सप्तकोशी डेभलपमेन्ट बैंकले ११ प्रतिशत बोनस सेयर दिने
काठमाडौं, १५ भदौ । सप्तकोशी डेभलपमेन्ट बैंकले ११ प्रतिशत बोनस सेयर दिने भएको छ । गत १३ भदौमा बसेको बैंक संचालक समितिले यस्तो निर्णय गरेको हो । बैंकले गरेको सो निर्णय नेपाल राष्ट्र बैंकको स्वीकृति र बैंकको वार्षिक साधारणसभाबाट पारित भएपछि कार्यान्वयन हुनेछ । बैंकले ११ प्रतिशत बोनस सेयर प्रदान गर्न लागेको जानकारी नेपाल स्टक एक्सचेन्जलाई दिइसकेको छ ।
गत वर्ष मात्रै २१०५ करोड रुपैयाँ फेस भ्यालूको बोनस सेयर, यस वर्ष कति आउला ?
काठमाडौं, १५ भदौ । गत आर्थिक बर्षमा नेपाल स्टक एक्सचेन्ज (नेप्से) मा सुचिकृत १३४ कम्पनीले २१ अर्ब रुपैयाँभन्दा बढी फेस भ्यालूको बोनस सेयर प्रदान गरेका छन् । कम्पनीहरुले आफूसँग भएको बाढ्न योग्य रिजर्भ र नाफावाट बोनस सेयर प्रदान गरेका हुन् । नेपाल राष्ट्र बैंकले गत आर्थिक बर्षको मौद्रिक नीति मार्फत बैंक तथा वित्तीय संस्थाहरुको चुक्ता पूजी कम्तिमा पनि ४ गुणाले बढाउने नीति अख्तियार गरेको छ । यस्तै प्रस्तावित बीमा ऐनले पनि जीबन र निर्जिबन दुबै प्रकारका बीमा कम्पनीहरुको चुक्ता पूजी अहिलेको भन्दा ठूलो परिमाणमा बढाउन प्रस्ताव गरेको छ । सोही कारण बैंक तथा वित्तीय संस्था र बीमा कम्पनीहरुले बोनस सेयर प्रदान गर्ने कार्यलाई उच्च प्राथमिकतामा राखेका हुन् । पूजी बजारको नियामक निकाय धितोपत्र वोर्डले दिएको जानकारी अनुसार गत आर्थिक बर्षमा १३४ कम्पनीको २१ अर्ब ५ करोड ६१ लाख २ हजार रुपैयाँ बराबरका बोनस सेयर प्रदान गर्न अनुमति दिएको छ । यसमध्ये सेन्चुर कमर्शिलय बैंकको १२ करोड रुपैयाँको, समिट माइक्रो फाइनान्सको ७२ लाख ८० हजार रुपैयाँको, ओरियन्टल होटलको ५ करोड रुपैयाँको, जेविल्स फाइनान्सको २ करोड रुपैयाँको, साल्ट ट्रेडिङ्ग कर्पाेरेसनको ६५ लाखको र टुरिजम डेभलपमेन्ट बैंकको ३ करोड ८४ लाख रुपैयाँको बोनस सेयरले स्वीकृति पाएको छ । बोर्डले दिएको जानकारी अनुसार प्रोफेसनल दियालो विकास बैंकको २ करोड रुपैयाँको, पाथिभरा विकास बैंकको २ करोड ६४ लाख ५० हजार रुपैयाँको, सहयोगी विकास बैंकको ३ करोड ७१ लाख ४९ हजार रुपैयाँको र कृषि विकास बैंकको २३ करोड १० लाख रुपैयाँ बराबरको बोनस सेयर पनि स्वीकृत भएको छ । नेसनल लाइफ इन्स्योरेन्स कम्पनीको २३ करोड ५१ लाख ८२ हजार, काबेली विकास बैंकको ६८ लाख ८० हजार, मल्टिपर्पाे