कर सम्बन्धी विवाद चाँडै समाधान हुन्छन्ः अर्थमन्त्री खतिवडा
काठमाडौं । अर्थमन्त्री डा. युवराज खतिवडाले कर सम्बन्धी देखिएका विवादहरु चाँडै समाधान हुने जिकिर गरेका छन् । अर्थमन्त्रालयमा आयोजीत नियमित पत्रकार भेटघाट कार्यक्रम मन्त्री खतिवडाले भने–कर सम्बन्धी विवाद चाँडै समाधान हुन्छ, करका कारण संघियता असफल हुन दिँदैनौं । उनले केन्द्र, प्रदेश र स्थानीय तहमा देखिएका कर सम्बन्धी विवादका बारेमा अध्ययन गर्न संघिय मामिला तथा सामान्य प्रशासन सचिवको नेतृत्वमा अध्ययन समिति गठन भैसकेको जानकारी समेत दिए । मन्त्रिपरिषदले नै संघिय मामिला सचिवको नेतृत्वमा राजश्व सचिव र वित्त आयोगका सचिव सदस्य रहेको कार्यदल गठन गरेको हो । सो कार्यदलले विवादहरुको अध्ययन गरेर समाधानको उपाय सहित १५ दिनभित्र प्रतिवेदन बुझाउने छ । सो कार्र्यदलले अध्ययन आरम्भ गरिसकेको पनि उनले जानकारी दिए । त्यस्तै, केन्द्र, प्रदेश र स्थानीय तहमा देखिएको दोहोरो कर सम्बन्धी समस्या अध्ययनका लागि अर्थमन्त्रालयको राजश्व महाशाखा प्रमुखको नेतृत्वमा निजी क्षेत्रका प्रतिनिधी सहभागी रहेको अर्काे अध्ययन कार्यदल समेत गठन गरिसकेको छ । अर्थमन्त्री डा. खतिवडाले करको सदुपयोग भएको नागरिकले महसुश गर्न सक्ने अवस्था सृजना गर्ने पनि बताए । अर्थमन्त्री डा. खतिवडाले भ्याटको साटो जीएसटीको विकल्पबारे खुल्ला छलफलका लागि निजी क्षेत्रलाई आव्हान पनि गरे । मन्त्री खतिवडाले सार्वजनिक खर्च पुनरावलोकन आयोग र तलब आयोग गठन गर्ने तयारी भैरहेको जानकारी पनि दिए । संबिधानले नै प्रदेश र स्थानीय सरकारलाई अधिकारहरु दिएकाले केन्द्र सरकारले हस्तक्षेप गर्न सक्ने अवस्था भने नरहेको स्पष्ट पारे । ‘संबिधानले नै अधिकार दिएको छ, स्थानीय जन प्रतिनिधीले आफ्नो अधिकार प्रयोग गर्नु भएको छ, हामीले केहि गर्न सक्ने अवस्था छैन्’, अर्थमन्त्री डा. खतिवडाले भने । उनले नयाँ नगरपालिकाहरुमा एकिकृत सम्पति करका सवालबारे नागरिकहरुमा असन्तुष्टि रहेको पनि बताए । पत्रकार सम्मेलनमा अर्थ सचिव राजन खनालले कर सम्बन्धी नागरिकमा देखिएको असन्तुष्टिको सम्बोधनका लागि राजनीतिक नेतृत्वले स्थानीय तहसँग समन्वय गर्नुपर्ने धारणा राखेका थिए । उनले करका विरुद्ध नागरिकले बिद्रोह गर्ने अवस्था नल्याउन राजनीतिक नेतृत्व सचेत हुनुपर्ने धारणा पनि राखे । राजश्व सचिव शिशिर ढुंगानाले साउन महिनामा राजश्व संकलन १३७ प्रतिशत पुगेको जानकारी दिएका थिए । उनले भन्सार, आयकर, भ्याट, अन्तशुल्क लगायतका सबै क्षेत्रको राजश्व संकलन दरमा उत्साहजनक वृद्धि देखिएको बताउँदै ९ खर्ब ४५ अर्बको राजश्व संकलन लक्ष्य सहजै पुरा हुने पनि बताए ।
