नेपालको पूर्वाधार विकासमा थप सहयोग गर्न तयार छौः जापान
काठमाडौं । जापानी राजदुत मासामिचि साइगोले आफ्नो कार्यकालमा नेपालसँगको सम्बन्धलाई थप मजवुद बनाउन पहल गर्ने बताएका छन् । सोमबार सहरी विकास मन्त्री मोहम्मद इस्तियाक राई र नेपालका लागि जापानी राजदुत मासामिचि साइगोबीच भएको भेटमा उनले सो कुरा बताएका हुन् । राजदुत साइगोले नेपालको पुर्वाधार विकास र भूकम्पपछिको पुनर्निर्माणमा जापानले इमान्दारी पुर्वक सहयोग गरेको भन्दै शहरी बिकास मन्त्रालयसँग समन्वय गरी आगामी दिनमा दिगो पुनर्निर्माण र पुर्वाधार बिकासमा थप सहयोग बिस्तार गर्ने बताएका छन् । भेटमा मन्त्री राईले नवनियुक्त राजदुतका रुपमा नेपाल आएकोमा बधाई दिदै उनको कार्यकालमा आफ्नो मन्त्रालयसँग सम्बन्धित कार्यमा जापानको सहयोग अपरिहार्य हुने बताएका छन् । उनले जापान सरकारले नेपालको आर्थिक, सामाजिक र मानवीय बिकासमा पु¥याएको योगदानको नेपाल सरकारले उच्च मुल्याङकन गरेको बताए । साथै, मन्त्री राईले काठमाडौ उपत्यकाको सडक सञ्जालको गुरुयोजना निर्माणमा जापानको सहयोगको उच्च मुल्याङकन गर्नुपर्ने बताए । भूकम्पपछिको पुनर्निर्माणमा जापानले खेलेको भूमिका अन्यन्तै महत्वपुर्ण रहेको भन्दै मन्त्री राईले आगामी दिनमा थप समन्वय गर्दै अघि बढ्न सरकार तयार रहेको बताएका छन् ।
अब घरबाटै वायुसेवा निगमको टिकट किन्न सकिने
काठमाडौं । नेपालको पहिलो पेमेन्ट गेट वे ‘इसेवा फोन पे प्रा.लि’ र ‘नेपाल वायुसेवा निगम’बीच अनलाईन टिकटिङका लागि सम्झौता भएको छ । सम्झौतापत्रमा इसेवाका तर्फबाट सिइअाे रोशन लामिछाने र नेपाल वायुसेवा निगमका तर्फबाट महाप्रबन्धक सुगतरत्न कंसाकारले हस्ताक्षर गरेका छन् । सम्झौतासँगै इसेवाबाट सोमबारदेखि नै वायुसेवा निगमको आन्तरिक तथा बाह्य उडानका टिकट खरिद गर्न सकिनेछ । यसअघि इसेवाबाट बुद्ध एयर, श्री एयरलाइन्स्, यति एयरलाइन्स्, सिम्रिक एयर, सौर्य एयरलाइन्स्को टिकट खरिद गर्न सकिन्थ्यो । नेपाल एयरलाइन्स्ले हालैमात्र २ सय ७४ सिटका वाइडबडि जहाज सञ्चालनमा ल्याएको छ । निगमको बजार विस्तारलाई अनलाइन टिकटिङले पनि सहयोग पुर्याउने विश्वास लिइएको छ । इसेवामा वायु सेवा निगमको अनलाइन टिकटिङको सेवा थपिएपछि इसेवाका सिओओ लामिछानेले भने ‘अनलाइन टिकटिङको लागि नेपाल एयरलाइन्ससँग सहकार्य गर्न पाउँदा हामीलाई खुसी लागेको छ । अब यात्रुहरूले आन्तरिक सँगै बाह्य उडानमा पनि सहजै इसेवामार्फत् टिकट खरिद गर्न सक्नुहुनेछ ।’ इसेवा नेपाल राष्ट्रबैंकबाट अनुमतिप्राप्त नेपालको पहिलो पेमेन्ट गेटवे हो । इसेवाबाट मोबाईल, टेलिफोन, इन्टरनेट, बिजुली तथा खानेपानीको महशुल भुक्तानी, रिचार्ज, हवाइजहाज, बसको टिकट, स्कुल कलेजको शुल्क लगायतका सेवाहरूमा शुल्क भुक्तानी गर्न सकिन्छ । इसेवामा हाल ४६ वटा बैंक सदस्य रहेका छन् । यी बैंकबाट इसेवामा रकम जम्मा गर्न तथा इसेवाबाट बैंक खातामा रकम पठाउन सकिन्छ । हालसम्म इसेवाबाट प्रत्यक्ष तथा अप्रत्यक्ष रूपमा ६० लाखभन्दा बढीले सेवा लिइरहेका छन् । हाल इसेवाका देशभर करिब ३६ हजारभन्दा बढी एजेन्ट (इसेवा जोनतथा पोइन्ट)रहेका छन् । यी जोन पोइन्टबाट यात्रुहरूले सहजै एयरलाइन्सको टिकट खरिद गर्न सकिन्छ ।
घरवेटीलाई करको दायरामा ल्याइदै, डेरावालसंग सम्झौता गर्नुपर्ने
काठमाडौ । घर बहालमा बस्नेका लागि अनिवार्य रुपमा सम्झौता गरी करको दायरामा ल्याइनुपर्नेमा जोड दिइएको छ । घरबहाल सरोकार महासंघ नेपालले आज यहाँ आयोजना गरेको सञ्चारकर्मीसँगको अन्तरक्रिया कार्यक्रममा सो जोड दिइएको हो । बहालमा बस्नेमध्ये पाँचदेखि सात प्रतिशतसम्मले मात्र सम्झौता गरेको बताइएको छ । भदौ १ गतेदेखि लागू हुने मुलुकी देवानी संहिता ऐन २०७४ को दफा ३८६ (२) मा राष्ट्रपतिले प्रमाणीकरण गर्नुअघि १० हजार रुपैयाँसम्मको बहालमा लिखत गर्नु नपर्ने भन्ने ठाउँमा २० हजार बनाइएको महासंघका महासचिव सीताराम खतिवडाले बताए। राजधानी शहरमै घरभाडा सम्झौता नहुने, घरधनीले बहालकर नतिर्ने, वार्षिक २० प्रतिशतसम्म भाडा बढाइनेलगायत समस्या छन् । वार्षिक दुईदेखि पाँच प्रतिशतसम्म मात्र भाडा वृद्धि गर्ने व्यवस्था मिलाउन अध्यक्ष शंकर कोइरालाले माग गरे। घरधनीले स्थानीय तहले तोकेभन्दा तेब्बरसम्म बढी भाडा लिने गरेको महासंघले जनाएको छ । निजी आवासमा पाँच वर्ष, व्यावसायिक प्रयोजनका लागि १७ वर्ष र उद्योगका लागि भाडामा लिँदा ३० वर्षसम्मको अवधि राखेर सम्झौता गर्नेगरी ऐन संशोधन हुनुपर्ने महासंघको माग छ । ऐनमा बहालकर भाडामा बस्नेले नै तिर्नुपर्ने व्यवस्था गरेर घरधनीलाई सुरक्षित बनाइएको अध्यक्ष कोइरालाले बताए । भाडाबाट हटाउन निजी आवासमा बस्ने सम्झौता गरेकालाई छ महिना, व्यवसाय गर्नेलाई तीन वर्ष र उद्योग स्थापना गरेर बसेकालाई पाँच वर्ष अघि नै सूचना दिनुपर्ने कानूनी व्यवस्था गरिनुपर्ने महासंघको माग छ । घरबेटीले धरौटी स्वरुप पहिलेनै धेरै