फाइनान्सको ३७ लाख ५० हजार, एशियन लाइफ इन्स्योरेन्सको १४ करोड ८५ लाख ६९ हजार, एनसीसी बैंकको ५५ करोड ८६ लाख र ज्योति विकास बैंकको ५ करोड ५४ लाख २६ हजार रुपैयाँ बराबरको बोनस सेयर स्वीकृत भएको छ । यस्तै नेपाल लाइफ इन्स्योरेन्स कम्पनीको ६५ करोड २ लाख ५० हजारको, निर्धन उत्थान बैंकको ९ करोड ५९ लाख ८८ हजारको, एस डेभलपमेन्ट बैंकको ५ करोड ७९ लाख १७ हजार रुपैयाँको, अरनिको डेभलमपेन्ट बैंकको १ करोड ११ लाख ६१ हजारको, सिद्धार्थ इन्स्योरेन्सको २ करोड ५० लाख ८० हजारको, कन्ट्री डेभलपमेन्ट बैंकको १ करोड २८ लाखको, झिम्रुक विकास बैंकको ८५ लाखको र हाम्रो विकास बैंकको ४२ लाख ७ हजार रुपैयाँ बराबरको बोनस स्वीकृत भएको हो । यस्तै तिनाहू विकास बैंकको ३ करोड ३३ लाख २७ हजारको, इन्टरनेसनल डेभलमेन्ट बैंकको ६ करोड ४० लाखको, प्रिमियर इन्स्योरेन्स कम्पनीको ३ करोड ५३ लाख ७ हजारको, वेस्टर्न डेभलमपेन्ट बैंकको २ करोड १८ लाखको, पूर्णिमा विकास बैंकको २ करोड ६१ लाख २५ हजारको, काक्रेविहार विकास बैंकको ३४ लाख ५० हजारको र सगरमाथा इन्स्योरेन्सको ४ करोड ६५ लाख ५ हजार रुपैयाँ बराबरको बोनस स्वीकृति भएको वोर्डले जानकारी दिएको छ । यस्तै फस्ट माइक्रोफाइनान्सको ३ करोडको, सिटिजन्स बैंकको ५१ करोड ८ लाख ७२ हजारको, कास्की फाइनान्सको ४ करोड ८९ लाख ४७ हजारको, सिन्धु विकास बैंकको १ करोड ३४ लाख ३७ हजारको, नेको इन्स्योरेन्स कम्पनीको ३ करोड १७ लाख ७७ हजारको, नारायणी नेसनल फाइनान्सको १२ करोड २३ लाख ७४ हजारको, कसमस डेभलपमेन्ट बैंकको ६५ लाख ६२ हजारको, नेपाल इन्भेष्टमेन्ट बैंकको १ अर्ब ५७ करोड ७३ लाख ६७ हजारको र नविल बैंकको १ अर्ब ९ करोड ८९ लाख १५ हजार रुपैयाँको बोनस सेयर स्वीकृत भएको छ । निर्धन उत्थान बैंकको १६ करोड ३९ लाख ४० हजारको, कैलाश विकास बैंकको २१ करोड ४८ लाख ७७ हजारको, छिमेक लघुवित्त विकास बैंकको १७ करोड २ लाख १३ हजारको, युनिक फाइनान्सको १ करोड ५६ लाख १० हजारको, विजनेस युनिभर्सल डेभलपमेन्ट बैंकको १२ करोड १५ लाख ९ हजारको, प्यासिफिक डेभलपमेन्ट बैंकको २ करोड १० लाख ८१ हजारको, सानिमा बैंकको ५१ करोड ६ लाख २९ हजारको, एभरेष्ट फाइनान्सको १ करोड ६८ लाख ८८ हजारको र नेपाल बंगलादेश बैंकको ६० करोड ७८ लाख ४२ हजार रुपैयाँको बोनस बोर्डले स्वीकृत गरिसकेको छ । यस्तै स्वरोजगार लघुवित्त विकास बैंकको १ करोड ३६ लाख ८० हजारको, गुडविल फाइनान्सको ३ करोड ३० लाख ६५ हजारको, जानकी फाइनान्सको ६ करोड २१ लाख ५६ हजारको, ग्लोबल आइएमइ बैंकको १ अर्ब १५ करोड २६ लाख ६७ हजारको, कन्चन डेभलपमेन्ट बैंकको ३ करोड ३० लाख, एभरेष्ट बैंकको ६० करोड ५२ लाख १६ हजार, नेपाल एक्सप्रेस फाइनान्सको ३ करोड ४२ लाख ५३ हजारको, एनएलजी इन्स्योरेन्स कम्पनीको ६ करोड ८३ लाख १० हजारको, हिमालयन बैंकको १ अर्ब १६ करोड ६४ लाख ४५ हजारको र सहयोगी विकास बैंकको ५ करोड ६४ लाख १० हजार रुपैयाँको बोनस स्वीकृत भएको छ । गरिमा विकास बैंकको १४ करोड २२ लाख, गुहेश्वरी मर्चेन्ट बैंकिङ्ग एण्ड फाइनान्सको ३ करोड ८३ लाख ४० हजारको, स्वाभलम्बन लघुवित्त विकास बैंकको ९ करोड २५ लाख ६७ हजारको, चिलिमे जलविद्युत कम्पनीको ४० करोड ८८ लाख ४४ हजारको, प्राइम कमर्शियल बैंकको ५६ करोड ५२ लाख ९ हजारको, एनआइसी एशिया बैंकको १ अर्ब ३ करोड ६७ लाख ३१ हजारको, मनास्लु विकास बैंकको २ करोड १८ लाख २९ हजारको, मन्जुश्री फाइनान्सको २ करोड ५६ लाख ५० हजारको, बागमति डेभलपमेन्ट बैंकको ७५ लाखको र महालक्ष्मी फाइनान्सको ६ करोड ३० लाख रुपैयाँको बोनस स्वीकृत भइसकेको हो । कामना विकास बैंकको ११ करोड ११ लाख ९५ हजारको, टुरिजम डेभलपमेन्ट बैंकको १० करोड ८५ लाख ४४ हजारको, सहारा विकास बैंकको ३६ लाखको, एस डेभलपमेन्ट बैंकको ११ करोड ५० लाख ९० हजारको, सिभिल बैंकको १९ करोड ४९ लाख २९ हजारको, माउन्ट मकालु डेभलपमेन्ट बैंकको ६० लाखको, पश्चिमान्चल डेभलपमेन्ट बैंकको ३ करोड ३६ लाख ७३ हजारको, डिप्रोक्स लघुवित्त विकास बैंकको ८ करोड ५९ लाख ७४ हजारको, सेवा विकास बैंकको ६ करोड ४९ लाख १५ हजारको र ओमी माइक्रोफाइनान्सको ६० लाखको वोनस स्वीकृत भएको छ । यस्तै सिद्धार्थ बैंकको ४० करोड ६२ लाख ३६ हजारको, प्रभु इन्स्योरेन्सको ३ करोड ५२ लाख ६२ हजारको, श्री इन्भेष्टमेन्ट एण्ड फाइनान्सको २ करोड २८ लाख ८० हजारको, एनएमबी बैंकको ३३ करोड २३ लाख ६४ हजारको, पोखरा फाइनान्सको १६ करोड ३ लाख ९९ हजारको, इन्टरनेसनल डेभलपमेन्ट बैंकको ६ करोड ६८ लाख ८० हजारको, मिथिला लघुवित्त विकास बैंकको ५६ लाख ५८ हजारको, सोल्टी होटलको १० करोड ५३ लाख ८ हजारको, जेविल्स फाइनान्सको ३ करोेड ६८ लाख ५० हजारको र मितेरी डेभलपमेन्ट बैंकको ४ करोड ८७ लाख ५५ हजार रुपैयाँको बोनस स्वीकृत भएको छ । जेविल्स माइक्रो फाइनान्सको ६५ लाखको, नेको