यसरी आयो कलङ्कीको अण्डरपास सञ्चालनमा हेर्नुहोस् (फोटोसहित)
काठमाडौं । नेपालको पहिलो एवम् बहु प्रतीक्षित कलङ्की अण्डरपास सञ्चालनमा आएको छ । अण्डरपास सञ्चालनमा आएसँगै उपत्यका बाहिरिने र भित्रिने प्रमुख नाका कलङ्कीमा कम जाम हुने विश्वास गरिएको छ । चार लेनको अण्डरपासमध्ये आजदेखि दुई लेन खुला गरिएको चक्रपथ सुधार आयोजना प्रमुख प्रकाश भण्डारीले जानकारी दिए । “दुई लेनमा निर्माण सामग्री राखिएकाले पञ्छाउन एक महिना लाग्छ, एक महिनापछि अण्डरपास चार लेनमै चल्छ, अण्डरपासमा सवारी चालकलाई बानी पार्न एक हप्ता लाग्ने विश्वास गरिएको छ,” उनले भने । चीन सरकारको आर्थिक सहयोगमा कोटेश्वर–कलङ्की सडक विस्तारअन्तर्गत अण्डरपास निर्माण भएको हो । साउन पहिलो सातामै खोल्ने भनिए पनि निर्माण सम्पन्न नभएकाले अण्डरपास खोल्न समय लागेको थियो । फोटो प्रकाश देवकोटा अण्डरपास सञ्चालनमा ल्याउँदा सडक विभागले कुनै औपचारिक कार्यक्रम भने गरेन । परीक्षणका रुपमा सडक खोलिएकाले पछि औपचारिक कार्यक्रम गर्ने आयोजना प्रमुख भण्डारीले बताए ।
आयल निगमले विमानमा इन्धन भर्न त्रिभुवन अन्तर्राष्ट्रिय विमानस्थलमा अन्डरग्राउण्ड पम्प बनाउने
काठमाडौं । नेपाल आयल निगम लिमिटेडले त्रिभुवन अन्तर्राट्रिय विमानस्थलमा अन्डरग्राउण्ड हवाइ इन्धन भर्न पम्प बनाउने भएको छ । सिनामंगलमा रहेको ट्याङकीबाट सिधै विमानस्थलसम्म पाइपलाइन बिछ्याएर पम्प बनाउन लागेको हो । पम्प निर्माणका लागि नागरिक उड्यान प्रधिकरणसँग प्रस्ताव गरिसकेको निगमका निमित्त प्रवन्ध निर्देशक सशील भट्टराईले बताए । हामीले प्राधिकरणसँग प्रस्ताव गरिसेका छौं, प्राधिकरणले पनि सकारात्मक प्रतिक्रिया दिएकोले काम छिट्टै अघि बढ्नेमा बिस्वस्त छौं, भट्टराईले विकास न्युजसँग भने फिउल हाइड्रेन प्रविधीबाट पेट्रोल पम्प बनाउन सकिए विमानस्थल थप अत्याधुनिक हुनेछ ।ू हाल विमानस्थलमा दैनिक ७ हजार लिटर हवाइ इन्धन खपत हुँदै आइरहेको छ । यसका लागि १० वटा ट्याङकर सञ्चालमा रहेको छ । निगमका प्रवक्ता बिरेन्द्र गोइतका अनुसार सबैभन्दा धेरै इन्धन बोक्ने ट्याङकरको क्षमता २७ हजार लिटरसम्म छ । ठूला विमानका लागि एक पटकमा ६० हजार लिटर पेट्रोल आवश्यक पर्छ । एउटै जहाजमा पेट्रोल भर्न समय लाग्ने भएकोले यसको समाधानको लागि विमानस्थलमा आधुनिक पम्म आवश्यक हुने प्रवक्ता भट्टराईले बताए । विदेशी विमानस्थलमा प्राय सबैको पम्प हुने भएकाले नेपालमा पनि यसको आवश्यक भएको प्राधिकरणका प्रवक्ता बिरेन्द्र श्रेष्ठले बताए । उनका अनुसार आयल निगमले यसमा प्रस्ताव गरिसकेकोले काम अघि