एनआईसी एशियाले ल्यायो च्याटबोट सञ्चालनमा, फेसबुकबाटै कम्पनीसम्बन्धी जिज्ञासाहरु मेट्न सकिने
काठमाडौं । एनआईसी एशिया बैंकले आफ्नो सामाजिक सञ्जाल फेसबुक अन्तर्गत “साथी” नामक “च्याटबोट” सञ्चालनमा ल्याएको छ । बैंकले गत पुस १० गतेदेखि उक्त सेवा सञ्चालनमा ल्याएको हो । साथी “च्याटबोट” मार्फत बैंकका ग्राहकहरूले आफ्नो जिज्ञासाहरुको आधिकारीक जवाफ पाउन सक्नेछन् । जसले डिजिटल बैंकिङ्गको विकासमा बैंकले थप उचाई प्राप्त गर्ने कम्पनीको विश्वास रहेको छ । हाल बैंकले २७० शाखा कार्यालयहरु, २८७ एटिएम, ३७ वटा एक्सटेन्सन काउण्टर एवं २० वटा शाखा रहित बैंकिङ्ग ईकाई मार्फत बैंकिङ्ग सेवा दिँदै आएको छ ।
विकास समितिको छलफलमा साँसदले उठाए मेलम्चीमा कमिशनको प्रश्न
काठमाण्डौ । प्रतिनिधि सभा अन्तरगत विकास तथा प्रविधि समितिको बिहीबारको बैठकमा मेलम्ची खानेपानी आयोजनाको विद्यमान अवस्थाको बारेमा छलफल भएको छ । सो छलफलमा साँसद राजेन्द्र लिङ्देन भने–कमिशनको कुरा उठाए, कम्पनी लाखौं दिन तयार थियो रे, तर करोडौंको कुरा आएपछि ठेक्का तोकेको रे । यो कुरा नागरिकसम्म पुगिसकेको छ । कमिशन माग्नेलाई कारवाही गर्नु पर्छ–उनले भने । मेलम्ची प्रकरणमा विकास समितिले छानबीन समिति बनाउनु पर्ने कुरा उनले उठाएका थिए । साँसदले खानेपानी मन्त्रीलाई सोधे-मेलम्चीमा कमिशन माग्ने को हो ? विकास समिति बैठकमा साँसदको प्रश्नः मेलम्चीको पानी कहिले आउँछ ?
विकास समिति बैठकमा साँसदको प्रश्नः मेलम्चीको पानी कहिले आउँछ ?
काठमाण्डौ । साँसदहरुले मेलम्चीको पानी कहिले आउँछ भन्दै खानेपानी मन्त्री बिना मगरलाई र्याखर्याख्ती पारेका छन् । साँसदको विकास तथा प्रबिधि समितिको बैठकमा साँसदहरुले मेलम्चीमा मन्त्रालयले खेलवाड गरेको भन्दै र्याखर्याख्ती पारेका हुन् । प्रतिनिधि सभा अन्तरगत विकास तथा प्रविधि समितिको बिहीबारको बैठकमा मेलम्ची खानेपानी आयोजनाको विद्यमान अवस्थाको बारेमा छलफल भएको छ । बैठकमा सत्तारुढ दल नेकपा कै साँसद टोपबहादुर रायमाझी भने–मेलम्ची आउन अझै २ वर्ष लाग्छ, जनतालाई नढाट्नुस, झुटो रिपोर्ट नदिनोस् । मेलम्चीबाट चिनियाँ र इटालियन कम्पनी किन भागे ? आफ्नै कारणले भागे कि हाम्रा कारणले ? आफै भागे कि भगाइए–साँसद रायमाझीले जवाफ मागेका थिए । अर्का साँसद लीलानाथ श्रेष्ठले ठेकेदार किन भाग्यो र किन फर्कियो ? अब कसरी काम गर्ने हो ? सिएमसीले आफैँ गर्दा कहिले पानी आउँछ ? छोडेर जाँदा कहिले आउँछ भनी खानेपानी मन्त्रीसँग जवाफ माग गरेका थिए । त्यसैगरी साँसद गणेश पहाडीले ठेकेदार कम्पनी खारेजी हुँदैछ भने काम कसरी हुन्छ भनी प्रश्न गरेका थिए । साथै, अब पानी कहिले आउँछ भन्ने सम्बन्धमा स्पष्ट जवाफ माग गरेका थिए । मेलम्चीको पानी कहिले आउँछ ? जनताको तिर्खासँग खेलाँची नगरियोस्–अर्का साँसद प्रभु साहले समितिको बैठकमा प्रश्न गरे । पानी ल्याउँछु ल्याउँछु भनेर झुट कुरा गर्ने ? जनतालाई गलत सूचना दिने ? हचुवाको भरमा पानी आउँछ भन्ने ? पानी आइहाल्छ भन्ने ?