रकम लिने व्यवस्था हटाउन महासंघका कोषाध्यक्ष केदार तिमल्सिनाले माग गरे। भाडामा बस्नेका लागि स्थानीय तहले परिचय पत्रको व्यवस्था गरे शहरको शान्ति सुरक्षामा पनि सहयोग पुग्नेमा कार्यक्रमका सहभागीले जोड दिए । यस्तो व्यवस्थाले आपराधिक घटनामा कमी ल्याउन पनि सहयोग गर्ने जनाइएको छ । हाल १३ प्रतिशत रहेको घरबहालकर तीनदेखि पाँच प्रतिशतमा झारी सबैसँग लिने व्यवस्था गर्नुपर्ने आवश्यकता औँल्याइयो । इलाम नगरपालिकाले १३ प्रतिशतलाई सात र दमक नगरपालिकाले १० प्रतिशतमा झारेको सो अवसरमा जानकारी पनि गराइयो । रासस
एनआईसी एशियाका ग्राहकलाई ओम हस्पिटलमा उपचार गराउँदा १० प्रतिशत छुट
काठमाडौं । एनआईसी एशिया बैंकका ग्राहकहरुले ओम हस्पिटलमा उपचार गराउँदा १० प्रतिशतसम्म छुट पाउने भएका छन् । सोमबार दुई संस्थाबीच बैंकका कर्मचारी, कर्मचारीका परिवार, बैंकको डेबिट तथा क्रेडिट कार्ड वाहक तथा बैंकका सम्पूर्ण ग्राहकहरुलाई हस्पिटलमा उपचार गराउँदा सो मात्राको छुट दिने सम्झौता भएको हो । उक्त सम्झौतापत्रमा बैंकको तर्फबाट बैंकका चिफ मार्केटिङ्ग अफिसर जयन्द्र रावलर हस्पिटलको तर्फबाट ओम हस्पिटल एण्ड रिसर्च सेन्टरका म्यानेजिङ्ग डाइरेक्टर बाबुकाजी कार्कीले हस्ताक्षर गरेका छन् ।
गगन थापालाई माफी मगाउन दुताबासमा पत्र
काठमाडौं । काँग्रेस नेता गगन थापालाई माफी मगाउन भन्दै बंगलादेशस्थित नेपाली दुताबासमा पत्र दर्ता भएको छ । बंगलादेशमा अध्ययन गरिरहेका नेपाली विद्यार्थीहरुको संस्थाले गगन थापाले माफी माग्नुपर्ने भन्दै दुताबासमा पत्र दर्ता गराएका हुन् । उनीहरुले काँग्रेस नेता गगन थापाले बंगलादेशमा अध्ययन गर्ने विद्यार्थीहरुले भ्रमपुर्ण अभिव्यक्ति दिएको आरोप लगाउँदै स्पष्टीकरणसहित माफी माग्नुपर्ने भन्दै दुताबासमा ध्यानाकर्षण पत्र दर्ता गराएका हुन् । उनीहरुले बी एण्ड सी मेडिकल कलेजका मालिक दुर्गा प्रसाईलाई कानुन अनुसार कारवाही गर्न पनि माग गरेका छन् । उनीहरुले बंगलादेशमा चरणवद्ध आन्दोलनका कार्यक्रम पनि घोषणा गरेका छन् । बंगलादेशमा अध्ययनरत नेपाली विद्यार्थीहरुका बारेमा नेपालमा जारी बहसले आफुहरुको आत्म सम्मानमा ठेस पुगेको आरोप पनि उनीहरुले लगाएका छन् ।
मेटलाइफले बीमा समितिलाई टेरेन, पुँजी बढाउन अस्वीकार