बढ्ने विश्वास व्यक्त गरे । हाल विमानस्थलमा जहाजले इन्धन भर्नका लागि पनि पालो कुरेर वस्नु पर्ने अवस्था रहेको छ । यसले गर्दा जहाज डिले ढिलो हुने गरेको छ । विमानस्थलमै पम्प बनाउन सकेको खण्डमा समयको बचत हुने र जहाज उडान प्रक्रियामा सहज हुने प्रवक्ता श्रेष्ठले बताए । निगमका अनुसार प्राधिकरणले स्वीकृती दिएपछि थप काम अघि बढ्नेछ । पम्पको लागि आवश्यक पर्ने लागत खर्च, डिजाइन सबै निगमले नै बेहोर्नेछ । हाल विमानस्थलमा १० वटा ट्याङकरले सिनामङगलदेखि इन्धन बोकेर भर्ने गरिएको छ ।
क्यान्सर सर्भाइभरशिप इभेन्ट सम्पन्न, उच्च मनोबलले क्यान्सरलाई जित्न सकिन्छ
काठमाडौं। ललितपुरको हरिसिद्धिमा रहेको नेपाल क्यान्स हस्पिटल एण्ड रिसर्च सेन्टरमा भदौ १ गते शुक्रबार क्यान्सर सर्भाइभरशिप इभेन्ट सम्पन्न भएको छ । नेपाल क्यान्सर हस्पिटल तथा नेपाल क्यान्सर सपोर्ट ग्रुपको संयुक्त आयोजनामा भएको सो इभेन्टमा क्यान्सर रोगबाट निको भएका ब्यक्तिहरुले आफ्ना अनुभवहरु साटासाट गरेका थिए । स्वास्थ्य राज्य मन्त्री डा. सुरेन्द्र कुमार यादवको प्रमुख आतिथ्यमा सम्पन्न यस कार्यक्रममा क्यान्सर बाट निको भएका र क्यान्सरको उपचार गराईरहेका ब्यक्तिहरुका साथमा क्यान्सर रोग विशेषज्ञ डाक्टरहरु, क्यान्सर प्रभावितका परिवार, समाजसेवी तथा संचारकर्मीहरुको उल्यख्य सहभागिता रहेको थियो । क्यान्सर रोग लाई जितेका व्यक्तिहरुको अनुभव तथा सुझाव तथा विशेषज्ञ डाक्टरहरुको उचित परामर्शबाट क्यान्सरको उपचार गराईरहेका ब्यक्तिहरुको मनोबल बढाउन, उपचार प्रकियामा सहजता ल्याउन तथा प्रभावितको दैनिकीमा सुधार ल्याउने उद्देश्यले यस इभेन्टको आयोजना गरेको नेपाल क्यान्सर सपोर्ट गु्रपका कोअर्डिनेटर स्वरुपा श्रेष्ठले बताए । साथै यस इभेन्ट मासिकरुपमा आयोजना गर्ने पनि उनले जानकारी गराए । क्यान्सर रोग विशेषज्ञ डाक्टरहरु सँग क्यान्सरबाट निको भएका तथा उपचार गराईरहेका व्यक्तिहरुले क्यान्सर सम्बन्धि बिभिन्न विषयमा अन्तरकृया गर्नु भएको थियो । अन्तरकृयाबाट क्यान्सर सम्बन्धि धेरै खालका भ्रमहरुको अन्त्य भएको प्रभावितहरुले बताएका थिए ।क्यान्सर धेरै प्रकारका हुने तर नेपालमा क्यान्सर भन्ने बित्तिकै आत्तिने र हतोत्साहित हुने गरेकोले यस बारे ब्यापक जनचेतना फैलाउन आवश्यक रहेको नेपाल क्यान्सर हस्पिटलका कार्यकारी अध्यक्ष डा. सुदिप श्रेष्ठले बताए। । स्वास्थ्य राज्य मन्त्री डा. सुरेन्द्र कुमार यादवले नेपालमा कुल जनसंख्याको अनुपातमा अस्पतालको संख्या र बेड धेरै कम भएको बताउँदै क्यान्सर प्रभावितहरुलाई राज्यले दिने अनुदान समेत अत्यन्त कम रहेको धारणा