इन्स्योरेन्सको ४ करोड २२ लाख ६६ हजारको, मेगा बैंकको २६ करोड ९ लाख ६० हजारको, नेपाल एसविआइ बैंकको ८२ करोड ५५ लाख ४५ हजारको, युनाइटेड फाइनान्सको ६ करोड ४ लाख ३५ हजारको, समिट माइक्रो फाइनान्सको १ करोड ४७ लाख २० हजारको, सेन्चुरी कमर्शियल बैंकको १९ करोड ८ लाखको, एनसीसी बैंकको ३२ करोड ४५ लाख ७६ हजारको, नेरुडे लघुवित्त विकास बैंकको ५ करोड ५० लाखको र सनराइज बैंकको ५२ करोड ८९ लाख ६७ हजार रुपैयाँ बराबरको बोनस सेयर स्वीकृत भएको छ । यस्तै मेट्रो डेभलपमेन्ट बैंकको ३ करोड ५२ लाख ७७ हजारको, सानाकिसान विकास बैंकको ५ करोड ७६ लाख ७० हजारको, लक्ष्मी लघुवित्त वित्तीय संस्थाको १ करोडको, एकता विकास बैंकको २ करोड ७७ लाख ४० हजारको, त्रिवेणी विकास बैंकको ७ करोड ९९ लाख २९ हजारको, ओरियन्टल होटलको १० करोड ९९ लाख ६२ हजारको, हामा मर्चेन्ट बैंकको २ करोड १० लाखको, सिद्धार्थ डेभलपमेन्ट बैंकको ७ करोड ९ लाख ५० हजारको, इन्फ्रास्टक्चर डेभलपमेन्ट बैंकको ११ करोड ३३ लाख ७२ हजारको र कन्काइ विकास बैंकको २ करोड ५० लाखको बोनस स्वीकृत भएको बोर्डले जानकारी दिएको छ । मुक्तिनाथ विकास बैंकको १९ करोड ८४ लाख ७ हजारको, एनएमबी माइक्रो फाइनान्सको ६० लाखको, लुम्बिनी जनरल इन्स्योरेन्सको ३ करोड ८१ लाख २५ हजारको, शिखर इन्स्योरेन्स कम्पनीको १० करोड ११ लाख ७ हजारको, सिद्धार्थ इन्स्योरेन्सको ६ करोड ८९ लाख ७० हजारको, ज्योति विकास बैंकको ७ करोड ६२ लाख ५० हजारको, आरएमडिसीको ५ करोड ७२ लाखको, कुमारी बैंकको २६ करोड ७२ लाख ५ हजारको, वेस्टर्न डेभलपमेन्ट बैंकको २ करोड ६१ लाख ६० हजारको र प्रिमियर इन्स्योरेन्सको ८ करोड ६२ लाख ५० हजारको बोनस पनि स्वीकृत भइसकेको छ । नेपाल इन्स्योरेन्सको २ करोड ३८ लाख ५ हजारको, अरनिको डेभलपमेन्ट बैंकको २ करोड ३४ लाख ३९ हजारको, सेन्ट्रल फाइनान्सको ६ करोड १३ लाख ८० हजारको, देब विकास बैंकको ६ करोड २९ लाख ९३ हजारको, गण्डकी विकास बैंकको ८ करोड ९ लाख ६० हजारको, बैंक अफ काठमाण्डूको ५५ करोड १२ लाख ५५ हजारको, लुम्बिनी बैंकको ३० करोड १ लाख २५ हजारको, फेवा विकास बैंकको १७ करोड ८७ लाख ८४ हजारको, पूर्णिमा विकास बैंकको ३ करोड ८० लाख ८३ हजारको र सेती फाइनान्सको ७७ लाख ९२ हजार रुपैयाँको बोनस पनि स्वीकृत भएको छ । यस्तै विराटलक्ष्मी विकास बैंकको ८ करोड ५० लाख ७१ हजारको, सुभेक्षा विकास बैंकको २ करोड ६९ लाख ७० हजारको, एक्सल डेभलपमेन्ट बैंकको ५ करोड २६ लाख ५० हजारको, इन्नोभेटिभ डेभलपमेन्ट बैंकको ४ करोड ५ लाखको र लाइफ इन्स्योरेन्स कर्पाेरेसन नेपालको २१ करोड ३८ लाख ९० हजार रुपैया बराबरको बोनस सेयर स्वीकृत भएको बोर्डले जानकारी दिएको छ । सुचिकृत कम्पनीहरुले प्रकाशित गरेको अपरिस्कृत वित्तीय विवरणले कम्पनीहरुको नाफा अघिल्लो बर्षभन्दा बढेको देखाएको छ । बैंक तथा वित्तीय संस्थाहरु र बीमा कम्पनीहरुलाई अझै पनि चुक्ता पूजी बृद्धिको दबाब छ । यसकारण यस बर्ष सुचिकृत कम्पनीहरुले प्रदान गर्ने बोनस सेयर अझ बढ्न सक्ने देखिएको छ ।
जलविद्युत, उद्योग, व्यापार, होटल र अन्य समूहका कम्पनीको हकप्रद र एफपीओ निश्काशनमा रोक, नयाँ नियम बन्दै
काठमडौं, १५ । जलविद्युत, होटल, उद्योग, व्यापार लगायत प्रत्यक्ष नियमनकारी निकाय नभएको कम्पनीहरुको हकप्रद तथा फरदर पब्लिक अफरिङ (एफपिओ) निश्काशन गर्न तत्कालका लागि नेपाल धितोपत्र बोर्डले रोक लगाएको छ । बोर्डले ‘जलविद्युत लगायत प्रत्यक्ष नियमनकारी निकाय नभएको कम्पनीहरुको हकप्रद तथा फरदर पब्लिक अफरिङ व्यवस्थित गर्न नीतिगत व्यवस्था गर्न लागिएको भन्दै नयाँ व्यवस्था लागू नभएसम्म ती क्षेत्रका कम्पनीले हकप्रद तथा एफपीओ मार्फत पुँजी वृद्धि गर्न रोक लगाएको हो । अहिलेसम्म त्यस्ता कम्पनीहरुको प्राथमिक निश्कासनमा नीतिगत व्यवस्था भएपनि हकप्रद र एफपिओमा कुनै मापदण्ड छैन । बोर्डले सोमबार विज्ञ सहित रहने गरी जलविद्युत लगायतका कम्पनीको हकप्रद तथा एफपिओ मार्फत पूँजी बृद्धि गर्दा पूरा गर्नुपर्ने मापदण्डहरु सिफारिश गर्न समिति गठन गरेको छ । समितिलाई एक महिनाभित्र सिफारिस पेश गर्न समय तोकिएको छ । धितोपत्र दर्ता तथा निष्काशन नियमावली, २०६५ को नियम ७ को उपनियम ६ मा बैंक, वित्तीय संस्था वा बीमा कम्पनी बाहेकका अन्य सार्वजनिक निष्काशन गर्ने संगठित संस्थाहरुले सार्वजनिक निष्काशन गर्दा पूरा गर्नुपर्ने मापदण्डहरु उल्लेख छ । तर हकप्रद शेयर निष्काशन तथा फर्दर पब्लिक इस्यू सम्बन्धमा आवश्यक मापदण्ड भने उल्लेख छैन । त्यस्ता सूचिकृत संगठित संस्थाहरुले हकप्रद शेयर निष्काशन तथा फर्दर पव्लिक इस्यू मार्फत पूँजी बृद्धि गर्दा पूरा गर्नुपर्ने मापदण्डहरु तयार गरी हकप्रद शेयर निष्काशन कार्यलाई स्वच्छ, निष्पक्ष र पारदर्शी बनाउन नीतिगत व्यवस्था गर्न लागिएको पनि बोर्डले जनाएको छ । समितिले प्रत्यक्ष नियमनकारी निकाय नभएको सूचिकृत संगठित संस्थाहरुले हकप्रद शेयर निष्काशन तथा फर्दर पव्लिक इस्यू मार्फत पूँजी बृद्धि गर्दा पूरा गर्नुपर्ने मापदण्डहरु सम्बन्धमा स्पष्ट नीतिगत व्यवस्था सिफारिश गर्नेछ ।