काठमाडौं । मेटलाइफ इन्स्योरेन्स कम्पनीले बीमा समितिलाई अटेर गरेको छ । बीमा समितिले २०७५ असार मसान्तभित्र पुँजी बढाएर २ अर्ब रूपैयाँ पुर्याउन दिएको निर्देशन मेट लाइफले अवज्ञा गरेको हो । कम्पनीले समितिलाई पत्र लेखेर पुँजी बढाउन नसकिने जानकारी दिएको छ । यसअघि पनि मेट लाइफले बीमा समितिलाई पटक पटक अटेर गर्दै आएको थियो । ‘हामीले पुँजी पुर्याउन दिएको प्रारम्भीक समय सकिएको छ, दुई पटक गरेर ६ महिनासम्म समय थप्ने सुबिधा छ, त्यो अवधीमा पुँजी पुर्याउँछन् होला’, बीमा समितिका अध्यक्ष चिरञ्जीवी चापागाईँले भने । उनले केहि समय अघि मात्रै पुँजी पुर्याउन नसक्ने कम्पनीहरुलाई पुस महिनापछि फोर्स मर्जरमा पठाउने बताएका थिए । मेटलाइफले समितिलाई लेखेको पत्रमा आफु विदेशी कम्पनी भएको र बिमितहरुको रकम सुरक्षित रहेकाले पुँजी पुर्याउनुपर्ने बाध्यताबाट मुक्त गराईदिन आग्रह गरेको हो । ‘विदेशी कम्पनीका रुपमा पुँजी पुर्याउनुपर्ने बाध्यताबाट छुटकारा दिन माग गर्दै मेट लाइफले पत्र पठाएको छ’, बीमा समिति श्रोतले भन्यो ।
एचआईडीसीएलले हकप्रद सेयर सूचना सार्वजनिक गर्न ढिलाइ गरेपछि नेप्सेले सोध्यो स्पष्टिरण
काठमाडौं । जलविद्युत लगानी तथा विकास कम्पनी लिमिटेड (एआईडीसीएल) ले हकप्रद सेयर निष्कासन प्रस्तावको सूचना ढिलो प्रकाशित गरी बजारमा चलखेल गरेको भन्दै नेपाल स्टक एक्चेन्ज लिमिटेड (नेप्से) ले सोमबार स्पष्टिकरण सोधेको छ । नेप्सेले गत शुक्रबार सञ्चालक समितिले १०० प्रतिशत हकप्रद सेयर निष्कासनको निर्णय गरेर सोमबारमात्र सूचना पठाएर बजारमा चलखेल गरेको आशंकामा एचआईडीसीएलसंग स्पष्टिकरण सोधेको हो । हकप्रदको निर्णय गर्नु अगावै सूचना बाहिरिदा दोस्रो बजारमा भित्री कारोबार (इन्साईडर ट्रेडिङ्ग) गर्न मद्धत पुर्याएको आरोप नेप्सेको छ । सुचिकरण शाखाले यस विषयमा अध्ययन गरिरहेको नेप्सेका प्रवत्ता मुराहरि पराजुलीले बताए । अध्ययनपछि मात्र भित्री कारोबार भए वा नभएको थाहा पाइने उनको भनाई छ । “स्पष्टिकरण सोध्ने कुरा भएको थियो । पठाएकी पठाएन बुझन बाँकी छ”उनले भने । साउन ७ गतेदेखि नै कम्पनीको कारोबार र सेयर मूल्य दुबै निरन्तर बढ्दै आएको छ । कम्पनीको सेयरमूल्य प्रतिकित्ता १५४ रुपैयाँबाट बढेर १७६ रुपैयाँसम्म पुगेको छ । चित्तबुझदो जवाफ नआए नेप्सेले कम्पनीको कारोबार रोक्का समेत गर्न सक्छ ।
यस्तो देखियो स्वयम्भूमा सेल्फी हान्नेको लर्को
ल है साथी हो, एउटा सेल्फी जाओस् त सेल्फी खिचेर फेसबुकमा त हाल्नै पर्यो एक सेल्फी स्वयम्भूको नाममा स्वयम्भूको डाँडामा सेल्फीको मजै बेग्लै, आहा……!!!