राख्दै क्यान्सर लगायतका गम्भिर रोगको उपचारका लागि राज्यले दिने अनुदान रकम बढाउन प्रयत्न गर्ने बताए। नियमित स्वास्थ्य परिक्षण गरे कुनै पनि रोग शुरुवाती चरणमै पत्ता लगाउन सकिन्छ र सामान्य औषधि उपचारबाट पनि निको हुन सकिन्छ तर नेपालमा वेवास्ता वा गरिबिका कारण कुनै पनि रोगले सताएपछि मात्र उपचार गर्न जाने अवस्था धेरै छ । बिभिन्न गम्भिर रोग मध्य क्यान्सर पनि एक हो तर सुरुमै पत्ता लागे थोरै पैसामा पनि यसको उपचार सहज सँग गर्न सकिन्छ तर जटिल अवस्थामा पुगि सकेपछिआर्थिक भार पनि धेरै पर्ने र निको हुन पनि गाह्रो हुने गर्दछ । तर उच्च मनोबलले क्यान्सरलाई जितेका धेरै उदाहरण हरु समेत छन् जुन यसक्यान्सर सर्भाइभरशिप इभेन्टमा देखियो । नेपाल क्यान्सर हस्पिटल, उपचारका लागि सहयोगी हातहरु तथा नेपाल क्यान्सर सपोर्ट ग्रुपले भदौ २ गते शनिबार ललितपुरको लगनखेलमा पाठेघर तथा स्तन क्यान्सर परिक्षणका लागिनिशुल्क शिविरको पनि आयोजना गर्दै छ । यस शिविरमा सहभागि भइ लाभ लिन बिवाहित तथा अबिवाहित महिलाहरुलाई आग्रह गरिएको छ ।
माछापुच्छ्रे बैंकको ब्राण्ड एम्ब्यासडरमा मिरा रार्इ, प्रतिमा शेर्पा र अार्यन गिरी नियुक्त
काठमाडौं । माछापुच्छ्रे बैंकले कम्पनीको ब्राण्ड एम्ब्यासडरमा खेलकुद क्षेत्रका मिरा राई, प्रतिमा शेर्पा र आर्यन गिरीलाई नियुक्त गरेको छ । बैंकले शुक्रबार पत्रकार सम्मेलन गर्दै कम्पनीको ब्राण्ड एम्ब्यासडरमा उक्त तीन जनालाई नियुक्त गरेको हो । कार्यक्रममा बैंकका प्रमुख कार्यकारी अधिकृत सुमन शर्माले मिरा राई, प्रतिमा शेर्पा र आर्यन गिरी जस्ता खेलाडीहरुलाई बैंकसँग आवद्ध गर्न पाउन गौरवको विषय रहेको बताएका छन् । बैंकका पूर्व अध्यक्ष तथा पुर्व सांसद डा. बीरेन्द्रप्रसाद महतोले समेत बैंकले नियुक्त गरेका ब्राण्ड एम्ब्यासडरहरुले बैंकलाई अझै उचाईमा पुर्याउने बताएका छन् । मिरा राई : मिरा राई नेपाली म्याराथनको एक चर्चित नाम हो । विभिन्न अल्ट्रा म्याराथन खेलमा सहभागिता जनाइसकेकी मिरा राईले देश र विदेशमा थुप्र्रै उपाधि जितिसकेकी छिन् । मिरा राईले २०१५ मा फ्रान्समा सम्पन्न ८० किलोमिटर विश्व म्याराथनमा पहिलो स्थान हासिल गरेकी छिन् । विश्व अल्ट्रा म्याराथनमा आफुलाई स्थापित गर्दै आएकी नेपाली धाविका मिरा राई नेसनल ज्योग्राफिकले २०१७ मा सार्वजनिक गरेको ‘एड्भेन्चर अफ द इयर‘को उपाधि समेत जित्न सफल भएकी छिन् । प्रतिमा शेर्पा : प्रतिमा शेर्पा नेपालको नम्बर १ महिला गल्फर हुन् । रोयल नेपाल गल्फ क्लबमा हुर्केकी शेर्पाले १५ वर्षकै उमेर देखि खेलको प्रशिक्षण लिन थालेकी थिइन् । सानो उमेरमै लगातार