ङादी ग्रुपको ४८ लाख कित्ता शेयर सूचीकृत, २१ गतेबाट कारोबार हुने
काठमाडौं १५, भदौ । प्रति कित्ता एक सय रुपैयाँ अंकित्त ४८ लाख ६८ हजार ६८० कित्ता शेयर सूचीकृत भएको छ । धितोपत्र सम्बन्धि ऐन, २०६३ बमोजिम ङादी ग्रुपको शेयर सूचीकृत भएको छ । यसको शेयर मंगलबारदेखि सूचीकरण भएकोले आगामी भदौ २१ गतेबाट औपचारिक रूपमा नेपाल स्टक एक्सचेन्जमा शेयरको कारोबार हुने भएको छ । ङादी ग्रुप र नेपाल स्टक एक्चेन्जबीच मंगलबार शेयर सूचिकरण गर्ने सम्झौता भएको छ । यस्तो सम्झौता भएको मितिले ७ दिनपछि विधिवत रूपमा शेयरको कारोबार स्टक एक्जेन्जबाट हुनुपर्ने प्रावधान बमोजिम २१ गतेबाट यसको कारोबार हुने भएको छ । यसको कार्यालय अनामनगरमा रहेको छ । यो कम्पनीको सूचिकरणपश्चात दिनुपर्ने आरटीएस सम्वन्धि सेवा सिद्धार्थ क्यापिटल लिमिटेडबाट हुने भएको छ ।
सूर्योदयको साधारण शेयर भर्ने मिति आजसम्म, आवश्यकता भन्दा बढी आवेदन
काठमाडौं १५, भदौ । सूर्योदय लघुवित्त वित्तीय संस्थाको साधारण शेयरको आवेदन दिने मिति आजसम्म रहेको छ । प्रति शेयर एक सय रुपैयाँ अंकित एक लाख २० हजार कित्ता साधारण शेयरको निष्काशन तथा विक्री खुला गरेको यो संस्थाले आवश्यकता भन्दा बढी आवेदन पर्न आएका कारण आज बुधबार बैकिङ समयपछि शेयर आवेदनको दरखास्त बन्द गर्ने जानकारी दिएको छ । यो कम्पनीले ६ हजार कित्ता शेयर सामूहिक लगानी कोषका लागि र ४८ सय कित्ता शेयर कर्मचारीको लागि सुरक्षित गरेको छ । बाँकी एक लाख नौ हजार दुई सय कित्ता शेयर सर्वसाधारणबाट आवेदन माग गरेको हो । सूर्योदयको शेयरको लागि धितोपत्र निष्कासन तथा विक्री प्रवन्धक ग्लोबल आईएमई क्यापिटल लिमिटेड रहेको छ ।
अनुदान पाएका कलेज नै धारशायी, करोडौ अनुदान पाउनेकै नतिजा कमजोर