– अर्का साँसद राजेन्द्र राइको धारणा थियो । समिति बैठकमा साँसद हितबहादुर तामाङले सिमसीले छोड्यो भने मेलम्ची नआउने धारणा राखे । उनले भने–सो आयोजनामा नेपालीले काम गर्न सक्दैनन् । छलफलमा खानेपानी मन्त्री बिना मगरको उपस्थिति रहेको थियो । मन्त्री मगरले ठेकेदार कम्पनीलाई ३५ करोड भुक्तानी दिन खोजेको तर, सिएमसी लिक्विडेशनमा जान लागेकोले पैसा दिन नसकेको बताइन् । मन्त्री मगरले समितिको बैठकमा भनिन्–मंसिर २१ गते देखि सिएमसीलाई पैसा दिन खोजको तर मिलेन । मेलम्ची आयोजनाको ९३ प्रतिशत काम सकिएको छ–मन्त्री मगरले बैठकमा बताइन् । सो आयोजनामा अहिलेसम्म २६ अर्ब ३ करोड खर्च भइसकेको मन्त्री मगरले जानकारी दिइन् । मेलम्ची खानेपानी आयोजनाको सुरुङ निर्माणमा संलग्न इटालियन कम्पनी कोअपरेटिभ मुरातोरी इ–सेमेन्टेस्टी(सिएमसी दी रेभेन्ना) मा कार्यरत सबै प्राबिधिक स्वदेश फर्किएपछि आयोजनाको काम के होला भन्ने चासो भइरहेका बेला बिहीबार विकास समितिमा छलफल भएको हो । भुकम्प र लगत्तैको नाकाबन्दीले निर्माण कार्य प्रभावित भएको भन्दै ठेकेदार कम्पनीले मेलम्ची खानेपानी आयोजनासँग १ अब ६५ करोड क्षतिपूर्ति मागेको थियो । तर आयोजनाले मागेजति रकम दिन नसक्ने भनेपनि विवाद डिस्प्युट रेफेक्सन बोर्ड(डीआरबी)मा पुगेको थियो । दुबै पक्षको विवादपछि बोर्डले ३५ करोड रुपैयाँ क्षतिपूर्ति ठेकेदार कम्पनीले पाउनु पर्ने निश्कर्ष निकाल्यो । यसमा दुबै पक्ष सहमत भएका थिए, तर लगत्तै कम्पनीले आयोजनासँग क्षतिपूर्ति बापतको रकम माग गर्यो । तर आयोजनाले दिन मानेन । सोही निहुँमा ठेकेदार काम छोडेर हिँडेपछि आयोजना ३५ करोड रुपैयाँ तत्काल दिन सहमत भएको थियो । तर कम्पनीले सो रकम लिन मानेन । ठेकेदार कम्पनीले थप ६० करोड रुपैयाँ मागी रहेको छ ।
कोरियाबाट फर्केका नेपालीलाई नेपालमै रोजगारीको अवसर, यी पाँच कम्पनीले यस्तो काम दिंदैछन्
काठमाडौँ । रोजगार अनुमति प्रणाली (इपिएस) मार्फत दक्षिण कोरियामा काम गरी फर्केका युवालाई नेपालमै रोजगारीको अवसर उपलब्ध गराउनेसम्बन्धी समझदारी भएको छ । नेपाल भ्रमणमा रहेका कोरियाको मानव संशाधन विभागका उपाध्यक्ष र नेपालमा रहेका विभिन्न कोरियाली कम्पनीका प्रमुखबीच कोरियाबाट फर्केका नेपाली युवालाई काम दिलाउनेसम्बन्धी समझदारीपत्रमा हस्ताक्षर भएको हो । समझदारीसँगै कोरियाबाट फर्केका नेपालीले कोरियाली प्रवद्र्धक रहेका विभिन्न पाँच वटा कम्पनीमा रोजगारीको अवसर प्राप्त गर्ने वैदेशिक रोजगार विभाग, इपिएस शाखाका प्रमुख कृष्णप्रसाद खनालले जानकारी दिए । उनले भने, “भाषा परीक्षा उतीर्ण गरी कोरिया गएका नेपालीले त्यहाँका भाषा, कला संस्कृतिका बारेमा जानकारी हासिल गरेका हुन्छन्, उनीहरुलाई नै विभिन्न कोरियाली प्रवर्तक रहेको कम्पनीमा रोजगार उपलब्ध गराउने समझदारी भएको हो ।” कोरियाबाट फर्केका नेपालीले पर्यटक पथप्रदर्शक, कोरियाली लगानी भएको जलविद्युत् आयोजनालगायत विभिन्न क्षेत्रमा रोजगारको अवसर प्राप्त गर्ने उनले बताए । मानव संशाधन विभागका उपाध्यक्ष र वल्र्डवक्ता नेपाल शाखा, कोरिया टुर्स एण्ड ट्रेकिङ अपरेटर एसोसिएसन अफ नेपाल, इयु योङहोङ फाउनण्डेसन, नेपाल वाटर एण्ड इनर्जी डेभलपमेन्ट कर्पोरेशन लिमिटेडका प्रतिनिधबीच समझदारी पत्रमा हस्ताक्षर भएको हो ।
दशैँ-तिहारलाई लक्षित गरी ल्याइएको चिनी अझै भन्सारमै, ६७ लाखको चिनी अब के होला ?