उपाधि जित्न सफल भएकी उनले पूर्व विश्व नं. १ टाईगर उड्सलाई समेत भेटेकी थिइन् । उनको दुईमहिने अमेरिका भ्रमणका दौरान ईसपीएनले उनीमाथि एक वृतचित्र समेत निर्माण गरको थियो । आर्यन गिरी : आर्यन गिरी अर्का १३ वर्षीय उदीयमान टेनिस खेलाडी हुन् । ६ वर्षको कलिलै उमेरदेखि टेनिस शुरु गरेका गिरी बर्न सर्भाइभर हुन् । उनले नेपाल अन्डर १४को नम्बर १ र एशिया अन्डर १४मा नम्बर २९ स्थान बनाउन सफल खेलाडी हुन् । उनले आफ्नो मेहेनत र परिश्रमले एशियाकै नम्बर १ हुने लक्ष्य लिएका छन्
कैलाश विकास बैंकले ‘गरिमा रेमिट’ सेवा दिने
काठमाडौं । अब कैलाश विकास बैंक लिमिटेडले ग्राहकहरुलाई ‘गरिमा रेमिट’ सेवा दिने भएको छ । उक्त सेवा दिने सम्बन्धमा गरिमा विकास बैंक र कैलाश विकास बैंकबीच सम्झौता सम्पन्न भएको छ । सो सम्झौतामा गरिमा विकास बैंकको तर्फबाट नायब महाप्रबन्धक माधवप्रसाद उपाध्याय र कैलाश विकास बैंकको तर्फबाट सहायक महाप्रबन्धक सुर्यप्रसाद तिवारीले हस्ताक्षर गरेका छन् । सम्झौता पश्चात कैलाश विकास बैंकका जुनसुकै शाखा कार्यालयबाट गरिमा रेमिट मार्फत रकम पठाउन, भूक्तानी गर्न तथा खातामा जम्मा गर्न सकिन्छ । हाल कैलाश विकास बैंकको ६३ वटा शाखा सञ्चालनमा रहेका छन् ।
एनएमबि बैंकको १५ प्रतिशत बोनस दिने प्रस्ताव पारित, चुक्ता पुँजी पाैने ९ अर्ब पुग्यो
काठमाडौं । एनएमबि बैंक लिमिटेडको सेयरधनीलाई १५ प्रतिशत बोनस सेयर दिने प्रस्ताव पारित भएको छ । हालै सम्पन्न बैंकको २२औँ वार्षिक साधारणसभाले बैंक सञ्चालक समितिको उक्त प्रस्तावलाई पारित गरेको हो । यसका साथै, अब बैंकले आफ्ना सेयरधनीलाई चुक्ता पुँजीको सो मात्राको बोनस दिने भएको छ । बोनस पश्चात कम्पनीको चुक्ता पूँजी ८ अर्ब ७४ करोड रुपैयाँ पुग्नेछ । साथै, सभाले कर प्रयोजनको लागि ०.७८९५ प्रतिशत नगद लाभांश वितरण गर्ने प्रस्तावलाई पनि पारित गरेको छ ।
५६ लाख घरधुरीलाई जलविद्युतको सेयर दिने सरकारको तयारी, आयोजना छनौट हुदै
काठमाडौं । ऊर्जा, जलस्रोत तथा सिंचाइ मन्त्री वर्षमान पुनले ५६ लाख घरधुरी नेपालीलाई मालिक बनाउने गरी आकर्षक जलविद्युत आयोजनाको निर्माण गरिने बताएका छन् । नेपाल विद्युत प्राधिकरणको ३३औं वार्षिकोत्सवको अवसरमा शुक्रबार राजधानीमा आयोजित कार्यक्रममा मन्त्री पुनले प्राधिकरणको अगुवाईमा हरेक नेपालीको लगानी सुनिश्चित हुने गरी निर्माण हुने त्यस्ता आयोजना राजनीतिक प्रभाव र दवावमा छनोट नगरिने प्रष्ट पारे । ‘आकर्षक आयोजनाको छनोट गरी ५६ लाख घरधुरीको सेयर लगानी सुनिश्चित हुने गरी राम्रो प्रतिफल दिने आयोजना निर्माण गर्ने छौं, त्यसले अहिले बृद्ध