विकास बैंक झण्डै ५०० अंकले अगाडि देखिएकाे छ । नेप्से परिसूचक ११४५ मा हुँदा विकास बैंक समूहको परिसूचक १५५२ हुँदा वाणिज्य बैंक समूहको परिसूचक १०५३ रहेको छ ।