बाँके । भारतबाट आयात गरिएको एक लाख ४४ हजार किलो चिनी चार महीनादेखि नेपालगञ्ज भन्सारमा थन्किएको छ । सरकारले भारतबाट चिनी आयातमा प्रतिबन्ध लगाएकाले उक्त परिणामको चिनी भन्सारमै थन्किएको हो । गत भदौ ३१ मा मन्त्रिपरिषद् बैठकले भारतबाट चिनी आयात नगर्ने निर्णय गरेपछि साविकका मध्य र सुदूरपश्चिमका लागि दशैँ र तिहारलाई लक्षित गरी ६७ लाख २० हजार (भारु ४२ लाख ) को चिनी ल्याइएको थियो । सरकारले भारतबाट आएको चिनी आयात नगर्ने निर्णय गरेको दुई दिनपछि मात्र व्यापारीले खरीद गरेको चिनी नेपालगञ्ज भन्सारमा आइपुगेकाले भन्सारमै थन्किएको नेपालगञ्ज भन्सार कार्यालयका भन्सार अधिकृत परमानन्द जोशीले जानकारी दिए । रोकिएको चिनीबारे माथिल्लो निकायबाट सोधपुछ गरे पनि कुनै निर्देशन नआएको बताउँदै उनले भने, “भारतबाट ल्याएको चिनी पुनः फिर्ता लैजान मिल्दैन ।” सरकारले आयात गर्न निश्चित कोटा निर्धारण गरेको छ तर कति परिमाणमा चिनी नेपालगञ्ज भन्सारबाट आउन दिने भन्ने पत्र भन्सार कार्यालयमा नआएको अधिकृत जोशीले बताए ।
पुतली बगैँचामा यस्तो बन्दैछ संघीय संसद भवन
संघीय संसद भवनको प्रस्तावित डिजाइन काठमाडौं । सरकारले सिंहदबारकै पुतली बगैँचामा अत्याधुनिक संघिय संसद भवन निर्माण गर्ने भएको छ । शहरी विकास मन्त्री मोहम्मद इस्तियाक राईले माघ मसान्तभित्र संसद भवनको डिजाइन तयार हुने, बैशाखसम्म खरिद प्रक्रिया सम्पन्न गरेर जेठदेखि निर्माण आरम्भ गरिने बताए । ‘पुतली बगैँचामा संघीय संसद भवन बनाउने निर्णय भए अनुसार डिजाइन अन्तिम चरणमा पुगेको छ, २ बर्षमा निर्माण सम्पन्न हुनेछ’, मन्त्री राईले भने । २०७८ असार मसान्तमा नयाँ संसद भवन तयार हुनेछ । संसद भवनको लागत भने अहिले नै तय भैसकेको छैन् । डिजाइन टुंगीएपछि मात्रै लागत तयार हुने पनि उनले जानकारी दिए । आफ्नै संसद भवनको अभावमा २०६४ सालदेखि भाडाको भवनमा संसद सञ्चालन हुँदै आएको छ । संसद भवन भाडाका लागि सरकारले बर्षेनी करोडौं रुपैंयाँ खर्चँदै आएको छ । त्यस्तै, भक्तपुरको ठिमीमा ५ हजार जना क्षमताको सम्मेलन केन्द्र पनि निर्माण गर्न लागेको छ । लिच्छवीकालिन राजा मानदेवको कैलाश कुट भवनकै झल्को दिने गरि सम्मेलन केन्द्र निर्माण गर्न लागिएको हो । माघ महिनाभित्र डिजाइनको काम सम्पन्न गरेर बैशाख भित्र ठेक्का लगाउने र असार देखि निर्माण कार्य आरम्भ गर्न लागिएको छ । २०७९ असार मसान्तसम्म निर्माण सम्पन्न हुने सम्मेलन केन्द्र १८९ रोपनी जमिनमा फैलिएको हुनेछ । मल्लकालिन झल्को दिने गरि निर्माण हुने सम्मेलन केन्द्रले देशको शान बढाउन सघाउ पुर्याउने मन्त्री राईले दावी गरे ।