भक्ता पाएजस्तै राज्यको अगुवाइमा निर्माण हुने आयोजनामा सेयर लगानी गरी जनताले प्रतिफल पाउँछन्’,उनले भने । ‘विगतमा भनसुन, राजनीतिक प्रभाव र दवावमा गलत आयोजना छनोट गर्दा प्राधिकरण बनाउने आयोजनाको लागत दोब्बर/ तेब्बर भएको छ भने निर्धारित समयमा सकिएको छैन, अब त्यस्तो हुने छैन, प्रतिस्पर्धी र आकर्षक आयोजना छनोट गरी निर्माण गरिने छ ।’ प्राधिकरण र निजी क्षेत्रले आयोजनाको विद्युतको जडित क्षमता बराबर भइसकेको उल्लेख गर्दै मन्त्री पुनले प्राधिकरणले आफ्नो कार्यशैलीमा परिवर्तन गरी प्रतिस्पर्धी बन्नु पर्नेमा जोड दिए ।‘एउटा ठेकेदार कम्पनीले ७४ वटा आयोजनाको ठेक्का लिएको जानकारी पाएका छौं, यस्तो अवस्थामा ती आयोजनाको निर्माण कसरी हुन्छ ?’,उनले भने । ‘लोडसेडिङ अन्त्य भएसँगै प्राधिकरणले प्रवाह गर्ने विद्युत सेवाको गुणस्तरबारे धेरै गुनासा आइरहेका छन्, लोडसेडिङ अन्त्य गर्न जेजस्ता कदम चालिएका थिए अब प्रणालीलाई सुधार गरी विद्युत आपूर्तिलाई भरपर्दो र विश्वसनीय बनाउन सोहीअनुसार चल्नु पर्छ ।’ १४ मेगावाटको कुलेखानी तेस्रो जलविद्युत आयोजनाको निर्माण सम्पन्न ठेकेदार कम्पनीलाई दवाव दिन चिनियाँ राजदूतलाई समेत आग्रह गरिएको उल्लेख गर्दै मन्त्री पुनले भदौभित्र सम्पन्न भएन भने ढिला हुनाको विकल्प सहितको कारण माग गरे । ‘म अर्थमन्त्री भएको बेला नै प्राधिकरणको २८ अर्ब रुपैयाँको संचित नोक्सानीलाई मिनाहा दिइएको थियो, त्यतिवेला यसलाई खण्डिकरण गर्ने कुरा उठेको थियो तर अहिले संस्था सुधार हुँदै गएको छ’,उनले भने । ‘अहिले सहायक कम्पनी स्थापना भएका छन्, तिनीहरु र निजी क्षेत्रका कम्पनी प्रतिस्पर्धी बनिरहेका छन् । यसलाई ध्यान दिएर प्राधिकरण अब चल्नु पर्छ ।’ कार्यक्रममा ऊर्जा सचिव एवं प्राधिकरण सञ्चालक समितिका अध्यक्ष अनुपकुमार उपाध्यायले उत्पादित विद्युत खपत बढाउने गरी र सरकारले अगाडि बढाएका नीति कार्यान्वयनमा सहजीकरण गर्ने गरी अगाडि बढ्न निर्देशन दिए । कार्यकारी निर्देशक कुलमान घिसिङले प्राधिकरणको वार्षिक प्रतिवेदन पेश गर्दै गत आर्थिक वर्ष संस्था १ अर्ब १ करोड रुपैयाँ खुद नाफा आर्जन गर्न र विद्युत चुहावट २०.४५ प्रतिशतमा झार्न सफल भएको बताए । ‘तराईका औद्योगिक कोरिडोर र काठमाडौं लगायतका मुख्य सहरहरुमा आगामी दश वर्षभित्रमा १० हजार मेगावाट विद्युत आपूर्ति गर्न सक्ने बितरण प्रणाली विस्तार गरिने छ’,उनले भने । उनले नेपालको एकीकृत विद्युत प्रणालीमा मागको तुलनामा वर्षाता अधिक र हिउँदमा कम उत्पादन हुने भएकाले ऊर्जा व्यवस्थापनका लागि भारतसँग ऊर्जा बैकिङ गर्न आवश्यक कार्यविधि तय गरिने बताए ।