काठमाडौं १५, भदौ । सरकारले सामुदायिक कलेजहरुलाई वर्षेनी करोडौं रकम अनुदान दिइरहे पनि यसको समग्र नतिजा भने निरासाजनक देखिएको छ। विश्वविद्यालय अनुदान आयोगले देशभरका सार्वजनिक क्याम्पस सञ्चालनका लागि अनुदान दिइरहेको छ। तर, अनुदान पाएका अधिकांश कलेजहरु धाराशायी बन्दै गइरहेको खबर आजको कारोबारमा छापिएको छ। आयोगका अनुसार अनुदान लिए पनि विद्यार्थी अभाव र खराब व्यवस्थापनका कारण अधिकांश सामुदायिक कलेज बन्द हुने अवस्थामा पुगेका छन्। आयोगले गरेको अध्ययनले देशभर सञ्चालन भइरहेका ९० प्रतिशत सामुदायिक कलेजको अवस्था धारासायी रहेको पाइएको छ । सरकारले सामुदायिक कलेजका लागि विगत ३ वर्षमा मात्र १ अर्ब ६२ करोड ७७ लाख रुपैयाँ अनुदान सहयोग प्रदान गरिसकेको छ। आयोगले नियमित र भौतिक विकास अनुदान शीर्षकमा लगानी बढाउँदै लगे पनि ९० प्रतिशत सामुदासियक कलेज विद्यार्थी अभाव झेलिरहेका छन्।
कमिसन नपाएपछि समातिनै छाडे सुन तस्कर, सुनतस्कर बढेको बढ्यै
काठमाडौं १५, भदौ । नेपालसँग सीमाना जोडिएका चीनका विभिन्न नाकाबाट तस्करी हुँदै आएको सुनको रूट परिवर्तन भएपछि नेपालमा अवैध सुन समातिन छाडेको छ। Gold bars यसअघि नेपालका विभिन्न नाकाबाट अवैधरूपमा सुन भित्रने गरेपनि अहिले भने चीनबाट तस्करी हुने न भुटान र बंगालादेश जान थालेको प्रहरीको निष्कर्ष छ। आजको नेपाल समाचार पत्रमा खबर छापिएको छ। सरकारले सुन पक्राउ गर्ने र सुराकी गर्नेलाई कमिसन नदिने नीति अवलम्बन गरेपछि पछिल्लो समय ठूला परिणाममा सुन समातिन छाडेको छ। यसअभन्द अगाडि सरकारले सुनको अवैध कारोबार गर्ने कामलाई निरूत्साहित गर्न सुराकीलाई २५ प्रतिशत र सुन समात्ने सुरक्षा निकायलाई १५ प्रतिशत कमिसन दिने गरेकोमा अहिले भने जति परिणामको सुन समातिएपनि ५० हजारदेखि ५ लाख रूपैयाँ सम्म सुराकी र समाउनेलाई दिने नीति अख्तियार गरेपछि सुराकीले सुराक दिन छाडेको केन्द्रीय अनुसन्धान व्युरोले जानकारी दिएको छ।
अपराधी नउडाउने भन्दै फर्काइदियो इतिहादले
काठमाडौं १५, भदौ । काठमाडौं–गृह मन्त्रालयले निष्कासन डिपोर्ट गर्ने निर्णय गरेको एक पाकिस्तानी नागरिकलाई इतिहाद एयरलाइन्सले बोडिङ पास नदिई फर्काइदिएको छ । निष्कासित यात्रुको उडानबारे अध्यागमन विभागले समयमै समन्वय नगरेको भन्दै इतिहादले ती पाकिस्तानीलाई फर्काइदिएको हो । विभागले भने सम्बन्धित एयरलाइन्सको टिकट खरिद गरीसकेको अवस्थामा कुनै यात्रुबारे जानकारी गराउन जरुरी नभएको दाबी गरेको छ । चोरी मुद्दामा जेल सजाय भागेका पाकिस्तानी नागरिक राना गणेशबहादुरलाई विभागको सिफारिसमा गृह मन्त्रालयले एक वर्ष अवधिभर नेपाल आउन नपाउने गरी निष्कासन गर्ने निर्णय गरेको थियो । आजको अन्नपूर्ण पोष्ट दैनिकमा खबर छ ।