दूर सञ्चार प्राधिकरणबाट दूर भए दिगम्बर झा
काठमाडौं । नेपाल दूर सञ्चार प्राधिकरणका अध्यक्ष दिगम्बर झाले राजीनामा दिएका छन् । प्राधिकरणमा झाको नियुक्तीलाई लिएर सत्तारुढ नेकपा भित्र विवाद उत्पन्न भएपछि झाले राजीनामा दिएका हुन् । झाले बुधबार सञ्चार मन्त्री गोँकुल बास्कोटालाई राजीनामा पत्र बुझाएका हुन् । राजीनामा पत्र बुझाउनु अघि झाले राजधानीमा पत्रकार सम्मेलन गरेर आफु पदका लागि मरिहत्ते गर्ने व्यक्ति नभएको बताएका थिएए । उनले युटिएल, सिजी, नेपाल स्याटेलाइट र स्मार्ट टेलिकमको लाइसेन्स खारेजी प्रक्रिया अघि बढेको जानकारी समेत दिएका थिए । तत्कालिन शेर बहादुर देउवा सरकारले दोश्रो कार्यकालका लागि झालाई नियुक्ती गरेको थियो । तर केपी ओली प्रधानमन्त्री बने लगत्तै त्यस्ता नियुक्ती बदर गर्ने निर्णय भएको थियो । ओली सरकारका विरुद्ध अदालत गएर अन्तरिम आदेश ल्याएका झाले सरकारसँग नजुध्ने भन्दै राजीनामा गरेका थिए । सञ्चार मन्त्रालयले गठन गरेको छनौट समितिमा पहिलो नम्बरमा सिफारिस भएर झाले प्राधिकरणको नेतृत्व पुनः प्राप्त गरेका थिए । तर झाको नियुक्तीमा ठुलो आर्थिक चलखेल भएको भन्दै नेकपाभित्रै चर्काे आलोचना भएको थियो ।
हिमपहिरोमा बितेका श्रीमानको सम्झनामा सगरमाथा चढ्दै दुई एकल शेर्पा महिला
काठमाडौं। हिमाल आरोहण गर्दा बितेका आफ्नो श्रीमानको सम्झनामा र सम्मानमा दुई शेर्पा एकल महिला सगरमाथा चढ्ने भएका छन् । एकल महिलाले पनि केही गर्न सक्छन् भन्ने सन्देश दिनको सगरमाथा चढ्न लागेको उनीहरुले बताएका छन् । सन् २०१४ मा हिमपहिरोमा पारी सोलुखुम्बु पासाङ ल्हामु गाउँपालिका वडा नं ४ निवासी निमा डोमा शेर्पाका श्रीमान छिरिङ् ओङ्छु शेर्पा र वडा नं ४ खुम्जुङ पाङपोचे निवासी फुर्दिकी शेर्पाको श्रीमान मिङ्मार शेर्पाको सन् २०१३ को हिमपहिरोमा परि मृत्यु भएको थियो। श्रीमानको मृत्यु पछी आफुहरुलाई ठूलो चोट परेको र त्यही चोटलाई बिर्साउन आफुहरुले सम्मान स्वरुप सगरमाथा आरोहण गर्न लागेको उनिहरुले बताए। सगरमाथा चढ्ने तयारीको शिलशिलामा उनीहरुले कार्तिक २६ गते मनाङ जिल्लामा रहेको चुल ईस्ट (६५८४ मि) र मंसिर ८ गते सोलुखुम्बु जिल्लामा रहेको आईसल्यान्ड पिक (६१८९ मि) आरोहण गरिसकेका छन् । आफु जस्तै एकल महिलालाई घरबाहिर आउनु पर्छ भन्ने हौसला दिन र पर्यटन बर्ष २०२० को प्रचारप्रसार गर्नु आरोहणको मुख्य उद्देश्य रहेको उनीहरुले बताए।
